ရခိုင်ပြည်နယ်လွှတ်တော် ဒုဥက္ကဋ္ဌနေရာ ANP ကိုယ်စားပြုကိုယ်စားလှယ် ရှုံးနိမ့်

 

ရန်ကုန်၊ ဇူလိုင် ၁၄

ရခိုင်ပြည်နယ်လွှတ်တော်တွင် လစ်လပ်နေသည့် ဒုတိယဥက္ကဋ္ဌနေရာအတွက် ဇူလိုင်လ ၁၄ ရက်နေ့က ရွေးချယ် ရာတွင် ရခိုင်အမျိုးသားပါတီ (ANP) က ရွေးချယ်ထားသည့် လွှတ်တော်ကိုယ်စားလှယ် ရှုံးနိမ့်ခဲ့ကြောင်း အဆိုပါတီ၏ အထွေထွေအတွင်းရေးမှူး ဦးထွန်းအောင်ကျော်က ပြောကြားသည်။

အဆိုပါနေရာအတွက် ပါတီအတွင်း ကိုယ်စားလှယ်ရွေးချယ်ရာတွင် မြေပုံမြို့ နယ် အမှတ် (၁) မဲဆန္ဒနယ်မှ ပြည်နယ် လွှတ်တော်ကိုယ်စားလှယ် ဦးအောင်ဝင်း ရွေးချယ်ခံခဲ့ရသော်လည်း ပြည်နယ် လွှတ်တော်တွင် ရွေးချယ်ရာ၌ ANP မှ လွှတ်တော်ကိုယ်စားလှယ် ဦးမြသန်းက နှစ်မဲအသာဖြင့် အနိုင်ရခဲ့သည်။

ဦးမြသန်းသည် မြေပုံမြို့နယ် အမှတ် (၂) မှ ANP ပါတီမှ ကိုယ်စားလှယ်ဖြစ်ပြီး ပါတီတွင် ယှဉ်ပြိုင်ရာတွင် ဝင်ရောက်ယှဉ် ပြိုင်ခြင်းမရှိခဲ့ကြောင်း ဦးထွန်းအောင်ကျော်က ပြောကြားသည်။

“ပါတီကိုယ်စားပြု ပုဂ္ဂိုလ်က မဲရှုံးခဲ့တယ်။ ပါတီစည်းကမ်းကို မလိုက်နာဘဲ ဝင်ပြိုင်တဲ့သူက ပါတီစည်းကမ်းဖောက်ပြီးပေးတဲ့ မဲ၊ တပ်မတော်သား ကိုယ်စားလှယ်တွေပေးတဲ့မဲနဲ့ အခြားပါတီက ထောက်ခံတဲ့ မဲတွေနဲ့ နိုင်သွားတယ်” ဟု ၎င်းက ပြောဆိုသည်။

ပါတီကလွှတ်တော်ဒုဥက္ကဋ္ဌ နေရာအတွက် ရွေးချယ်ရာတွင် စံနှုန်းလေးခုဖြင့် ရွေးချယ်ခဲ့ပြီး ယင်းအနက် ပါတီကထုတ် ပြန်သည့် သဘောထား၊ စည်းမျည်း စည်းကမ်း၊ အခါအားလျော်စွာထုတ်ပြန်သည့် အမိန့်စသည်တို့ကို လိုက်နာနိုင်သူများကို ရွေးချယ်ခဲ့ကြောင်း ဦးထွန်းအောင်ကျော်က ဆိုသည်။

ANP ပါတီကို ရခိုင်တိုင်းရင်းသားများ တိုးတက်ရေးပါတီ (RNDP) နှင့် ရခိုင်ဒီမိုကရေစီအဖွဲ့ချုပ်ပါတီ(ALD) တို့ကို ပူးပေါင်းဖွဲ့စည်းထားခြင်းဖြစ်ပြီး ယင်းသို့ ပေါင်းစည်းရာတွင် သဘောထား မကိုက်ညီမှုများရှိခဲ့ကြောင်း ၎င်းကပြော ဆိုသည်။

“အဲဒါကြောင့် ဒီလိုမျိုး ရလဒ်တွေ ဖြစ်လာတယ်လို့ ပြောချင်တယ်” ဟု ၎င်းကဆိုသည်။

အဆိုပါကိစ္စများနှင့် ပတ်သက်၍ ဦးမြသန်းကို ဆက်သွယ်မေးမြန်းရန် ကြိုးပမ်းခဲ့သော်လည်း အဆက်အသွယ် မရခဲ့ပေ။

ANP ပါတီမှ လွှတ်တော်ဒုတိယ ဥက္ကဋ္ဌကွယ်လွန်သွားသဖြင့် ယင်းနေရာအတွက် ဦးအောင်ဝင်း၊ ဦးမြသန်း၊ NLD ပါတီမှ ဦးဘိုးနွဲ့တို့ ယှဉ်ပြိုင်ခဲ့ရာ ဦးမြသန်း က ၁၉ မဲ၊ ဦးအောင်ဝင်းက ၁၇ မဲ၊ ဦးဘိုးနွဲ့ က ခြောက်မဲနှင့် ပယ်မဲသုံးမဲရှိခဲ့သည်။

ပါတီကိုယ်စားပြု လွှတ်တော်ကိုယ်စားလှယ် ရှုံးနိမ့်ခဲ့သဖြင့် ပါတီတွင်း ဗဟိုအလုပ်အမှုဆောင်များကို အစည်းအဝေး ခေါ်၍ သုံးသပ်သွားမည်ဖြစ်ကြောင်း ဦးထွန်းအောင်ကျော်က ပြောကြားသည်။

You may also like...

Leave a Reply

Your email address will not be published. Required fields are marked *