တရားမဝင်သစ်ဖမ်းဆီးသူများ ဆုကြေးငွေရမည်

 

 

ရန်ကုန်၊ ဇူလိုင် ၁၄

သစ်တောပြုန်းတီးမှု ကာကွယ်နိုင် ရန်အတွက် တရားမဝင်သစ်ဖမ်းဆီးသူများကို ယခုဘဏ္ဍာရေးနှစ်မှ စတင်ကာဆုကြေး ငွေပေးမည်ဖြစ်ကြောင်း သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန်ကြီးဌာန  ပြည်ထောင်စုဝန်ကြီး ဦးအုန်းဝင်းက  ပြောကြားသည်။

ဇူလိုင်လ ၁၃ ရက်နေ့တွင် ကျင်းပသော ပြည်သူ့လွှတ်တော်အစည်းအဝေးတွင် ၎င်းက ယင်းကဲ့သို့ ပြောကြားခြင်း ဖြစ်သည်။တရားမဝင် သစ်ဖမ်းဆီးရေးကို အားပေးသည့်အနေနှင့် ဖမ်းဆီးရမိသည့် တရားမဝင်သစ် ပုံစံ (၈) များကို လေလံတင် ရာတွင် ကြမ်းခင်းဈေး၏ ၂၀ ရာခိုင်နှုန်းကို သတင်းပေးသူကိုပေးမည်ဖြစ်ပြီး ကြမ်းခင်းဈေး၏  ၃၀ ရာခိုင်နှုန်းကို ဖမ်းဆီးသည့် အဖွဲ့အစည်းနှင့် လူပုဂ္ဂိုလ်များကို ပေးမည် ဖြစ်ကြောင်း  ၎င်းက ဆက်လက်ပြောကြားသည်။

တရားမဝင်ထုတ်လုပ်၊ ရောင်းဝယ် နေမှုများကို ပိုမိုထိရောက်စွာကာကွယ် နိုင်ရန်အတွက် လူမှုအဖွဲ့အစည်းများ  ပါဝင်သည့် လူထုအခြေပြုစောင့်ကြည့် သည့်စနစ်နှင့် တိုင်းဒေသကြီး၊ ပြည်နယ် များအတွင်း Hot Line တယ်လီဖုန်းနံပါတ်များထားရှိပြီး တရားမဝင်သစ်ထုတ် လုပ်မှု လျှော့ချရေးအတွက် ဆောင်ရွက်နေကြာင်း ပြည်ထောင်စုဝန်ကြီးကဆိုသည်။

ပြီးခဲ့သည့် ၂၀၁၅- ၁၆ ဘဏ္ဍာရေး နှစ်အတွင်း တရားမဝင်သစ် တန်ချိန် ၃၄,၂၂၁ ဖမ်းဆီးရမိပြီး ကြမ်းခင်းဈေး ကျပ်ငွေ ၃,၈၅၂,၅၈၉,၀၀၀ ကျပ်၊ ၂၀၁၆-  ၁၇  ဘဏ္ဍာရေးနှစ်အတွက် တရားမဝင် သစ်တန်ချိန် ၅၀,၂၄၅ တန် ဖမ်းမိပြီး   ကြမ်းခင်းဈေး ကျပ်ငွေ ၅,၃၁၅,၇၃၅,၀၀၀ ကျပ်ရရှိကြောင်း သယံဇာတနှင့် သဘာဝ ပတ်ဝန်းကျင် ထိန်းသိမ်းရေးဝန်ကြီးဌာန ထံမှ သိရှိရသည်။

You may also like...

Leave a Reply

Your email address will not be published. Required fields are marked *