မိုးပျံ မြေလျှိုး မြန်မာ့စီးပွား

မြန်မာ့စီးပွားရေး လက်ရှိအခြေအနေသည် မည်သည့်ဘက်သို့ ပြောင်းသည်ဖြစ်စေ အပြောင်းအလဲကြီးတစ်ရပ်သို့ တာစူနေသည်။ မပြောင်းလျင်လည်း မရတော့။ ၂၀၁၇တွင်မှ မြန်မာ့စီးပွားရေး စမလှုပ်လျင် နောင်နှစ်များအတွက် နောက်ကျသွားမည်။ ငြိမ်းချမ်းရေးသည် တိုးတက်မှုအချို့ရှိသော်လည်း ညှိကြနှိုင်းကြရဦးမည်ဖြစ်ရာ စီးပွားရေးသည်သာ မျှော်လင့်ချက်ထွက်ပေါက်ဖြစ်သည်။

မြန်မာ့စီးပွားရေးသည် ၂၀၁၆-၂၀၁၇တွင် ၈.၆ရာခိုင်နှုန်းတိုးတက်မည်ဟု အပြည်ပြည်ဆိုင်ရာငွေကြေးရန်ပုံငွေအဖွဲ့က ခန့်မှန်းခဲ့ရာ ကမ္ဘာ့အမြင့်ဆုံးတိုးတက်နှုန်းဖြင့် တိုးတက်မည်ဟု ခန့်မှန်းလိုက်ခြင်းဖြစ်သည်။ ကမ္ဘာ့ဘဏ်က ၈.၄ရာခိုင်နှုန်းဟု ထိုနှစ်အတွက် ခန့်မှန်းသည်။ လက်တွေ့တွင် ၆.၅ရာခိုင်နှုန်းဟု ကမ္ဘာ့ဘဏ်က ပြောင်းလဲ ခန့်မှန်းသည်။ နောက်သုံးနှစ်အတွက် ခန့်မှန်းချက်သည် ၇.၁ ရာခိုင်နှုန်းပတ်ဝန်းကျင်သို့ ပြောင်းလဲခန့်မှန်းကြရာ မျှော်မှန်းချက်နိမ့်လာခြင်း။ မြန်မာပြည်ကဲ့သို့ အခြေခံနိမ့်သည့် နိုင်ငံများသည် မြောင်းပိတ်သကဲ့သို့ ဖြစ်နေရာ မြောင်းဖွင့်လိုက်လျင် ရေဒလဟောစီးသွားသကဲ့သို့ ၈၊ ၉ ရာခိုင်နှုန်းလောက်ဖြင့် တိုးတက်သင့်သည်ဟု မြင်သည့် စီးပွားရေးပညာရှင်များလည်း ရှိသည်။

နိုင်ငံခြား ရင်းနှီးမြုပ်နှံမှုသည် ၂၀၁၅-၂၀၁၆ခုနှစ်က ဒေါ်လာသန်း ၉၄၈၁.၂၈ ဖြစ်သော်လည်း ၂၀၁၆-၂၀၁၇ခုနှစ်တွင်မူ ဒေါ်လာသန်း ၆၆၄၉.၈၁ ဖြစ်သွားသည်။ ၄၀၊ ၅၀ရာခိုင်နှုန်းလောက် ကျသွားခြင်း။ အစိုးရအဟောင်းအသစ် အပြောင်းအလဲတွင် မသေချာမရေရာခြင်း၊ မူဝါဒ စည်းမျဉ်းစည်းကမ်း လုပ်ကိုင်ဆောင်ရွက်ပုံ အပြောင်းအလဲတို့ကြောင့် နိုင်ငံခြားရင်းနှီးမြုပ်နှံမှုကျဆင်းသွားသည်ဟု ထင်ရသည်။

စီးပွားရေးလုပ်ငန်းရှင်များအသိုင်းအ၀ိုင်းတွင် စိုးရိမ်ပူပန်မှုများ များပြားနေသည်။ ကိန်းဂဏန်းအချက်အလက်များ မည်သို့ပင်ရှိစေ လူတို့၏ စိတ်ပေါ်တွင် စီးပွားရေးသည် များစွာမူတည်နေသည့်အတွက် စီးပွားရေးကျနေသည်ဟူသော စိတ်ကို ဖြေပေးနိုင်ရန်လိုအပ်သည်။ ယင်းသို့ ပူပန်စိတ် ရှိနေကြောင်းကို အောက်ပါဥပမာက သက်သေခံသည်။ ၂၀၁၇တွင် စီးပွားရေး ပျံတက်မည်ဟူသော ဂျက်လေယာဉ်ဥပမာသည် ပွက်လောရိုက်စေခဲ့သည်။ စီးပွားရေးပေါ် ယုံကြည်မှု အားနည်းနေကြသည့်အတွက် ယခုကဲ့သို့ အသံထွက်ကြခြင်းဖြစ်သည်။

ရင်းနှီးမြုပ်နှံမှုဥပဒေကို ပြဌာန်းလိုက်ခြင်းသည် နိုင်ငံခြားရင်းနှီးမြုပ်နှံမှုဆွဲဆောင်ရေးတွင် တိုးတက်မှုဖြစ်သည်။ ပြည်နယ်၊တိုင်းများကို လုပ်ပိုင်ခွင့်ပိုပေးလိုက်ခြင်းသည် ပြည်နယ်နှင့်တိုင်းများနှင့် ပြည်ထောင်စုအစိုးရတို့ အာဏာခွဲဝေကျင့်သုံးသည့် ဖက်ဒရယ်စနစ်အတိုင်း သွားခြင်းဖြစ်သလို ရင်းနှီးမြုပ်နှံမှုများ ဆွဲဆောင်လက်ခံရာတွင် ပိုလက်တွေ့ကျသည်။ နိုင်ငံခြားရင်းနှီးမြုပ်နှံမှုကို ပြည်နယ်တိုင်းအစိုးရများက အကဲခတ် အကဲဖြတ်နိုင်စွမ်းကိုမူ တိုးတက်အောင် ပြည်ထောင်စုအစိုးရက ကူပံ့ရဦးမည်။

စွမ်းအင်ထုတ်လုပ်ရေးပိုင်းတွင် မူဝါဒများ ပြောင်းလဲလာသည်။ မည်သည့်စွမ်းအင်ကို သုံးစွဲမည်နည်း မူဝါဒအငြင်းအခုန်များ အရှိန်မြင့်လာသည်။ မြို့ကြီးများတွင်သာ လျှပ်စစ်မီး အဓိကသုံးစွဲနေသည့်အတွက် မီတာခကို အစိုးရက စိုက်မပေးတော့ဘဲ ဈေးတက်မည်ဟု ပြောလာသည်။ ယင်းသည် လူထုထောက်ခံမှုများသည့် အစိုးရဖြစ်သောကြောင့်သာ ပြောရဲခြင်း။ ယခင်က ထည့်စကားပြောရန်ပင် ခက်သည့် ကျောက်မီးသွေးစွမ်းအင်ကိုပင် လက်ခံစဉ်းစားလာကြသည့်အတွက် စွမ်းအင်အငြင်းအခုန်သည် စိတ်ဝင်စားဖွယ်ကောင်းလာသည်။ ထိုအငြင်းအခုန်မှ နိုင်ငံအတွက် အကောင်းဆုံးရလာဒ်ကို ရယူရန်မှာ အစိုးရ၏ အခန်းကဏဖြစ်သည်။ လျှပ်စစ်စွမ်းအင်အတွက် မှန်ကန်သော ဈေးနှုန်းချမှတ်နိုင်လျင် ပြည်သူ့ဘဏှာမှ လျှပ်စစ်မီတာခအတွက် စိုက်သုံးနေရသော ငွေကြေးများစွာ အခြားအရေးကြီးနယ်ပယ်များသို့ ရွှေ့သုံးနိုင်မည်။ ပြည်သူတစ်ဦးချင်းသည်လည်း ချွေတာသုံးစွဲကြသဖြင့် သားရွှေအိုးထမ်းသည့်ကိန်းဆိုက်မည်။ အနည်းဆုံးအားဖြင့် ထိုပိုထွက်လာသည့်ငွေများကို ဓာတ်ကြိုးဟောင်းများ လဲလှယ်ရာတွင် သုံးနိုင်လျင်ပင် လျှပ်စစ်ဓာတ်ဆုံးရှုံးမှု များစွာသက်သာမည်။ ပြန်လည်ပြည့်ဖြိုးမြဲစွမ်းအင်များဖြစ်သည့် နေအား၊ လေအား စသည်တို့တွင် ရင်းနှီးမြုပ်နှံမှုနည်းနေသဖြင့် ရင်းနှီးမြုပ်နှံမှုများ ဆွဲဆောင်သင့်သည်။

စွမ်းအင်မူဝါဒအရွေ့သည် စီးပွားရေးအပေါ် များစွာသက်ရောက်မည်။ ကားများ ဆီသန့်သန့်သုံးရလျင်ပင် ကားပစ္စည်းများ သက်တမ်းမကုန်ခင်လဲရခြင်းကဲ့သို့ အသေးအမွှားကိစ္စများမှပင် ကုန်ကျစရိတ်များစွာ သက်သာသွားမည်။ စွမ်းအင်နှင့် ပတ်သက်ဆက်စပ်နေသော ၀န်ကြီးဌာနများသည် တစ်ဌာနနှင့်တစ်ဌာန ညှိနှိုင်းဆောင်ရွက်မှု မြန်ဆန်လျင် စွမ်းအင်မူဝါဒ မြန်မြန်ရွေ့မည်။

အစိုးရတက်စတွင် စီးပွားရေးလုပ်ငန်းရှင်များကို နိုင်ငံတော်ခရီးစဉ်များတွင် ခေါ်သွားရန်ပင် ရွံ့နေခဲ့သည်။ ခရိုနီအန္တရာယ်ကိုကြောက်သောကြောင့်ဟု ယူဆရသည်။ စာရေးသူအမြင်မှာ အလွန်အမင်းကြောက်နေလျင်လည်း အလုပ်ဖြစ်မည်မဟုတ်။ အခြားနိုင်ငံခေါင်းဆောင်များသည်လည်း နိုင်ငံတော်ခရီးစဉ်များတွင် စီးပွားရေးလုပ်ငန်းရှင်ကြီးများကို ခေါ်ဆောင်သွားပြီး နှစ်နိုင်ငံ စီးပွားရေးတိုးမြှင့်အောင် ကြိုးစားကြသည်။ ယခုအခါတွင်မူ ပြန်လည်နီးစပ်လာပြီဟု မြင်ရကြားရသည်။ ကိုယ်ခံအားကောင်းလျင် နိုင်ငံအကျိုးယုတ်မည်မဟုတ်။

ကိုယ်ကျိုးစီးပွားကာကွယ်ရေးမူဝါဒများ ကျင့်သုံးတော့မည်မဟုတ်ဟု ကြားရသည်။ နိုင်ငံခြားဘဏ်များ ၀င်ခွင့်ကို တစ်ဆင့်ပြီးတစ်ဆင့်ဖြေလျှော့သွားမည်။ ယခုအခါ နိုင်ငံခြားဘဏ်များသည် ပုံရိပ်မြှင့်တင်ရေး၊ လူသားအရင်းအမြစ်ပျိုးထောင်ရေးတို့တွင် ခြေလှမ်းအမြန်ပြင်နေကြသည်။ ဈေးကွက်စီးပွားရေးတွင် အရင်းသည် အဓိကဖြစ်ရာ မြန်မာ့စီးပွားရေးအတွက် ထိုအရင်းကို မြန်မာလုပ်ငန်းရှင်များသာမက မြန်မာ့မြေပေါ်တွင် လုပ်ကိုင်ကြမည့် စီးပွားရေးလုပ်ငန်းရှင်များပါ ရရှိနိုင်ရေးသည် မြန်မာ့စီးပွားဖွံ့ဖြိုးရေး၏ သော့ချက်ဖြစ်သည်။ နိုင်ငံခြားမှ အရင်းများ ၀င်ရောက်လာရေးအတွက် နိုင်ငံခြားဘဏ်များ၏ အခန်းကဏကို သေချာစဉ်းစားသင့်သည်။ ပြည်တွင်းဘဏ်များလည်း မသေအောင်၊ နိုင်ငံခြားဘဏ်များထံမှ ကျွမ်းကျင်မှုနှင့် အရင်းများလည်း ၀င်ရောက်အောင် စဉ်းစားလုပ်ဆောင်သွားမည်ဟု မျှော်လင့်သည်။

ဓာတ်မြေသြဇာ ပိုးသတ်ဆေးများ၊ ဆေးရုံသုံးကိရိယာများ၊ ဆောက်လုပ်ရေးပစ္စည်းများအား နိုင်ငံခြားကုမ္ဗဏီများက ကုန်သွယ်ခွင့်ကို လွန်ခဲ့သောရက်ပိုင်းကမှ ပေးလိုက်သည့်အတွက် ကျန်းမာရေးလောက၊ စိုက်ပျိုးရေးလောက၊ ဆောက်လုပ်ရေးလောကတွင် ကြီးမားသော အပြောင်းအလဲကြီးဖြစ်သည်။ ကျန်းမာရေးလောကသည် စီးပွားရေးကို လက်တွေ့ဖော်ဆောင်မည့် မြန်မာ့လူသားအရင်းအမြစ်၏ ရေခံမြေခံဖြစ်သလို စိုက်ပျိုးရေးလောကသည် မြန်မာသုံးပုံနှစ်ပုံ၏ ဘ၀နှင့် ဆက်စပ်နေသည်။

ဆောက်လုပ်ရေးကဏသည် စီးပွားရေး ပြန်နိုးထအောင် လှုပ်နိုးသည့်နယ်ပယ်ဖြစ်သည်။ ဆောက်လုပ်ရေးကဏ ပြန်ထလာလျင် အခြားစီးပွားရေးကဏများပါ လန့်နိုးလာကြမည့်အတွက် ယင်းနယ်ပယ်ကို ဆိုင်းထားသည့် ကြိုးများကို ဖယ်ရှားပေးသင့်သည်။ လူ့အသက်များစွာနှင့် သက်ဆိုင်နေသည့်အတွက် ဆောက်လုပ်ရေးကဏတွင် အရည်အသွေးကို မြှင့်တင်ရမည်နည်းတူ ထိုနယ်ပယ်တိုးတက်အောင်လည်း မျှခြေယူရမည်ဖြစ်သည်။ ဆောက်လုပ်ရေးပစ္စည်းများ ကုန်သွယ်ခွင့် နိုင်ငံခြားကုမ္ဗဏီများကို ပေးခြင်းသည် ထူးခြားသော ပြောင်းလဲမှုဖြစ်သည်။

ရန်ကုန်မြို့သည် မြန်မာ့စီးပွားရေး၏ ဗဟိုချက်မဖြစ်သည့်အတွက် ရန်ကုန်မြို့ စီးပွားရေးကို မောင်းနှင်ပုံမောင်းနှင်နည်းသည် မြန်မာတစ်နိုင်ငံလုံး စီးပွားရေးပေါ်သက်ရောက်သည်။ ယင်းသည် ရန်ကုန်တိုင်းဝန်ကြီးချုပ်နှင့်သာ သက်ဆိုင်သည်မဟုတ်ဘဲ တစ်နိုင်ငံလုံးအဆင့် စီးပွားရေးမူဝါဒချမှတ်သူများနှင့်လည်း ဆိုင်သည်။ ရန်ကုန်မြို့ စီးပွားရေးသာမက ရန်ကုန်မြို့၏ အခြေခံအဆောက်အဦများသည်လည်း နိုင်ငံ့စီးပွားရေးပေါ် ရိုက်ခတ်သည်။ ဥပမာ ရန်ကုန်မြို့ ယာဉ်ကြောပိတ်ဆို့မှုကိုသာ အဆင့်တစ်ဆင့်သို့ လျှော့ချနိုင်လျင် မြန်မာ့စီးပွားရေး ယခုထက်အားကောင်းလာမည်။ ရန်ကုန်မြို့သည် ဧရာမမြို့ကြီး mega city အဖြစ် ကြီးထွားသထက် ကြီးထွားလာနေရာ မြန်မာ့စီးပွားရေးကို ယခုထက်ပိုတွန်းနိုင်ရေးအတွက် ရန်ကုန်မြို့အတွက် ရေရှည်မျှော်မှန်းချက်ကို စနစ်တကျရေးဆွဲသင့်ပြီဖြစ်သည်။

၂၀၁၇သည် မြန်မာ့စီးပွားရေးအတွက် အဆုံးအဖြတ်နှစ်ဖြစ်သည်။ မိုးပျံမလား၊ မြေလျှိုးမလား။

 

ဇေယျသူ

You may also like...

Leave a Reply

Your email address will not be published. Required fields are marked *