နယ်/လုံပြန်ခန့်ရေး ရန်ကုန်တိုင်းလွှတ်တော် အရေးပေါ်အစည်းအဝေးပြုလုပ်မည်

ရန်ကုန်၊ ဇူလိုင် ၆

 

ရန်ကုန်တိုင်းဒေသကြီး လုံခြုံရေး နှင့်နယ်စပ်ရေးရာဝန်ကြီး ပြန်လည်ခန့်အပ်ရေးအတွက် ရန်ကုန်တိုင်းဒေသကြီး လွှတ်တော်အရေးပေါ်အစည်းအဝေးကို ဇူလိုင်လ ၁၀ ရက်နေ့တွင် ခေါ်ယူထားသည်ဟု ရွှေပြည်သာ မဲဆန္ဒနယ်အမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးရန်အောင်မင်းက ပြောကြားသည်။

“နယ်လုံအပြောင်းအရွှေ့နဲ့ သက်ဆိုင်ပါလိမ့်မယ်။ လွှတ်တော်ကနေခန့်အပ်မှာ သဘောတူကြောင်း သဘောထားကို ယူဖို့ နေပါလိမ့်မယ်” ဟု ဦးရန်အောင်မင်းက ဆိုသည်။

အုပ်ချုပ်ရေးစနစ်အရ တာဝန်လွှဲမှုတရားဝင်ဖြစ်ရန် လိုအပ်ပြီး ရန်ကုန်တိုင်းဒေသကြီးလွှတ်တော်၏ သဘောတူညီ ချက်မရသေးသောကြောင့် လွှတ်တော်ကိုယ်စားလှယ်များ၏ သဘောတူညီချက်ဖြင့် တရားဝင်ခန့်အပ်မည်ဟု ၎င်းကပြောကြားသည်။

တိုင်းလွှတ်တော်အရေးပေါ်အစည်းအဝေးကို ယခုလွှတ်တော်သက်တမ်းအတွင်း ပထမဆုံးအကြိမ် ကျင်းပရခြင်း ဖြစ်ကြောင်း ရန်ကုန်တိုင်းလွှတ်တော်ကိုယ်စားလှယ် ဦးကျော်ကျော်ထွန်းကလည်း အတည်ပြုပြောကြားသည်။

ရန်ကုန်တိုင်းဒေသကြီးတွင် ဗိုလ်မှူးကြီးတင်အောင်ထွန်းအစား ဗိုလ်မှူးကြီးအောင်စိုးမိုးကို လုံခြုံရေးနှင့် နယ်စပ်ရေးရာဝန်ကြီးအဖြစ် အစားထိုးခန့်အပ်ကြောင်း ပြည်ထောင်စုရွေးကောက်ပွဲကော်မရှင်က ဇွန်လ ၂၉ ရက်နေ့စွဲဖြင့် ထုတ်ပြန်ထားသည်။

ပို့ပို့

You may also like...

Leave a Reply

Your email address will not be published. Required fields are marked *