ပြည်ထောင်စုဝန်ကြီး၊ ဒုဝန်ကြီးအချို့ ပြောင်းလဲရန် အစိုးရစီစဉ်

Voice Logo

ရန်ကုန်၊ ဇူလိုင် ၂၁

ဒေါ်အောင်ဆန်းစုကြည် ဦးဆောင်သည့် အမျိုးသားဒီမိုကရေစီအဖွဲ့ချုပ်ပါတီ အစိုးရသက်တမ်း တစ်နှစ်ခွဲနီးပါး ရှိလာချိန်တွင် အစိုးရဝန်ကြီးဌာနအချို့မှ ပြည်ထောင်စုဝန်ကြီးနှင့် ဒုတိယဝန်ကြီးအချို့ကို ပြောင်းလဲရန်စီစဉ် နေကြောင်း အစိုးရနှင့် နီးစပ်သည့် လုပ်ငန်းရှင်အသိုင်း အဝိုင်းထံမှ သိရသည်။

အပြောင်းအလဲလုပ်မည့် ပြည်ထောင်စုဝန်ကြီး၊ ဒုတိယဝန်ကြီးစာရင်းကို စီစဉ်လျာထားပြီးဖြစ်ပြီး တရားဝင် အပြောင်းအလဲလုပ်ရန် အစိုးရက နေ့ကောင်းရက်သာ ရွေးချယ်နေကြောင်း၊ သို့သော် အများမျှော်လင့်သကဲ့သို့ အပြောင်းအလဲ ကြီးကြီးမားမားဖြစ်မည်မဟုတ်ကြောင်း အစိုးရနှင့်နီးစပ်သူတစ်ဦးက The Voice သို့ ပြောဆို သည်။

“ဦးဆက်အောင်ဆိုရင် စီမံဘဏ္ဍာကို ရောက်မယ်” ဟု ၎င်းကဆိုသည်။

ဦးဆက်အောင်မှာ လက်ရှိဗဟိုဘဏ်ဒုတိယဥက္ကဋ္ဌ တာဝန်ထမ်းဆောင်နေသူဖြစ်ပြီး ဦးကျော်ဝင်း၏ လက်အောက်စီမံကိန်းနှင့် ဘဏ္ဍာရေးဝန်ကြီးဌာနဒုတိယဝန်ကြီးအဖြစ် ပြောင်းရွှေ့ခန့်အပ်ရန်စီစဉ်ထားခြင်းဖြစ် ကြောင်း The Voice က စုံစမ်းသိရှိရသည်။

သမ္မတဦးသိန်းစိန် အစိုးရလက်ထက် တွင် အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန ဒုတိယဝန်ကြီး အဖြစ် ဦးဆက်အောင်က တာဝန်ထမ်း ဆောင်ခဲ့ဖူးရာ ယခင်တာဝန်များကို ပြန်လည် ထမ်းဆောင်ရသည်ဟု မှတ်ယူနိုင်ကြောင်း လုပ်ငန်းရှင်အသိုင်းအဝိုင်းက ဆိုသည်။

နိုင်ငံ့စီးပွားရေး နှေးကွေးမှုအတွက် တာဝန်ရှိသူဟု ယူဆကြသည့် စီမံကိန်းနှင့် ဘဏ္ဍာရေးဝန်ကြီး ဦးကျော်ဝင်း ကို ဖယ်ရှားမည်မဟုတ်ဘဲ အပြောင်းအလဲလုပ်မည်ဆိုလျှင်ပင် ဦးကျော်ဝင်းကို သမ္မတရုံးဝန်ကြီးအဖြစ် ပြောင်းလဲခြင်းမျိုးဖြစ်နိုင်ကြောင်း၊ ကျန်းမာရေးအရခွင့်ယူထားသည့် လျှပ်စစ်နှင့် စွမ်းအင်ဝန်ကြီး ဦးဖေဇင်ထွန်း သည် အပြောင်းအလဲစာရင်းတွင် ပါနိုင်ကြောင်း အစိုးရနှင့် နီးစပ်သူအချို့က ခန့်မှန်းထားသည်။

ထိုကိစ္စများနှင့် ပတ်သက်၍ The Voice Weekly က အခြားသတင်းအရင်းအမြစ်များထံမှ အတည်မပြုနိုင် သေးပါ။

အစိုးရအဖွဲ့အတွင်း အပြောင်းအလဲအချို့နှင့် ပတ်သက်၍ သမ္မတရုံးသို့ ဆက်သွယ်မေးမြန်းရာတွင် လတ်တ လောမပြောနိုင်သေးကြောင်းနှင့် အပြောင်းအလဲရှိပါက တရားဝင်ထုတ်ပြန်အသိပေးမည်ဖြစ်ကြောင်း ပြန်လည် ဖြေဆိုသည်။

 

You may also like...

Leave a Reply

Your email address will not be published. Required fields are marked *