မစ်ဆူဘီရှီက မြန်မာကို ရေသန့်စက်ရောင်းမည်

ရန်ကုန်၊ ဇူလိုင် ၇

ဂျပန်နိုင်ငံ၏ နာမည်ကျော် အီလက်ထရွန်နစ်ကုမ္ပဏီကြီးဖြစ်သော မစ်ဆူဘီရှီက မြန်မာအစိုးရနှင့် ပုဂ္ဂလိကကုမ္ပဏီများထံသို့ ရေသန့်စက်များ တင်သွင်း ရောင်းချမည်ဖြစ်ကြောင်း ဂျပန်သတင်းဌာန NIKKEI က ဖော်ပြသည်။မြန်မာ့စီးပွားရေး တက်ရိပ်ပြလာသည်နှင့်အညီ ရေသန့်သုံးစွဲမှုနှုန်းလည်း  မြင့်တက်လာသဖြင့် မြစ်ရေကိုပါ သန့်စင်နိုင်သော အကြီးစားရေသန့်စင်စက်များကို  ဂျပန်ကုမ္ပဏီက မြန်မာဈေးကွက်သို့ တင်သွင်းရောင်းချရန် စီစဉ်ခြင်းဖြစ်ကြောင်း အထက်ပါသတင်းက ဆိုသည်။

မြန်မာဈေးကွက်သို့ ဝင်ရောက်ရာတွင် ပြည်တွင်းကုမ္ပဏီတစ်ခုနှင့် ဖက်စပ်လုပ်ကိုင်မည်ဖြစ်ပြီး လုပ်ငန်း၏ ၆၀ ရာခိုင်နှုန်းကို မစ်ဆူဘီရှီက ပိုင်ဆိုင်မည်ဖြစ် ကြောင်း၊ ပြည်တွင်းကုမ္ပဏီနှင့် ပူးပေါင်း လုပ်ကိုင်ခြင်းအားဖြင့် မြန်မာအစိုးရနှင့် စီးပွားရေးလုပ်ငန်း ညှိနှိုင်းရာတွင် တစ်ပန်းသာစေမည်ဖြစ်ကြောင်း NIKKEI က ဆိုသည်။

မစ်ဆူဘီရှီက ရန်ကုန်မြစ်ရေကို  သန့်စင်ကာ ရန်ကုန်မြို့၏ နွေရာသီရေလို အပ်ချက်ကို ဖြည့်ဆည်းရန်လည်း စီစဉ် ထားပြီး အစိုးရနှင့် သဘောတူစာချုပ် ချုပ်ဆိုနိုင်ပါက ရေသန့်စက်ရုံ ဒီဇိုင်းဆွဲ ခြင်း၊ ပစ္စည်းတင်သွင်းခြင်း၊ စက်ရုံတည် ဆောက်ခြင်းလုပ်ငန်းတို့ကို တာဝန်ယူမည် ဖြစ်ကြောင်းလည်း အဆိုပါသတင်းတွင်  ဖော်ပြထားသည်။

ကနဦး အစီအစဉ်အနေနှင့် ပုဂ္ဂလိကပိုင် အဆင့်မြင့်အိမ်ရာများ၏ ရေလိုအပ်ချက်ကို ဖြေရှင်းနိုင်ရန် အစီအစဉ်ရှိပြီး  လူပေါင်း ၂၇,၀၀၀ အထိ အသုံးပြုနိုင်မည့် ရေတန်ချိန် ၅,၄၀၀ ကို နေ့စဉ် ထုတ်လုပ်နိုင် ရန် ဆွေးနွေးနေကြောင်း NIKKEI  က ထပ်လောင်းဖော်ပြသည်။

မစ်ဆူဘီရှီသည် အကြီးစား ရေသန့်စင်သည့် စီမံကိန်းလုပ်ငန်းများကို ကင်ညာ နှင့် ဗီယက်နမ်နိုင်ငံတို့တွင်လည်း လုပ်ကိုင်နေပြီး မြန်မာသည် ရေသန့်လုပ်ငန်း ချဲ့ထွင်သည့် တတိယမြောက်နိုင်ငံဖြစ်လာကြောင်း ဂျပန်သတင်းဌာန၏ မှတ်တမ်းများက ဆိုသည်။

You may also like...

Leave a Reply

Your email address will not be published. Required fields are marked *