“သူတို့က ဒီတိုင်းရင်းသားတွေရဲ့ လိုအပ်ချက်တွေကို ထည့်သွင်းရေးဆွဲတာ လုံးဝမတွေ့ခဲ့ရဘူး”

ပြည်သူ့လွှတ်တော်ကိုယ်စားလှယ် ဒေါ်ခင်စောဝေနှင့် ဆက်သွယ်မေးမြန်းခြင်း

The Voice Journal – အခြေခံဥပဒေပြင်ဆင်ရေးမူကြမ်းနှစ်ခု လွှတ်တော်ကို NLD က တင်ထားတယ်။  အဲဒီတော့ တိုင်းရင်းသားပါတီတွေ လိုလားချက်၊ အန်တီတို့ပါတီလိုလားချက်က NLD ပါတီက တင်တဲ့  ဒီဥပဒေကြမ်းနှစ်ခုမှာ ပါလားရဲ့လား။ 

DKSW –  မပါဘူးလေ (ရယ်လျက်)။

The Voice Journal – မပါဘူးဆိုတော့ အန်တီတို့က ဘာလိုချင်တာလဲ။ အထူးသဖြင့် တိုင်းရင်းသားတွေ ဘက်ကပေါ့။

DKSW- အန်တီတို့ ရခိုင်အမျိုးသားပါတီက လူများ စုနိုင်ခဲ့တယ်လေ။ အဲဒီမှာ ဒီပုဒ်မ ၂၆၁ ပေါ့။ အဲဒီမှာ  ပုဒ်မ ၂၆၁ ကို နိုင်လာတဲ့ ကိုယ်စားလှယ်တွေက လွှတ်တော်ထဲမှာ မဲပေးမှုနဲ့ ပြင်ချင်တယ်။ သမ္မတ တိုက်ရိုက်ခန့်တဲ့ ဟာမျိုးမဟုတ်ဘဲနဲ့  လွှတ်တော်ထဲမှာ မဲပေးပြီး ဝန်ကြီးချုပ်ကို ပြည်နယ်လွှတ်တော်ကနေ  တိုက်ရိုက်ခန့်ချင်တယ်ပေါ့။ အဲဒီလို ပုဒ်မ ၂၆၁ ကို  အဓိကပြင်ချင်တယ်။

နောက်ပြီးတော့ နောက်တစ်ခုက ပြည်နယ်ဖွဲ့စည်းပုံပေါ့နော်။ ပြည်နယ်ဖွဲ့စည်းပုံကိုလည်း အန်တီတို့ပါတီက ထည့်သွင်းရေးဆွဲခဲ့တယ်။ နောက်တစ်ခုက အန်တီတို့က ဗဟိုချုပ်ကိုင်မှုစနစ်ကို လျှော့ပြီးတော့ပေါ့နော် ပြည်နယ်အစိုးရ၊ ပြည်နယ်လွှတ်တော်တွေကို  လုပ်ပိုင်ခွင့်တွေ၊ ဥပဒေပြုခွင့်တွေ ပေးစေချင်တယ်။  အဲဒါတွေကို အဓိကထည့်ပေးခဲ့တယ်။ ဒါပေမဲ့လည်း  လောလောဆယ်မှာ သူတို့က ဒီတိုင်းရင်းသားတွေရဲ့ လိုအပ်ချက်တွေကို ထည့်သွင်းရေးဆွဲတာ လုံးဝမတွေ့ခဲ့ရဘူး။ အန်တီတို့ပါတီက ၄၅ ဦးကော်မတီမှာ ပါခဲ့တယ်။ ဒါပေမဲ့လည်း နောက်ပိုင်းမှာက ဒီလိုမျိုးပုံစံတွေကို မြင်လာတဲ့အတွက် ဘာမှလုပ်လို့မရဘူး။ တိုင်းရင်းသားပါတီတွေအတွက်လည်း အကျိုးထူးလာမှာ မဟုတ်တဲ့အတွက် အန်တီတို့ ရခိုင်အမျိုးသားပါတီက နှစ်ယောက်က ၄၅ ဦးကော်မတီကနေ နုတ်ထွက်ခဲ့ခြင်း ဖြစ်တယ်။

The Voice Journal – အဲဒါဆိုရင် ဥပဒေကြမ်း နှစ်ခုခွဲတင်တာ၊ ၄၃၆ (က) နဲ့ ၄၃၆ (ခ) ခွဲတင်တဲ့ အထဲမှာ သူတို့အပြင်မှာ ပြောနေကြတဲ့ ဒီမိုကရေစီစံနှုန်း၊ဖက်ဒရယ်စံနှုန်း ၊ နောက် အထူးသဖြင့် ပြည်နယ်နှင့် တိုင်းဒေသကြီးအစိုးရတွေ အားကောင်းအောင် ဖြေလျှော့တဲ့အချက်တွေ မပါဘူးလား။

DKSW- လောလောဆယ်မှာ အဲဒါတွေ အဓိက တွေ မပါဘူးလေ။ ပုဒ်မ ၂၆၁ က ကျတော့လည်း USDP က ဦးသိန်းထွန်းက သီးသန့်တင်ထားရှိတယ်။  သူရဲ့ ဒီဥပဒေကြမ်းလွှတ်တော် တက်လာရင်လည်း အန်တီတို့ ဝင်ဆွေးနွေးမှာ။ နောက်တစ်ခုက အန်တီတို့လို ဥပဒေကို ဘယ်လိုပဲပြင်ဆင်ချင်ပါစေ လွှတ်တော် ကိုယ်စားလှယ်အားလုံး သိတယ်။ ဥပဒေတွေ လေ့လာတဲ့ သူတွေ အားလုံးသိတယ်။ ဒီပုဒ်မ ၄၃၆ ကို မပြင်နိုင်သရွေ့ ၊ ဥပမာ – ၇၅ ရာခိုင်နှုန်းကျော်မှ ဒီ ၂၀၀၈ ဖွဲ့စည်းပုံကို ပြင်ဆင်နိုင်မယ်လို့ ပြောထားတာကိုး။ အဲဒီအတွက်ကြောင့် ဒီ၄၃၆ (က၊ ခ) က  ပြင်နိုင်ဖို့ အဓိက အရေးကြီးပါတယ်။ အခုလိုဘယ်လိုပဲ ဥပဒေကြမ်းကို ပြည်ထောင်စုလွှတ်တော်ထဲမှာတင်တင် ပုဒ်မ ၄၃၆ တွေကို မကျော်နိုင်ဘူးဆိုရင် ဘယ်ဥပဒေမှ ပြင်ဆင်ခွင့် မရှိဘူး။ အဲဒါလေးတစ်ခုကတော့ အင်မတန်အရေးကြီးပါတယ်။ အခုချိန်မှာ NLD အစိုးရကလည်း တပ်နဲ့ ဆိုလို့ရှိရင်လည်း အခြေအနေက အားလုံးသိတဲ့အတိုင်းပဲ။ တကယ်က ဒီခေါင်းဆောင်ပိုင်းတွေက သဟဇာတ ဖြစ်ဖို့လိုတယ်။ ယုံကြည်မှုတည်ဆောက်ဖို့လိုတယ်။  အဲဒီတော့မှ ဒီဥပဒေကြမ်းတွေကို၊ ဒီ၂၀၀၈ ဖွဲ့စည်းပုံရဲ့  ၄၃၆ ကို ပြင်နိုင်မှာ။ အခုဆိုရင်တော့ NLD က  ပြင်တယ်။ သုံးပုံနှစ်ပုံရဲ့ ထောက်ခံမှုရှိရင် ဥပဒေကို ပြင်နိုင်တယ်လို့ ပြင်ထားတယ်။ ဒါပေမဲ့ ဒီပုဒ်မ ၄၃၆ မှာ ပါတဲ့ (လက်ရှိပြဋ္ဌာန်းချက်) ၇၅ ရာခိုင်နှုန်းကို ဘယ်လို ကျော်နိုင်မလဲ။ အဲဒါကလည်း အန်တီတို့လွှတ်တော်ထဲမှာ မဲခွဲဆုံးဖြတ်ရမှာ။ အဲဒီတော့ ၇၅ ရာခိုင်နှုန်းကျော်ဖို့ဆိုတာ မလွယ်ဘူး။ နောက်တစ်ခုက ဇယား (၃)၊  ဇယား (၅) တွေကို အခွန်၊ အခကောက်တာတို့ ဘာတို့ ဆိုတာက ဒီဥပဒေကြမ်းမှာ ၄၃၆ နဲ့တော့ မဆိုင်ဘူး။  ဒါတွေကို ပြင်လို့တော့ ရပါတယ်။ အဲဒီတော့ ပြည်သူ့အစိုးရတစ်ရပ်အနေနဲ့ တိုင်းရင်းသားတွေပေါ်မှာ အလေးထားဆိုရင်တော့၊ သူတို့ စိတ်စေတနာရှိတယ်ဆိုရင်တော့ ဒီပုဒ်မတွေကို ပြင်ဆင်ပေးသင့်တယ်လို့ ဆိုချင်တယ်။

The Voice Journal – သူတို့ဆန္ဒရှိရင် ဇယား  (၃) နှင့် (၅) ကို ပြင်လို့ရတယ်လို့ ဆိုလိုတာပေါ့။

DKSW – ဟုတ်တယ် ပြင်လို့ရတယ်။ ပထမ လွှတ်တော်သက်တမ်းမှာလည်း ပြင်ခဲ့တယ်။

The Voice Journal – ဆိုတော့ ဥပဒေကြမ်းနှစ်ခုကို လေ့လာကြည့်တဲ့အခါ သုံးမျိုးတွေ့တယ်။ ပထမက  စကားလုံးအနက်အဓိပ္ပာယ်ကို ပြင်ဆင်တာ၊ မသန် မစွမ်းဆိုတဲ့နေရာမှာ မသန်စွမ်းဆိုတဲ့ ပုဒ်မထည့်တာမျိုး။ နောက်တစ်ခုက တပ်မတော်ကာကွယ်ရေးဦးစီးချုပ်ရဲ့ လုပ်ပိုင်ခွင့်ကိုလျှော့ချပြီးတော့ အရပ်သားအစိုးရ လုပ်ပိုင်ခွင့်တိုး မြင့်တာပါမယ်။ နောက်တစ်ခုက  ၄၃၆ လိုမျိုး အရေးကြီးတဲ့ ပုဒ်မတွေ ပြင်တာပါမယ်။ ဆိုတော့ NLD တင်တဲ့ အခြေခံဥပဒေကြမ်းနှစ်ခုကို အန်တီ ဘယ်လိုသုံးသပ်နိုင်မလဲ။

DKSW – ဒါကတော့ သူတို့လိုအပ်ချက်အရ တင်တာပေါ့။ တပ်မတော်သည် သမ္မတအောက်မှာ ဘယ်လိုပဲရှိရှိ ၄၃၆ ကို ပြင်နိုင်ဖို့ အရေးကြီးတယ်။ အန်တီကတော့  ဘာကိုပဲပြင်ပြင်ပါ။ ဒီ ပုဒ်မ ၄၃၆ ကို မကျော်နိုင်ဘဲနဲ့  ဒီပန်းတိုင်ကို မရောက်နိုင်ဘူး။ ဒီပန်းတိုင်ကိုရောက်ဖို့ဆိုရင် ၄၃၆ ကို ကျော်လွှားနိုင်ဖို့ အရင်ဆုံး ကြိုးစားရပါလိမ့်မယ်။

The Voice Journal – အခုကမ်းလှမ်းချက်အချို့ ရှိတယ်ပေါ့လေ။ လွှတ်တော်မှာ တပ်မတော်သားပါဝင်ဖို့  ၁၅ ရာခိုင်နှုန်း၊ ၁၀ ရာခိုင်နှုန်း၊ ၅ ရာခိုင်နှုန်း အဆင့်ဆင့်လျှော့ချတဲ့ ကမ်းလှမ်းချက်တွေ ရှိတယ်။ သို့သော်လည်း အချို့ပုဒ်မမှာဆိုရင် ကာကွယ်ရေးပြည်ထဲရေး  နယ်စပ်ခြုံရေးတို့လို ဝန်ကြီးဌာနတွေမှာ တပ်မတော် သားခန့်တယ်ဆိုလို့ရှိရင် တပ်မတော်သားကနေ နုတ်ထွက်ရမယ်လို့ ပြင်လိုက်တယ်။ တစ်ဖက်မှာ ကျတော့လည်း နေပြည်တော်ကောင်စီတို့ ပြည်ထောင်စုအဆင့်ဝန်ကြီးတွေမှာကျတော့ ပါတီတာဝန်ကို ထမ်းဆောင်လို့ရတယ်ဆိုတဲ့ အချက်မျိုး ပြင်ထားတာ တွေ့ရတယ်။ ကျွန်တော် စဉ်းစားမိတာက NLD ရဲ့ ကမ်းလှမ်းချက်က တစ်ဖက်က လက်ခံနိုင်တဲ့ မျှမျှတတဖြစ်တဲ့ အပေးအယူမျိုး ဒီအချိန်မှာဖြစ်ရဲ့လား။  ဆိုလိုတာက အလုပ်ဖြစ်တဲ့ အပေးမယူဖြစ်လာမလား  သုံးသပ်ပေးပါ။

DKSW – အဲဒါကတော့ မျှမျှတတ မဖြစ်နိုင်ဘူးလို့ အန်တီတို့တော့ သုံးသပ်ချင်တယ်။ ဘာလို့လဲဆိုတော့ NLD က တင်တဲ့ ဒီဥပဒေကြမ်းကို ကြည့်လိုက်ခြင်းအားဖြင့် ပြင်ဆင်ဖို့အခြေအနေကတော့ မဖြစ်နိုင်ဘူး။ ခုန အန်တီ ပြောခဲ့သလိုပဲ။ ဒီ၄၃၆ ကို ပြင်ကို ပြင်ရမှာ။ အဲဒါကို ပြင်ရမှာနော့။ ဒီပုဒ်မက အရေးကြီးဆုံး။ အန်တီတို့ကို (၄၅ ဦးကော်မတီက) ဖိတ်ခေါ်တုန်းကတော့ တိုင်းရင်းသားပေါင်းစုံနဲ့ တစ်သီးပုဂ္ဂလတွေကို ဖိတ်ခေါ်ခဲ့တယ်။ အန်တီတို့ပါတီကလည်း အချက်  ၈၀၀ ကျော်ကို တင်ပြခဲ့တယ်။ အဲဒီအထဲမှာ တစ်ချက်မှ မပါဘူးဆိုကတည်းက ဒါတိုင်းရင်းသားအရေးကို အလေးထားမှုမရှိဘူးဆိုတဲ့အချက်က ပေါ်လွင်နေတာ။ အဲဒီအတွက်ကြောင့် မျှတမှု ရှိ၊ မရှိဆိုတာကတော့  ဘယ်သူမဆို ဒါကို တိုင်းရင်းသားတွေအနေနဲ့လည်း  မမျှတဘူးဆိုတာ ပြောလို့ရတယ်။

The Voice Journal – ဒါဆိုလို့ရှိရင် ဒီအပေး အယူ ဒါမှမဟုတ် ဒီအခြေခံဥပဒေပြင်ဆင်ရေးက နောက်ဆုံးမှာ ဘာဖြစ်သွားမယ်ထင်လဲ။

DKSW- နောက်ဆုံးမှာ ဘာမှဖြစ်မလာဘူး။ ဒီအတိုင်း ဒီအတိုင်းပဲရှိဦးမှာပဲ။ ဘာဖြစ်လို့လည်းဆိုတော့ ပုဒ်မ ၄၃၆ ကို တပ်ကမထောက်ခံဘူး၊ တပ်မတော်သား လွှတ်တော်ကိုယ်စားလှယ်တွေက မထောက်ခံဘူးဆို ဒီဥပဒေက ပြင်လို့မှ မရတာ။ အဲဒါ ကြောင့် အန်တီခုနကပြောခဲ့သလိုပဲ။ တပ်မတော်သားတွေနဲ့ ယုံကြည်မှုတည်ဆောက်ရမယ်။ သဟဇာတ ဖြစ်ရမယ်။ အဲဒီတော့မှပဲ ဒီဥပဒေကို ပြင်ဆင်လို့ရမယ်။ အဲဒီတော့ ဒီအခြေခံဥပဒေကို လွှတ်တော်မှာ ပြင်ရင်လည်း အောင်နိုင်ဖွယ်မရှိဘူးလို့ အန်တီမြင်ပါတယ်။

The Voice Journal – အန်တီပြောသလိုမျိုး  ဒီအခြေခံဥပဒေပြင်ဆင်ရေးက နောက်ဆုံးမှာ ဘာမှ ဖြစ်မလာဘူးဆိုလို့ရှိရင် ပထမတစ်ချက်က NLD  ကပဲ အပေးအယူလုပ်တဲ့အနေရာမှာ အားနည်းချက် ရှိတာလား။ ဒါမှမဟုတ်ရင် တပ်မတော်ဘက်ကပဲ အခြေခံဥပဒေပြင်ဆင်ပြောင်းလဲရေးမှာ စိတ်အားထက်သန်မှု မရှိတာလား။ ဘာကြောင့်ဖြစ်မလဲ။

DKSW – ဒါကြောင့်လည်း နှစ်ဦးနှစ်ဖက်နဲ့ ဆိုင်တယ်လို့ အန်တီပြောချင်တယ်။ တပ်မတော်နဲ့  NLD  အန်တီတို့ လွှတ်တော်မှာ ဆွေးနွေးတာကြည့်ရင်လည်း သားတို့ သိမှာပါနော်။ ဟိုဘက်နဲ့ ဒီဘက်နဲ့က အတိုက်အခံလို ပုံစံမျိုး ပြောနေကြတာလေ။ အဲဒီတော့ ဒီဥပဒေပြင်မယ်ဆိုရင်တော့ ပထမလွှတ်တော်သက်တမ်းမှာလည်း ပြင်ပြီးပြီ။ မရတဲ့ဟာလည်း မရခဲ့ဘူးပေါ့နော့။ တစ်ကယ်ကတော့ ဒီ ၂၀၀၈ ဖွဲ့စည်းပုံကို ပြင်မယ်ဆိုရင်တော့ အဓိက အခရာကျတာကတော့ တပ်မတော်ပါပဲ။ တပ်မတော်သားတွေက  တကယ်လည်း ဒီတိုင်းပြည်ကြီးအတွက် ကောင်းသွားမယ်၊ ဒီတိုင်းပြည်က တကယ့်ကို ပြုပြင်ပြောင်းလဲမှုကို ရောက်နေပြီဆိုရင် သူတို့တော့ တစ်နေ့နေ့ ပြောင်းလဲမယ်လို့ ပြောထားတာရှိတယ်။ ဒါပေမဲ့ ဒါက ဘယ်အချိန်မှာ ဖြစ်လာမလဲဆိုတာ အန်တီတို့ မပြောနိုင်ဘူး။ ဒါပေမဲ့လည်း အန်တီတို့ ၂၀၂၀ ရွေးကောက်ပွဲ အခြေအနေကို ကြည့်ရဦးမှာ ဖြစ်ပါတယ်။ အန်တီတို့ တိုင်းရင်းသားတွေ မျှော်မှန်းနေတဲ့၊ လူတိုင်းမျှော်မှန်းနေတဲ့ ညွန့်ပေါင်းအစိုးရ ဖြစ်လာမလား။

အန်တီတို့ကတော့ လွှတ်တော်ကိုယ်စားလှယ်ဆိုတာက ဥပဒေပြုတဲ့သူလေ။ အဲဒါကြောင့်မို့လို့ ဒီ  ၂၀၀၈ ဖွဲ့စည်းပုံကတော့ ဘယ်အစိုးရတက်တက် ဒီလိုပဲ ပြင်ဆင်သွားရမှာပဲ။ ရသော်ရှိ၊ မရသော်ရှိ ပြင်ရမှာပဲ။  အဲဒီတော့ အန်တီတို့ကလည်း ဒီဥပဒေကြမ်းလွှတ်တော် တက်လာလို့ရှိရင် အန်တီတို့နဲ့ သက်ဆိုင်တဲ့  ဥပဒေကို ဆွေးနွေးသွားမှာပဲ။ ဥပဒေပြုတယ်ဆိုတာက  လွှတ်တော်ကိုယ်စားလှယ်တွေရဲ့ တာဝန်တစ်ရပ်ပဲ။  အရင်အစိုးရလက်ထက်ကလည်း ဒီ ၂၀၀၈ ဖွဲ့စည်းပုံ ကို ပြင်ခဲ့တာပဲ။ တစ်ကယ်က တပ်မတော်က လုံးဝ မပြင်ဆင်ပေးနိုင်ဘူး ဆိုသရွေ့တော့ ဒီဟာကိုတော့  မပြင်နိုင်သေးဘူးလို့ ပြောချင်တယ်။

ရဲနိုင်ဦး

You may also like...

Leave a Reply

Your email address will not be published. Required fields are marked *