ဘိုရှီလိုင်း၏ မကောင်းဆိုးရွာ အမွေအနစ် မှန်သမျှ ဖယ်ရှားရန် ချုံကင်း ပါတီ အကြီးအကဲသစ်လိုလား

ဘေဂျင်း၊ ဇူလိုင် ၁၈

 

တရုတ် ကွန်မြူနစ်ပါတီအကြီးအကဲဟောင်း တစ်ဦးဖြစ်သူ ဘိုရှီလိုင်း၏ မကောင်းဆိုးရွားအမွေအနှစ် မှန်သမျှကို ဖယ်ရှားရန် နိုင်ငံ အနောက်တောင်ပိုင်း၏ အဓိကမြို့ ကြီးဖြစ်သော ချုံကင်းမြို့ ၏ ပါတီ အကြီးအကဲသစ် ချန်မီနာ လိုလားလျက်ရှိကြောင်း Reuters သတင်းတွင် ဖော်ပြထားသည်။

ချုံကင်းကွန်မြူနစ်ပါတီ အကြီးအကဲသစ်အဖြစ် ချန်မီနာကို စနေနေ့တွင် ရုတ်တရပ် ခန့်အပ်ခဲ့ပြီး ယခင် ပါတီ အကြီးအကဲဟောင်း ဆန်ကျန်ချောင်ကို စုံစမ်းစစ်ဆေးလျက်ရှိကြောင်း သတင်းရင်းမြစ်များက ပြောကြားလျက်ရှိသည်။

ဘိုရှီလိုင်း၏ သြဇာအာဏာကို ဖယ်ရှားရေး ချုံကင်းအာဏာပိုင်များ လုံလောက်စွာ လုပ်ဆောင်ခြင်း မရှိဟု ဖေဖော်ဝါရီလတွင်း ဝေဖန်ခံလိုက်ရပြီးနောက် ဆန်ကျန်ချောင်သည် အာဏာပိုင်များ၏ မျက်နှာသာပေးမခံရတော့ကြောင်း တရုတ်ခေါင်းဆောင်မှု၊ နိုင်ငံခြားသံတမန်တို့ နှင့် နီးစပ်သူများက မှတ်ချက်ပြုထားသည်။

တရုတ် ကွန်မြူနစ် ပါတီပေါ်လစ်ဗျူရို အဖွဲ့ ဝင်တစ်ဦးဖြစ်သည့် ဘိုရှီလိုင်း နှင့် ဆက်နွှယ်နေသည့် အရှုပ်တော်ပုံသည် ဦးစွာ ၎င်း၏ ရဲတပ်ဖွဲ့ အကြီးအကဲဝန်လီဂျန် ချုံကင်းမြို့အနီး ချန်ဒူးမြို့ရှိ အမေရိကန်ကောင်စစ်ဝန်ရုံးတွင် ခဏတာခိုလှုံရာမှ တစ်ဆင့် စတင်လာခြင်းဖြစ်သည်။

ယင်းနောက်တွင် ဖြစ်စဉ်ပေါင်းများစွာ ပေါ်ပေါက်ခဲ့ပြီး ဘို၏ ဇနီးကိုလည်း ဗြိတိန် စီးပွားရေးသမား တစ်ဦးကို သတ်မှုဖြင့် ထောင်ချခဲ့ကာ ဘိုကိုလည်း ၂၀၁၃ ခုနစ်တွင် ထောင်ဒဏ် တစ်သက် ချမှတ်ခဲ့သည်။

၂၀၀၇ ခုနစ်တွင် ချုံကင်းကွန်မြူနစ်ပါတီ အကြီးအကဲအဖြစ် ဘိုကို ခန့်အပ်လိုက်ပြီးနောက် တွင် တော်လှန်ရေးများဖြင့် လှုံဆော်ထားသည့် (တပ်)နီ ယဉ်ကျေးမှုမြှင့်တင်ခြင်း၊ လူတန်းစား ညီမျှရေးလုပ်ဆောင်ခြင်း၊ နိုင်ငံတော် ရှေ့ဆောင်စီးပွားရေး တိုးတက်မှု ပေါ်ပေါက်အောင် လုပ်ဆောင် ခြင်းတို့ ကြောင့် မြို့ ခံ သန်း ၃၀ ကျော်က ဘိုကို ထောက်ခံခဲ့သည်။

သို့ သော်လည်း မိမိကိုယ်ပိုင် ပုံရိပ်ကို မြင့်တင်သည့် ဘိုကို ဘေဂျင်းရှိ ကွန်မြူနစ်ခေါင်းဆောင်များ လိုလားခြင်းမရှိဘဲ နောက်ဆုံးတွင် ထောင်ဒဏ်ကျခံခဲ့ရသည်။

“ ဘို နဲ့ ဝမ် ရဲ့ မကောင်းဆိုးရွာ အမွေအနစ်တွေကို တွေးခေါ်မှု၊ နိုင်ငံရေးနဲ့  လုပ်ဟန်တွေကနေ စိတ်ပိုင်းဖြတ်ပြီး လုံးဝဖယ်ရှားရပါမယ်” ဟု ချန်မီနာ က ပြောကြားသွားကြောင်း ချုံကင်း နေ့ စဉ် သတင်းစာတွင် ဖော်ပြထားသည်။

ချန်သည် တရုတ်သမ္မတ ဇီကျင်ပင်း နှင့် နီးစပ်သူဖြစ်ပြီး ငါးနှစ်တစ်ကြိမ်ကျင်းပလေ့ရှိသည့် ပါတီ ကွန်ဂရက်တွင် တရုတ်ကွန်မြူနစ် ပါတီ အမြဲတမ်း ကော်မတီဝင်သစ် တစ်ဦးဖြစ်နိုင်သည်ဟုလည်း ၎င်း ကိုယ်တိုင် ရှုမြင်ထားသည်။

ချုံကင်းမြို့ သည် တရုတ် နိုင်ငံ၏ အရေးပါဆုံးမြို့ တစ်မြို့ ဖြစ်ပြီး အခွန်ကင်းလွတ်ခွင့်ပေးခြင်း၊ လုပ်အား နှင့် မြေ ဈေးချိုခြင်း၊ ထောက်ပံ့ပို့ ဆောင်ရေး ကောင်းမွန်ခြင်းတို့ ကြောင့် Hewlett Packard, Foxconn, Acer, Asus ကဲ့သို့သော ကမ္ဘာလုံးချီအမှတ်တံဆိပ်များ လာရောက် လုပ်ငန်း ဆောင်ရွက်အောင် ဆွဲဆောင်ထားနိုင်ကာ ကမ္ဘာ့လက်တော့ အားလုံး၏ သုံးပုံတစ်ပုံ ကို ထုတ်လုပ်ပေး လျက်ရှိသည်။

 

You may also like...

Leave a Reply

Your email address will not be published. Required fields are marked *