လွတ်လပ်၍ သမာသမတ်ကျသော

(The Voice Weekly, Vol-13/No-21)

မြန်မာနိုင်ငံသည် သတင်းမီဒီယာနှင့် စိမ်းနေဆဲ။ သတင်းမီဒီယာရှေ့မှ ‘လွတ်လပ်၍ သမာသမတ်ကျ သော’ ဟူသည့် နာမဝိသေသန ကပ်လိုက်လျှင် ပိုပြီးပင်စိမ်းမည်။

သတင်းမီဒီယာဟူသည် အများပြည်သူတို့ သိသင့်သိထိုက်သည်များကို ဖတ်ချင်စဖွယ်ဖြစ်အောင်၊ နားထောင်ချင်စဖွယ်၊ သိချင်စဖွယ်ဖြစ်အောင် တင်ဆက်ရေးသားထုတ်လွှင့်ကြသည့် နည်းပညာ တစ်ရပ်ပင် ဖြစ်သည်။ သတင်းစာဂျာနယ်၊ ရေဒီယို၊ ရုပ်မြင်သံကြား၊ အင်တာနက် စသည် ကွဲပြားသွား သော်လည်း အထက်ပါ သဘောတရားနှင့် ညီညွတ်လျှင် သတင်းမီဒီယာသာ။

သတင်းမီဒီယာသည် လက်ရှိ နိုင်ငံရေး၊ စီးပွားရေးနှင့် လူမှုရေး အခြေအနေမှန်များကို သတင်းအချက် အလက်၊ အတွေးအခေါ်နှင့် အယူအဆများအဖြစ်ဖြင့် ရှုထောင့်စုံမှ တင်ပြနိုင်ရန် တာဝန်ယူကြရသည်။ သတင်းမီဒီယာ၏ခေတ်ကို ထင်ဟပ်နိုင်မှုသည် နိုင်ငံတစ်နိုင်ငံတွင် မှီတင်းနေထိုင်ကြသော ပြည်သူ အများ၏ ကိုယ်စီဘဝဆုံးဖြတ်ချက်များ မှန်ကန်ရေးအတွက် အရေးကြီးလှသဖြင့် နိုင်ငံ တည်ဆောက် ရေးနှင့် ဒီမိုကရေစီ ခိုင်မာတည်တံ့ရေးတို့တွင် အဓိက ဒေါက်တိုင်ကြီးတစ်ခုအဖြစ် ပညာရှင်များက သတ်မှတ်ကြသည်။

နိုင်ငံတစ်နိုင်ငံ၏ ဒီမိုကရေစီ အဆင့်အတန်းကို တိုင်းတာရာတွင် ထိုနိုင်ငံရှိ သတင်းမီဒီယာများ လွတ်လပ်မှုနှင့် အားကောင်းမောင်းသန် ရှိမှုတို့သည် အဓိက ပေတံတစ်ချောင်း ဖြစ်သည်။

နိုင်ငံတစ်နိုင်ငံ တရားမျှတ၊ လွတ်လပ်စွာ လည်ပတ်နိုင်ရေးအတွက် အချင်းချင်း အပြန်အလှန် ထိန်းကျောင်းလုပ်ဆောင်လျက် ရှိသော အုပ်ချုပ်ရေး၊ ဥပဒေပြုရေးနှင့် တရားစီရင်ရေးမဏ္ဍိုင်တို့ကို စောင့်ကြည့် ကြပ်မတ်ထိန်းကျောင်းပေးခြင်းကို အားကောင်းမောင်းသန် သတင်းမီဒီယာက တာဝန်ယူ ရသည်။ အဆိုပါ မဏ္ဍိုင်သုံးရပ်၏ စောင့်ကြည့်ကြပ်မတ် ထိန်းကျောင်းမှုကို သူကိုယ်တိုင်လည်း တစ်ပြန်တစ်လှည့် လက်ခံရသည်။

ထိုသို့ တာဝန်ကြီးမားသည်နှင့်အမျှ သိသင့်သိထိုက်သည့် သတင်းအချက်အလက်၊ အတွေးအခေါ်နှင့် အယူအဆများကို ပြည်သူအများထံ ပို့ဆောင်ရာတွင် ဘက်လိုက်မှု ကင်းနိုင်ခြင်းသည် သတင်းမီဒီယာ ၏ ဂုဏ်ရည်ဖြစ်သလို ကျင့်ဝတ်လည်း ဖြစ်သည်။ သို့သော် သတင်းမီဒီယာသမားများသည် လူသားများဖြစ်သည့်အတွက် အစွဲကင်းရန်ခက်သည်။ သတင်းမီဒီယာ၏ ကိုယ်ခံအစွဲ မည်သို့ပင် ရှိနိုင်သော်လည်း သတင်းအချက်အလက်၊ အတွေးအခေါ်နှင့် အယူအဆအမျိုးမျိုးကို ဘက်စုံ၊ ထောင့်စုံမှ စုံလင်စွာ တင်ပြခြင်းဖြင့် ထိုအစွဲ အခက်အခဲကို ဖြေရှင်းနိုင်သည်။

အတိုချုပ်ပြောရလျှင် သတင်းမီဒီယာများသည် စင်မြင့်များ Platform များ ဖြစ်သည်။ လက်ရှိလောကတွင် အားပြိုင်နေသော အကြောင်းအရာများ၊ အယူအဆများ၊ အဖြစ်အပျက်များကို ပြည်သူအများ မြင်နိုင်၊ ခံစားနိုင်အောင်၊ အကျိုးရှိစွာ ထုတ်နုတ်သုံးစွဲနိုင်အောင် စင်တင်ပေးသည်။ သတင်းမီဒီယာများသည် အုပ်ချုပ်ရေးယန္တရားတွင် မပါဝင်သော်လည်း ကိုယ့်တာဝန် ကျေပွန်ခြင်းဖြင့် အုပ်ချုပ်ရေးယန္တရားကို တိုက်ရိုက်ကူညီသည်။

အသွင်ကူးပြောင်းဆဲ မြန်မာနိုင်ငံသည် ဒီမိုကရက်တစ် Institution များ၏ သဘောသဘာဝနှင့် စိမ်းနေသေးသည်။ လွန်ခဲ့သော ငါးနှစ်ကျော်ကမှ လွှတ်တော် Institution ပြန်လည်ပေါ်ပေါက်လာသည်။ သတင်းမီဒီယာ Institution သည်လည်း ထိုနည်းလည်းကောင်း။ ထို့အပြင် အမျိုးသားရင်ကြားစေ့ရေးအတွက် အထူးတလည် ကြိုးစားနေရသေးသည့် နိုင်ငံဖြစ်သောကြောင့် သူ့ဘက်ကိုယ့်ဘက် ‘ဘက်ဖြင့်’ စဉ်းစားမှုများ ကြီးမားလွန်းသည့်အတွက် လွတ်လပ်စွာ၊ သမာသမတ်ကျစွာ ရပ်တည်လိုသော သတင်းမီဒီယာများ အနေဖြင့် ကိုယ့်တာဝန် ကိုယ်ကျေရန်ပင် အခက်အခဲများစွာ ကြုံနေရသည်မှာ မဆန်း။ သတင်းမီဒီယာအပေါ် နားလည်မှုနှင့် ယုံကြည်မှုကို အချိန်ကသာ တည်ဆောက်နိုင်လိမ့်မည်။

‘ဟိုဘက်ကကြည့်လျှင် သည်ဘက်နှင့် နီးစပ်သည်၊ သည်ဘက်ကကြည့်လျှင် ဟိုဘက်နှင့် ပင်းသည်’ ဟု အထင်ခံရခြင်းသည် အလယ်တည့်တည့်ရပ်သော သတင်းမီဒီယာတို့၏ ဂုဏ်အင်္ဂါရပ်ဟုဆိုလျှင် The Voice သည် လမ်းမှန်ပေါ်တွင် လျှောက်လှမ်းနေသည်။ ယင်းသည် မြန်မာနိုင်ငံ၏ ပကတိအခြေအနေလည်း ဖြစ်သည်။

အယ်ဒီတာ (၂၁.၆.၂၀၁၇)

You may also like...

Leave a Reply

Your email address will not be published. Required fields are marked *