စစ်ရေး ဆွေးနွေးပွဲ လုပ်ဆောင်ရန် မြောက်ကိုရီးယားကို တောင်ကိုရီးယားအစိုးရသစ် အဆိုပြု

A North Korean flag flutters on top of a tower at the propaganda village of Gijungdong in North Korea, in this picture taken near the truce village of Panmunjom, just south of the demilitarized zone dividing the two Koreas, in Paju, about 55 km (34 miles) north of Seoul April 23, 2013. REUTERS/Lee Jae-Won

ဆိုးလ်၊ ဇူလိုင် ၁၇

 

စစ်ရေးဆွေးနွေးပွဲ လုပ်ဆောင်လိုသည်ဟု မြောက်ကိုရီးယားကို တောင်ကိုရီးယားအစိုးရသစ်က အဆိုပြု လိုက်ပြီး အင်အားအကြီးအကျယ်တပ်ဖြန့်ထားသည့် နယ်စပ်ဒေသများတွင် ရန်လိုသည့် အပြုအမှုများ မလုပ်ဆောင်သင့်ဟု တောင်ကိုရီးယား သမ္မတမွန်ဂျေအင်က ပြောကြားသွားကြောင်း BBC သတင်းတွင်
ဖော်ပြထားသည်။

တောင်နှင့် မြောက်ကိုရီးယားနှစ်နိုင်ငံသည် သီအိုရီအားဖြင့်စစ်ဖြစ်နေသည့် အခြေအနေတွင်သာရှိနေသေးပြီး နှစ်နိုင်ငံကြား စေ့စပ်ဆွေးနွေးပွဲများလုပ်ဆောင်မည်ဟု မေလတွင် စတင်အာဏာရယူခဲ့သည့် တောင်ကိုရီးယား သမ္မတသစ် မွန်ဂျေအင်က ကတိပြုထားသည်။

သို့သော်လည်း နှစ်နိုင်ငံ စစ်ရေးဆိုင်ရာ ဆွေးနွေးပွဲလုပ်ဆောင်ရေး အဆိုပြုချက်ကို လက်ရှိအချိန်ထိ မြောက်ကိုရီးယားက တုံ့ပြန်ခြင်းမရှိသေးပေ။ တိုက်ချင်းပစ် ဒုံးပျံတစ်စင်းကို ပထမဆုံးအကြိမ် စမ်းသပ် ပစ်ခတ် လိုက်ပြီး နျူကလီးယားထိပ်ဖူးထုတ်လုပ်သည့် နည်းပညာရရှိထားပြီဟု မြောက်ကိုရီးယားကြွေးကြော်လိုက်ပြီး သည့်နောက်တွင် ယခုကဲ့သို့ သော ကမ်းလှမ်းမှု ပေါ်ပေါက်လာခြင်းဖြစ်သည်။

“ ကိုရီးယားကျွန်းဆွယ်မှာ ငြိမ်းချမ်းမှု သယ်ဆောင်နိုင်ရေးမှာ ကိုရီးယားနှစ်နိုင်ငံကြား ဆွေးနွေးမှုနဲ့ ပူးပေါင်းမှုက အချက်အချာကျပါတယ်” ဟု တောင်ကိုရီးယားပေါင်းစည်းရေး ဝန်ကြီးချိုမြောင်ဂွန်က ပြောကြားသွားသည်။
စစ်ရေးနယ်နိမိတ်လိုင်း တစ်လျောက်တွင် တင်းမာမှုမြင့်တက်စေမည့် အပြုအမှုမှန်သမျှကို ရပ်ဆိုင်းရေး ဆွေးနွေးပွဲများကို တွန်ဂီဂတ် အဆောက်အအုံ၌ဇူလိုင် ၁၂ ရက်နေ့တွင် လုပ်ဆောင်ရန် တောင်ကိုရီးယား ကာကွယ်ရေးဝန်ကြီးဌာနက အဆိုပြုထားသည်။

တွန်ဂီဂတ်သည် ပန်မွန်ဂျွန် အပစ်အခတ်ရပ်စဲရေး ရွာတွင်ရှိသည့် မြောက်ကိုရီးယားအဆောက်အအုံတစ်လုံး ဖြစ်ပြီး ယခင်ကိုရီးယားအရေးဆွေးနွေးပွဲများ ကျင်းပလေ့ရှိသည့် နေရာဖြစ်သည်။ တောင်နှင့်မြောက်ကိုရီးယား အစိုးရနှစ်ရပ်ကြား စစ်ရေးနှင့် အစိုးရပိုင်းဆိုင်ရာ အရေးပေါ်တယ်လီဖုန်းလိုင်း ပြန်လည်တည်ထောင်ရန်လည်း ဝန်ကြီးချိုမြောင်ဂွန်က တိုက်တွန်းထားသည်။

မြောက်ကိုရီးယား နျူကလီးယားစမ်းသပ်ခြင်းကို တုံ့ ပြန်သည့်အနေနှင့် ပြီးခဲ့သည့်နှစ်တွင်း တောင်ကိုရီးယားက စီးပွားရေးပိတ်ဆို့လိုက်ပြီးနောက် အရေးပေါ်တယ်လီဖုန်းလိုင်းများကို မြောက်ကိုရီးယားဖြတ်တောက်လိုက် ခြင်းဖြစ်သည်။

စစ်ရေးဆိုင်ရာဆွေးနွေးပွဲ လုပ်ဆောင်လိုသည်ဟု ဆိုးလ်က အဆိုပြုထားသော်လည်း ရန်လိုသည့်စစ်ရေး အပြုအမှုဆိုသည်မှာ မည်သည်ဖြစ်သည်ကို တောင်ကိုရီးယားက ရှင်းလင်းစွာပြောကြားခြင်းမရှိပေ။နယ်စပ်အနီး အသံချဲ့စက်များဖြင့် ဝါဒဖြန့်ချိပြောကြားမှုများကို ရန်စသည့် စစ်ရေးအပြုအမှုအဖြစ် တောင်ကိုရီးယားက ရည်ညွန်းလေ့ရှိသော်လည်း တောင်ကိုရီးယား-အမေရိကန် ပုံမှန် စစ်ရေးလေ့ကျင့်မှုများကို ရန်စသည့် အပြုအမှုအဖြစ်မြောက်ကိုရီးယားကသတ်မှတ်ထားသည်။

You may also like...

Leave a Reply

Your email address will not be published. Required fields are marked *