အာဇာနည်နေ့ နေ့တိုင်း ဖြစ်စေလိုသည်

 

ကျဆုံးလေသော အာဇာနည်ကြီးများကို နှစ်စဉ် ယနေ့အချိန်ရောက်တိုင်း အမှတ်ရ ကျေးဇူးတင်ဂုဏ်ပြုကြသည့် အားမာန်နှင့်သာ မြန်မာနိုင်ငံ ဖွံ့ဖြိုးတိုးတက်မှု တိုက်ရိုက်အချိုးကျလျှင် မြန်မာသည် ကမ္ဘာ့နံပါတ်တစ်ပင် ဖြစ်နေနိုင်သည်။ သို့သော် အာဇာနည်ကြီးများသာ မြန်မာပြည်တွင်ပင် ပြန်လည်ဖွားမြင်လျှင် အိုမင်းသေဆုံးလောက်အောင် အာဇာနည်နေ့ နှစ် ၇၀ ပြည့်သော်လည်း မြန်မာနိုင်ငံကား ကမ္ဘာ့အလယ်တွင် မဆိုထားဘိ၊ ပတ်ဝန်းကျင်တွင်ပင် အောက်ကျနောက်ကျဖြစ်နေ သည်မှာ အဘယ့်ကြောင့်နည်း။

တစ်နှစ်လျှင် အာဇာနည်နေ့တစ်နေ့သာရှိသောကြောင့် ဖြစ်ပေလိမ့်မည်။

အာဇာနည်ကြီးများသည် မြန်မာတိုင်း၏ အတုယူ လေးစားဖွယ် Role Model သဖွယ်ဖြစ်သည်။ မိမိအကျိုး၊ မိသားစုအကျိုး၊ ဆွေမျိုးအကျိုးထက် တိုင်းပြည်အကျိုးဆောင်ခြင်း၊ မတူခြားနားချက်များကို အသာထားပြီး တိုင်းပြည်အတွက် ပေါင်းစည်းညီညွတ်ကြခြင်းတို့သည် အာဇာနည်ကြီးများ အသက်စတေးပြသခဲ့သော ဥပမာများပင်ဖြစ်သည်။ အာဇာနည်တစ်ဦးချင်းစီသည် ထက်မြက်သူ၊ ကြိုးစားသူ၊ ဇွဲကြီးသူများဖြစ် သဖြင့် ပေါက်မြောက်အောင်မြင်ကြသူများဖြစ်ရာ တိုင်းရေး ပြည်ရေးအတွက် မဟုတ်လျှင်ပင် တစ်ကိုယ်ရေတစ်ကာယအတွက် အားကျအတုယူသင့်သူများဖြစ်သည်။

တိတ်တိတ်ဆိတ်ဆိတ် အောက်မေ့ခဲ့ရစဉ်ကဖြစ်စေ၊ ပွင့်ပွင့်လင်းလင်း ဖော်ထုတ်ခွင့်ရသည်ဖြစ်စေ အာဇာနည်ကြီးများ၏ ဂုဏ်ကျေးဇူးကို အောက်မေ့ပြီး၊ ယင်းတို့ကို အားကျစိတ်များ မြန်မာတိုင်း၏ ရင်ထဲတွင်ရှိနေကြမည်။ သို့သော် တစ်နှစ်လျှင် တစ်ကြိမ်၊ တစ်ရက်သာ အောက်မေ့အားကျခြင်းကြောင့် မြန်မာတို့၏ တစ်ဦးချင်းဘ၀တွင်ရော နိုင်ငံအဆင့်တွင်ပါ ရောက်သင့်သလောက် ခရီးမရောက်ခြင်း ဖြစ်ပေလိမ့်မည်။

နောက်တစ်နည်းပြောရလျှင် အာဇာနည်များကို အာဇာနည် နေ့တွင်သာထားခဲ့ပြီး နေ့စဉ်ဘ၀သို့ ခေါ်ဆောင်မလာကြခြင်းကြောင့် မြန်မာနိုင်ငံသည် လွတ်လပ်ရေးမတိမ်းမယိမ်းရယူခဲ့သည့် နိုင်ငံများရော၊ မိမိထက် များစွာနောက်ကျပြီးမှ လွတ်လပ်ရေးရယူခဲ့သည့် နိုင်ငံများ၏နောက်တွင်ပါ များစွာပြတ်ကျန်ခဲ့ခြင်း ဖြစ်သည်။

ယနေ့အချိန်သည် အာဇာနည်ကြီးများ မျက်နှာလွှဲသွားခဲ့ပြီး နှစ် ၇၀ ရှိပြီဖြစ်သလို ဖွံ့ဖြိုးတိုးတက်ရေးအတွက် အခွင့်အလမ်းကြီးကို မကြုံစဖူး ရရှိနေချိန်ဖြစ်ရာ အာဇာနည်နေ့ အားမာန်နှင့်အညီ မိမိဘ၀ကိုနေ့စဉ်တည်ဆောက်ရင်း နိုင်ငံကိုလည်း နေ့စဉ် စုစုစည်းစည်း ကြိုးစားတည်ဆောက်ကြရန် The Voice Journal က နှိုးဆော်လိုက်ပါသည်။ 

အယ်ဒီတာ
( ၁၉.၇.၂၀၁၇)

You may also like...

Leave a Reply

Your email address will not be published. Required fields are marked *