ရန်ကုန်က နေစရာအိပ်မက်
ကျောတစ်ခင်းစာနေရာအတွက် နေ့စဉ်နှင့်အမျှ ရင်မောနေရသည်က ရန်ကုန်မြို့နေလူထု။
ရန်ကုန်မြို့၏ပကတိအခြေအနေသည် လူနေမှုစရိတ်စကကြီးမြင့်ပြီး လူနေအိမ်ရာ၊ကွန်ဒိုနှင့်တိုက်ခန်းဈေးနှုန်း များလည်း မိုးထိမြင့်မားနေဆဲဖြစ်သည်။ အာဆီယံနိုင်ငံများတွင် ဈေးအကြီးဆုံးဟုပင် သတ်မှတ်လေ့ရှိသည်။ ထိုဈေးနှုန်းကြောင့်ပင် ရန်ကုန်သည် အိမ်ပိုင်ဆိုင်ခွင့်အိပ်မက်များစွာကို ရိုက်ချိုးထားသည်။ အခြေခံ လူတန်းစားများအတွက် အိမ်ပိုင်ခွင့်အိပ်မက်မက်ခွင့်မဲ့ သောနေရာသည်ရန်ကုန်ဟုပင်ဆိုရမည်။
သို့သော်၂၀၁၄ခုနှစ်နောက်ပိုင်း တအိအိကျဆင်းလာခဲ့သည့် အိမ်၊ ခြံ၊ မြေ ဈေးကွက်ကြောင့်မိုးထိုးအိမ်၊ ခြံ၊ မြေ ဈေးကျဆင်းလာမလားဟု တွက်ဆလာကြသည်။ ထို့အပြင်အရှိန်ရလာသောကွန်ဒိုနှင့်တိုက်ခန်းများဖော်ထုတ်မှု ကြောင့်လည်း အိမ်ဈေးများ ကျဆင်းလာလိမ့်မည်ဟုယူဆကြသည်။
အနာဂတ်အိမ်၊ခြံ၊မြေဈေးကွက်ကအဘယ်နည်း။ အထူးသဖြင့် မြို့ပြနေလူထုအတွက် အရေးပါသည့် ကွန်ဒို၊ တိုက်ခန်း ဈေးကွက်က မည်သို့နည်း။
မိုးမျှော်တိုက်များ
အစိုးရသစ်တက်လာချိန်တွင် ရန်ကုန်မြို့၏အထပ်မြင့်ကွန်ဒို၊တိုက်ခန်းအချို့ကို မြို့ပြအင်္ဂါရပ်နှင့်ကိုက်ညီမှုရှိ၊မရှိ စစ်ဆေးရန်တည်ဆောက်ခွင့် ရပ်ဆိုင်းခဲ့သည်။ သို့သော်လအနည်းငယ်ကြာချိန်တွင် ပုံမှန်အတိုင်းပင် ပြန်လည် လုပ်ကိုင်ခွင့်ပေးခဲ့သည်။
အဆိုပါ အထပ်မြင့်ကွန်ဒိုဆောက်လုပ်ရေးလုပ်ငန်းများသည် လက်ရှိတွင်အရှိန်ရစပြုလာသည်။ ရပ်ဆိုင်းမှုတွင် မပါဝင်သော ဆောက်လုပ်ရေးလုပ်ငန်းများလည်း ရုပ်လုံးပေါ်လာကြပြီဖြစ်သည်။
ကွန်ဒိုများ၊ အိမ်ရာများ၊ စီးပွားရေးဆိုင်ရာအဆောက်အအုံများစွာ အပြိုင်အဆိုင်ပေါ်ထွက်လာသည်။ ရန်ကုန်တွင် တည်ဆောက်ရေးလုပ်ငန်းများ စတင်နေသည့် အထပ်မြင့်ကွန်ဒိုစီမံကိန်း၁၉၀ကျော် ရှိသည်ဟု ဆောက်လုပ်ရေးလုပ်ငန်းရှင်များက ဆိုသည်။
အဆိုပါစီမံကိန်းများ ပြီးစီးပါက လာမည့်သုံးနှစ်အတွင်း ရန်ကုန်မြို့တွင် နေအိမ်အခန်းပေါင်း ၁၈ç၀၀၀မှ၂၀ç၀၀၀ကြား ပေါ်ထွက်လာရန် ရှိနေသည်ဟု ခန့်မှန်းကြသည်။ ဆောက်လုပ်ရေးစီမံကိန်းများ အပြိုင်အဆိုင် ဖြစ်လာခြင်းကြောင့် သူ့ထက်ငါ ဈေးကွက်ထိုးဖောက်ရောင်းချရန် ပြင်ဆင်လာပြန်သည်။
ကွန်ဒိုအရည်အသွေးပိုင်းအဆင့်မြှင့်တင်လာကြပြီး ဈေးနှုန်းများလည်း ပြောင်းလဲလာခဲ့ကြောင်း Your Property Finder ကုမ္ပဏီလီမိတက်၏ မန်နေဂျင်း ဒါရိုက်တာဒေါ်ချမ်းမြသူကဆိုသည်။
“ဈေးကွက်ထဲမှာတွေ့ရတာက Competition (ပြိုင်ဆိုင်မှု)တွေ များလာတယ်။ Project တွေလည်း နေရာ တော်တော်များများမှာ တွေ့နေရပါတယ်။ ကြိုပွိုင့်တွေရော၊ ပြီးပြီးသား Properties တွေရော တွေ့နေရတယ်။ အပြိုင်အဆိုင်တွေက ဘာတွေပြိုင်သလဲ ဆိုရင် အရည်အသွေးပိုင်းနဲ့ ဈေးနှုန်းပိုင်းမှာ အဓိက ပြိုင်ဆိုင် လာကြတယ်” ဟု၎င်းကဆိုသည်။
အရည်အသွေးပိုင်းတွင်နိုင်ငံတကာ စံနှုန်းများနှင့်နှိုင်းယှဉ်လာသည်ဟု ၎င်းက ဆိုသည်။ ဈေးနှုန်းကိုလည်း ကွန်ဒိုစံချိန် စံညွှန်းအဆင့်သတ်မှတ်ချက်အပေါ်မူတည်ကာ ယှဉ်ပြိုင်လျှော့ချလာခဲ့သည်။
လက်ရှိကာလသည် ဈေးနှုန်းများ အပြိုင်အဆိုင် လျှော့ချလာခြင်းကြောင့် ဝယ်ယူသူဈေးကွက်ဟုပင် ဆိုနိုင် ကြောင်း Success Property Consultant ကုမ္ပဏီလီမိတက်၏ ဒါရိုက်တာဦးကျော်စည်သူက ဆိုသည်။
“ဒီအချိန်ကဝယ်သူရဲ့ Market လို့ ပြောလို့ရတယ်။ ရေရှည်အတွက် ဒီအချိန်က ဝယ်လို့ကောင်းတယ်။ ဈေးတွေ က အပြိုင်အဆိုင်လေးတွေ လုပ်ကြတဲ့အတွက် ဝယ်လို့ကောင်းတဲ့အချိန်ပေါ့” ဟု၎င်းကဆိုသည်။
ဈေးနှုန်းပြိုင်ဆိုင်မှုရှိသော်လည်း ကွန်ဒိုတိုက်ခန်းဈေး အလွန်အကျွံကျဆင်းမည်မဟုတ်ဟု ၎င်းကထင်မြင်သည်။ ဈေးနှုန်းမျှတသွားသည့် အခြေအနေဖြစ် နိုင်သည်။ ဆောက်လုပ်ရေးကုန်ပစ္စည်း စုစုပေါင်း၉၀ရာခိုင်နှုန်းကျော်ကို ပြည်ပမှတင်သွင်းရခြင်းဖြစ်ပြီး တည်ဆောက်ရေး ကုန်ကျစရိတ်များ မြင့်မားခြင်းကြောင့် ကွန်ဒိုတိုက်ခန်း ဈေးလည်း အလွန်အကျွံမကျနိုင်ကြောင်း ၎င်းကဆိုသည်။
ပြိုင်ဆိုင်မှုကြောင့် ကွန်ဒိုတိုက်ခန်းဖော်ထုတ်သူ (Developer) များ အနေနှင့်လည်း အကျိုးအမြတ် အလွန်အကျွံ မြှင့်တင်ရောင်းချရန်လည်း မဖြစ်နိုင်ပေ။ သို့ဆိုလျှင် ကွန်ဒိုဈေးတည်ငြိမ်သွားနိုင်သည်။
လက်ရှိကွန်ဒိုတိုက်ခန်းဈေးမှာ တစ်ပေပတ်လည်အမေရိကန်ဒေါ်လာ၁၂၀မှ၃၅၀ (ကျပ်၁၆၀ç၀၀၀မှ ကျပ် ၄၇၀ç၀၀၀) ကြားတွင် ရှိသည်။ နေရာထိုင်ခင်း၊ ဝန်ဆောင်မှုများပေါ်တွင် မူတည်ကာ ဈေးကွာခြားသည်။ အဆိုပါနှုန်းထားသည့် ကွန်ဒိုဝယ်ယူသူများ လက်ခံနိုင်သည့်နှုန်းထားတစ်ခုဖြစ်ပြီး ယင်းထက်ဈေးမြင့်လျှင် ဝယ်ယူရန်အခက်အခဲရှိသည်။
ကွန်ဒိုတိုက်ခန်းဈေးမှာ လက်ရှိ ပေါက်ဈေးအတိုင်း ဆက်လက်တည်ရှိနေဖွယ်ရှိပြီး ဈေးကျရန် မျှော်လင့်၍ မရသေး။ လက်ရှိကွန်ဒိုဈေးကွက်မှာမူ မိုးရာသီဖြစ်နေခြင်းကြောင့် အရောင်းအဝယ်ပါးနေပြီး ပွင့်လင်းရာသီ ရောက်ပါက ဈေးကွက်ပိုကောင်းလာမည်ဟု ခန့်မှန်းကြသည်။
လိုလားချက်
သို့သော်စုပေါင်းပိုင်အဆောက်အအုံဆိုင်ရာနည်းဥပဒေ (ကွန်ဒိုဥပဒေ) အမြန်ဆုံးပြဋ္ဌာန်းနိုင်ရန် လိုအပ်သည်။ အလားတူ အိမ်၊ ခြံ၊ မြေအခွန်နှုန်းထားများ လျှော့ပေါ့ပေးနိုင်လျှင် ကွန်ဒို၊တိုက်ဈေးကွက် ပိုသွက်လက်လာ နိုင်မည် ဖြစ်သည်။
စုပေါင်းပိုင်အဆောက်အအုံဆိုင်ရာဥပဒေ (ကွန်ဒိုမီဒီယံဥပဒေ)ကို ပြီးခဲ့သည့် ၂၀၁၆ခုနှစ်ဇန်နဝါရီလအတွင်း တရားဝင်ပြဋ္ဌာန်းခဲ့သည်။ ယင်းဥပဒေအရကွန်ဒိုတိုက်ခန်းအားလုံး၏ ၄၀ရာခိုင်နှုန်းကို နိုင်ငံခြားသားများအား ရောင်းချခွင့်ရရှိမည်ဖြစ်သည်။ နိုင်ငံခြားသားသည် ၎င်းပိုင်ဆိုင်သည့်တိုက်ခန်းကို ရောင်း၊ပေါင်၊ငှားတရားဝင် လုပ်ခွင့် ရှိသည်။
သို့သော်နည်းဥပဒေထွက်ပေါ်လာခြင်းမရှိသည့်အတွက် အမှန်တကယ် ရောင်းချနိုင်ခြင်းမရှိသေးပေ။ လက်ရှိ ကွန်ဒိုဆောက်လုပ်ရေး တည်ဆောက်သူများသည် အဆိုပါနည်းဥပဒေကို မျှော်လင့်ကြသည်။ ကွန်ဒိုဈေးကွက် အခြေအနေမှာလည်း အဆိုပါဥပဒေပေါ်တွင် တိုက်ရိုက်မူတည်နေသည်ဟု ၎င်းတို့က သုံးသပ်ကြသည်။
နောက်ထပ်စိန်ခေါ်မှုမှာ အိမ်၊ခြံ၊မြေအခွန်နှုန်းထားဖြစ်သည်။ အိမ်၊ခြံ၊မြေဈေးကွက်သည် အခွန်သုံးရပ်ဖြင့် ဆက်နွှယ်သည်။ တံဆိပ်ခေါင်းခွန်၊ ရာပြတ်ခွန်နှင့် ဝင်ငွေခွန်တို့ဖြစ်သည်။
တံဆိပ်ခေါင်းခွန်သည် အိမ်၊မြေ၊အဆောက်အအုံအစရှိသည့် အခြေပစ္စည်း များဝယ်ယူခြင်း၊ လွှဲပြောင်းခြင်း၊ ပေါင်နှံခြင်းအတွက် တံဆိပ်ခေါင်းခွန်ထမ်းဆောင်ရသည်။ ယင်းတံဆိပ်ခေါင်းခွန်နှင့် ပတ်သက်ပြီး ပြီးခဲ့သည့်လ အတွင်း ၅ရာခိုင်နှုန်းမှ ၄ရာခိုင်နှုန်းသို့ ပြန်လည်ဖြေလျှော့ခဲ့သည်။
အလားတူရာပြတ်တန်ဖိုး၊ စည်းကြပ်သည့် ဝင်ငွေခွန်နှုန်းထားများ လျော့ကျလာပါက ကွန်ဒိုဈေးကွက်အပြင် အိမ်၊ခြံ၊မြေဈေးကွက်တစ်ခုလုံး ပြန်လည်ဦးမော့လာနိုင်ကြောင်း အိမ်၊ခြံ၊မြေလောကသားများက ယုံကြည်ကြသည်။
အိမ်၊ခြံ၊မြေဝင်ငွေခွန်စည်းကြပ်ရာတွင် ၁ကျပ်မှသိန်း၃၀၀အထိကို ၁၅ရာခိုင်နှုန်း၊ သိန်း၃၀၁ကျပ်မှ သိန်း၁၀၀၀အထိကို ၂၀ရာခိုင်နှုန်း၊ ကျပ်သိန်း၁၀၀၀အထက်ကို ၃၀ရာခိုင်နှုန်းကောက်ခံသည်။
“အခွန်နှုန်းထားလည်းလျှော့မယ်။နည်းဥပဒေလည်းထွက်လာရင်အိမ်၊ခြံ၊မြေကဏ္ဍတစ်ခုလုံးပိုကောင်းလာမယ်။နိုင်ငံခြားသားတွေကိုကွန်ဒိုတိုက်ခန်း၄၀ရာခိုင်နှုန်းရောင်းချပိုင်ခွင့်ရှိမယ်။အမှန်တကယ်ဈေးကွက်ထဲယုံယုံကြည် ကြည်ဝယ်ယူနိုင်မယ်” ဟု iMyanmar House.com ၏ မန်နေဂျင်းဒါရိုက်တာဦးနေမင်းသူက ဆိုသည်။
အိမ်လိုသည်
သို့သော်လည်း အိမ်ရာလိုအပ်ချက်မှာ ဆက်လက်မြင့်မားနေဦးမည်ဖြစ်သည်။ လက်ရှိရန်ကုန်မြို့အနှံ့ ပေါ်ထွက် လာသော မိုးမျှော်တိုက်များမှာမူ လက်တစ်ဆုပ်စာလူနည်းစုအတွက်သာ ဖြစ်သည်။ သိန်းထောင်ချီဈေး ပေးရသော အဆိုပါ အဆင့်မြင့်ကွန်ဒိုတိုက်ခန်းများကို အခြေခံပြည်သူများလက်လှမ်းမမီ။
“ကွန်ဒိုကတော့ Very Limit (အကန့်အသတ်အများကြီးရှိတယ်)။ ဝယ်နိုင်ဖို့လည်းမလွယ်ဘူး ဓနအင်အား အရင်းအနှီးရှိသူတွေပဲ ဝယ်ကြတယ်။ ပြည်ပကလာဝယ်တာမရှိဘူး။ ကွန်ဒိုယဉ်ကျေးမှုနဲ့ မစိမ်းတော့တဲ့သူတွေ ဝယ်ကြတယ်။ အခြေခံပြည်သူကတော့ အလှမ်းဝေးလွန်းတယ်” ဟု မြန်မာနိုင်ငံ အိမ်၊ခြံ၊မြေဝန်ဆောင်မှုအသင်း ဒုတိယဥက္ကဋ္ဌဦးသန်းဦးက ပြောကြားသည်။
အခြေခံပြည်သူများလက်လှမ်းမီသည့် တန်ဖိုးသင့်တင့်သည့် တိုက်ခန်းများ၊ တန်ဖိုးနည်းတိုက်ခန်းများ များစွာ လိုအပ်နေကြောင်း မဏ္ဍိုင်အိမ်၊ခြံ၊မြေဝန်ဆောင်မှုလုပ်ငန်း၏ ဥက္ကဋ္ဌလည်းဖြစ်သူ ၎င်းက ဆိုသည်။
“ မဖြစ်မနေဝယ်မယ့် လူဦးရေကိုတောင် မဖြည့်ဆည်းနိုင်သေးဘူး။ ဝယ်ယူ ပိုင်ဆိုင်နိုင်ဖို့ဆိုတာ ထားလိုက်ဦး။ ငှားနေနိုင်ဖို့တောင် မလွယ်ဘူး”ဟု ၎င်းက ဆိုသည်။
ရန်ကုန်မြို့သည် စက်မှုဆိပ်ကမ်းနှင့်စီးပွားရေးမြို့တော်တစ်ခုဖြစ်ပြီး လူဦးရေ ၇ ဒသမ ၃၆သန်းကျော် ရှိသည်။ လူဦးရေတိုးတက်မှုနှုန်းမှာလည်း တစ်နှစ်လျှင်၂ဒသမ၁ရာခိုင်နှုန်းခန့် ရှိသည်။
နှစ်စဉ်အိမ်ခန်းလိုအပ်ချက်မှာမူ အိမ်ခန်းယူနစ်ပေါင်း၂၅၀၀၀မှ၃၅၀၀၀အထိရှိနိုင်သည်ဟု အိမ်ခြံမြေကျွမ်းကျင် သူများကခန့်မှန်းထားသည်။ ရန်ကုန်မြို့ တွင်အိမ်ရာမဲ့ကျူးကျော်ဦးရေသည်ပင် လေးသိန်းကျော်ရှိသည်။ ၎င်းတို့ကို ပြန်လည်နေရာချထားလျှင်ပင် အိမ်ရာလိုအပ်ချက် လေးသိန်းကျော်ဖြစ်သည်။
ရန်ကုန်မြို့၏ အိမ်ရာလိုအပ်ချက်ကို ပုဂ္ဂလိကဆောက်လုပ်ရေးလုပ်ငန်းများ၏ ၇၀ရာခိုင်နှုန်းနှင့် အစိုးရက ၃၀ရာခိုင်နှုန်း ဖြည့်ဆည်းရန် ပြင်ဆင်လျက်ရှိသည်။ သို့သော် လက်ရှိအိမ်ရာ အခန်းလိုအပ်ချက်နှင့် အိမ်ရာဖော်ထုတ်နိုင်မှုပမာဏကို ယှဉ်ကြည့်လျှင် ဆင်ပါးစပ်နှမ်းပက်ရုံဖြစ်သည်။
တန်ဖိုးနည်းနှင့်တန်ဖိုးသင့်အိမ်ရာများ အဓိကဖော်ထုတ်နေသည့်ဆောက်လုပ် ရေးဝန်ကြီးဌာန၊ မြို့ပြနှင့် အိမ်ရာဦးစီးဌာနသည် လာမည့်နှစ်အတွင်း အိမ်ရာအခန်းပေါင်း ၈၀၀၀ကျော် ဖော်ထုတ်မည်ဖြစ်သည်။ ပုဂ္ဂလိက အခန်းထုတ်လုပ်လာမည်ဖြစ်သော်လည်း အမှန်တကယ်လိုအပ်ချက်ကို ဖြည့်ဆည်းနိုင်ဖွယ်မရှိသေးကြောင်း လုပ်ငန်းရှင်များကတွက်ချက်သည်။
ရန်ကုန်တိုင်းဒေသကြီး ဒဂုံမြို့သစ် (အရှေ့)ပိုင်း မြို့နယ်တွင် အကောင်အထည်ဖော်ခဲ့သည့် မဟာဗန္ဓုလအငှား အိမ်ရာသည် အိမ်ခန်းပေါင်း ၁၂၀၀ကျော် ငှားရမ်းပေးနိုင်သည့် အငှားအိမ်ရာတစ်ခု ဖြစ်သည်။ ပင်စင်စားဝန်ထမ်းများကို အဓိကငှားရမ်းပေးခြင်းဖြစ်ပြီး ယင်းအိမ်ရာငှားရမ်းခွင့် လျှောက်လွှာခေါ်ယူချိန်တွင် ပင်စင်စားဦးရေ ၃၆ç၀၀၀ကျော် လျှောက်ထားခဲ့သည်။
အိမ်ရာဖြည့်ဆည်းနိုင်မှုထက် အဆပေါင်း၃၀ကျော် များပြားနေသည်။ ထိုအခြေအနေကို ကြည့်လျှင် ရန်ကုန်မြို့၏ အိမ်ခန်းလိုအပ်ချက်မည်မျှရှိသည်ကို ထောက်ရှုနိုင်ကြောင်း ဦးသန်းဦးက ဆိုသည်။
ပုဂ္ဂလိက ကန်ထရိုက်တိုက်များမှာလည်း မြန်မာ့စီးပွားရေးနှေးကွေးနေသဖြင့် အပြီးသတ်ဆောက်လုပ်ရန် ကြန့်ကြာမှုများ ရှိနေသည်။
ထို့အပြင် ရန်ကုန်တိုင်းဒေသကြီးအစိုးရအဖွဲ့က အကောင်အထည်ဖော်မည့် မြို့သစ်စီမံကိန်းမှာလည်း လက်တွေ့အကောင်အထည်ဖော်ရန် ကြာမြင့်ဦးမည့် အနေအထားကြောင့် အိမ်ရာလိုအပ်ချက်မှာ ဆက်လက် မြင့်မားနေဖွယ်ရှိသည်။ ဆောက်လုပ်ရေးဝန်ကြီးဌာနမြို့ပြနှင့် အိမ်ရာဦးစီးဌာနက ဖော်ထုတ်သည့်အိမ်ခန်း များကို CHDB ဘဏ်နှင့် ချိတ်ဆက်ရောင်းချပေးနေသော်လည်း အလျဉ်မမီနိုင်။
CHDB ဘဏ်တွင် အိမ်ရာစုဆောင်းငွေဘဏ်စာရင်းဖွင့်လှစ်ထားသူ ၁၇ç၀၀၀ကျော်တွင် လူဦးရေ ၁၄၀၀ခန့်သာ ဖြည့်ဆည်းပေးနိုင်သည်။
တန်ဖိုးနည်းတိုက်ခန်းများသည် ဝယ်လိုအားနှင့်ရောင်းလိုအားမမျှ။ ရောင်းလိုအားရှိသော ကွန်ဒိုမီနီယံ တိုက်ခန်းမှာလည်း ဈေးနှုန်းအရ လက်လှမ်းမမီ။ လိုအပ်တာမရ၊ ရတာလက်လှမ်းမမီသည်မှာ ရန်ကုန်မြို့၏ တိုက်ခန်းပိုင်ခွင့်အိပ်မက်ပင် ဖြစ်သည်။
ယင်းနှင့် ပတ်သက်ပြီး ဦးသန်းဦးက အောက်ပါအတိုင်း ပြောဆိုသည်။
“အရမ်းကြီးအလှမ်းဝေးနေသေးတယ်” ။
နိုင်လင်းအောင်
