အာဆီယံဒစ်ဂျစ်တယ်စီးပွားရေးဗဟိုဒေသ မြန်မာဖြစ်လာရန်ကြိုးပမ်းမည်ဟု ဒုသမ္မတဆို

Voice Logo

ရန်ကုန်၊ ဇူလိုင် ၁၄

မြန်မာနိုင်ငံကို အာဆီယံဒေသတွင်းနိုင်ငံများ၏ အရေးပါသော ဒစ်ဂျစ်တယ်စီးပွားရေးဗဟိုဒေသဖြစ်လာရန် ကြိုးပမ်းမည်ဖြစ်ကြောင်း နိုင်ငံတော် ဒုတိယသမ္မတ(၂) ဦးဟင်နရီဗန်ထီးယူက ပြောကြားသည်။

ဇူလိုင်လ ၁၄ ရက်နေ့ကနေပြည်တော် စီမံကိန်းနှင့် ဘဏ္ဍာရေးဝန်ကြီးဌာန အစည်းအဝေးခန်းမတွင်ပြုလုပ်သည့် ဒစ်ဂျစ်တယ်စီးပွားရေးဖွံ့ဖြိုးတိုးတက်မှု ကော်မတီအစည်းအဝေးတွင် ပြောကြားခဲ့ခြင်းဖြစ်ကြောင်း နိုင်ငံတော်သမ္မတရုံးက သတင်းထုတ်ပြန်သည်။

ပြည်နယ်နှင့် တိုင်းဒေသကြီးများ အားလုံးတွင် ဒစ်ဂျစ်တယ်နည်းပညာ အသုံးပြုကာ လူမှုရေး၊ ကျန်းမာရေးနှင့် စီပွားရေးဖွံ့ဖြိုးတိုးတက်လာရန် စီးပွားရေး ဝန်းကျင်အခြေအနေကောင်းစေရန် အဆိုပါ ဒစ်ဂျစ်တယ်နည်းပညာများဖြင့် မြှင့်တင်ပြီး အာဆီယံဒေသ၏ Digital Hub တစ်ခုဖြစ်လာရန် ရည်ရွယ်ကြိုးပမ်းမည်ဖြစ်ကြောင်း ဒုတိယသမ္မတက ဆိုသည်။

ကမ္ဘာ့နိုင်ငံများတွင် ဒစ်ဂျစ်တယ် စီးပွားရေးဖွံ့ဖြိုးတိုးတက်ရန် နှစ်အလိုက် ရည်မှန်းချက်များ ချမှတ်ဆောင်ရွက်လျက်ရှိကြောင်း ဒစ်ဂျစ်တယ်စီးပွားရေး ဖွံ့ဖြိုးတိုးတက်မှုကော်မတီ နာယကလည်းဖြစ်သူ ၎င်းကပြောဆိုသည်။

ဒစ်ဂျစ်တယ် စီးပွားရေးဆိုင်ရာ အခြေခံအဆောက်အဦများ၊ နည်းပညာနှင့် မူဝါဒများ၊ လူ့စွမ်းအားအရင်းအမြစ်နှင့် ငွေကြေးအရင်းအမြစ်များ တိုးတက်ကောင်းမွန်ရန် နိုင်ငံတကာလုပ်ငန်းများနှင့် ပူးပေါင်းဆောင်ရွက်ရမည်ဖြစ်ကြောင်း ၎င်းကဆိုသည်။

အချိန်ကာလတစ်ခုအတွင်း Digital Hub တစ်ခုဖြစ်လာရန်နှင့် ယင်းနှင့် ဆက်စပ်ပြီး တိုင်းပြည်ဝင်ငွေကို Digital Economy မှ ရှာဖွေရန် ရည်မှန်းထားကြောင်း ယင်းထုတ်ပြန်ချက်အရ သိရှိရသည်။ 

You may also like...

Leave a Reply

Your email address will not be published. Required fields are marked *