ခင်ဗျား ဘယ်လောက် တန်သလဲ

ငွေခင့်ဆောင်းပါးခေါင်းစဉ်က အကြောင်းမသိလျှင် ရိုက်ပေါက်ဖြစ်သည်။ ငွေကြေးကိုအသုံးချ၍ လည်ပတ်နေသော ငွေခင်တို့၏ ကမ္ဘာလုံးချီ လူမှုစနစ်ကြီးတွင် ငွေကိုရယူခြင်း၊ အသုံးချခြင်း၊ ပွားများစေနိုင်ခြင်း၊  မိမိလိုလားသော အခြားတန်ဖိုးပုံစံများသို့ ပြောင်းလဲစေနိုင်ခြင်းသည်  အရေးကြီးသည်။ ဤနေရာတွင် အဆိုပါလုပ်ငန်းစဉ်များကို ချောမွေ့အောင် ဆောင်ရွက်ပေးနိုင်သော ငွေကြေးဝန်ဆောင်မှုအဖွဲ့အစည်းများ၏ အခန်းကဏ္ဍပါဝင်လာပြီး အဆိုပါ ငွေကြေးအဖွဲ့အစည်းများ အလုပ်လုပ်ကြရာတွင် လူတစ်ဦးတစ်ယောက်၊ အဖွဲ့အစည်းတစ်ခု၊ လုပ်ငန်းတစ်ခုအပေါ်  ချေးငွေထိုက်တန်မှု ဆုံးဖြတ်ကြသည့်အခြေခံသည် သိသင့်သောသုတဖြစ်သည်။ ခပ်တိုတိုမေးခွန်းက ခင်ဗျား ဘယ်လောက်တန်သလဲ။

ကိုယ်မသိသည့်လူတစ်ဦးက အကြောင်းပြချက်တစ်ခုဖြင့် ငွေတစ်သောင်းအလှူခံသည်ဆိုပါစို့။ အကြောင်းပြချက်က မိမိဆန္ဒကို ထင်ဟပ်နေလျှင် စေတနာသုံးတန်ပြတ်သားစွာဖြင့် ငွေခင် ငွေလှူကောင်း လှူမည်။ သို့သော် ထိုလူကပင် ငွေတစ်သောင်းချေးလာသည်ဆိုလျှင်။  ငွေလှူသလောက် လွယ်လွယ်ထုတ်ချေးနိုင်မည်လား။ လှူဒါန်းခြင်းနှင့် ငွေချေးခြင်းသည် အကူအညီဟူသော ခေါင်းစဉ်အောက်တွင် အတူတူထား၍ရသော်လည်း သဘာဝ အလွန်ကွာခြားပါသည်။

လှူဒါန်းရန်မဟုတ်၊  ထုတ်ချေးရန် ဆုံးဖြတ်သည်ဆိုကတည်းက ထိုငွေကို ပြန်လည်ရရှိရန်  မျှော်လင့်ထားပြီးဖြစ်သည်။ ထိုငွေကို မိမိအတွက် ပြန်သုံးစွဲရန် ကိစ္စရှိနေပြီးဖြစ်သည်။ ချေးပြီးသည့်အခါ ပြန်ရနိုင်ဖို့အရေးကြီးလာသည်။ ချေးသော ငွေပြန်ရမည်လားဆိုသည်မှာ ငွေထုတ်ချေးသူတိုင်းတွေးသည့် ပထမဆုံး  အတွေးဖြစ်ပါသည်။ ငွေထုတ်ချေးရန် မချေးရန်ကို မည်သည့်အချက်များ  ထည့်သွင်းစဉ်းစားမည်နည်း။ ယုံကြည်မှုဖြင့်ချေးမည်လား။ သို့ဖြစ်လျှင် အဆိုပါယုံကြည်မှုဆိုသည့်အရာကို မည်သည့်အရာများဖြင့် ဖွဲ့စည်းတည်ဆောက်ပါသနည်း။

ထို့ကြောင့် ငွေထုတ်ချေးရန် မသိမဖြစ်လိုအပ်သော လူတစ်ဦးချင်း၏ ငွေကြေး (ချေးငွေ) ထိုက်တန်မှုသည် အလွန်အရေးကြီးပြီး နိုင်ငံတကာတွင် လူတစ်ဦးတစ်ယောက်၏ ငွေကြေးထိုက်တန်မှုအတွက် သုံးသပ်ပုံများမှာ အလွန်စိတ်ဝင်စားဖွယ်ကောင်းသဖြင့် ဤဆောင်းပါးဖြင့် ပြန်လည်ဝေမျှလိုသည်။

ငွေကြေးဆိုင်ရာ ကျွမ်းကျင်သူများက လူတစ်ဦး၏  ချေးငွေ ထိုက်တန်မှုစရိုက်သည် အရေးအကြီးဆုံးဟု ဆိုကြသည်။ လက်တွေ့တွင် ကာယကံရှင်၏ ချေးငွေမှတ်တမ်းကောင်းများဖြင့် သိနိုင်သည်။ ယခင် ချေးငွေများ၊ မည်သူ့ထံမှ၊ မည်သည့်အဖွဲ့အစည်းထံမှ ချေးသည်။ မည်မျှချေးသည်။  အောင်မြင်စွာ ကတိအတိုင်း ပြန်ဆပ်နိုင်ခဲ့သည်၊ သို့မဟုတ် ပျက်ကွက်ခဲ့သည်။ ပျက်ကွက်ရသည့် အကြောင်းအရင်းများ။ အစရှိသည်တို့ဖြင့်  သုံးသပ်သည်။ ငွေကြေးကဏ္ဍဖွံ့ဖြိုးပြီးသော နိုင်ငံများတွင် ငွေကြေးဗျူရို အဖွဲ့အစည်းများ တစ်ခုမကရှိတတ်သည်။ ၎င်းတို့က နိုင်ငံသားပြည်သူ အများ၏ ချေးငွေရယူမှုနှင့် ပြန်လည်ပေးဆပ်မှုများကို စောင့်ကြည့်ကာ  အချက်အလက်များအဖြစ် မှတ်တမ်းယူထားသည်။ ထိုမှတ်တမ်းသည် ချေးငွေထုတ်ချေးမှု၊ ချေးယူမှု အသစ်ပြုလုပ်တိုင်း ချေးငွေထိုက်တန်မှု စရိုက်ကိုသုံးသပ်ရန် အကူအညီပေးသည်။

ငွေခင်တို့နိုင်ငံတွင်တော့ အဆိုပါအဖွဲ့အစည်းမျိုး၊ တရားဝင်မှတ်တမ်းပြုစုခြင်းနှင့် အစီရင်ခံခြင်းမျိုးမရှိသေး။ မြန်မာ့ငွေကြေးဗျူရိုကို ယခုအခါ မြန်မာနိုင်ငံဘဏ်များအသင်းက ဗဟိုဘဏ်၏ ဦးဆောင်ကြပ်မတ်မှုဖြင့် စတင်တည်ဆောက်နေပြီကြားရသည်။ ငွေချေးယူမှုများစွာကို စောင့်ကြည့် မှတ်တမ်းတင်ကာ ချေးငွေထိုက်တန်မှုစရိုက်အတွက် တိကျမှန်ကန်သော အစီရင်ခံစာထုတ်ပေးနိုင်ဖို့ နှစ်အတော်ကြာ အချိန်လိုဦးမည်။

အဆိုပါ တရားဝင်အချက်အလက်နှင့် အစီရင်ခံစာများ လက်တွေ့ မရနိုင်သေးသည့်အခိုက် ငွေခင်တို့ မည်သို့ငွေထုတ်ချေးကြပါသနည်း။  ယုံကြည်ရသူကိုပဲ ချေးကြသည်ထင်ပါသည်။ အဆိုပါ ယုံကြည်ရမှုဆိုရာတွင် ကတိတည်မှုနှင့် မှန်ကန်ဖြောင့်မတ်မှုတို့ဖြင့် အခြေခံပါလိမ့်မည်။ မမှန်ပြောတတ်ခြင်း၊ ငွေတန်ဖိုးမထားခြင်း၊ ငွေဖြုန်းတတ်ခြင်း၊ အလုပ်တန်ဖိုးမထားခြင်း အစရှိသည်တို့သည် ချေးငွေထိုက်တန်သူ၏ စရိုက်မဟုတ်။

အထူးသဖြင့် ပထမဆုံးအကြိမ် ချေးငွေရယူမှုဆိုလျှင် ထိုအချက်များကို မှန်းမိဖို့ အရေးကြီးသလောက် ခက်ခဲသည်။ လူလူချင်း ခင်မင်ရင်းနှီးသူဖြစ်ပါက သိရန်လွယ်သည်။ မျက်နှာစိမ်းကျက်မရွေး ငွေကြေး ဝန်ဆောင်မှုပေးသော ငွေကြေးအဖွဲ့အစည်းများအနေနှင့် လူတွေ့မေးမြန်းမှုများ၊ အမေးအဖြေများစွာဖြင့် အချိန်တိုအတွင်း အကြောင်းသိများ  ဖြစ်သွားအောင် ကြိုးစားရသည်။ အဆိုပါလုပ်ငန်းစဉ်ကို ချေးငွေစိစစ်ခြင်း လုပ်ငန်းစဉ်ဟု ခေါ်ပါသည်။ အချိန်ယူသည်။ လူအင်အား၊ ကျွမ်းကျင်မှု  သုံးရသည်။ ပထမအကြိမ်း ချေးငွေရယူပြီး ဖောက်သည်ဖြစ်လာသောအခါ၊  တစ်ကြိမ်ပြီး တစ်ကြိမ်ရရှိလာသော ချေးငွေမှတ်တမ်းများက ချေးငွေ ထိုက်တန်မှု ဆုံးဖြတ်ခြင်းကို အထောက်အကူပြုလာနိုင်သည်။ ချေးငွေ ထိုက်တန်မှုစရိုက်သည်လည်း အချိန်ယူ၍ သက်သေပြရသော အရည်အသွေးတစ်ရပ်ဖြစ်သည်။ သူတစ်ခုတည်းမဟုတ်သော်လည်း မရှိလျှင်  မဖြစ်သည့် အရည်အသွေးတစ်ခုဖြစ်သည်။

ငွေထုတ်ချေးမိသူအနေနှင့် နောက်တစ်ဆင့် စဉ်းစားမည်မှာ မိမိ ချေးသောငွေပြန်ရနိုင်ကြောင်းကို အာမခံမည့်အရာ။ ရွှေ၊ ငွေ၊ ပစ္စည်း၊  အိမ်၊ မြေ အပေါင်ခံကြသည်မှာ ဤသဘောဖြစ်သည်။ အာမခံ၏  သဘောကလည်း အကောင်းချည်းတော့မဟုတ်။ ဆိုးကျိုးများရှိသည်။ ပြန်မပေးနိုင်လောက်သော ငွေပမာဏကို ချေးချင်အောင် ဆွယ်၊ လွယ်လွယ်နဲ့ထုတ်ချေး။ မြေအပေါင်လေး ယူထား။ တကယ်ပြန်မဆပ်နိုင်သောအခါ  မြေသိမ်း၊ အိမ်သိမ်း၊ လူပါသိမ်းသောအဖြစ်ဆိုးမျိုးတွေကို ကိုလိုနီခေတ်က  ငွေခင်တို့ တောင်သူလယ်သမားများ ကျောကော့အောင် ခံခဲ့ရဖူးသည်။  ထိုဖြစ်ရပ်သည် ငွေကြေးလုပ်ငန်းသဘာဝအတွက် အရိပ်မည်းကြီးဖြစ်ဆဲ။

သို့သော် တာဝန်သိသော ငွေကြေးလုပ်ငန်းစစ်စစ်မှန်ပါက ထိုအဖြစ် ဆိုးမျိုး ဝင်မတိုးအောင် ရှောင်ကြလိမ့်မည်။ သူလိုချင်သည်က သူတစ်ပါး၏  မြေ၊ အိမ်၊ ပစ္စည်းဥစ္စာမဟုတ်၊ ငွေကြေးဝန်ဆောင်မှုပေးပြီး ထိုဝန်ဆောင် မှုအလိုက် ပြန်လည်ရရှိမည့် အဖိုးအခဖြစ်သည်။ ထို့ကြောင့် မတော်တဆ  ပြန်မဆပ်နိုင်ခဲ့သည်ရှိသော် ယူထားသော အပေါင်ပစ္စည်းကို ပေါက်ဈေးအတိုင်းဖြတ်၊ ငွေဖော်ကာ လိုသလောက်သာ ယူခြင်း၊ ကျန်ငွေကို ကာယကံရှင်သို့ ပြန်အပ်ခြင်း အစရှိသည့်လုပ်ငန်းစဉ်များရှိသည်။ ဥပဒေများပြဋ္ဌာန်းထားသည်။ ငွေထုတ်ချေးသူနှင့် ချေးယူသူအကြား အဆိုပါအချက်များကို  ရှင်းလင်းပြတ်သားစွာ ဖော်ပြရေးသား သဘောတူထားသော ဥပဒေနှင့်အညီ ငွေချေးစာချုပ်များ ရှိလိမ့်မည်။

ထို့ပြင် အပေါင်ပစ္စည်းကိုတောင်လက်မခံဘဲ ငွေထုတ်ချေးသော  ငွေကြေးလုပ်ငန်းများလည်း ရှိသည်။ ဥပမာ – အသေးစားငွေရေးကြေး ရေးလုပ်ငန်းများဖြစ်သည်။ အပေါင်ပစ္စည်းမယူသည့်အတွက် အာမခံအတွက် ငွေချေးသူ၏ခိုင်မာမှုကို ကြည့်ကြသည်။ အတည်တကျ နေထိုင်မှု၊ အတည်တကျအလုပ်အကိုင်ရှိမှု၊ အသိုင်းအဝိုင်း မိတ်ဆွေကောင်းရှိမှု၊  အိုးပိုင်အိမ်ပိုင်ရှိမှု အစရှိသည်တို့ကို ဖော်ပြခဲ့ပြီးသော စရိုက်ဖြင့်တွဲကာ  ချိန်ဆအကဲဖြတ်ကြသည်။ ငွေချေးယူမည့်သူများအနေနှင့် မိမိအမှန် တကယ်လိုအပ်မှသာ ချေးယူရန်၊ အမှန်တကယ်လိုအပ်သလောက်သာ  ချေးယူရန်လိုသလို တာဝန်သိ ငွေကြေးလုပ်ငန်းစစ်စစ်များနှင့်သာ လက်တွဲအလုပ်လုပ်မှသာ ဘေးကင်းစိတ်ချရပေမည်။

ချေးငွေထိုက်တန်မှုကို စစ်ဆေးရာတွင် ချေးငွေကို ပြန်ဆပ်နိုင်စွမ်းလည်း ပါဝင်ပါသည်။ ထို့အတွက် ဝင်ငွေထွက်ငွေ ညီမျှသလား၊  ငွေပိုငွေလျှံရှိနိုင်ပါ့မလား၊ အကြွေးပုံနေခြင်းများ ရှိနေသလား၊ ရယူသော ချေးငွေကို ထိရောက်စွာသုံးစွဲရန် အစီအစဉ်ကောင်းများ ရှိသလား၊ ရရှိသော ချေးငွေကြောင့် ဘေးမဖြစ်ဘဲ ဝင်ငွေအဆင့် တိုးတက်သွားနိုင်သလား အစရှိသည်တို့ကို ငွေကြေးလုပ်ငန်းများက အသေးစိတ်စိစစ်ကြပါသည်။ လုပ်ငန်းစိစစ်ရာတွင်လည်း ဝင်ငွေထွက်ငွေမှတ်တမ်းမှတ်ရာများမှ ဘဏ္ဍာရေးရှင်းတမ်းများအထိ စိစစ်ကြလေ့ရှိပြီး တစ်ဖွဲ့နှင့်တစ်ဖွဲ့  ထပ်တူမညီသော်လည်း အလားတူပါသည်။ အသေးစိတ်များကို နောင်အလျဉ်းသင့်သလို ရေးသားမျှဝေသွားပါဦးမည်။

နိဂုံးချုပ်အနေနှင့် လောကတွင် ငွေဖြင့်ဝယ်မရသော အရာများစွာရှိကြောင်း ငွေခင် ပြန်လည်သတိပေးချင်သည်။ ဥပမာ – ကျန်းမာခြင်း၊  မိသားစု၊ မိတ်ဆွေ သူငယ်ချင်း။ သို့သော် အဆိုပါငွေဖြင့်ဝယ်၍မရသော၊ ငွေဖြင့်တန်ဖိုးဖြတ်၍  မရသော အရာများစွာကို  ရေရှည်တည်တံ့အောင် စောင့်ရှောက်နိုင်ရန်  ငွေက ထောက်ကူကြောင်းကိုလည်း သတိပြုမိစေလိုသည်။ ငွေသည်  အရှင်သခင်မဟုတ်။ အသုံးခံပစ္စည်းသာ။ ငွေက လူကို ကြိုးကိုင်နေခြင်းသည် မကောင်း။ သို့သော် ငွေကို ကြိုးကိုင်နိုင်လျှင် လူတော်ဖြစ်သည်။ လူတော်များသည် လူတစ်ဦး၏ ‘ချေးငွေထိုက်တန်မှုသဘော’ ကို ကောင်းစွာ နားလည်ကြပါသည်။

ငွေခင်

You may also like...

Leave a Reply

Your email address will not be published. Required fields are marked *