မိသားစုအငြင်းပွားမှုနှင့်ပတ်သတ်၍ စင်္ကာပူဝန်ကြီးချုပ် ပါလီမန်တွင် မေးခွန်းထုတ်ခံရမည်

 

 

Photo credit : REUTERS/Kim Kyung-Hoon

ပုံစာ-( စင်္ကာပူ ဝန်ကြီးချုပ် လီရှန်လွန်း )

 

စင်္ကာပူ၊ ဇူလိုင် ၃

 

ဖခင်ဖြစ်သူ၏ အိမ်ကို မည်ကဲ့သို့ ပြုလုပ်မည် ဆိုသည့် အချက်နှင့်ပတ်သတ်၍ အကို၊ နှမ ဖြစ်သူများနှင့် စင်္ကာပူဝန်ကြီးချုပ် လီရှန်လွန်း မိသားစုရေး အငြင်းပွားလျက်ရှိပြီး အဆိုပါ ဖြစ်ရပ်နှင့် ပတ်သတ်၍ ဝန်ကြီးချုပ်ကို ပါလီမန်တွင် မေးခွန်းထုတ်ခံရမည်ဖြစ်ကြောင်း Reuters သတင်းတွင် ဖော်ပြထားသည်။

ပြီးခဲ့သည့် ဇွန်လ အလယ်ပိုင်းမှ စတင်ပြီး စင်္ကာပူ နိုင်ငံ၏ ပထမဆုံးသော ဝန်ကြီးချုပ် လီကွန်ယု ကို ဆက်ခံမည့်သူများကြားတွင် နေအိမ်နှင့် ပတ်သတ်၍ အငြင်းပွားလျက်ရှိပြီး အကိုအကြီးဆုံးကို ကျန် မောင်နှမ များက လူမှုမီဒီယာများတွင် ဆက်တိုက် တိုက်ခိုက်လျက်ရှိသည်။

အရှေ့ တောင်အာရှ ဒေသတွင်း တည်ငြိမ်သည့် ဒေသအဖြစ် ဂုဏ်ယူလျက်ရှိသည့် ချမ်းသာပြီး သေးငယ်သည့် စင်္ကာပူ နိုင်ငံအတွက် တနင်္လာနေ့ တွင် ပြုလုပ်မည့် ပါလီမန် အစည်းအဝေး သည် ထူးခြား ဖြစ်စဉ်ဖြစ်သည်။
ယင်း ပါလီမန် အစည်းအဝေး မတိုင်ခင်တွင် မိသားစု အငြင်းပွားမှု နှင့် ပတ်သတ်၍ ဝန်ကြီးချုပ် လီရှန်လွန်း တရားဝင် ကြေညာချက် ထုတ်ပြန်သွားမည်ဖြစ်သည်။

အမတ်နေရာ ၈၉ ခု ရှိသည့် စင်္ကာပူ ပါလီမန်တွင် လီရှန်လွန်း၏ အာဏာရ ပါတီ ဖြစ်သော ပြည်သူ့ လှုပ်ရှားမှု ပါတီ ( PAP ) က နေရာ ၈၃ နေရာကို ထိန်းချုပ်ထားပြီး ပြီးခဲ့သည့် ရက်သတ္တပတ် ကုန်ပိုင်းမှ စတင်ပြီး မေးမြန်း မည့် မေးခွန်းများကို အမတ်များက စာရေးသား တင်သွင်းထားရသည်။

ထူးခြား ဖြစ်စဉ် အဖြစ် အစိုးရ အဖွဲ့ ဝင်များကို PAP ပါတီ ဝင် အမတ်များ မေးခွန်းထုတ် ပိုင်ခွင့်ကို ဝန်ကြီးချုပ် လီရှန်လွန်းက ခွင့်ပြုပေးလိုက်သည်။Oxley လမ်းမ အမှတ် ၃၈ ရှိ မိသားစုပိုင် နေအိမ်ဟောင်း အရေး နှင့် ပတ်သတ်၍ ဝန်ကြီးချုပ် အာဏာ ကို အသုံးပြု လီရှန်လွန်း အသုံးပြုလျက်ရှိသည်ဟု ၎င်း၏ ညီ လီရှန် ယန် နှင့် နှမ လီဝေလင်းတို့ က စွပ်စွဲထား သလို နိုင်ငံတော် အဖွဲ့ အစည်းများကို အသုံးပြုကာ ၎င်းတို့ ကို ဆန့် ကျင်မည်ကိုလည်း စိုးရိမ်လျက်ရှိသည်။
ထို့ အပြင် အနီးကပ် စောင့်ကြည့်ခံနေရ သဖြင့် စင်္ကာပူ ကို စွန့် ခွာမည်ဟု လီရှန်ယန်က ပြောကြားထားသည်။

ပြတိုက်အဖြစ် ပြောင်းလဲမည့် အစား မိသားစု နေအိမ်ဟောင်းကို ဖခင်ဖြစ်သူ၏ ဆန္ဒအတိုင်း ဖြိုချလိုသည်ဟု လီရှန်ယန် နှင့် လီဝေလင်းတို့ က ပြောကြားထားသော်လည်း ယင်း ဆန္ဒကို ဝန်ကြီးချုပ် လီရှန်လွန်းက မေးခွန်းထုတ်လျက်ရှိသည်။

၎င်းအပေါ် စွပ်စွဲပြောကြားမှုများကို ဝန်ကြီးချုပ် လီရှန်လွန်း ငြင်းပယ်ထားသလို မိသားစု ကိုယ်ရေးကိုယ်သာ ဖြစ်ရပ်များကို လူသိရှင်ကြား ဖြစ်အောင် လုပ်ဆောင်ခြင်းကို စိတ်ပျက်မိသည်ဟုလည်း မှတ်ချက်ပြုထားသည်။

 

You may also like...

Leave a Reply

Your email address will not be published. Required fields are marked *