သိထားသင့်သော နိုင်ငံတကာ Fellowship များ

စာရေးသူဆီ အမေရိကန်ပြည်ထောင်စုက အမေရိကန်မိတ်ဆွေတစ်ယောက်က အမေရိကန်နိုင်ငံသားတွေနဲ့ နိုင်ငံတကာ ကျောင်းသားတွေ လျှောက်ထားအကျုံးဝင်တဲ့ Fellowship တွေ ပေးပို့လာ ပါတယ်။ Fellowship ဆိုတော့ Scholarship မဟုတ်ဘူးလားလို့ မေးစရာရှိပါတယ်။ Scholarship ဆိုတာ ပညာသင်ဆုဖြစ်ပါတယ်။ သူ့သဘောသဘာဝအရ ငွေကြေးထောက်ပံ့မှုပါဝင်တယ်။ အပြည့်အဝထောက်ပံ့တာလည်း ဖြစ်ချင်ဖြစ်မယ်။ တစ်စိတ်တစ်ပိုင်း ထောက်ပံ့တာလည်း ဖြစ်ချင် ဖြစ်မယ်။ Fellowship ကျတော့ ငွေကြေးထောက်ပံ့မှုပါချင်မှ ပါတော့မယ်။ ပါတာလည်းရှိတယ်။ မပါတာလည်း ရှိတယ်။ အထူးသဖြင့် Fellowship ရဲ့ သဘောသဘာဝက လုပ်ငန်းခွင် အတွေ့အကြုံ ရှိပြီးသားသူတွေကို ပစ်မှတ်ထားတယ်။ သုတေသနလုပ်ရမယ့်သဘောတွေ ပါဝင်တယ်။ သို့သော် ဒီနေ့ခေတ်မှာတော့ Fellowship နဲ Scholarship သဘောသဘာဝကို ဒီလိုပဲ ရောနှောအသုံးပြု နေတာတွေ့ရတယ်။ ဒီဆောင်းပါးမှာ မြန်မာနိုင်ငံက ကျောင်းသားတွေ လျှောက်ထားအသုံးဝင်နိုင်တဲ့ Fellowship တွေ အကြောင်း ဆွေးနွေးပါမယ်။

Fellowship တွေအကြောင်း မရေးမီ အမေရိကန်မိတ်ဆွေပေးပို့လာတဲ့ Fellowship တွေကို စာရင်းပြုလုပ် ဖတ်ကြည့်တော့ အတော်များတာ တွေ့ရပါတယ်။ မြန်မာကျောင်းသားတွေလျှောက်ထားအကျုံးဝင်တဲ့ နိုင်ငံတကာ Fellowship အချို့ကို အခုလိုတွေ့ရတယ်။

(၁) Asia Global Fellows Program (http://www.asiaglobalinstitute.hku.hk/en/agfellows-program/program/)

(၂) Asia Journalism Fellowship (http://www.ajf.sg/overview/)

(၃) Jeanne Sauve’ Public Leadership Program (http://jeannesauve.org/pillars/pubic-leadership-program/)

(၄) Bluhm/Helfand Social Innovation Fellowship (http://www.chicagoideas.com/bhsi)

(၅) First Generation Civil Rights Fellowship (FirstGEN) (http://firstgenfellows.org/)

(၆) Advanced Leadership Initiative (http://advancedleadership.harvard.edu/program)

(၇) Westpac Research Fellowship (http://bicentennial.westpacgroup.com.au/ scholarships/research-fellowship/)

(၈) Open Society Presidential Fellowship (http://www.opensocietyfoundations.org/ grants/open-society-presidential-fellowship)

(၉) Her Voice Fellowship (http://hervoice.designforcharity.org/)

(၁၀) Bellagio Residency Program: Practitioners (https://www.rockefellerfoundation.org/ our-work/Bellagio-center/residency-program/)

ဆိုခဲ့သလို အဲဒီ Fellowship အများစုက မြန်မာကျောင်းသားတွေ လျှောက်ထားအကျုံးဝင်ပါတယ်။ အချို့က လူ့အခွင့်အရေးဆိုင်ရာအတွက် သီးသန့်ပေးတာဖြစ်ပြီး အချို့က ဥပဒေပညာဆိုင်ရာ အတွက်၊ အချို့က မီဒီယာစာနယ်ဇင်းသမား တွေအတွက်ပေးတာဖြစ်တယ် ။ အများစုကတော့ အထွေထွေပေါ့။ ထောက်ပံ့ကြေးနဲ့ပတ်သက်ရင်လည်း အချို့ Fellowship တွေက ပညာသင်ကာလ အပြည့်အဝပေးတယ်။ အချို့က တစ်ဝက်တစ်ပိုင်းပေးတယ်။ အချို့က ငွေကြေးထောက်ပံ့မှု မပါဝင် ဘူး။ သို့သော် ရုံးခန်းနေရာအသုံးပြုခွင့်ပေးမယ်ဆိုတာမျိုးရှိတယ်။ အဲဒီ Fellowship တွေထဲကမှ အပြည့်အဝ ငွေကြေးထောက်ပံ့မှုပေးအပ်တဲ့ Fellowship အချို့ကို တင်ပြလိုက်ပါတယ်။

TheAsiaGlobal Fellows Program

ဒီပညာသင်ဆု (Fellowship) ကို ဟောင်ကောင် (Hong Kong) အခြေစိုက်သုတေသနဆိုင်ရာ အတွေးအခေါ်ပညာရှင်များအဖွဲ့တစ်ခုဖြစ်တဲ့ Asia Global Institute (AGI) က တိုက်ရိုက်စီမံခန့် ခွဲတာဖြစ်ပြီး လျှောက်ထားရရှိသူများဟာ University of Hong Kong (HKU) မှာ ၁၃ ပတ်ကြာ သွားရောက်လေ့လာဆည်းပူးရမှာဖြစ်ပါတယ်။ ပညာသင်ဆုရဲ့ ရည်ရွယ်ချက်ကတော့ နိုင်ငံတကာ ဆန်းသစ်တီထွင်အတွေးအမြင်ရှိတဲ့ အနာဂတ်မျိုးဆက်ခေါင်းဆောင်တွေ မွေးထုတ်ပေးဖို့ ဖြစ်ပါတယ်။ ပညာသင်ကာလအတွင်း စာသင်ကြားတာတွေ၊ အဆင့်မြင့်အစိုးရအရာရှိတွေ၊ စီးပွားရေး လုပ်ငန်းရှင် တွေနဲ့ ဆွေးနွေးပြောဆိုရတာတွေ၊ အလုပ်ရုံဆွေးနွေးပွဲတွေ၊ ကုန်ထုတ်လုပ်ငန်းစက်ရုံတွေနဲ့ ဟောင်ကောင်ပြင်ပ အခြားအာရှမြို့တော်ကြီးများဆီ သွားရောက်လည်ပတ်ခြင်းစတဲ့ အစီအစဉ်တွေပါ ရှိပါတယ်။ Asia Global Fellows Program လျှောက်ထားရွေးချယ်ခံရသူများဟာ ဟောင်ကောင်မှာ နေထိုင်သင်ကြားစဉ်ကာလ လစဉ်အသုံးစရိတ်ငွေကြေး (A monthly stipend to help with living costs)၊ နေထိုင်စရိတ် (Accommodation)၊ အသွားအပြန် လေယာဉ်လက်မှတ် (Roundtrip travel from home country)၊ ပညာသင်ကာလဆက်စပ်ခရီးသွားစရိတ် (Site-visit travel expenses)၊ အာမခံထောက်ပံ့ကြေး(Insurance) များကို ရရှိမှာဖြစ်ပါတယ်။ အသေးစိတ်အချက်အလက်များကို http://www.asiaglobalinstitute.hku.hk/en/agfellows-program/program/ မှာသွားရောက် ကြည့်ရှုနိုင်ပြီး agf.enquiry@hku.hk သို့လည်း အီးမေးလ်ပေးပို့ဆက်သွယ်စုံစမ်းနိုင်ပါတယ်။

Asia Journalism Fellowship

ဒီ Fellowship က အာရှတိုက်က စာနယ်ဇင်းသမားတွေကို စင်ကာပူနိုင်ငံ (Singapore)ကို သုံးလကြာ ခေါ်ယူဆွေးနွေးပို့ချတဲ့ အစီအစဉ်တစ်ခုဖြစ်ပါတယ်။ ဒီ Fellowship ကာလမှာ အာရှနိုင်ငံအသီးသီးက သတင်းသမားတွေဟာ စင်ကာပူရဲ့ အစိုးရ၊ ပုဂ္ဂလိက သတင်းဌာနတွေ၊ သတင်းသမားတွေ၊ စီးပွားရေး အသိုင်းအဝိုင်း၊ လူမှုအဖွဲ့အစည်းများနဲ့ အနီးကပ်အမြင်ချင်းဖလှယ်ခွင့်၊ တွေ့ဆုံစည်းဝေးခွင့်၊ သုတေသနပရောဂျက် လုပ်ခွင့်တွေရရှိမှာဖြစ်ပါတယ်။ ဒီ AJF Fellowship ကို ၂၀၀၈ မှာ စတင်တည် ထောင်ပြီး ၂၀၀၉ မှာ ပထမဆုံးအာရှမီဒီယာသမားတွေကို ဖိတ်ခေါ်ခဲ့ပါတယ်။ ဒီအစီအစဉ်ကို စင်ကာပူအခြေစိုက် Temasek Foundation International (www.temasekfoundatin-international.org.sg) က ငွေကြေးကူညီပံ့ပိုးပေးတာဖြစ်ပြီး ၂၀၁၆ ခုနှစ်အထိ Nanyang Technological University ရဲ့ အစိတ်အပိုင်းဖြစ်တဲ့ Wee Kim Wee School of Communication and Information မှ စီမံခန့်ခွဲခဲ့ပါတယ်။ AJF Fellowship ကို ၂၀၁၇ ခုနှစ်ကစလို့ National University of Singapore ရဲ့ အစိတ်အပိုင်းဖြစ်တဲ့ Lee Kuan Yew School of Public Policy မှ စီမံခန့်ခွဲလုပ်ဆောင်လျက်ရှိပါတယ်။ ရွေးချယ်ခံရသူများ (Fellows ) ဟာ တစ်လကို စင်ကာပူ ဒေါ်လာ ၁ç၅၀၀ ရရှိမှာဖြစ်ပြီး အသွားအပြန် လေယာဉ်လက်မှတ်လည်း ကျခံပေးမှာဖြစ်ပါတယ်။ နေစရာအခန်းလည်း အခမဲ့ရရှိမှာဖြစ်ပြီး နေထိုင်လေ့လာစဉ် ကာလအထောက်အကူဖြစ်စေဖို့ သုတေသီ အကြံပေးများကိုလည်း တွဲဖက်ပေးထားမှာဖြစ်ပါတယ်။ လျှောက်ထားဖို့ အကျုံး ဝင်သူများကတော့ မီဒီယာဂျာနယ်သမား လုပ်သက် အနည်းဆုံးငါးနှစ်ရှိရပါမယ်။ လုပ်သက်အနည်းဆုံး ငါးနှစ်ပြည့် အလွတ်သတင်းထောက်များ၊ ဆောင်းပါးရှင်များ၊ စာရေးဆရာများလည်း အကျူံးဝင် ပါတယ်။ အာရှတိုက်နိုင်ငံတစ်နိုင်ငံမှာ နေထိုင်သူ၊ နိုင်ငံသားဖြစ်ရပါမယ်။ ပြောဆိုဆွေးနွေး နိုင်တဲ့ အင်္ဂလိပ်စာအရည်အသွေး ရှိရပါမယ်။ လျှောက်ထားသူများဟာ သက်ဆိုင်ရာ မီဒီယာများဆီက သုံးလကြာ စင်ကာပူ မှာ ဒီ Fellowship ကို တက်ရောက်တာ ခွင့်ပြုထောက်ခံကြောင်း စာတင်ပြရပါ မယ်။ မီဒီယာသမားတစ်ယောက်အဖြစ် ရခဲ့တဲ့ ဆုမှတ်တမ်းတွေ၊ အောင်မြင်မှု အထောက်အထားတွေ တင်ပြနိုင်ရင်တော့ ရွေးချယ်ခံရဖို့ ပိုပြီးအားသာမှာဖြစ်ပါ တယ်။ သိရသလောက် ဒီ Fellowship က နှစ်တိုင်းခေါ်ယူတာဖြစ်ပြီး ဒီ ၂၀၁၇ အတွက်တော့ လျှောက်လွှာပိတ်သွားပြီလို့သိရပါတယ်။ နောင်နှစ်တွေမှာ လျှောက်ထားဖို့ စိတ်ဝင်စားသူများအနေနဲ့ http://www/ajf.sg/overview/ မှာ အသေးစိတ် သွားရောက်ကြည့်ရှုနိုင်ပြီး သိလိုသည်များကိုလည်း applications@ajf.sg သို့ အီးမေးလ် ပေးပို့ မေးမြန်းနိုင်ပါတယ်။

Jeanne Sauve’ Public Leadership Program

ဒီပညာသင်ဆု (Fellowship) ကို ကနေဒါနိုင်ငံ (Canada) ရဲ့ မြို့ကြီး တစ်မြို့ဖြစ်တဲ့ ကွီဗက်ပြည်နယ် (Que’bec province)၊ မွန်ထရီရယ် (Montreal) မှာအခြေစိုက်တဲ့ Jenne Sauve’ Foundation က ပေးအပ်တာဖြစ်ပြီး လျှောက်ထားရရှိသူများဟာ မွန်ထရီရယ် က McGill University နဲ့ Concordia မှာ သွားရောက်လေ့လာဆည်းပူးရမှာဖြစ်ပါတယ်။ ပညာသင်ဆုရဲ့ ရည်ရွယ်ချက်ကတော့ ကမ္ဘာကြီး ရင်ဆိုင်နေရတဲ့ အဓိကအခက်အခဲတွေကို ချဉ်းကပ်ဖြေရှင်းနိုင်စေဖို့ ခေါင်းဆောင်မှုသဘော တရားများကို မျှဝေဆွေးနွေးမှာ ဖြစ်ပါတယ်။ ပညာသင်ဆုကာလပထမနှစ် (Year 1: Full-time, Residential Phase) မှာ စာသင်ကြားတာတွေ လုပ်ရမယ်။ ခေါင်းဆောင်မှုအတွေ့အကြုံတွေ မျှဝေဆွေးနွေးရမယ်။ ဒုတိယနှစ် (Year 2: Part-time, Field Phase) မှာ ကိုယ့်နိုင်ငံနေရပ်ရင်းပြန်ပြီး လက်တွေ့ခေါင်းဆောင်မှုအတွေ့အကြုံများကို ပြုလုပ်စမ်းသပ်ရမှာဖြစ်ပါတယ်။ ပထမနှစ်ရော၊ ဒုတိယနှစ်ရော ပြီးရင်တော့ ပညာသင်ဆု ပေးအပ်တဲ့ အဖွဲ့အစည်းနဲ့ အမြဲတမ်း ဆက်ဆံရေးတစ်ရပ် ထားရှိရမှာဖြစ်ပါတယ်။

Jeanne Sauve’ Public Leadership Program လျှောက်ထား ရွေးချယ်ခံရသူများဟာ ပထမနှစ်အတွက် ကနေဒါနိုင်ငံမှာ နေထိုင်သင်ကြားစဉ်ကာလ လစဉ် အသုံးစရိတ်ငွေကြေး (monthly living stipend) ထောက်ပံ့ကြေးရရှိ မှာဖြစ်ပြီးThe Sauve’ House မှာ အခမဲ့ နေထိုင်ခွင့်ကိုလည်း ရရှိမှာဖြစ်ပါတယ်။ ပထမနှစ်မှာရရှိမယ့် ထောက်ပံ့ကြေးငွေဟာ မွန်ထရီရယ်မှာနေထိုင်စဉ် ကုန်ကျ စရိတ်အားလုံးက ကာမိပါတယ်လို့ ဆိုပါတယ်။ လုပ်ငန်းခွင်အတွေ့အကြုံရှိသူများကို ရွေးချယ်ပေးအပ် တာ ဖြစ်တဲ့အတွက် လျှောက်ထားသူဟာ အနည်းဆုံးလုပ်သက်သုံးနှစ်ရှိသူဖြစ်ဖို့ လိုအပ်ပါတယ်။ လုပ်သက် သုံးနှစ်ကို တွက်ချက်ရာမှာ အလုပ်သင် အတွေ့အကြုံတွေ (internship experience)၊ လူမှုရေးလုပ်ငန်းအတွေ့အကြုံတွေ (volunteer position ) ကို ထည့်သွင်းစဉ်းစားမယ်လို့ ဆိုပါတယ်။ အသက် ကန့်သတ်ချက်အနေနဲ့ကတော့ အသက် ၂၅ နှစ်ကနေ ၃၀ နှစ်အထိလို့ ဆိုပါတယ်။ တက္ကသိုလ်တစ်ခုခုက ဘွဲ့ရရှိသူဖြစ်ရမယ်။ အင်္ဂလိပ်စာကျွမ်းကျင်သူ ဖြစ်ရမယ်။ ပြင်သစ်စာပါ ရရင်တော့ ပိုကောင်းတယ်လို့ ဆိုပါတယ်။ ဒုတိယနှစ်အတွက်တော့ ပညာသင်ဆုထောက်ပံ့ကြေး မပေးပါဘူး။ ဒါကလည်း ဒုတိယနှစ်က ကိုယ့်နိုင်ငံပြန်ပြီး ပရောဂျက်အချို့လုပ်ရမှာမို့ နေစရိတ်၊ စားစရိတ်မပေးပေမယ့် လုပ်ဆောင်မယ့် ပရောဂျက်အပေါ်မူတည်ပြီး ကုန်ကျစရိတ်အချို့ကိုတော့ ကျခံပေးမယ်ဆိုပါတယ်။ အသေးစိတ်အချက်အလက်များကို htttp://jeannesauve.org/pillars/ public-leadership-program/ မှာ သွားရောက်ကြည့်ရှုနိုင်ပြီး info@jeannesauve.org သို့လည်း အီးမေးလ်ပေးပို့ ဆက်သွယ်စုံစမ်းနိုင်ပါတယ်။

Fellowship များ လျှောက်ထားသူ မြန်မာနိုင်ငံသားများအားလုံး အဆင်ပြေ ချောမွေ့ကံကောင်း ကြပါစေ။

 

အောင်အောင် (IR)

 

You may also like...

Leave a Reply

Your email address will not be published. Required fields are marked *