တိုင်းနှင့်ပြည်နယ်ခုနစ်ခုမှ နယ်လုံဝန်ကြီးများ ပြောင်းလဲတိုင်းနှင့်ပြည်နယ်ခုနစ်ခုမှ နယ်လုံဝန်ကြီးများ ပြောင်းလဲ

မန္တလေး၊ ဇွန် ၃၀

ရန်ကုန်နှင့် မန္တလေးအပါအဝင် တိုင်းဒေသကြီးနှင့် ပြည်နယ်ခုနစ်ခုမှ လုံခြုံရေးနှင့် နယ်စပ်ရေးရာဝန်ကြီးများကို  အပြောင်းအလဲလုပ်ရန် တပ်မတော်သား  လွှတ်တော်ကိုယ်စားလှယ် ခုနစ်ဦးကို အစားထိုးလဲလှယ်လိုက်သည်။  တိုင်းဒေသကြီးနှင့် ပြည်နယ် လွှတ်တော်တို့တွင် တပ်မတော်သား လွှတ်တော် ကိုယ်စားလှယ်များလည်းဖြစ် သော လုံခြုံရေးနှင့် နယ်စပ်ရေးရာဝန်ကြီး  ခုနစ်ဦး၏ လွှတ်တော်ကိုယ်စားလှယ် တာဝန်ကို အစားထိုးပြောင်းလဲလိုက်ကြောင်း ပြည်ထောင်စုရွေးကောက်ပွဲ ကော်မရှင်က ဇွန်လ ၂၉ရက်နေ့စွဲဖြင့် ထုတ်ပြန်သည်။

ရန်ကုန်တွင် ဗိုလ်မှူးကြီးတင်အောင်ထွန်း အစား ဗိုလ်မှူးကြီး အောင်စိုးမိုး၊ မန္တလေး တွင် ဗိုလ်မှူးကြီး မျိုးမင်းအောင်အစား  ဗိုလ်မှူးကြီးကျော်ကျော်မင်း၊ မကွေးတွင် ဗိုလ်မှူးကြီးနိုင်ဦးအစား ဗိုလ်မှူးကြီး မင်းဦး၊ ကရင်တွင် ဗိုလ်မှူးကြီးအောင်လွင်အစား ဗိုလ်မှူးကြီးမျိုးမင်းနောင်၊ ချင်းတွင်  ဗိုလ်မှူးကြီးကျော်ကျော်အစား ဗိုလ်မှူးကြီး ဟန်ဝင်းအောင်၊ ရခိုင်တွင် ဗိုလ်မှူးကြီး ထိန်လင်းအစား ဗိုလ်မှူးကြီးဖုန်းတင့်၊  ရှမ်းတွင် ဗိုလ်မှူးကြီး စိုးမိုးအောင်အစား ဗိုလ်မှူးကြီးနိုင်ဝင်းအောင်တို့ကို အစား ထိုးလိုက်ကြောင်း ကော်မရှင်၏ထုတ်ပြန် ချက်တွင် ဖော်ပြထားသည်။

“အခုလို အစားထိုးတယ်ဆိုတာကိုလည်း ကြိုမသိပါဘူး။ အခုမှသိတာပါ” ဟု မန္တလေးတိုင်းဒေသကြီး လုံခြုံရေးနှင့်  နယ်စပ်ရေးရာဝန်ကြီး ဗိုလ်မှူးကြီး မျိုးမင်းအောင်က ပြောဆိုသည်။နယ်လုံဝန်ကြီးဟုလည်း အတို ကောက်ခေါ်ဆိုသော တိုင်းဒေသကြီးနှင့် ပြည်နယ်များရှိ လုံခြုံရေးနှင့် နယ်စပ် ရေးရာ ဝန်ကြီးများသည် တိုင်းဒေသကြီး^ ပြည်နယ်အစိုးရအဖွဲ့များတွင် ဝန်ကြီးချုပ် ပြီးနောက် အရေးအပါဆုံး ဝန်ကြီးအဖြစ် လည်း သတ်မှတ်ခံထားရသည်။

တိုင်းဒေသကြီးပြည်နယ် ဝန်ကြီး ချုပ်များ ပြည်ပခရီးထွက်သည့်အခါ လုံခြုံရေးနှင့် နယ်စပ်ရေးရာဝန်ကြီးများက ဝန်ကြီးချုပ်တာဝန်များကို လွှဲပြောင်းရယူ ထမ်းဆောင်ရသူများလည်း ဖြစ်ကြောင်း  ယင်းအစိုးရအဖွဲ့များထံမှ သိရသည်။

အမျိုးသားဒီမိုကရေစီအဖွဲ့ချုပ် (NLD) ပါတီအစိုးရ ၂၀၁၆ ခုနှစ် ဧပြီလ တွင် အစိုးရတာဝန်များ ပြောင်းလဲတာဝန် ယူရပြီးနောက် အုပ်ချုပ်ရေးအတွေ့အကြုံ မရှိသလောက် နည်းပါးသော တိုင်းဒေသ ကြီးပြည်နယ်ဝန်ကြီးချုပ်များ တာဝန် ယူရသည်ဖြစ်ရာ သက်ဆိုင်ရာ တိုင်းဒေသ ကြီးပြည်နယ်များရှိ လုံခြုံရေးနှင့် နယ်စပ်ရေးရာဝန်ကြီးများမှာ အစိုးရ အုပ်ချုပ်ရေးယန္တရားတွင် ပိုမိုအရေးပါ လာသလို ဝန်ကြီးချုပ်များ၏ အားကိုးရာ သဖွယ်လည်း ဖြစ်လာခဲ့ကြောင်း ဝန်ကြီး ချုပ်အချို့ အပါအဝင် နယ်လုံဝန်ကြီး တာဝန်ထမ်းဆောင်နေသူ ဗိုလ်မှူးကြီး အချို့နှင့် နီးစပ်သူ စီးပွားရေးလုပ်ငန်း ရှင်တစ်ဦးက မှတ်ချက်ပြုပြောဆိုသည်။

You may also like...

Leave a Reply

Your email address will not be published. Required fields are marked *