မီဒီယာကိုထောက်လှမ်းသည့် တပ်မတော်သားနှင့် အမှုမဖွင့်ပေးသော ဗဟန်းမြို့မစခန်းမှူးကို အရေးယူရန် တရားရုံးသို့ ဦးတိုက်လျှောက်မည်

ရန်ကုန်၊ ဇူလိုင် ၇

မီဒီယာများကို ထောက်လှမ်းသည့် တပ်မတော်သားနှင့် အမှုမဖွင့်ပေးသော ဗဟန်းမြို့မရဲစခန်းမှူးကို ဥပဒေအရ အရေး ယူရန် တရားရုံးသို့ ဦးတိုက်လျှောက်မည်ဖြစ်ကြောင်း မြန်မာနိုင်ငံသတင်းသမားများ ကာကွယ်ရေးကော်မတီ (PCMJ) မှ ကိုသာလွန်ဇောင်းထက် က The Voice သို့ ပြောကြားသည်။

ရန်ကုန်တိုင်းစစ်ဌာနချုပ်မှ တပ်ကြပ် စိုးမြင့်အောင် (ကိုယ်ပိုင်အမှတ် ၈ ၅၂၂၉၄) သည် The Voice အယ်ဒီတာချုပ်ဦးကျော်မင်းဆွေ၏ရုံးချိန်းတွင် သတင်းလာယူသော သတင်းသမားများကို နောက်ယောင်ခံလိုက်ခြင်း၊ တစ်ဦးချင်းစီကို ဓာတ်ပုံနှင့် ဗီဒီယိုများရိုက်ကူးခြင်း လုပ်ဆောင်ခဲ့သဖြင့် မြန်မာသတင်းသမားများကာကွယ်ရေးကော်မတီက ဗဟန်း ရဲစခန်းတွင် ဇွန်လ ၃၀ ရက်က အမှုဖွင့်ခဲ့သည်။

ယင်းသို့အမှုဖွင့်ရာတွင် တပ်ကြပ်စိုးမြင့်အောင်သည် နိုင်ငံသားများ၏ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာ လုံခြုံမှုကာကွယ်ပေးရေးဥပဒေဖြင့် မငြိစွန်းကြောင်း၊ ဂုဏ်သိက္ခာအရနစ်နာသည်ဟု ယူဆပါက သက်ဆိုင်ရာ ဗဟန်း မြို့နယ်တရားရုံးသို့ ဦးတိုက်လျှောက်ထားနိုင်ကြောင်း ဇူလိုင်လ ၅ ရက်တွင် စခန်းမှူး ဒုရဲမှူးအေးမင်းသိန်းက အကြောင်းပြန်ခဲ့သည်ဟု ကိုသာလွန်းဇောင်းထက်က ဆိုသည်။

“ဗဟန်းရဲစခန်းက အပြစ်မရှိဘူး ရှိတယ်ဆိုတာ ဘယ်လိုဆုံးဖြတ်သလဲဆိုတဲ့အပေါ်မှာ ပြောရရင် သူတို့က ကျွန်တော် တို့ကို (တိုင်ကြားသူ) မေးမြန်းမှုမရှိဘဲနဲ့ အပြစ်မရှိဘူးလို့ ဘာလို့ဆုံးဖြတ်တာလဲ။ ဒါက တရားရုံးက လုပ်ရမယ့်ကိစ္စ။ သူတို့မှာ ဒီလိုလုပ်ခွင့်မရှိဘူး။ အခုသူတို့လုပ်တာက ဥပဒေ ဘောင်ကျော်လုပ်တဲ့ သဘောမျိုး ဖြစ်နေတယ်” ဟု ၎င်းက ဆိုသည်။

ယင်းကိစ္စနှင့် ပတ်သက်၍ The Voice Weekly က ဗဟန်းမြို့မရဲစခန်းသို့ မေးမြန်းရာ စခန်းမှူးဦးအေးမင်းသိန်းသည် ရန်ကုန်ပြည်သူ့ဆေးရုံကြီးတွင် သေမှုသေခင်းတစ်ခုအတွက် သွားရောက်စစ်ဆေးနေသောကြောင့် ဖြေကြားနိုင်မည် မဟုတ်ကြောင်း၊ အမှုကိစ္စနှင့် ပတ်သက် သည်များကို ဇူလိုင်လ ၅ ရက်နေ့တွင် PCMJ သို့ ပေးပို့ထားပြီးဖြစ်သောကြောင့် မှတ်ချက်မပေးလိုကြောင်း ဗဟန်းမြို့မှ ရဲစခန်းမှ တာဝန်မှူးဒုရဲအုပ်က ပြောကြားသည်။

တပ်ကြပ်စိုးမြင့်အောင်သည် သာမန်သတင်းရယူခြင်းမဟုတ်ဘဲ မီဒီယာများနှင့် လူတစ်ဦးချင်းစီကို မရိုးဖြောင့်သော သဘောဖြင့် နောက်ယောင်ခံမှတ်တမ်းယူသည့် သက်သေများရရှိထားပြီး တပ်ကြပ် စိုးမြင့်အောင်အပါအဝင် ၎င်းကို ဥပဒေနှင့် ငြိမ်စွန်းမှုမရှိကြောင်း အကြောင်းပြန်လာသည့် ဗဟန်းမြို့မရဲစခန်းစခန်းမှူးကို တရားဥပဒေနှင့်အညီ အရေးယူနိုင်ရန် လုပ်ဆောင်သွားမည်ဟု သတင်းသမားများ ကာကွယ်ရေးကော်မတီက ဇူလိုင်လ ၆ ရက်နေ့တွင် ထုတ်ပြန်ထားသည်။

‘နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို ကာကွယ်ပေးရေးဥပဒေ’ကို ၂၀၁၆ ခုနှစ် မတ်လ ၈ ရက်နေ့တွင် ပြည်ထောင်စု လွှတ်တော်က အတည်ပြုပြဋ္ဌာန်းခဲ့ပြီး ယင်း ဥပဒေတွင် ပုဂ္ဂိုလ်တစ်စုံတစ်ဦး၏လွတ်လပ်မှုနှင့်လုံခြုံမှုကို အနှောင့်အယှက်ဖြစ်စေသည့် နောက်ယောင်ခံစောင့်ကြည့်ခြင်း၊ စုံစမ်းထောက်လှမ်းခြင်းများ ပြုလုပ်ပါက ထောင်ဒဏ်ခြောက်လမှ သုံးနှစ်အထိအပြင် ဒဏ်ငွေကျပ်သုံးသိန်းမှ ၁၅ သိန်း အထိချမှတ်နိုင်ကြောင်း ဖော်ပြထားသည်။

ဇင်လင်းထက်

You may also like...

Leave a Reply

Your email address will not be published. Required fields are marked *