မြန်မာ့နိုင်ငံရေး နတ်ကရာကြည့်မော

ရန်ကုန်ဝန်ကြီးချုပ်က အစပြုသည်။

ကာကွယ်ရေးဦးစီးချုပ်သည် ညွှန်ကြားရေးမှူးချုပ်အဆင့်ဖြစ်သည်ဟု ဦးဖြိုးမင်းသိန်းကဆိုလိုက်ရာ အစိုးရနှင့် တပ်မတော်ထိပ်တိုက်တိုးစရာအခြေအနေ ပေါ်လာသည်။ တစ်ဆက်တည်း၌ အရပ်ဘက်-စစ်ဘက် ဆက်ဆံရေးသည် လူအများဆွေးနွေးကြသည့် ခေါင်းကြီးသတင်း ဖြစ်လာသည်။

နိုင်ငံရေးအကျဉ်းသားများအတွက် အလုပ်အကိုင်ဖန်တီးပေးရေးဆိုင်ရာ အလုပ်ရုံဆွေးနွေးပွဲကို ဇူလိုင် လ ၉ ရက်နေ့က ရန်ကုန်မြို့တွင်ကျင်းပရာ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း တက်ရောက်ခဲ့သည်။

“အရပ်ဘက်-စစ်ဘက် ဆက်ဆံရေးဆိုတာ ဒီမိုကရေစီခေတ်မှာ မရှိပါဘူး။ ကာကွယ်ရေးဦးစီးချုပ် ဆိုတာ Protocol (ဝါစဉ်) အရဆိုရင် ညွှန်ကြားရေးမှူးချုပ် Level ပဲဖြစ်ပါတယ်” ဟု ဦးဖြိုးမင်းသိန်းက ယင်း ဆွေးနွေးပွဲတွင် ထည့်သွင်းပြော ဆိုခဲ့သည်။

မြန်မာနိုင်ငံတွင် ဒီမိုကရေစီအပြည့်အဝ မရသေးဘဲ ကြိုးပမ်းဆဲကာလဖြစ်ကြောင်း၊ ဒီမိုကရေစီ ပြုပြင်ပြောင်းလဲရေးကာလအတွင်း ဒီမိုကရေစီလိုလားသူအားလုံး တူညီသည့်ခြေလှမ်းရှိရန် လိုအပ် ကြောင်းဝန်ကြီးချုပ်က နိုင်ငံရေးအကျဉ်းသားဟောင်းများကို အမှာပါးသည်။

ဒီမိုကရေစီလိုလားသူများ စည်းလုံးညီညွတ်ရေးမိန့်ခွန်းခြွေရာ၌ အရပ်သားအုပ်ချုပ်မှုအောက်သို့ အပြည့်အဝမရောက်သေးသော တပ်မတော်၏ အနေအထားကို ထည့်သွင်းပြောဆိုခဲ့ပြီး ကာကွယ်ရေး ဦးစီးချုပ်သည် ညွှန်ကြားရေးမှူးချုပ်အဆင့်သာဖြစ်သည်ဟု ဥပမာပေးခဲ့သည်။

ဝန်ကြီးချုပ်၏ ပြောစကားမှာ ဇူလိုင်လ ၁၀ ရက်နေ့တွင် အင်တာနက်လူမှုကွန်ရက်စာမျက်နှာထက်၌ ပွဲဆူသည့် အကြောင်းအရာဖြစ်လာပြီး တပ်မတော်ထောက်ခံသူ အများအပြားက ဝိုင်းဝန်း ကန့်ကွက် ကြသလို တုံ့ပြန်ရန် တိုက်တွန်းသူများလည်း ရှိခဲ့သည်။

အခြားတစ်ဖက်တွင် အရပ်ဘက်-စစ်ဘက်ဆက်ဆံရေးနှင့် နိုင်ငံအများစုတွင် တွေ့ရသည့် ကာကွယ် ရေးဦးစီးချုပ်၏ အဆင့်အတန်းကို ဘာသာရပ်ဆိုင်ရာ ရှုထောင့်မှ ဆွေးနွေးသုံးသပ်သူအချို့လည်း ပေါ်ထွက်လာသည်။

ဇူလိုင်လ ၁၁ ရက်နေ့တွင် တပ်မတော်က စတင်တုံ့ပြန်သည်။

ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းအား လိုအပ်သလို စိစစ်အရေးယူပေးနိုင်ရန် နိုင်ငံတော်အစိုးရထံ တင်ပြလိုက်ကြောင်း တပ်မတော်ကာကွယ်ရေး ဦးစီးချုပ်ရုံးက ယင်းနေ့ ည ၉ နာရီခန့်တွင် သတင်းထုတ်ပြန်သည်။

တပ်မတော်၏ ပဏာမတုံ့ပြန်ချက်မှာ ပြည်ထောင်စုဝန်ကြီးအဆင့်နှင့် တန်းတူ ဖြစ်သော တိုင်းဒေသကြီးဝန်ကြီးချုပ် တစ်ဦးကို အရေးယူရန် နိုင်ငံတော်အစိုးရသို့ ပထမဆုံးအကြိမ် တိုင်ကြားမှု ဖြစ်လာ သည်။

ဒေါ်အောင်ဆန်းစုကြည် ကြိုးပမ်းတည်ဆောက်နေသော အမျိုးသားရင်ကြားစေ့ရေးခေါင်းစဉ်အောက် တွင် အာဏာရပါတီ၏ ဗဟိုအလုပ်အမှုဆောင်ဖြစ်သလို အရေးပါသည့် ဝန်ကြီးချုပ်တစ်ဦးနှင့် တပ်မတော်တို့အကြား ပထမဆုံးအကြိမ် ထိပ်တိုက်တွေ့မှုလည်း ဖြစ်သည်။

ဝန်ကြီးချုပ်ကို လိုအပ်သလို အရေးယူရန် နိုင်ငံတော်အစိုးရထံ တပ်မတော်က တင်ပြသည် ဆိုသော်လည်း ဦးစွာဖြေရှင်းသူက အမျိုးသားဒီမိုကရေစီအဖွဲ့ချုပ်ပါတီ၏ ဗဟိုအလုပ်အမှုဆောင်ပင် ဖြစ်သူ ဦးဉာဏ်ဝင်းဖြစ်သည်။

သူက ရန်ကုန်ဝန်ကြီးချုပ်၏ ပြောစကားသည် မမှားဟု ခုခံသည်။

“ကာကွယ်ရေးဦးစီးချုပ်ကလည်း ဝန်ထမ်းအဖွဲ့အစည်းရဲ့ အကြီးအကဲပဲ။ ညွှန်ကြားရေးမှူးချုပ် ကလည်း ဝန်ထမ်းအဖွဲ့အစည်းရဲ့ အကြီးအကဲပဲ။ ဒါကို ပြောတာ” ဟု ဦးဉာဏ်ဝင်းက ရန်ကုန် ဝန်ကြီးချုပ်၏ ပြောစကားကို အဓိပ္ပာယ်ကောက်ပြသည်။

အာဏာရပါတီအကြီးအကဲက ဦးဖြိုးမင်းသိန်းအတွက် ခုခံပေးချိန် တပ်မတော်က ခြေတစ်လှမ်း ထပ်တိုးသည်။

‘ရန်ကုန်တိုင်းဒေသကြီးဝန်ကြီးချုပ် ပြောကြားချက်အပေါ် တပ်မတော်၏ သဘောထားထုတ်ပြန်ချက်’ ဟူ၍ တပ်မတော်ကာကွယ်ရေးဦးစီးချုပ်ရုံး၏ နောက်ထပ်ထုတ်ပြန်စာ ဇူလိုင်လ ၁၂ ရက်နေ့ ညဦးပိုင်းတွင် ထွက်လာသည်။

စာပိုဒ်ငါးပိုဒ်ပါသည့် ယင်းထုတ်ပြန်စာတွင် ဦးဖြိုးမင်းသိန်းကမရှိဟုဆိုထားသည့် အရပ်ဘက်-စစ်ဘက် ဆက်ဆံရေးအကြောင်း ရှင်းလင်းချက်နှင့်တကွ တပ်မတော်ကာကွယ်ရေးဦးစီးချုပ်၏ အဆင့်အတန်း ကို ဖော်ပြထားသည်။

သမ္မတရုံး၏ သတ်မှတ်ချက်အရ တပ်မတော်ကာကွယ်ရေးဦးစီးချုပ်သည် ပြည်ထောင်စုအင်္ဂါစဉ်၏ အမှတ်စဉ်ရှစ်တွင် ရှိသည်။ သူ၏အထက်တွင် နိုင်ငံတော်သမ္မတ၊ နိုင်ငံတော်၏ အတိုင်ပင်ခံပုဂ္ဂိုလ်၊ ဒုတိယသမ္မတနှစ်ဦး၊ လွှတ်တော်ဥက္ကဋ္ဌ နှစ်ဦးနှင့် ပြည်ထောင်စုတရားသူကြီးချုပ် ရှိသည်။

ပြည်ထောင်စုဝန်ကြီးများသည် အမှတ်စဉ် ၁၄ တွင်ရှိပြီး ဝန်ကြီးချုပ်များက နံပါတ် ၁၉ ၌ရှိသည်။

တပ်မတော်ကာကွယ်ရေးဦးစီးချုပ်ရုံး၏ ထပ်ဆင့်ထုတ်ပြန်စာတွင် ရန်ကုန်ဝန်ကြီးချုပ်၏ ပြောစကား သည် တပ်မတော်အကြီးအကဲအား တိုက်ရိုက်ပုတ်ခတ်ပြောဆိုခြင်း၊ တပ်မတော်အကြီးအကဲနှင့် တပ်မတော် ပုံရိပ်ကို ကျဆင်းစေရန် တိုက်ရိုက်ထိပါးစော်ကားခြင်းဟု လေသံပြင်းပြင်းဖြင့် ရှင်းလင်း ဖော်ပြထားသည်။

နိဂုံးစာပိုဒ်တွင် ‘တပ်မတော်အနေဖြင့် အပြုသဘောဖြင့် ရေရှည်ဆက်ဆံရန် မသင့်လျော်သောကြောင့် ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်ဖြစ်သူ ဦးဖြိုးမင်းသိန်းအား လိုအပ်သလိုစိစစ် အရေး ယူပေးနိုင်ရန် နိုင်ငံတော်အစိုးရထံ တင်ပြခဲ့ခြင်းဖြစ်ကြောင်း’ ဟု အဆုံးသတ်ထားသည်။

ဝန်ကြီးချုပ်၏ ပြောစကားကို အစိုးရနှင့် ကာယကံရှင်က မဖြေရှင်းလျှင် တပ်မတော်က ရေရှည် မဆက်ဆံဟု အဓိပ္ပာယ်ကောက်လိုက ကောက်နိုင်ကြောင်း လေ့လာသူများက မှတ်ချက်ပြု သည်။

နိုင်ငံအုပ်ချုပ်ရေး၏ သဘောသဘာဝအရ အစိုးရနှင့် တပ်မတော်မှာ ထဲထဲဝင်ဝင် ထိတွေ့ ဆက်ဆံရလေ့ရှိသလို မြန်မာနိုင်ငံ၏ ၂၀၀၈ ခုနှစ်ဖွဲ့စည်းပုံအခြေခံ ဥပဒေအရ တပ်မတော်သည် အုပ်ချုပ်ရေးမဏ္ဍိုင်တွင် အဓိကနေရာကို ရယူထားသည်။

ဒုတိယသမ္မတတစ်ဦးသည် တပ်မတော်က ရွေးချယ်သူဖြစ်ပြီး အရေးပါသော ကာကွယ်ရေး၊ ပြည်ထဲရေးနှင့် နယ်စပ်ရေးရာဝန်ကြီးဌာနတို့ကို ဒုတိယ ဗိုလ်ချုပ်ကြီးသုံးဦးက ဦးစီးပဲ့ကိုင်အဖြစ် တာဝန်ယူထားသည်။

တိုင်းဒေသကြီး/ပြည်နယ်များတွင်လည်း ဝန်ကြီးချုပ်၏နောက် ဒုတိယအရေးပါဆုံးအဖြစ် လုံခြုံရေးနှင့် နယ်စပ်ရေးရာဝန်ကြီးများကို သတ်မှတ်ထားသည်။ ၎င်းတို့မှာ ဗိုလ်မှူးကြီးအဆင့် တပ်မတော်သား အရာရှိကြီးများဖြစ်သည်။

ကာကွယ်ရေးဦးစီးချုပ်မှာ ညွှန်ချုပ်အဆင့်ဖြစ်ပြီး ဒီမိုကရေစီတွင် အရပ်ဘက်-စစ်ဘက် ဆက်ဆံရေး မရှိဟု ရန်ကုန် ဝန်ကြီးချုပ်၏ ပြောစကားကို လက်ခံသူ အများအပြားရှိသလို အာဏာရပါတီကို အစဉ်တစိုက်ထောက်ခံသူအချို့၏ ကန့်ကွက်သံလည်း ကြားရသည်။

တိုင်းဒေသကြီးဝန်ကြီးချုပ်၏ တာဝန်နှင့် လုပ်ပိုင်ခွင့်တွင်မပါသော ကိစ္စအချို့တွင် ရန်ကုန်ဝန်ကြီးချုပ်၏ ပါဝင် စွက်ဖက်မှုအချို့ကို ဥပမာပေးသည်။

အထင်ရှားဆုံးမှာ မဘသဟုခေါ် သည့် အမျိုးဘာသာသာသနာ ထိန်းသိမ်း စောင့်ရှောက်ရေးအဖွဲ့ကို ဖျက်သိမ်းရန် ပြောဆိုမှုဖြစ်သည်။ ဝန်ကြီးချုပ်က မဘသမလိုတော့ကြောင်း ပြောဆိုအပြီး မကြာမီ ယင်းအဖွဲ့ကြီးသည်လည်း ဖျက်သိမ်း ခံလိုက်ရသည်။

အခြားဥပမာလည်း ရှိသေးသည်။ ပြည်ထောင်စုအဆင့်စီမံကိန်းကြီးဖြစ်သော ဟံသာဝတီလေဆိပ် တည်ဆောက်ရေးကို ပြန်လည်သုံးသပ်မည်ဟု ပြောဆိုခြင်းဖြစ်သည်။ တက္ကသိုလ်များတွင် ဧည့် ပါမောက္ခများ လာရောက်ပို့ချသည့်အခါ မဆိုင်သည့်အကြောင်းအရာ မပြောရန် ရန်ကုန်တိုင်းဒေသကြီး အစိုးရက ညွှန်ကြားခဲ့ခြင်းသည်လည်း တစ်ခုအပါအဝင်ဖြစ်သည်။

“စကားတွေကို ထိန်းထိန်းသိမ်းသိမ်းမပြောဘူးဆိုရင် သူ့ဇာတ်လမ်းသူရှင်းရတော့မယ်” ဟု အာဏာရ ပါတီကို ထောက်ခံသူတစ်ဦးက မှတ်ချက်ပြုသည်။

ဦးဖြိုးမင်းသိန်း၏ ပြောစကားတွင် အရပ်ဘက်-စစ်ဘက် ဆက်ဆံရေးနှင့် ကာကွယ်ရေးဦးစီးချုပ်သည် ညွှန်ချုပ် အဆင့်ဟု ညွှန်းဆိုချက်ဟူ၍ နှစ်ပိုင်း ပါဝင်သည်။

၎င်းညွှန်းဆိုသည့်အတိုင်း ဒီမိုကရေစီအပြည့်အဝရရှိပြီး နိုင်ငံများတွင် စစ်ဘက်သည် အရပ်သား အုပ်ချုပ်မှု၏ အောက်တွင် ရှိကြပြီး ယင်းနိုင်ငံများ၏ စစ်တပ်အကြီးအကဲသည်လည်း ကာကွယ်ရေး ဝန်ကြီး၏ အောက်တွင် ရှိကြသည်။
သို့သော် ကာကွယ်ရေးဦးစီးချုပ်သည် ညွှန်ကြားရေးမှူးချုပ်အဆင့်ဟူသော အချက်က အငြင်းပွားစရာ ဖြစ်သည်။

ထင်ရှားသည့် ဥပမာမှာ ဒီမိုကရေစီချန်ပီယံဟု ကမ္ဘာကအမွှန်းတင်သည့် အမေ ရိကန်ပြည်ထောင်စု ဖြစ်သည်။

အမေရိကန်ပြည်ထောင်စုတွင် စစ်ဘက်၌ ရာထူးတာဝန်အကြီးဆုံး ပုဂ္ဂိုလ်မှာ ကာကွယ်ရေးဝန်ကြီး၏ လက်အောက်တွင် ရှိသော်လည်း ကာကွယ်ရေး ဦးစီးချုပ်ရာထူးသည် ဝန်ကြီးအောက်တွင် မရှိသလို ညွှန်ချုပ်အဆင့်လည်း မဟုတ်ပေ။

အမေရိကန်သမ္မတသည် ကာကွယ်ရေးဦးစီးချုပ်ဖြစ်သည်။

လက်ရှိသမ္မတ ဒေါ်နယ်ထရမ့်သည် အမေရိကန်ပြည်ထောင်စု၏ ကာကွယ်ရေးဦးစီးချုပ်ဖြစ်သည်။

ရန်ကုန်ဝန်ကြီးချုပ်၏ အရပ်ဘက်- စစ်ဘက်ဆက်ဆံရေးပြောစကားအပေါ် အရပ်ဘက်-စစ်ဘက် ဆက်ဆံရေး အကြောင်း၊ တပ်မတော်အကြောင်း အထူးပြုလေ့လာနေသည့် တကောင်းနိုင်ငံရေး လေ့လာမှုအဖွဲ့မှ ဦးရဲမျိုးဟိန်းက ဤသို့ မှတ်ချက်ပြုသည်။

“အရပ်ဘက်-စစ်ဘက် ဆက်ဆံရေးရဲ့ သဘောသဘာဝကို သူ သေသေချာချာ သဘောမပေါက်ဘူး လို့ပဲ မြင်ပါတယ်”

အရပ်ဘက်-စစ်ဘက် ဆက်ဆံရေး ဆိုသည်မှာ ကျယ်ပြန့်လှပြီး အဓိကအား ဖြင့် အရပ်ဘက်အစိုးရနှင့် စစ်တပ်အကြား ဆက်ဆံရေးကို ညွှန်းဆိုကြောင်း၊ အမေရိကန် တရုတ် စသည့်နိုင်ငံများတွင်လည်း အရပ်ဘက်-စစ်ဘက် ဆက်ဆံရေးရှိကြောင်း ဦးရဲမျိုးဟိန်းက ရှင်းပြသည်။

“အရပ်ဘက်-စစ်ဘက် ဆက်ဆံရေးဟာ နိုင်ငံတိုင်းမှာရှိတယ်” ဟု သူက ဆိုသည်။

ရန်ကုန်ဝန်ကြီးချုပ်က အစပြုသော ယခုအရေးတွင် ဒီမိုကရေစီ၊ အရပ်ဘက်-စစ်ဘက်ဆက်ဆံရေးနှင့် ကာကွယ်ရေးဦးစီးချုပ်၏ အဆင့်အတန်းဟူ၍ အဓိပ္ပာယ်ဖွင့်စရာ၊ အငြင်းပွားစရာများရှိသော်လည်း အခြားတစ်ဖက်တွင် တပ်မတော်နှင့် အာဏာရပါတီမှ ပုဂ္ဂိုလ်အချို့အကြား ထိပ်တိုက်တွေ့မှုအဖြစ် ဆိုသော်ရသည်။

ယခုတစ်ကြိမ်နှင့်ဆိုလျှင် တပ်မတော် နှင့် အာဏာရပါတီထိပ်တိုက်တိုးခဲ့သည်မှာ သုံးကြိမ်တိတိ ရှိပြီ ဖြစ်သည်။

ပထမတစ်ကြိမ်မှာ အမျိုးသားဒီမိုကရေစီအဖွဲ့ချုပ်ပါတီ၏ ဗဟိုသုတေသနလမ်းညွှန်အဖွဲ့အတွင်း ရေးမှူးဦးမျိုးရန်နောင်သိန်းကို တပ်မတော်က ဆက်သွယ်ရေးဥပဒေပုဒ်မ ၆၆(ဃ) ဖြင့် တရားစွဲ ဆိုခဲ့ခြင်းဖြစ်ပြီး ထောင်ခြောက်လ ကျခဲ့သည်။

ဒုတိယတစ်ကြိမ်မှာ အာဏာရပါတီခေါင်းဆောင် ဦးဝင်းထိန်၏ ပြောစကားအပေါ် တပ်မတော်က ပြင်းထန်စွာ ကန့်ကွက်ခဲ့ခြင်းဖြစ်ပြီး လိုအပ်သလို တုံ့ပြန်မှုများ လုပ်ဆောင်သွားမည်ဖြစ်ကြောင်း မေလအတွင်းက ထုတ်ပြန်ခဲ့ခြင်းဖြစ်သည်။

ယခုတစ်ကြိမ်တွင် ပို၍ပြင်းထန်သော စကားလုံးများဖြင့် အာဏာရပါတီ၏ ဗဟိုအလုပ်အမှုဆောင် တစ်ဦး၊ အရေးပါသော ဝန်ကြီးချုပ်တစ်ဦးကို အရေးယူပေးရန် တောင်းဆိုနေပြီဖြစ်သည်။

ဒေါ်အောင်ဆန်းစုကြည်က အမျိုးသားရင်ကြားစေ့ရေးကြိုးပမ်းနေသလို တပ်မတော်ခေါင်းဆောင်များ နှင့် ဆက်ဆံရေးကောင်း ထူထောင်၍ နိုင်ငံ့ရေးရာများ စီမံဆောင်ရွက်နေချိန် ဒေါ်အောင်ဆန်း စုကြည်၏ နောက်လိုက်လက်ရုံးတစ်ဦးနှင့် တပ်မတော်တို့အကြား တင်းမာလာခြင်းကို မနှစ်မြို့သူများ အရပ်ဘက်-စစ်ဘက် အသိုင်းအဝိုင်းတွင် ရှိနေသည်။

တစ်ဖက်နှင့်တစ်ဖက် နားလည်မှုရှိသင့်သလောက် ရှိနေချိန်တွင် ယခုဖြစ်ရပ်ကြောင့် ရှေ့ဆက်ရမည့် လမ်းများ နောက်မကျစေချင်ကြောင်း တပ်မတော်အရာရှိတစ်ဦးက ၎င်း၏လူမှုကွန်ရက် စာမျက်နှာ တွင် မှတ်ချက်ပြုသည်။

အလားတူ ခံစားချက်မျိုးရှိသည့် ထင်ရှားသောတပ်မတော်အရာရှိကြီး တစ်ဦးလည်း ရှိသေးသည်။

ပြည်တွင်းလက်နက်ကိုင်ပဋိပက္ခ၊ စီးပွားရေးနှောင့်နှေးမှု၊ ရခိုင်ပြဿနာစသည့် ဧရာမ အရေးတော်ပုံ များစွာကို တိုင်းပြည်က ကြိုးစားဖြေရှင်းနေရချိန် နိုင်ငံသားအချင်းချင်း၊ အထူးသဖြင့် တိုင်းပြည်ကို ဦးဆောင်မောင်းနှင်သည့် နေရာတွင်ရှိနေသူအချင်းချင်း အငြင်းပွားရန်စောင်ကာ အလဟဿအချိန် မကုန်စေလိုကြသူ အများအပြားတွင် အထက်ပါတပ်မတော်အရာရှိကြီးလည်း အပါအဝင် ဖြစ်သည်။

“ဟိုလူနဲ့ဒီလူ ရန်ဖြစ်၊ ဟိုအဖွဲ့နဲ့ ဒီအဖွဲ့ ရန်စောင်တာနဲ့ပဲ တိုင်းပြည်ရဲ့ အချိန်တွေကုန်ပြီး လူထုက နတ်ကရာကြည့်မောနေရတာ မြန်မာ့နိုင်ငံရေးပဲ” ဟု သူကဆိုသည်။

သူဆိုသည်မှာ ၂၀၁၅ ခုနှစ်တွင် တပ်မတော်တာဝန်များမှ အငြိမ်းစားယူ၍ ရွေးကောက်ပွဲဝင်ကာ ပြည်သူ့လွှတ်တော်ကိုယ်စားလှယ်အဖြစ် ဆောင်ရွက်နေသော ကာကွယ်ရေးဦးစီးချုပ် (ရေ) ဗိုလ်ချုပ်ကြီး သူရသက်ဆွေဖြစ်သည်။

ပူပူနွေးနွေး အငြိမ်းစားဗိုလ်ချုပ်ကြီးက အငြင်းပွား၊ ရန်စောင်မှုများကို ဤသို့ တိုက်တွန်းစကားဆိုသည်။

“တော်ကြပါတော့ ဆရာတို့”

နော်ကိုကို

You may also like...

Leave a Reply

Your email address will not be published. Required fields are marked *