မတရားအသင်းအက်ဥပဒေကို အထူးကော်မရှင် ပြန်သုံးသပ်

Voice Logo

 

ရန်ကုန်၊ ဇူလိုင် ၂၁

တပ်မတော်အစိုးရကာလတစ်လျှောက် နာမည်ဆိုးဖြင့်ကျော်ကြားပြီး လက်ရှိအစိုးရလက်ထက်အထိ အသုံးပြုဆဲဖြစ်သော မတရားအသင်းအက်ဥပဒေကို ပြန်လည်သုံးသပ်နေပြီဖြစ်ကြောင်း ပြည်ထောင်စုလွှတ်တော်ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင်က ထုတ်ပြန်ပြောဆိုသည်။

အထူးကော်မရှင်၏ လုပ်ငန်းညှိနှိုင်းအစည်းအဝေးကို ဇူလိုင်လ ၂၁ ရက်နေ့က နေပြည်တော်လွှတ်တော်ဝင်းရှိ ရေးရာဆောင်တွင်ကျင်းပရာ ကော်မရှင်ဥက္ကဋ္ဌ သူရဦးရွှေမန်းနှင့် ကော်မရှင်အဖွဲ့ဝင်များ တက်ရောက်ခဲ့ပြီး မတရားအသင်းအက်ဥပဒေကို လေ့လာသုံးသပ်ခဲ့ခြင်းဖြစ်ကြောင်း ကော်မရှင်၏ထုတ်ပြန်ချက်တွင် ဖော်ပြထားသည်။

ကိုလိုနီခေတ်က ပြဋ္ဌာန်းခဲ့သော မတရားအသင်းအက်ဥပဒေမှာ အစိုးရအဆက်ဆက်က နိုင်ငံရေးတက်ကြွလှုပ်ရှားသူများနှင့် တိုင်းရင်းသားနယ်မြေများမှ ဒေသခံများကို ဖမ်းဆီးအရေးယူရာတွင် ပင်တိုင်အသုံးပြုခဲ့သည့် ဥပဒေဖြစ်ပြီး ယင်း ဥပဒေပုဒ်မ ၁၇ (၁) မှာ နိုင်ငံရေးတက်ကြွ လှုပ်ရှားသူများအကြား နာမည်ကျော်ကြားသော ပုဒ်မဖြစ်သည်။

လက်ရှိတွင် တအာင်းပလောင်တိုင်းရင်းသားလက်နက်ကိုင်နယ်မြေသို့ သွားရောက်သတင်းယူခဲ့သည့် ဧရာဝတီနှင့် ဒီမိုကရက်တစ်မြန်မာသတင်းဌာနတို့မှာ သတင်းထောက်သုံးဦးကို ယင်းပုဒ်မဖြင့် တပ်မတော်ကဖမ်းဆီးကာ တရားစွဲဆို ထားသည်။

ပြည်သူ့လွှတ်တော်ဥက္ကဋ္ဌဟောင်း သူရဦးရွှေမန်းဦးဆောင်သော အထူးကော်မရှင်သည် ဥပဒေများ အသစ်ရေးဆွဲ ခြင်း၊ ပြင်ဆင်ပယ်ဖျက်ခြင်းများအတွက် လွှတ်တော်နှစ်ရပ်သို့ အဓိကအကြံပေးနေသည့်အဖွဲ့ဖြစ်ပြီး လတ်တလော နာမည် ကြီးပုဒ်မဖြစ်သည့် ဆက်သွယ်ရေးဥပဒေ ပုဒ်မ ၆၆(ဃ) ကို ပြင်ဆင်ရန်လည်း လွှတ်တော်သို့ အကြံပြုထားသည်။

ဆက်သွယ်ရေးဥပဒေကို ပြင်ဆင်မည့် ဥပဒေမူကြမ်းမှာ အမျိုးသားလွှတ်တော်တွင် ရောက်ရှိနေပြီဖြစ်ပြီး လက်ရှိကျင်းပနေသည့် လွှတ်တော်အစည်းအဝေးများ မရပ်နားမီ ပြင်ဆင်သည့်ဥပဒေမူကြမ်း အတည်ပြုနိုင်ကြောင်း လွှတ်တော် ကိုယ်စားလှယ်များက ခန့်မှန်းထားသည်။

 

 

You may also like...

Leave a Reply

Your email address will not be published. Required fields are marked *