ဗိုလ်ချုပ်မှူးကြီးမင်းအောင်လှိုင် အိန္ဒိယရေတပ်ဌာနချုပ်တွင် သုံးရက်ကြာလေ့လာ

ရန်ကုန်၊ ဇူလိုင် ၁၄

 

အိန္ဒိယနိုင်ငံသို့ ချစ်ကြည်ရေးခရီး သွားရောက်လျက်ရှိသော တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် နှင့်အဖွဲ့သည် အိန္ဒိယအရှေ့ပိုင်း ရေတပ်ကွပ်ကဲမှုဌာနချုပ်သို့ သုံးရက်ကြာ သွားရောက်လေ့လာခဲ့ကြောင်း နှစ်ဖက်သတင်း ထုတ်ပြန်ချက်များအရ သိရသည်။

ဗီဇာခါပတ်တနမ်မြို့ရှိ အိန္ဒိယအရှေ့ပိုင်းရေတပ်ကွပ်ကဲမှုဌာနချုပ် ခရီးစဉ်အတွင်း နှစ်နိုင်ငံရေတပ်အချင်းချင်းပူးပေါင်း ဆောင်ရွက်ရေးဆွေးနွေးခဲ့ပြီး ရေငုပ်သင်္ဘောအပါအဝင် အိန္ဒိယရေတပ်မှ ဘက်စုံသုံးသင်္ဘော၊ တိုက်ခိုက်ရေးသင်္ဘောများ၊ အိန္ဒိယရေတပ်သုံးလေယာဉ်၊ ရဟတ်ယာဉ်များကို ဗိုလ်ချုပ်မှူးကြီးမင်းအောင်လှိုင်က လေ့လာခဲ့ကြောင်း အဆိုပါ ထုတ်ပြန်ချက် အရ သိရသည်။

ဗီဇာခါပတ်တနမ်မြို့ရှိ အိန္ဒိယရေတပ်သင်တန်းကျောင်းတွင် မြန်မာ့ တပ်မတော် (ရေ) မှ အရာရှိစစ်သည်အများအပြား သင်တန်းတက်ရောက်လျက်ရှိပြီး အဆိုပါသင်တန်းသားများကို ဗိုလ်ချုပ်မှူးကြီးမင်းအောင်လှိုင်က တွေ့ဆုံခဲ့ကြောင်း ကာကွယ် ရေးဦးစီးချုပ်ရုံးက သတင်းထုတ်ပြန်သည်။

မကြာသေးမီက သွားရောက်ခဲ့သည့် ရုရှားခရီးစဉ်တွင်လည်း ဗိုလ်ချုပ်မှူးကြီးမင်းအောင်လှိုင်သည် ရုရှားရေငုပ်သင်္ဘော အပါ အဝင် ရေတပ်ဌာနချုပ်နှင့် စစ်ရေယာဉ်များကို လေ့လာခဲ့သေးသည်။ ယခု ခရီးစဉ်တွင်လည်း အိန္ဒိယရေတပ်ဌာနချုပ် စခန်း တစ်ခုကို သုံးရက်ကြာ အချိန်ပေးလေ့လာခြင်းဖြစ်သည်။

တရုတ်၊ ရုရှားနှင့် အိန္ဒိယရေတပ်စခန်း များသို့ ဗိုလ်ချုပ်မှူးကြီး မင်းအောင်လှိုင် ဆက်တိုက်သွားရောက်ခြင်း၊ ရေငုပ်သင်္ဘောများ လေ့လာခြင်း၊ ပြည်ပသို့ ရေတပ်အရာရှိ စစ်သည်များ လေ့ကျင့်သင်တန်းစေလွှတ်ထားခြင်းတို့ကြောင့် မြန်မာ့ရေတပ်အတွက် ရေငုပ်သင်္ဘောဝယ်ယူမည့် ခန့်မှန်းသတင်းများလည်း ထွက်ပေါ်လျက်ရှိသည်။

ရှစ်ရက်ကြာမြင့်မည့် အိန္ဒိယချစ် ကြည်ရေးခရီးစဉ်တွင် မြန်မာ့တပ်မတော် (ရေ) ၌ ဒုတိယရာထူးတာဝန်အကြီးဆုံးဖြစ်သူ စစ်ဦးစီးအရာရှိချုပ် (ရေ) ဗိုလ်ချုပ်မိုးအောင်လည်းလိုက်ပါသွားပြီး တပ်မတော်ချစ်ကြည်ရေးကိုယ်စားလှယ အဖွဲ့တွင် ၁၅ ဦး ပါဝင်ကြောင်း နှစ်ဖက်သတင်းထုတ်ပြန်ချက်များအရ သိရသည်။

 

You may also like...

Leave a Reply

Your email address will not be published. Required fields are marked *