မြန်မာ့တပ်မတော်၏ ရေငုပ်သင်္ဘောအိပ်မက်

 

ခေတ်မီတပ်မတော်အဖြစ် အသွင်ပြောင်းမည့်အစီအစဉ်တွင် တပ်မတော် (ရေ) ကို အဆင့်မြှင့်တင်ရေး လည်း ပါဝင်သည်။ ကျယ်ပြန့်သော မြန်မာ့ရေပိုင်နက်ကို အပြည့်အဝကာကွယ်နိုင်ရန်ဆိုလျှင် တပ်မတော် (ရေ) တွင် ဖြည့်ဆည်းစရာလိုအပ်ချက်များ ရှိနေပါသည်။

လိုအပ်ချက်တွင် မြန်မာတို့ စိတ်ကူးယဉ်အိပ်မက်ကြသည့် ရေငုပ်သင်္ဘောလည်း အပါအဝင်ဖြစ်သည်။

“ရေငုပ်သင်္ဘောကို အများနည်းတူ လိုချင်တဲ့ဆန္ဒ ရှိပါတယ်” ဟု ဗိုလ်ချုပ်မြင့်နွယ်က ထုတ်ပြောဖူး သည်။

အစိုးရ၏ တစ်နှစ်တာကာလဆောင်ရွက်ချက်များနှင့် ပတ်သက်၍ နေပြည်တော်တွင် ယခုနှစ်အတွင်း ပြုလုပ်သော ရှင်းလင်းပွဲ၌ ကာကွယ်ရေးဝန်ကြီးဌာန ဒုတိယဝန်ကြီးဖြစ်သူ ဗိုလ်ချုပ်မြင့်နွယ်က တပ်မတော်၏ သဘောထားကို ထုတ်ပြောခြင်းဖြစ်သည်။

ဒုတိယဝန်ကြီး တာဝန်ထမ်းဆောင်နေသော သူ၏မိခင်တပ်ဖွဲ့သည် တပ်မတော် (ရေ) ဖြစ်သည်။

မြန်မာ့တပ်မတော်နှင့် ရေငုပ်သင်္ဘောပိုင်ဆိုင်ရေးအိပ်မက်မှာ လွန်ခဲ့သည့် နှစ်အနည်းငယ်ကပင် သတင်းထွက်ခဲ့ခြင်းဖြစ်သည်။ တပ်မတော် (ရေ) မှ စစ်သည်များ ပြည်ပနိုင်ငံအချို့တွင် ရေငုပ် သင်္ဘောဆိုင်ရာ လေ့ကျင့်သင်တန်းသွားရောက်သည့် မှတ်တမ်းကြောင့်လည်း အဆိုပါသတင်းများ ပိုမိုကျယ်ပြန့်လာခဲ့သည်။

ယခုနှစ်ပိုင်းတွင်မူ တပ်မတော်၏ သဘောထားကို ခေါင်းဆောင်များကိုယ်တိုင် တရားဝင် ထုတ်ပြော လာသည့်အဆင့်သို့ ရောက်ခဲ့သည်။ ဗိုလ်ချုပ်မြင့်နွယ်အပြင် ရေတပ်၏စိတ်ကူးအိပ်မက်ကို ထုတ်ပြောသော တပ်မတော်ခေါင်းဆောင်တစ်ဦး ရှိသေးသည်။

တပ်မတော်(ရေ)၏ ဦးစီးချုပ်လောင်းဟု ယူဆခံရသူ စစ်ဦးစီးအရာရှိချုပ် (ရေ) ဗိုလ်ချုပ်မိုးအောင် ဖြစ်သည်။

စစ်ရေယာဉ်များ ပင်လယ်ပြင်တပ်ပေါင်းစု လေ့ကျင့်ခန်းကို ယခုနှစ်အတွင်း ကိုကိုးကျွန်းအနီး ပင်လယ်ပြင်တွင် ပြုလုပ်စဉ် သတင်းမီဒီယာအချို့နှင့် တွေ့ဆုံပြီး တပ်မတော် (ရေ) ၏ အနာဂတ် စီမံကိန်းအချို့ကို ဗိုလ်ချုပ်မိုးအောင်က ထုတ်ဖော်ပြောဆိုခဲ့သည်။

“ရေငုပ်သင်္ဘောနဲ့ ပတ်သက်လို့ ကျွန်တော်တို့မှာ အစီအမံရှိပါတယ်” ဟု ဗိုလ်ချုပ်မိုးအောင်က ဆိုသည်။

တပ်မတော် (ရေ) အတွက် ရေငုပ်သင်္ဘောဝယ်ယူပိုင်ဆိုင်စေလိုသည့် စေတနာဖြင့် မေးကြမြန်းကြ သည်များလည်းရှိပြီး အခြေအနေအချိန်အခါနှင့် ဘဏ္ဍာရေး အခြေအနေအပေါ် မူတည်၍ အစီအစဉ်အတိုင်း လုပ်ဆောင်နေကြောင်း ၎င်းက ရှင်းလင်းပြောဆိုသည်။

“ကျွန်တော်တို့က ပိုလိုချင်တာပေါ့”
ဒီမိုကရေစီ ပြုပြင်ပြောင်းလဲရေး လုပ်ငန်းစဉ်များ အသက်ဝင်လာသည့် ၂၀၁၁ ခုနှစ် နောက်ပိုင်းမှစ၍ တပ်မတော်နှင့် နိုင်ငံတကာ တပ်မတော်များအကြား ဆက်ဆံရေးသိသိသာသာ တိုးတက်လာခဲ့သည်။
အထူးသဖြင့် အမေရိကန်အပါအဝင် အနောက်နိုင်ငံ တပ်မတော်များနှင့် ဆက်ဆံရေးကို ပြန်လည် အသက်သွင်းနိုင်ခဲ့သည်။

ဗိုလ်ချုပ်မှူးကြီးမင်းအောင်လှိုင် ကိုယ်တိုင် ဥရောပတိုင်းပြည်များသို့ ခရီးဆန့်ခဲ့သလို တရုတ်၊ ရုရှားနှင့် အိန္ဒိယကဲ့သို့သော စစ်အင်အားကြီး နိုင်ငံများသို့လည်း သွားရောက်ခဲ့သည်။ အိမ်နီးချင်းလည်းဖြစ်၊ စစ်ဘက်ရေးရာ မဟာမိတ်ဆက်ဆံဖက်များလည်းဖြစ်သော ဆိုခဲ့ပါ သုံးနိုင်ငံခရီးစဉ်များက ပိုမိုထူးခြား သည်။

လတ်တလောနှစ်များအတွင် ရုရှား၊ တရုတ်၊ အိန္ဒိယနိုင်ငံများသို့ ဗိုလ်ချုပ်မှူးကြီးမင်းအောင်လှိုင် ဆက်တိုက်သွားရောက်ရာတွင် ကြည်း၊ ရေ၊ လေ စစ်လက်နက်၊ ယာဉ်၊ ယန္တရားများကို ကျယ်ကျယ် ပြန့်ပြန့် လေ့လာခဲ့သည်။

ယင်းတို့အနက်တွင် ရေငုပ်သင်္ဘောလေ့လာရေးလည်း ပါဝင်ပြီး သုံးနိုင်ငံလုံးသို့ရောက်ရှိစဉ် ယင်းနိုင်ငံ များ ပိုင်ဆိုင်သည့် ရေငုပ်သင်္ဘောများကို ကိုယ်တိုင်ကိုယ်ကျ သွားရောက်လေ့လာခဲ့သည်။

အိန္ဒိယနိုင်ငံသို့ ၂၀၁၅ ခုနှစ်အတွင်း သွားရောက်စဉ်က ဂိုအာဆိပ်ကမ်းရှိ ရေငုပ်သင်္ဘောကို လေ့လာ ခဲ့သည်။

တရုတ်နိုင်ငံသို့ ၂၀၁၆ ခုနှစ်အတွင်း သွားရောက်စဉ် တရုတ်ရေငုပ်သင်္ဘောကို သွားရောက် လေ့လာခဲ့သလို ရေငုပ်သင်္ဘော ပုံစံတူတစ်ခုကို လက်ဆောင် အဖြစ်ရရှိခဲ့သည်။ ထိုသို့ ရေငုပ်သင်္ဘော ပုံစံတူကို တရုတ်က မြန်မာ့တပ်မတော် ကာကွယ်ရေးဦးစီးချုပ်သို့ လက်ဆောင်ပေးလိုက်အပြီး မြန်မာတို့ တရုတ်ရေငုပ်သင်္ဘော ဝယ်ယူတော့မည်လော ဟူသည့် ခန့်မှန်းချက်များလည်း ကျယ်ကျယ် လောင်လောင် ထွက်ခဲ့သေးသည်။

မြန်မာနှင့် ရေပြင်ချင်းထိစပ်နေသော အိမ်နီးချင်းထိုင်းနှင့် ဘင်္ဂလားဒေ့ရှ် ရေတပ်များသည်ပင် တရုတ်ရေငုပ်သင်္ဘောများကို ဝယ်ယူပိုင်ဆိုင်နေပြီဖြစ်၍ တရုတ်နှင့် စစ်ရေးဆက်ဆံမှု ကျယ်ပြန့် သည့် မြန်မာ့တပ်မတော်အတွက် တရုတ်ရေငုပ်သင်္ဘောသတင်းက ကြောင်းကျိုးဆီလျော်နေတော့ သည်။

သို့သော် ဗိုလ်ချုပ်မှူးကြီးမင်းအောင်လှိုင်၏ ခြေလှမ်းများက ဤမျှနှင့် ရပ်မသွားပါ။

 

လတ်တလော သွားရောက်ခဲ့သည့် ရုရှားနိုင်ငံခရီးစဉ်တွင် ပင်လယ်နက်ရှိ ရုရှားရေတပ်စခန်း ဌာနချုပ်သို့ သွားရောက်ကာ ကီလိုအတန်းအစား ရုရှားရေငုပ်သင်္ဘောကို လေ့လာခဲ့သည်။ နျူကလီးယားစွမ်းအင်သုံးမဟုတ်ဘဲ ဒီဇယ်အင်ဂျင်ဖြင့် ခုတ်မောင်းသည့် ရုရှားရေတပ်၏ သက်တော် ရှည်အမှုထမ်းကောင်းစာရင်းဝင်ကီလိုအတန်းအစား ရေငုပ်သင်္ဘောမှာ မြန်မာ့ရေတပ် အတွက် ဖြစ်လာမည်လော ဟူသည့် ခန့်မှန်းချက်များလည်း ထွက်ခဲ့သည်။

တပ်မတော်သား အငြိမ်းစားအရာရှိများ ပါဝင်ထူထောင်ထားသော သေနင်္ဂမဟာဗျူဟာလေ့လာရေး အဖွဲ့က ထုတ်ဝေသည့် သေနင်္ဂလက်နက်နှင့် နိုင်ငံတကာ စစ်မှုရေးရာမဂ္ဂဇင်းတွင် ပင်တိုင်ဆောင်းပါး ရှင်တစ်ဦးဖြစ်သူ ကြယ်နီက ‘မြန်မာ့ အဝယ်စာရင်းထဲက ကီလို’ ဟူ၍ တပ်မတော် ကာကွယ်ရေးဦးစီးချုပ်၏ ခရီးစဉ်အပြီး သုံးသပ်ခဲ့သည်။

မြန်မာတို့၏ ရေငုပ်သင်္ဘော အစီအစဉ်အတွက် တွန်းအားမှာ အိမ်နီးချင်း ဘင်္ဂလားဒေ့ရ်ှနိုင်ငံ၏ မင်အတန်းအစား ရေငုပ်သင်္ဘောနှစ်စီးဝယ်ယူမှုနှင့် ထိုင်းနိုင်ငံ၏ ဆောင်အတန်းအစား ရေငုပ်သင်္ဘော များ ဝယ်ယူမှုတို့ကြောင့် မဖြစ်မနေ ဆောင်ရွက်လာရခြင်းဖြစ်မည်ဟု ကြယ်နီ က သုံးသပ်သည်။

ထိုင်းသတင်းအချို့တွင်မူ ထိုင်းရေတပ်အတွက် ဝယ်ယူထားသည့် တရုတ်ရေငုပ်သင်္ဘောမှာ ယွမ်အတန်းအစားဟု ဆိုကြသည်။

ကီလိုအတန်းအစား ရေငုပ်သင်္ဘောမှာ တန်ချိန် ၂၀၀၀ ကျော်မှ ၄၀၀၀ ဝန်းကျင် အထိ အမျိုးအစား ကွဲများရှိသည်။ ရေယာဉ် အရှည်မှာ မီတာ ၇၀ ကျော်အထိရှိပြီး အမြန်ဆုံးအဖြစ် တစ်နာရီလျှင် ကီလို မီတာ ၄၀ ကျော် ခုတ်မောင်းနိုင်သည်။

ရေအနက် ၃၀၀ မီတာအထိ ငုပ်လျှိုးနိုင်ကာ ရေတပ်စစ်သည် ငါးဆယ်ခန့်သယ်ဆောင်၍ ပင်လယ်ပြင်စစ်ဆင်ရေးတစ်လခွဲအထိ ဆက်တိုက်တာဝန်ထမ်း ဆောင်နိုင်သည်။ လေကြောင်းရန် ကာကွယ် ရေး၊ ရေအောက်ဒုံးကျည်နှင့် တော်ပီဒိုများ တပ်ဆင်နိုင်သည်။

ကီလိုအတန်းအစားအတွက် ဈေးနှုန်းမှာ ခန့်မှန်း အမေရိကန်ဒေါ်လာ သန်း ၂၀၀ မှ ၂၅၀ အကြားတွင် ရှိသည်။

ယခုဘဏ္ဍာနှစ်အတွက် မြန်မာနိုင်ငံ၏ ပညာရေးအသုံးစရိတ်မှာ အမေရိကန် ဒေါ်လာသန်း တစ်ထောင် ဝန်းကျင်ရှိ၍ ကီလိုအတန်းအစားသင်္ဘောတစ်စင်းအတွက် ကုန်ကျစရိတ်မှာ တစ်နှစ်တာ ပညာရေးအသုံးစရိတ်၏ လေးပုံတစ်ပုံခန့် ရှိမည်ဖြစ်သည်။

မြန်မာ့ကာကွယ်ရေးအသုံးစရိတ်မှာမူ အမေရိကန်ဒေါ်လာသန်းနှစ်ထောင်ကျော်ရှိပြီး ဝန်ကြီးဌာန အသုံးစရိတ်များတွင် တတိယအများဆုံးနေရာတွင် ရှိနေသည်။ ကျန်းမာရေးကဏ္ဍမှာမူ ပညာရေး ထက်ပင် နည်းပါးသည်ကို တွေ့ရသည်။

ထိုင်းရေတပ်က ဝယ်ယူထားသည့် ယွမ်အတန်းအစား ရေငုပ်သင်္ဘောမှာ မီတာ ၆၀ ကျော် ရှည်လျားပြီး တစ်နာရီလျှင် ကီလိုမီတာ ၃၀ ကျော် ခုတ်မောင်းနိုင်သည်။ ရေအောက်အနက် မီတာ ၃၀၀ အထိ ငုပ်လျှိုးနိုင်ကာ စစ်သည် ၄၀ ခန့် တင်ဆောင်နိုင်သည်။

ရေမိုင် ၈၀၀၀ အထိ ခရီးဆန့်နိုင်ပြီး စစ်ဆင်ရေးတာဝန်ကို ရက်ပေါင်း ၆၀ ဆက်တိုက်ထမ်းဆောင်နိုင်သည်။

 

ဘင်္ဂလားဒေ့ရ်ှရေတပ်က ဝယ်ယူထားသည့် တရုတ်ရေငုပ်သင်္ဘော မင်အတန်းအစားသည် အရှည်မီတာ ၇၀ ကျော်ရှိပြီး တစ်နာရီလျှင် ကီလိုမီတာ ၃၀ ကျော် ခုတ်မောင်းနိုင်သည်။ မီတာ ၃၀၀ အနက် အထိ ငုပ်လျှိုးနိုင်ကာ စစ်သည် ၆၀ ခန့် သယ်ဆောင်နိုင်သည်။

စစ်လက်နက် တပ်ဆင်အားမှာမူ ရေပြင်မှ ကုန်းမြေသို့ ပစ်ခတ်နိုင်သည့် တော်ပီဒိုစနစ်များ စသည်ဖြင့် ဆင်တူသည့် လက်နက်အမျိုးအစား တပ်ဆင်နိုင်စွမ်းရှိသော်လည်း လက်နက်အမျိုးအစား အလိုက် ဖျက်ဆီးနိုင်စွမ်းမှာမူ ကွဲပြားပါ သည်။

ဘင်္ဂလားဒေ့ရ်ှက ရေငုပ်သင်္ဘောနှစ်စင်းအတွက် ဒေါ်လာ သန်း ၂၀၀ စွန်းစွန်း သုံးစွဲခဲ့ရကြောင်း မှတ်တမ်းများက ဆိုသည်။ အိမ်နီးချင်းထိုင်းနှင့် ဘင်္ဂလားဒေ့ရ်ှတို့၏ ရေငုပ်သင်္ဘောအစီအစဉ် အကောင် အထည်ပေါ်လာသည်မှာ များစွာမကြာသေးပါ။ ဘင်္ဂလားရေတပ်အတွက် တရုတ် ထုတ် မင်အတန်းအစား ရေငုပ်သင်္ဘော နှစ်စင်းမှာ ယခုနှစ်မတ်လကမှ တပ်တော် ဝင်ခဲ့ခြင်း ဖြစ်သည်။

မြန်မာ၊ အိန္ဒိယတို့နှင့် ရေပိုင်နက် အငြင်းပွားမှုဖြစ်ခဲ့ပြီးနောက် ဘင်္ဂလားဒေ့ရ်ှရေတပ်အတွက် ရေငုပ်သင်္ဘောနှစ်စင်းက အသုံးဝင်လာမည်ဟု ဒါကာ ထရီဗျူးကဆိုသည်။ ယင်းရေငုပ်သင်္ဘော နှစ်စင်းကို ပင်လယ်ပြင်ကင်းလှည့်ခြင်းအတွက် သုံးမည်ဟုလည်း ဘင်္ဂလားဒေ့ရှ် သတင်းဌာနက ဆိုသည်။

ထိုင်းရေတပ်အတွက် တရုတ်ရေငုပ် သင်္ဘောမှာမူ မှာယူဆဲအဆင့်သာ ရှိသေးသည်။

စုစုပေါင်း အမေရိကန်ဒေါ်လာသန်းလေးရာနီးပါး ကုန်ကျမည့် တရုတ် ရေငုပ်သင်္ဘောသုံးစင်း ဝယ်ယူရန် ထိုင်းအစိုးရက ဧပြီလအတွင်း လျှို့ဝှက်စွာ ဆောင်ရွက်ခဲ့သည်။ သို့သော် သတင်း ပေါက်ကြားခဲ့ပြီး ဝေဖန်သံအချို့လည်း ထွက်ခဲ့သည်။

ထိုင်းက ရေငုပ်သင်္ဘောအတွက် ကုန်ကျစရိတ်၊ အသုံးဝင်မှုနှင့် ပြည်ပနိုင်ငံအပေါ် မှီခိုရမှုဟူ၍ အဓိက အချက်သုံးချက် အကြောင်းပြသည်။ ပြည်ပနိုင်ငံအပေါ် မှီခိုနေရခြင်း ဆိုသည်မှာ ထိုင်းစစ်တပ်သည် အမေရိကန်တို့နှင့် ကာလကြာရှည် မဟာမိတ်ဖြစ်ခဲ့ပြီး စစ်ရေးတွင်လည်း အမေရိကန်အပေါ် မှီခိုရ သည့် အနေအထားများ ရှိခဲ့သည်။

ယခု ထိုင်းရေတပ်အတွက် ရေငုပ်သင်္ဘော ဝယ်ယူဖြည့်တင်းခြင်းဖြင့် အမေရိကန်အပေါ် မှီခိုနေရမှုကို လျှော့ချနိုင်မည်ဟု ထိုင်းအစိုးရက အခိုင်အမာဆိုသည်။ တစ်ဖက်တွင် ဝေဖန်သူများ၏ ထောက်ပြ ချက်များလည်း ရှိသည်။

ယင်းမှာ ရေငုပ်သင်္ဘောဝယ်ယူရေးအပါအဝင် မောင်းနှင်ထိန်းသိမ်းစရိတ်နှင့် သူ၏ အသုံးဝင်မှု ဖြစ်သည်။
ရေငုပ်သင်္ဘောဝယ်ယူရေးသက်သက် ၌ပင် ဒေါ်လာသန်းလေးရာဝန်းကျင် ကုန်ကျနေပြီဖြစ်သည်။

တစ်ဖန် ယင်းရေငုပ်သင်္ဘောများကို မောင်းနှင်ထိန်းသိမ်းစရိတ်မှာလည်း ထပ်ချပ်လိုက်ပါလာမည် ဖြစ်ရာ ဒေသတွင်း စစ်ဖြစ်နိုင်သည့် အလားအလာမရှိသလောက် နည်းပါးနေချိန်တွင် ရေငုပ် သင်္ဘောက ကုန်ကျစရိတ်နှင့် အသုံးဝင်မှုကာမိပါ၏လောဟု မေးခွန်းထုတ်ကြခြင်း ဖြစ်သည်။

ဘန်ကောက်ပိုစ့်သတင်းစာ၏ အယ်ဒီတာ့အာဘော်တွင် ရေငုပ်သင်္ဘော ဝယ်ယူရေးကို ထိုင်းအများစု က ဆန့်ကျင်ကြောင်း ရေးသားခဲ့သည်။ တစ်ဆက်တည်း၌ အစိုးရနှင့် စစ်အာဏာသိမ်းခေါင်းဆောင် များသည် အကျိုးဆက်များအတွက် တာဝန်ရှိမည်ဖြစ်ကြောင်းလည်း ဆိုသည်။

စစ်အာဏသိမ်း ခေါင်းဆောင်ဖြစ်သူ ဝန်ကြီးချုပ်ပရာယွတ်ကမူ အကူအညီ လိုအပ်သည့်အခါတိုင်း တစ်ပါးသူအပေါ် မှီခိုနေ၍ မဖြစ်ကြောင်း တုံ့ပြန်ခဲ့ပြီး ရေငုပ်သင်္ဘောဝယ်ယူရာ၌လည်း အရစ်ကျ ပေးချေရမည်ဖြစ်၍ နိုင်ငံ့ဘဏ္ဍာငွေကို ရုတ်ချည်း အလှုပ်အခတ်ဖြစ်စေမည် မဟုတ်ကြောင်း ရှင်းလင်းသည်။

အလားတူ မြန်မာ့ရေတပ်၏ ရေငုပ်သင်္ဘောအိပ်မက်အပေါ် အမြင်တစ်မျိုးဖြင့် ရှုမြင်သူအချို့လည်း ရှိပါသည်။

ထိုင်းတို့ရှုမြင်ပုံနှင့် ခပ်ဆင်ဆင်တူလှသည်။ မြန်မာ့ရေတပ်အတွက် ရေငုပ်သင်္ဘော ဝယ်ယူမည်ဆိုလျှင် ကုန်ကျစရိတ် ကြီးမြင့်မည်ဖြစ်သည်။ သို့သော် အသုံးဝင်မှုအပိုင်းတွင်မူ ထိရောက်မှုက အတိုင်း အတာတစ်ခုအထိသာ ရှိနေဦးမည်ဖြစ်ပြီး အခြားနည်းလမ်းအချို့ စဉ်းစားစရာရှိကြောင်း ဖွံ့ဖြိုးရေး သုတေသီတစ်ဦးက မှတ်ချက်ပြုသည်။

သူအကြံပြုသည်က စရိတ်စကကြီးမြင့်မည့် ရေငုပ်သင်္ဘောအစီအစဉ်အစား ရေငုပ်သင်္ဘောဖျက် လက်နက်များ တပ်ဆင်သည်က ပိုမိုထိရောက်မည်လော စဉ်းစားချက်ဖြစ်သည်။ ထိုင်းနှင့် ဘင်္ဂလားဒေ့ရ်ှတို့က ရေငုပ်သင်္ဘောပိုင်ဆိုင်သည်ဆိုပါလျှင် မြန်မာ့ရေတပ်အတွက် ရေငုပ် သင်္ဘောဖျက်လက်နက်များ တပ်ဆင်ခြင်းဖြင့် တန်ပြန် နိုင်မည့် အစီအစဉ်ကို သူကစဉ်းစားသည်။

တပ်မတော်တွင် ရေငုပ်သင်္ဘောတိုက်ဖျက်ရေး ရဟတ်ယာဉ်များဝယ်ယူ ဖြည့်တင်းမည့် အစီအစဉ်ရှိထားပြီးဟု ဆိုသည်။

နောက်ထပ် သူအကြံပြုသည်က မြန်မာ့ပင်လယ်ပြင် လုံခြုံရေးအတွက်ဆိုလျှင် ရေငုပ်သင်္ဘောထက် ကင်းလှည့် ရေယာဉ်များအလုံအလောက် ဝယ်ယူဖြည့်တင်းကာ အိမ်နီးချင်းနိုင်ငံမှ မြန်မာ့ ရေသယံဇာတများ ခိုးယူသုံးစွဲနေမှုကို ကာကွယ်ရန်ဖြစ်သည်။

ထိုင်းငါးဖမ်းလှေများ မြန်မာ့ရေပိုင်နက်သို့ ခိုးဝင်၍ ငါးဖမ်းသည်မှာ နှစ်ရှည်လများ နာမည်ကျော်လှ သည်။

အလဟဿ ဆုံးရှုံးနေရသော မြန်မာ့ရေသယံဇာတများကို ကောင်းစွာကာကွယ်နိုင်မည်ဆိုလျှင် တိုင်းပြည်အတွက် ခပ်မြန်မြန်အမြတ်ထွက်မည်ဖြစ်ကြောင်း ၎င်းက ထပ်လောင်းဆိုသည်။ ယင်းသို့ဆို လျှင် ရေငုပ်သင်္ဘောနှင့် အခြား နည်းလမ်းများ ယှဉ်တွဲစဉ်းစားစရာ ဖြစ်သည်။

ကင်းလှည့်ရေယာဉ် ဖြည့်တင်းရေး အစီအစဉ်က မြန်မာ့တပ်မတော်တွင် ရှိထားပြီးဖြစ်သည်။

အစ္စရေးနိုင်ငံမှ အမြန်သွားတိုက် ခိုက်ရေးရေယာဉ် Sကစနမ Dလသမa Mk ၃ များ တပ်မတော် (ရေ) အတွက် ဝယ်ယူ ဖြည့်တင်းခြင်းဖြစ်သည်။ ဗိုလ်ချုပ်မှူးကြီး မင်းအောင်လှိုင်၏ ၂၀၁၅ ခုနှစ် အစ္စရေး နိုင်ငံခရီးစဉ်တွင် အဆိုပါ တိုက်ခိုက်ရေးယာဉ် များကို လက်တွေ့လေ့လာခဲ့ပြီး ဝယ်ယူရန် သဘောတူ ခဲ့သည်။

ယခုအခါ တိုက်ခိုက်ရေးရေယာဉ် နှစ်စီးပင်ရောက်ရှိနေပြီဟု အစ္စရေး ကာကွယ်ရေးဆိုင်ရာ သတင်းများက ဆိုသည်။ စုစုပေါင်းခြောက်စင်းဝယ်ယူမည် ဖြစ်ရာ ကျန်ရှိသည့်လေးစင်းကို မြန်မာတွင် တည်ဆောက်မည်ဟုလည်း ဆိုထားသည်။

အခြားတစ်ဖက်တွင်လည်း လတ်တလောနှစ်များ၌ တပ်မတော် (ရေ) က ကိုယ်တိုင် တည်ဆောက် အသုံးပြုနေသည့် ဖရီးဂိတ်စစ်ရေယာဉ်များမှာ ဒေသတွင်း၌ပင် ရေပန်းစားလာသည်။ ယင်းက တပ်မတော်(ရေ) ၏ စွမ်းပကားနှင့် တိုးတက်မှုပြယုဂ်လည်းဖြစ်သည်။

မြန်မာတို့ သတိထားရမည့် နောက်ထပ် ဒေသတွင်းနိုင်ငံက မလေးရှား ဖြစ်သည်။

ရခိုင်ပြဿနာကို အကြောင်းပြုကာ မြန်မာ့ပြည်တွင်းရေးကို ပြောင်ပြောင်တင်းတင်း စွက်ဖက်လိုသည့် သဘောထားများ ဆက်တိုက်ထုတ်ပြလာသည့် မလေးရှား၏လုပ်ရပ်မှာ ရန်လိုမှုအဖြစ် ရှုမြင်စရာ ဖြစ်နေသည်။ ယင်းအတွက် မလေးရှား စစ်အင်အားကို စေ့ငုခြင်းက ကြိုတင်ကာကွယ်ခြင်းလည်း ဖြစ်ပေလိမ့်မည်။

ကုန်းမြေချင်း အထိအစပ်မရှိသည်ဖြစ်၍ ပင်လယ်ပြင်လမ်းကြောင်းကို အဓိက လေ့လာမည်ဆိုလျှင် မလေးရှားတော်ဝင်ရေတပ်၏ စွမ်းပကားကို ချိန်ဆရမည်ဖြစ် သည်။ အပြည်ပြည်ဆိုင်ရာ စစ်အင်အား မှတ်တမ်းများအရ မလေးရှားရေတပ်တွင် ပြင်သစ်နှင့် စပိန်တို့ ပူးတွဲထုတ်လုပ်သော ရေငုပ် သင်္ဘောနှစ်စင်းရှိသည်။

ဖရီးဂိတ်စစ်သင်္ဘောမှာမူ နှစ်စင်းသာရှိသည်။ မြန်မာ့ရေတပ်တွင် ဖရီးဂိတ် ငါးစင်းအထိ ရှိနေသည်။

၂၀၀၀ ပြည့်နှစ် အလွန်ကာလကတည်းက အကောင်အထည်ဖော်ခဲ့သည့် မလေးရှားရေတပ်၏ ရေငုပ်သင်္ဘောစီမံ ကိန်းမှာ ဒေါ်လာသန်းထောင်ချီကုန်ကျခဲ့ ပြီး အနည်းဆုံး နောက်ထပ်ငါးနှစ်အထိ ရေငုပ်သင်္ဘောထပ်ဖြည့်နိုင်ခြေမရှိသေးကြောင်း ၂၀၁၆ ခုနှစ် နိုင်ငံတကာ စစ်လက်နက်မှတ်တမ်း များက ဆိုသည်။
တပ်မတော် (ရေ) အတွက် စစ်လက်နက်နည်းပညာ ဖြည့်တင်းမှုများ ဆက်တိုက်ဆောင်ရွက်ခြင်းနှင့် ရေငုပ်သင်္ဘောအိပ်မက်က နှစ်အနည်းငယ်အထိ ဆက်တိုက်မြင်နေရဦးမည်ဖြစ်သည်။ အနောက်နိုင်ငံ များနှင့် စစ်ဘက်ဆိုင်ရာ ဆက်ဆံရေးတိုးတက်မှုပြယုဂ်အဖြစ် အမေရိကန်စစ်သင်္ဘောအပါအဝင် နိုင်ငံ တကာရေတပ်များ မြန်မာနိုင်ငံသို့ စဉ်ဆက်မပြတ် လာရောက်နေခြင်းကလည်း မြန်မာ့ ရေတပ် တစ်ဆင့်မြှင့်ရေး အထောက်အကူ၊ လက္ခဏာကောင်းများဖြစ်သည်။

ဗိုလ်ချုပ်မှူးကြီးမင်းအောင်လှိုင်၏ လေ့လာရေးခရီးစဉ်များ၊ ကာကွယ်ရေး ဦးစီးချုပ် (ရေ) ဗိုလ်ချုပ်ကြီး တင်အောင်စန်း၏ ရုရှားခရီးစဉ်များက ရေငုပ်သင်္ဘောအိပ်မက်ကို ပိုမိုအသက်သွင်းပေးလျက် ရှိသည်။

ပင်လယ်ပြင်လုံခြုံရေးနှင့် စီးပွားရေးတွက်ခြေကိုက်မှုကို ထည့်သွင်းစဉ်းစားရန် လိုအပ်သော်လည်း တပ်မတော် (ရေ) ၏ စိတ်ကူးအိပ်မက်အတွက်အရိပ်အယောင် အချို့လည်း မြင်တွေ့နေရသည်။ ယင်းမှာ တပ်မတော်ခေါင်းဆောင်အသိုင်းအဝိုင်းက မြန်မာ့ဆိပ်ကမ်းနှင့် ရေငုပ်သင်္ဘော မှတ်တမ်းကို ပြန်လည်ဖော်ပြလာခြင်း ဖြစ်သည်။

အထင်ရှားဆုံးမှာ ပန်းဆိုးတန်းဆိပ်ကမ်းရောက် ရေငုပ်သင်္ဘော Greenfish ဖြစ်သည်။ အမေရိကန်တပ်မတော်မှ ရေငုပ် သင်္ဘော Greenfish သည် ဖျက်သင်္ဘောနှစ်စင်းနှင့်အတူ ၁၉၅၅ ခုနှစ်တွင် ပန်းဆိုးတန်းဆိပ်ကမ်းသို့ ချစ်ကြည်ရေးခရီးအဖြစ် ဆိုက်ကပ်ခဲ့ရာ သတင်းထောက်များနှင့် မြို့သူမြို့သားများပါ တက်ရောက်လေ့လာ ခွင့်ရခဲ့သည်ဟု ဆိုသည်။

ဓာတ်ပုံများနှင့်တကွ ပေါ်ထွက်လာသော ရှားပါးမှတ်တမ်းက မြန်မာ့ရေငုပ် သင်္ဘောအိပ်မက်အတွက် ခေါင်းလောင်းသံလောဟု စောကြောဖွယ်ရာဖြစ်သည်။ မြန်မာသို့ ပထမဆုံးဆိုက်ကပ်လာသည့် ရေငုပ်သင်္ဘောသည် ပန်းဆိုးတန်းသို့ အရောက်လာခဲ့သည်။

ယနေ့အချိန်တွင် တပ်မတော်က ကိုကိုးကျွန်း၌ ခေတ်မီရေတပ်ဆိပ်ခံတံတား တည်ဆောက်ဖွင့်လှစ် နိုင်ပြီဖြစ်ရာ ရေငုပ်သင်္ဘောအစီအစဉ်အတွက်များစွာထည့်သွင်းစဉ်းစားဖွယ်ရာ ဖြစ်လာခဲ့သည်။

အငြိမ်းစားတပ်မတော်အရာရှိတစ်ဦးဖြစ်ပြီး မြန်မာနှင့် ကမ္ဘာ့စစ်လက်နက်ရေးရာများကို လေ့လာသူ လည်းဖြစ်သော သေနင်္ဂဆောင်းပါးရှင်ကြယ်နီက မြန်မာ့ ရေတပ်၏ ရေငုပ်သင်္ဘောအိပ်မက်နှင့် ပတ်သက်၍ ဤသို့သုံးသပ်သည်။

“ကီလိုအတန်းအစားများ ပိုင်ဆိုင်ပါက အရှေ့တောင်အာရှဒေသတွင်း အဆင့်မြင့် ရေငုပ်သင်္ဘော တပ်ဖွဲ့တစ်ခုကို ပိုင်ဆိုင်နိုင်မည်ဖြစ်သည်” ။

 

နော်ကိုကို

 

You may also like...

Leave a Reply

Your email address will not be published. Required fields are marked *