ဘဏ်ချေးငွေဖြင့် အိမ်ပိုင်ဆိုင်ရေး

လူတန်းစေ့နေနိုင်မှုကို ကိုယ်ပိုင်နေစရာနေအိမ်၊ တိုက်ခန်းရှိမှုတို့နှင့် တိုင်းတာမည်ဆိုပါက မြန်မာနိုင်ငံတွင် လူတန်းစေ့မနေနိုင်သူဦးရေ များပြားစွာရှိနေသည်။

အထူးသဖြင့် နေစရိတ်ကြီးမြင့်လှသည့် စီးပွားရေးမြို့တော် ရန်ကုန်မြို့တွင် အိမ်၊ ခြံ၊ မြေ၊ တိုက်ခန်းပိုင်ဆိုင်ရန် သာမန်လူတန်းစားများအဖို့ အောင်ဘာလေသိန်းထီဆုကြီးပေါက်မှသာ ဖြစ်နိုင်ပေသည်။

ရန်ကုန်မြို့တော်၏ လူဦးရေမှာ တစ်နိုင်ငံလုံးလူဦးရေ၏ ၁၀ ရာခိုင်နှုန်း ခန့်ရှိနေပြီး ထိုလူများအနက် ထက်ဝက် ကျော်မှာလူတန်းစေ့မနေနိုင်သေးသောအိမ်ငှားမိသားစုများ ဖြစ်ကြသည်။

ယခုနှစ် မေလတွင် ပြည်တွင်းပုဂ္ဂလိကဘဏ်ဖြစ်သော ရိုးမဘဏ်က အိမ်ချေး ငွေဝန်ဆောင်မှုအသစ်ကို စတင်မိတ်ဆက်ခဲ့သည်။ နေစရာနေရာတစ်ခု ပိုင်ဆိုင်နိုင်ရေး အိပ်မက်နေသူများအတွက် အားတက်စရာ ဝန်ဆောင်မှုပင် ဖြစ်သည်။ သို့သော် ထိုမျှော်လင့်ချက်မှာ ခဏ တာသာဖြစ်သည်။ ရိုးမဘဏ်၏ အိမ်ချေးငွေ လိုအပ်ချက်၊ ကန့်သတ်ချက်များက စုဆောင်းငွေ နည်းပါးပြီး ဝင်ငွေအသင့်အတင့်ရှိသူများအတွက် လက်လှမ်းမမီနိုင်။

ယင်းချေးငွေရယူလိုသူသည် အနည်းဆုံးကျပ်သိန်း ၅၀၀ တန်ဖိုးရှိတိုက်ခန်း၊ ကျပ်သိန်း ၇၀၀ တန်ဖိုးရှိကွန်ဒိုနှင့် လုံးချင်းအိမ် ဝယ်ယူရမည်ဖြစ်ပြီး ဝယ်ယူမည့် တိုက်ခန်း၊ ကွန်ဒို၏ ၃၀ ရာခိုင်နှုန်းမှ ၅၀ ရာခိုင်နှုန်းကို အိမ်ချေးငွေရယူသူက လက်ငင်းပေးချေရမည်ဖြစ်သည်။

ရိုးမဘဏ် အိမ်ချေးငွေဖြင့် ကျပ် သိန်း ၅၀၀ တန်ဖိုးရှိသော တိုက်ခန်းဝယ် ယူမည်ဆိုလျှင် ကျပ်သိန်း ၂၅၀ ကို လက်ငင်းငွေချေရမည်ဖြစ်ပြီး ကျန်ငွေ ကျပ်သိန်း ၂၅၀ ကို ဆယ်နှစ်၊ တစ်လလျှင် ကျပ် ၃၇,၃၀၀၀ ကျော် ပုံမှန်ပေးသွင်းရမည် ဖြစ်သည်။

အိမ်ချေးငွေရယူလိုသူ၏လစဉ် ဝင်ငွေမှာ အနည်းဆုံးဆယ်သိန်းခန့်ရှိမှသာလျှင် တတ်နိုင်မည့် ပမာဏဖြစ်သည်။

အဆိုပါချေးငွေပြန်ဆပ်မှု ဆယ်နှစ် ပြည့်ချိန်တွင် ပေးဆပ်ရသည့်အတိုးငွေ မှာကျပ် ၁၉၈ သိန်းခန့်ရှိပြီး မူလချေးငွေ တန်ဖိုးကျပ်သိန်း ၂၅၀ အပါအဝင် စုစု ပေါင်း ပေးသွင်းရမှုမှာကျပ် ၄၄၈ သိန်း အထိရှိမည်ဖြစ်သည်။

စိတ်ဝင်တစားရှိခဲ့သူများ လက်တွန့် သွားခဲ့ရသည့် အိမ်ချေးငွေအမျိုးအစားတစ်ခုပင်ဖြစ်သည်။

 

“ဘယ်လိုဖြစ်လို့ဆို ပထမတစ်ချက် က သူ့ဆီကတောင်းတဲ့ သတ်မှတ်ချက် တွေကများလို့၊ နောက်ပြီးတော့ သိန်း ၂၅၀ လောက်မှ ထုတ်ချေးတယ်ပြောတော့ ကိုယ်လည်းအဲဒီလောက်မဝယ်နိုင်ဘူး။ လက်လှမ်းမမီတဲ့ ပမာဏဖြစ်နေတယ်” ဟု ကိုယ်ပိုင်စီးပွားရေး လုပ်ငန်းလုပ်ကိုင် နေသူ ဦးကျော်မင်းဟန်ကဆိုသည်။

အောက်ခြေလူတန်းစားနှင့် ဝင်ငွေ ကျပ်ငါးသိန်းဝန်းကျင်ရှိသူများအတွက် အိမ်ချေးငွေမှာ လတ်တလော မလွယ်ကူသလို ဝင်ငွေမြင့်သော်လည်း လက်ငင်း ပေးချေရမည့် ငွေပမာဏသတ်မှတ်ချက်ကြောင့် ထိုအိမ်ချေးငွေကို လက်လှမ်းမမီ သူများလည်းရှိသေးသည်။

ပုံမှန်ပြန်ဆပ်ရမည့် လစဉ်ပေးသွင်း ငွေကိုပေးနိုင်သည့် ဝင်ငွေရရှိနေသူဖြစ်သော်လည်းလက်ငင်းပေးချေရမည့် ငွေ ပမာဏမှာ သိန်းရာထောင်ချီစုဆောင်းထားနိုင်သူများသာ တတ်နိုင်မည့်ပမာဏ ဖြစ်နေသည်။

‘အစ်မက ကွန်ဒိုဝယ်ချင်တယ်၊ ဒါပေမဲ့ အစ်မမှာ သိန်းငါးရာကိုလက်ငင်း ငွေမချေနိုင်ဘူး။ ဝင်ငွေအရ လစဉ်ပြန် ပေးငွေကို ကိုယ်ကပေးနိုင်ပေမယ့် သူတို့ ရဲ့လက်ငင်းချေရမယ့် ပမာဏကိုအစ်မတို့ မပေးနိုင်တာ” ဟု ကုမ္ပဏီလုပ်ငန်း ဆိုင်ရာများနှင့် စာရင်းထိန်းသိမ်းခြင်း ဝန်ဆောင်မှုလုပ်ငန်းရှင် ဒေါ်ယုယုထွန်းက ဆိုသည်။

လက်ငင်းပေးချေရမည့် ငွေပမာဏ ကိုလျှော့ချကာ ချေးငွေရယူလိုသူကို အတိုးနှုန်းအပြင် အိမ်ငှားခအပိုဆောင်း ကောက်ခံမည်ဆိုပါက ပိုမိုကောင်းနိုင်မည် ဟုမျှော်လင့်ကြောင်း ၎င်းက ဆိုလေသည်။

“လက်ငင်းပေးရမယ့်နှုန်းထားကို လျှော့လိုက်ပြီးအိမ်ငှားခထပ်ကောက်လိုက်ရင် ဒါက အောင်မြင်နိုင်ခြေရှိတာပေါ့။ ပိုင်ဆိုင်မှုအကုန်လုံးကိုစာချုပ် စာတမ်းနဲ့ ဘဏ်ကယူထားပေါ့။ သိပ်တော့ မဖြစ်လောက်ပါဘူး။ မျှော်လင့်ကြည့်တာပေါ့” ဟု ၎င်းက ခပ်မှိန်မှိန်ဆိုလေသည်။

နှစ်ရှည်အိမ်ချေးငွေနှင့်ပတ်သက်လျှင် မြန်မာနိုင်ငံတွင် အစိုးရတစ်ပိုင်းဘဏ် ဖြစ်သော ဆောက်လုပ်ရေးနှင့် အိမ်ရာ ဖွံ့ဖြိုးရေးဘဏ် (CHD Bank) နှင့် ပုဂ္ဂလိကပိုင် ရိုးမဘဏ် နှစ်ခုတည်းသာ အကောင်အထည်ဖော်နိုင်သေးသည်။

ရိုးမဘဏ်၏ နှစ်ရှည်အိမ်ချေးငွေ မှာ လူတိုင်းအတွက်မဖြစ်နိုင်သေး၊ ငွေကြေးတတ်နိုင်သူလူလတ်တန်းစားများ သာ တတ်နိုင်သည့် ချေးငွေအမျိုးအစား ဖြစ်နေသည်။

“ပိုက်ဆံရှိတဲ့ လူတန်းစားကိုပဲ အခြေခံနေသေးသရွေ့တော့ ဒီအိမ်ချေး ငွေဆိုတာ အဆင်မပြေနိုင်သေးဘူး။ အောက်ခြေလူတွေအထိ ဆင်းနိုင်ရမယ်။ ဒီထက်ကျယ်ကျယ်ပြန့်ပြန့်လုပ်မှ သူတို့ လည်း ပိုအကျိုးရှိမှာပါ” ဟု ရိုးမဘဏ် အိမ်ချေးငွေနှင့်ပတ်သက်၍ မေးမြန်းခဲ့သူ ဒေါ်ယုယုထွန်းက ဆိုသည်။

ပြီးခဲ့သည့် သုံး၊ လေးနှစ်ကမှ ဘဏ်လုပ်ငန်းပြန်လုပ်ခွင့်ရသောရိုးမဘဏ်က နှစ်ရှည်အိမ်ချေးငွေကို စတင်ဝန်ဆောင်မှု ပေးလာနိုင်သော်လည်း ကျန်သည့် သက်တမ်းရင့်ပုဂ္ဂလိကဘဏ်များမှာမူ နှစ်ရှည် အိမ်ချေးငွေကို စတင်နိုင်ခြင်းမရှိသေးပေ။

ပြည်တွင်းပုဂ္ဂလိကဘဏ်များအနက် ဘဏ်ခွဲနှင့် ပိုင်ဆိုင်မှုတန်ဖိုးအများဆုံး ဖြစ်သော ကမ္ဘောဇဘဏ်တွင် တိုက်ခန်း၊ ကွန်ဒိုများကိုအငှားဝယ်ယူစနစ်ဖြင့်သာ ချေးငွေထုတ်ပေးနိုင်ပြီး ချေးငွေသက်တမ်း မှာလည်း ငါးနှစ်အများဆုံးဖြစ်သည်။

ကမ္ဘောဇဘဏ်၏ အငှားဝယ်ယူ စနစ်ဖြင့် ဝယ်မည်ဆိုပါက တိုက်ခန်းတန်ဖိုး ၏ ၃၀ ရာခိုင်နှုန်းကို လက်ငင်းငွေချေရမည်ဖြစ်ပြီးထိုတိုက်ခန်းတန်ဖိုး၏ ၁ ရာခိုင် နှုန်းကို ဘဏ်ဝန်ဆောင်ခအဖြစ် ပေးချေ ရမည်ဖြစ်သည်။

ချေးငွေသက်တမ်းငါးနှစ်အတွက် ပထမနှစ်ကို ၉ ရာခိုင်နှုန်းနှင့် ကျန်နှစ်များ ကို ၅ ရာခိုင်နှုန်းအတိုးနှုန်းသတ်မှတ်ထား ပြီး ယင်းအတိုးနှုန်းမှာဘဏ်က မူလစတင် ထုတ်ချေးထားသော ပမာဏပေါ်တွင် ကောက်ခံမည်ဖြစ်သည်။

ဥပမာဆိုရလျှင် ကျပ်သိန်းတစ် ထောင်ရှိသော ကွန်ဒိုအခန်းကိုအငှား ဝယ်ယူစနစ်ဖြင့် ဝယ်မည်ဆိုပါကကျပ်သိန်း ၃၀၀ ကိုလက်ငင်းငွေချေရမည့်အပြင် ဘဏ်ဝန်ဆောင်ခကျပ် ၁၀ သိန်းနှင့် အတိုးငွေ ၆၃ သိန်းကို ပထမနှစ်တွင် ပေးချေရမည်။ ကျန်လေးနှစ်အတွက် တစ်နှစ်လျှင် ၃၅ သိန်းဖြင့် လေးနှစ်စာသိန်း ၁၄၀ ကိုအတိုးပေးရမည်ဖြစ်သည်။

ဘဏ်မှချေးယူထားသည့် ကျပ်သိန်း ၇၀၀ အတွက် လစဉ်ပြန်ဆပ်ငွေ ကျပ် ၁၁ သိန်းခွဲကျော်နှင့်အတူ အဆိုပါအတိုး ငွေများကို ပေးဆပ်ရမည်ဖြစ်သည်။

“တကယ့် အိမ်ချေးငွေဆိုတာမျိုးက နှစ်ရှည်ဖြစ်ရမယ်။ အနည်းဆုံး ၁၅ နှစ်က များသောအားဖြင့် နှစ် ၃၀ ပေါ့။ ပြီးတော့ ချေးငွေပြန်ဆပ်ပုံက ဗာသမအငဖအေငသည ခေါ်တဲ့ ပြန်ဆပ်ငွေကြောင့် လျော့သွားတဲ့ ပမာဏပေါ်မှာအတိုးကိုတွက်ပေးရမယ်” ဟု နိုင်ငံတကာဘဏ်လုပ်ငန်း အတွေ့ အကြုံရှိ ပြည်တွင်းပုဂ္ဂလိကဘဏ်တစ်ခုမှ အကြီးတန်းအရာရှိကဆိုသည်။

ပြည်တွင်းပုဂ္ဂလိကဘဏ်အချို့၏ အိမ်အငှားဝယ်ယူစနစ်ဖြင့် တိုက်ခန်းဝယ် ယူမည်ဆိုပါက တန်ဖိုးကြီးမြင့်သော တိုက်ခန်း၊ ကွန်ဒိုဝယ်ယူမှုများကိုသာ ချေးငွေသက်တမ်း ငါးနှစ်အထိပေးခြင်း ဖြစ်ပြီး ဘဏ်ဖြင့် ချိတ်ဆက်ထားသော ဆောက်လုပ်ရေးလုပ်ငန်းများက တိုက်ခန်း၊ ကွန်ဒိုများကိုသာ ဝယ်ယူနိုင်မည်ဖြစ်သည်။

မြန်မာနိုင်ငံတွင် နှစ်ရှည် အိမ်ချေးငွေ အကောင်အထည်ဖော်နိုင်ရန် ဘဏ် လုပ်ငန်းများတွင် အခက်အခဲများကရှိနေသည်။

ပြည်တွင်းဘဏ်များသည် ပြည်သူက အပ်နှံထားသောငွေများနှင့် ချေးငွေ များ ထုတ်ချေးနေခြင်းဖြစ်သော်လည်းယင်းအပ်နှံငွေများမှာအချိန်မရွေး ပြန်လည်ထုတ်ယူနိုင်သောရေတိုအပ်နှံငွေများ ဖြစ်ကြသည်။

ယင်းအချက်မှာ နှစ်ရှည်ချေးငွေထုတ်မချေးနိုင်သည့် အဓိကအခက်အခဲ ဖြစ်သည်။

“တကယ်တော့ နိုင်ငံတကာမှာလို နှစ်ရှည်အိမ်ချေးငွေ ပေးနိုင်ဖို့ဆိုတာ ဘဏ်မှာရေရှည်တည်တံ့တဲ့ ဘဏ္ဍာငွေတစ်ရပ် သီးသန့်ရှိဖို့လိုတယ်။ အခုက ကျွန်တော်တို့ဆီမှာ အများပြည်သူအပ်နှံထားတဲ့ ရေတိုငွေတွေပဲရှိတယ်။ ဒီငွေတွေကို နှစ်ရှည်ချေးငွေထုတ်ပေးဖို့ဆိုတာ ဘယ်လိုမဖြစ်နိုင်ဘူး” ဟု သမဝါယမဘဏ်မှ အသေးစား၊ အလတ်စားလုပ်ငန်း များ ချေးငွေထုတ်ပေးရေးဌာနတာဝန်ခံ ဦးစောဒီနိုကူးက ဆိုသည်။

ပြည်သူများနေအိမ်၊ တိုက်ခန်း ဝယ်ယူနိုင်ရန် နှစ်ရှည်ချေးငွေပေးနိုင်ရေး ဆိုသည်မှာအစိုးရ၏ ထောက်ပံ့မှု မဖြစ် မနေလိုအပ်ပြီး ပုဂ္ဂလိကဘဏ်တစ်ခု တည်းဖြင့် ဆောင်ရွက်မရနိုင်ကြောင်းကမ္ဘောဇဘဏ်၏ အကြီးတန်းအကြံပေး ဦးသန်းလွင်က ပြောသည်။

“ပြည်သူတွေ နေစရာအတွက် စိတ်မပူရအောင် လုပ်နိုင်မယ့် နှစ်နည်း တော့ရှိတယ်။ တစ်ခုက ဈေးသက်သက် သာသာနဲ့၊ အိမ်ငှားလို့ရအောင် လုပ်ပေး တာနဲ့၊ နိုင်ငံတကာမှာလို နှစ်ရှည်နဲ့ ငှား နိုင်အောင် ဘဏ္ဍာငွေထောက်ပံ့တာ။
ဒီနှစ်ခုလုံးကအစိုးရရဲ့ချေးငွေတွေ လိုတယ်” ဟု ၎င်းက ဆက်လက်ပြောကြားသည်။

ယင်းအပြင် လူတစ်ဦးချင်းစီ၏ ချေးငွေပြန်ဆပ်နိုင်စွမ်းအဆင့်သတ်မှတ် ချက်မှာလည်း မြန်မာနိုင်ငံတွင် ရှိမနေပေ။

ထိုအဆင့်သတ်မှတ်ချက်မရှိဘဲ နှစ်ရှည်ချေးငွေ ထုတ်ချေးမည်ဆိုပါက ဆုံးရှုံးနိုင်ခြေ များစွာရှိနိုင်သည့်အတွက် ချေးငွေသတင်းအချက်အလက်ဌာနနှင့် ချေးငွေအဆင့်သတ်မှတ်ပေးသည့် အဖွဲ့ အစည်းများလည်း လိုအပ်ကြောင်း ဘဏ္ဍာ ရေးနှင့် ရင်းနှီးမြှုပ်နှံမှု ကျွမ်းကျင်သူ ဦးမာသင်က ဆိုသည်။

အိမ်ပိုင်ဆိုင်ခွင့်ရနိုင်မည့် နှစ်ရှည် ချေးငွေဝန်ဆောင်မှုဆိုသည်မှာ မြန်မာ နိုင်ငံ၏ လက်ရှိဘဏ်လုပ်ငန်းအခြေအနေ နှင့် အချိန်ယူရဦးမည်ဖြစ်သည်။

“ပြည်တွင်းဘဏ္ဍာရေးလောက တစ်ခုလုံးဖွံ့ဖြိုးလာဖို့ အဓိကလိုအပ်တယ်။ စင်ကာပူမှာကတော့ ဘဏ္ဍာရေးစနစ်က တောင့်တင်းတယ်။ နောက်ကနေထောက်ပံ့ မှုတွေပေးတယ်။ နည်းမျိုးစုံအကူအညီပေးတာတွေ့ရတယ်” ဟု iMyanmar House.com ၏ အုပ်ချုပ်မှုဒါရိုက်တာဦးနေမင်းသူကဆိုသည်။

ယင်းအပြင် အောက်ခြေလူတန်းစား များပါ တတ်နိုင်မည့် ချေးငွေအတိုးနှုန်းတစ်ရပ်ဖြစ်လာရန်လည်း အစိုးရ၊ ဗဟို ဘဏ်နှင့် ပြည်တွင်းပုဂ္ဂလိကဘဏ်များပူးပေါင်းအဖြေရှာသင့်ကြောင်း ၎င်းက ဆိုသည်။

မြန်မာပြည်သူများ အိမ်ပိုင်ဆိုင်ရေး အတွက် တစ်ခုတည်းသောမျှော်လင့်ချက် မှာလတ်တလောတွင် အစိုးရနှင့် ပုဂ္ဂလိက ဖက်စပ်ပိုင်ဆိုင်သော ဆောက်လုပ်ရေး နှင့် အိမ်ရာဖွံ့ဖြိုးရေးဘဏ် (CHD Bank) ဖြစ်သည်။

အဆိုပါဘဏ်ကို ၂၀၁၄ ခုနှစ် နှစ် ဆန်းတွင် မတည်ရင်းနှီးငွေ ကျပ်သန်း ပေါင်း တစ်သိန်း (ကျပ် ၁၀၀ ဘီလီယံ) ဖြင့် စတင်တည်ထောင်ခဲ့ခြင်းဖြစ်ပြီး ဖွံ့ဖြိုးရေးဘဏ် အမျိုးအစားဖြစ်သည်။

လစဉ်ဝင်ငွေ သုံးသိန်းရှိရုံနှင့် တိုက် ခန်းတစ်ခန်းပိုင်ဆိုင်နိုင်မည့် အခွင့်အလမ်း ရှိနေပြီး အနည်းဆုံးတိုက်ခန်း တန်ဖိုးကျပ် သိန်းတစ်ရာအတွက် လက်ငင်းငွေချေမှု သိန်း ၃၀ ကိုအဆိုပါဘဏ်တွင် ဘဏ်စာရင်းဖွင့်ထားနိုင်လျှင် ၁၀ နှစ်သက်တမ်းရှိသော အိမ်ချေးငွေကို ရရှိနိုင်မည်ဖြစ်သည်။

ယင်းဘဏ်၏ အိမ်ချေးငွေအတိုး နှုန်းမှာ ၁၂ ရာခိုင်နှုန်းဖြစ်ပြီးချေးငွေသက်တမ်း ၁၀ နှစ်၊ လစဉ် ပြန်ဆပ်ငွေ တစ်သိန်း ကျပ်သာရှိရာ အောက်ခြေလူတန်းစားနှင့် ဝင်ငွေနည်းပါးသူများအတွက် မက်လောက်စရာပင် ဖြစ်သည်။

သို့သော် အဆိုပါဘဏ်၏ ချေးငွေ ထုတ်ပေးနိုင်မှုမှာလည်း အကန့်အသတ်သာရှိနေပြီး နှစ်ရှည်ချေးငွေ ထုတ်ပေးနိုင်မည့် ဘဏ္ဍာရန်ပုံငွေရရှိရေးအတွက် ဆောင်ရွက်နေကြောင်း အဆိုပါဘဏ်၏ အုပ်ချုပ်မှုဒါရိုက်တာ ဦးဝင်းဇော်က ပြောကြားသည်။

“ချေးငွေသက်တမ်းကို ၁၀ နှစ်က နေ ၁၅ နှစ်ပေးဖို့၊ လက်ငင်းငွေချေရတဲ့ ပမာဏလျှော့ချဖို့နဲ့ အတိုးနှုန်းထပ်လျှော့ဖို့ လုပ်နေပါတယ်။ ဒီနှစ်မကုန်ခင် ဖြစ်လာ မှာပါ” ဟု ၎င်းကဆိုသည်။

ဆောက်လုပ်ရေးနှင့် အိမ်ရာဖွံ့ဖြိုး ရေးဘဏ်သည် အစိုးရပိုင် မြန်မာ့စီးပွား ရေးဘဏ်၏ ထောက်ပံ့မှုဖြင့် ချေးငွေများ ထုတ်ပေးနေခြင်းဖြစ်ပြီး ဆောက်လုပ်ရေး ဝန်ကြီးဌာနက အကောင်အထည်ဖော် နေသော တန်ဖိုးနည်း၊ တန်ဖိုးမျှတ၊ အဆင့် မြင့်အိမ်ရာများအတွက် နှစ်ရှည်အိမ်ချေး ငွေများ ထုတ်ချေးနေခြင်း ဖြစ်သည်။

သို့ရာတွင် အဆိုပါဘဏ်၏ နှစ်ရှည် အိမ်ချေးငွေ ရယူထားသူဦးရေမှာ ၈၀၀ ခန့်သာရှိသေးပြီး ယခင်က ဆောင်ရွက် ခဲ့သော အငှားဝယ်စနစ်ဖြင့် အိမ်ဝယ်ယူ ထားသူ ၁၁၀ ဝန်းကျင်သာရှိသည်။

ထိုပမာဏနှင့် သန်းနှင့်ချီသော အိမ်ပိုင်မရှိသည့် မြန်မာပြည်သူများကိုယှဉ်ကြည့်မည်ဆိုပါက အခြေခံလူတန်း စားများအတွက် အိမ်ပိုင်ဆိုင်ရေးဆိုသည် မှာအိပ်မက်သာ ဖြစ်သည်။ 

စစ်ငြိမ်းသူ၊ မင်းမင်းစံ (The voice weekly Vol.13/No.22)

You may also like...

Leave a Reply

Your email address will not be published. Required fields are marked *