“ဒီမိုကရေစီစနစ်မှာ ‘မလုပ်၊ မရှုပ်၊ မပြုတ်’ အတွေးအခေါ်အတွက် နေရာမရှိနိုင်ပါဘူး”

“ဒီမိုကရေစီစနစ်မှာ ‘မလုပ်၊ မရှုပ်၊ မပြုတ်’ အတွေးအခေါ်အတွက် နေရာမရှိနိုင်ပါဘူး”

 ဒေါ်အောင်ဆန်းစုကြည်

နေမြဲသမားများ ဖယ်ရှားနိုင်မည်လော

ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော်သစ်ကြီးဆီသို့ ရည်မှန်းကာ ခရီးနှင်နေကြသည်။

အစိုးရနှင့် ပြည်သူ တွဲကူချီတက်ရမည့် ခရီးကြမ်းက ရထားတစ်စင်းနှင့် ပမာတူသည်။ အစိုးရသည် ရထားစက်ခေါင်းဖြစ်ပြီး အစိုးရ၏ ရည်မှန်းချက်ကို အကောင်အထည်ဖော်ရမည့် နိုင်ငံ့ဝန်ထမ်းယန္တရားကို ရထားတွဲများအဖြစ် ညွှန်းဆိုကြသည်။

ပြည်သူတို့သည် ခရီးသည်များ ဖြစ်ကြ၏။

ဆိုရှယ်လစ်ခေတ်မှသည် စစ်အာဏာသိမ်း တပ်မတော်အစိုးရခေတ်တစ်လျှောက်လုံး အစိုးရခေါင်းဆောင်မှုနှင့် အုပ်ချုပ်မှုပုံစံ အလွဲအချော်တို့ကို ဆယ်စုနှစ်များစွာ ကြုံခဲ့ရပြီးနောက် မြန်မာတို့၏ စီးပွားရေး၊ လူမှုရေးရေးရာအဖြာဖြာတွင် အောက်ကျနောက်ကျ ဖြစ်ခဲ့ရသည်။

သမ္မတဦးသိန်းစိန် ဦးဆောင်သည့် အသွင်ပြောင်းအစိုးရခေတ်တွင် ရထားစက်ခေါင်းမောင်းတို့၏ အမူအကျင့်များ အထိုက်အလျောက် တိုးတက်ပြောင်းလဲလာခဲ့ပြီး ခရီးသည် မြန်မာတို့သည်လည်း အပြောင်းအလဲနှင့်အတူ ကမ္ဘာ့အလယ် တွင် မျက်နှာပွင့်ခဲ့ကြသည်။

သို့သော် ထိုစဉ်ကပင် နိုင်ငံ့ဝန်ထမ်းယန္တရားရထားတွဲများမှာ ပြောင်းသင့်သလောက် မပြောင်း၊ ကောင်းသင့်သလောက် မကောင်းသဖြင့် ဒီမိုကရေစီပန်းတိုင်သို့လည်း ရောက်သင့်သလောက် မရောက်နိုင်ခဲ့ကြောင်း အစိုးရဝန်ကြီးအချို့ နှင့် လေ့လာသူအချို့က မှတ်ချက်ပြုခဲ့သည်။

ယခု ဒေါ်အောင်ဆန်းစုကြည် ဦးဆောင်သည့်အစိုးရက ခြေလှမ်းသစ်စလိုက်သည်။

ရထားစက်ခေါင်း ပြောင်းခဲ့သော်လည်း ရထားတွဲမပြောင်းဟု ဆိုခဲ့ရာက ယခုရထားတွဲများ ပြုပြင်ပြောင်းလဲရေးလုပ်မည့် အစီအစဉ်ဖြစ်သည်။ နိုင်ငံ့ဝန်ထမ်းပြုပြင်ပြောင်းလဲရေး မဟာဗျူဟာတစ်ရပ်ကို အစိုးရက အချိန်ယူရေးဆွဲခဲ့ပြီး ၂၀၁၇ မှ ၂၀၂၀ ပြည့်နှစ်အထိ လေးနှစ်ကြာလုပ်ငန်းအစီအစဉ်ကို ထုတ်ပြန်ခဲ့သည်။

“ဒီမိုကရေစီစနစ်မှာ ‘မလုပ်၊ မရှုပ်၊ မပြုတ်’ အတွေးအခေါ်အတွက် နေရာမရှိနိုင်ပါဘူး” ဟု ဒေါ်အောင်ဆန်းစုကြည်က ကြုံးဝါးသည်။

နိုင်ငံ့ဝန်ထမ်း ပြုပြင်ပြောင်းလဲမှုဆိုင်ရာ မဟာဗျူဟာစီမံချက် မိတ်ဆက်အခမ်းအနားကို နေပြည်တော်တွင် ဇွန်လ ၁၀ ရက်က ပြုလုပ်စဉ် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ထိုသို့ ကြုံးဝါးပြောဆိုခဲ့ခြင်းဖြစ်သည်။

မလုပ်၊ မရှုပ်၊ မပြုတ် နေမြဲသမားများကို နိုင်ငံ့ဝန်ထမ်းယန္တရားမှ ဖယ်ရှားမည်ဖြစ်သလို တစ်ဖက်တွင်လည်း အစိုးရက ဝန်ထမ်းများကို ဂရုတစိုက်စောင့်ရှောက်ပေးရမည်ကို သိရှိနားလည်ပါကြောင်း ဒေါ်အောင်ဆန်းစုကြည်က ထပ်လောင်းဆိုသည်။

“ဝန်ထမ်းတွေသင့်လျော်မျှတတဲ့ လုပ်ခလစာရရှိရေး၊ ကောင်းမွန်တဲ့ အထွေထွေခံစားခွင့်တွေ ရရှိခံစားနိုင်ရေးအတွက် အစွမ်းကုန်ကြိုးစားဆောင်ရွက်ပေးသွားမှာ ဖြစ်ပါတယ်”

မဟာဗျူဟာတွင် နိုင်ငံ့ဝန်ထမ်း ပြုပြင်ပြောင်းလဲရေးနယ်ပယ်လေးခု သတ်မှတ်ထားသည်။

အုပ်ချုပ်မှုပုံစံသစ်၊ အရည်အချင်းကိုအခြေခံ၍ စွမ်းဆောင်ရည်ရှိမှုကိုဦးစားပေးသော အလေ့အထစနစ်များ၊ ပြည်သူဗဟိုပြု နိုင်ငံ့ဝန်ထမ်းများဖြစ်လာစေရန် ခေါင်းဆောင်မှုပေးနိုင်သည့် အရည်အသွေးများနှင့် စွမ်းဆောင်ရည်များကို မြှင့်တင်ခြင်း၊ နိုင်ငံ့ဝန်ထမ်းကဏ္ဍ၏ ပွင့်လင်းမြင်သာမှုနှင့် တာဝန်ခံမှု။ တာဝန်ယူမှုဟူသည့် နယ်ပယ်လေးခုဖြစ်သည်။

“ရာထူးဝန်အဖွဲ့ကနေ စပြီးပြောင်းရမှာ” ဟု နိုင်ငံ့ဝန်ထမ်းပြုပြင်ပြောင်းလဲရေးအစီအစဉ်အပေါ် ဒေါက်တာပိုင်ခန့်က မှတ်ချက်ပြုသည်။

ဒေါက်တာပိုင်ခန့်သည် မကွေးတိုင်းဒေသကြီး မင်းလှမြို့ ပြည်သူ့ဆေးရုံတွင် သွားဘက်ဆိုင်ရာဆရာဝန်အဖြစ် တာဝန်ထမ်းဆောင်နေသူဖြစ်ပြီး နိုင်ငံ့အရေးအရာများကို နိုးနိုးကြားကြား စောင့်ကြည့်တတ်သူ လူငယ်ဆရာဝန် တစ်ဦးဖြစ်သည်။

ပြည်ထောင်စုရာထူးဝန်အဖွဲ့၏ လေ့ကျင့်မှုပုံစံနှင့် ဌာနဆိုင်ရာများ၏ လုပ်ငန်းသဘောသဘာဝအလိုက် ရွေးချယ်လေ့ကျင့်မှုကအစ ပြောင်းလဲရန် လိုအပ်ကြောင်း ၎င်းက ထပ်လောင်းပြောဆိုသည်။

အစိုးရက ထုတ်ပြန်သည့် မဟာဗျူဟာတွင်လည်း နိုင်ငံ့ဝန်ထမ်း ပြုပြင်ပြောင်းလဲရေးကို ရာထူးဝန်အဖွဲ့က ဦးဆောင်မည်ဖြစ်ပြီး ယင်းအတွက် ရာထူးဝန်အဖွဲ့ကို အာဏာလုပ်ပိုင်ခွင့်တိုးမြှင့်ပေးရန် အဆိုပြုထားသည်။

“ဘယ်လို နောက်ခံအသိုင်းအဝိုင်းကပဲဖြစ်ဖြစ် အကောင်းဆုံး၊ အတော်ဆုံးတွေ ပြည်သူ့ဝန်ထမ်းလောကအတွင်း ဝင်ရောက်ပြီး အနေမြဲစေမယ့် ဝန်ထမ်းရွေးချယ်ခန့်အပ်ရေးစနစ်ကိုပဲ ကျင့်သုံးဆောင်ရွက်ရပါမယ်” ဟု ဒေါ်အောင်ဆန်း စုကြည်က ဆိုသည်။

သို့သော် ဝန်ထမ်းရွေးချယ်လေ့ကျင့်ရေး အဓိကတာဝန်ရှိသူ ရာထူးဝန်အဖွဲ့ကို သံသယရှိသူအချို့ ရှိသည်။

“လက်တွေ့မှာ အခက်အခဲရှိနိုင်တယ်” ဟု ဦးအောင်သူငြိမ်းက ဆိုသည်။

မြန်မာနိုင်ငံရှိ ဝန်ကြီးဌာနများမှာ မိမိဌာနအသီးသီးကို ကိုယ်ပိုင်နယ်ပယ်သဖွယ် ခြံစည်းရိုးခတ်ထားသဖြင့် အပြင်လူဝင်လုပ်ရန် မလွယ်ကြောင်း၊ ယခင်အစိုးရလက်ထက် အာဏာထက်သည့် သမ္မတရုံးဝန်ကြီးအချို့က ဝင်ရောက်လုပ် ကိုင်ရာ၌ပင် အဆင်မပြေမှုများရှိကြောင်း ဦးအောင်သူငြိမ်းက ရှင်းပြသည်။

“ရာထူးဝန်ရုံးကလုပ်ရင် အောင်မြင်ပါ့မလား။ လုံလောက်တဲ့ အာဏာလုပ်ပိုင်ခွင့်ရှိပါ့မလား” ဟု မဟာဗျူဟာနှင့် မူဝါဒလေ့လာရေးအဖွဲ့ ဒါရိုက်တာဖြစ်သူ ဦးအောင်သူငြိမ်းက မေးခွန်းထုတ်သည်။

သို့သော် နိုင်ငံ့ဝန်ထမ်း ပြုပြင်ပြောင်းလဲရေးအစီအစဉ်အတွက် အားသာချက်အချို့လည်း ရှိသည်။

“သူ့ရဲ့ဦးတည်ချက်က မြင့်မြင့်ထားတာမျိုးတွေ့တယ်။ အထူးသဖြင့်တော့ ဖက်ဒရယ်ဒီမိုကရေစီပြည်ထောင်စု တည်ဆောက်ရေးပေါ့။ ဒါမျိုးစကားလုံး သုံးလာတာတော့ ကြိုဆိုရမယ့်ကိစ္စလို့ ထင်တယ်” ဟု ဦးအောင်သူငြိမ်းက ဆိုသည်။

“ဗဟိုချုပ်ကိုင်မှုလျှော့ချခြင်းကိစ္စတွေပါတယ်။ ပြည်သူ့ဗဟိုပြု ပြုပြင်ပြောင်းလဲရေးတွေပါတယ်။ နောက်တစ်ခါ ပွင့်လင်းမြင်သာမှုကိစ္စတွေ ပါတယ်။ ဒါတွေက သူ့ရဲ့ဦးတည်ချက်သဘောအရဆို ဖြစ်သင့်တယ်လို့ ထင်ပါတယ်’

ဝန်ထမ်းလောက ပြုပြင်ပြောင်းလဲရေးတွင် လစာ၊ ရိက္ခာနှင့် ခံစားခွင့်ကလည်း အရေးပါသည်။

လူမှန်နေရာမှန် မရောက်ခြင်း၊ မိုးကျရွှေကိုယ်များ ကြီးစိုးနေခြင်း၊ သား, တူ, ညီများ အခွင့်အရေးပိုရခြင်း၊ လက်သင့်ရာ စားတော်ခေါ်ခြင်း စသည့် စကားရပ်များက ဝန်ထမ်းလောကတွင် အရိုးစွဲနေသည်မှာ နှစ်ရှည်လများ ရှိခဲ့ပြီဖြစ်သည်။

အရပ်ဘက် အဆင်မြင့်တာဝန်များသို့ ပြောင်းရွှေ့တာဝန်ထမ်းဆောင်သည့် စစ်မှုထမ်းများမှာ သမ္မတဦးသိန်းစိန်အစိုးရလက်ထက်အထိ အများအပြားရှိနေခဲ့ပြီး ဝန်ကြီးဌာနအားလုံးလိုလို မိုးကျရွှေကိုယ်တို့နှင့် မလွတ်ကြပေ။ အခြားသော ပြည်ထောင်စုအဆင့် အဖွဲ့အစည်းများတွင်လည်း အလားတူသာ ဖြစ်သည်။

အစိုးရအပြောင်းအလဲတွင်မူ မိုးကျရွှေကိုယ်ဇာတ်လမ်း တစ်ခန်းရပ်မည့် အရိပ်အယောင်အချို့ မြင်လာရသည်။

သို့သော် ယခင်လာခဲ့သော် မိုးကျရွှေကိုယ်များမှာ နေရာအသင့်ယူထားပြီးသားဖြစ်ရာ သာမန်အောက်ခြေမှ စာမေးပွဲ အဆင့်ဆင့်ဖြေဆိုတက်လာသူများ ရာထူးတိုးရန် မလွယ်ကြောင်း မြန်မာ့အုပ်ချုပ်ရေး၏ ကျောရိုးဌာနဖြစ်သော အထွေထွေ အုပ်ချုပ်ရေးဦးစီးဌာနမှ ဦးစီးအရာရှိအချို့ကဆိုသည်။

ဦးသိန်းစိန်အစိုးရ၏ နောက်ဆုံးအချိန်များတွင် မိုးကျရွှေကိုယ်များအရေးနှင့်ပတ်သက်၍ ဝန်ထမ်းလောကတွင် ဆက်တိုက် ဆန့်ကျင်ဆန္ဒပြမှုများ ဖြစ်ပေါ်ခဲ့သည်။ လူအုပ်စုဖြင့် လမ်းပေါ်ထွက်၍ ဆန္ဒပြခြင်း မဟုတ်သော်လည်း မိုးကျရွှေကိုယ်များကို ဆန့်ကျင်သည့် စည်းရုံးလှုံ့ဆော်မှုများ ကျယ်ကျယ်ပြန့်ပြန့် ပေါ်ပေါက်ခဲ့သည်။

ယင်းနောက်တွင် စစ်မှုထမ်းများကို အရပ်ဘက်အဆင့်မြင့်တာဝန်များသို့ မပြောင်းတော့ဟု အသံထွက်လာသည်။

မိုးကျရွှေကိုယ်စနစ် အဆုံးသတ်သည့်တိုင် ဝန်ထမ်းလောကတွင် လူမှန် နေရာမှန် စနစ်ဖြစ်ဖို့က မလွယ်ကူပါ။

ယခု ပြုပြင်ပြောင်းလဲရေး အစီအစဉ်တွင် လုပ်ရည်ကိုင်ရည်နှင့် အရည်အချင်းကို အခြေခံကာ ချီးမြှင့်မြှောက်စားသည့် ယဉ်ကျေးမှုကို နိုင်ငံ့ဝန်ထမ်းနယ်ပယ်တွင် အကောင်အထည်ဖော်မည်ဟု ဒေါ်အောင်ဆန်းစုကြည်က ဆိုသည်။

ယင်းစနစ်အတွက် မြန်မာတို့ အနီးဆုံးစံနမူနာယူနိုင်သည်က စင်ကာပူ ဖြစ်သည်။

စင်ကာပူနိုင်ငံ့ခေါင်းဆောင် လီကွမ်းယူ အကောင်အထည်ဖော်ခဲ့သည့် အရည်အချင်းအလိုက် ချီးမြှင့်မြှောက်စားသည့် စနစ်မှာ နာမည်ကျော်လှသည်။ မဲရစ်တိုကရေစီကို ဟု သညာပြုသည်။

‘အလုပ်ရှာတဲ့အခါ ဘယ်သူ့သား ဘယ်သူ့သမီးဆိုတာထက် ကျောင်းမှာ ဘယ်လောက် အရည်အချင်းရှိခဲ့လဲဆိုတာနဲ့ အဓိကဆုံးဖြတ်တယ်” ဟု စင်ကာနိုင်ငံ၏ ဝန်ထမ်းရွေးချယ် ခန့်အပ်ရေးစနစ်ကို မြန်မာနိုင်ငံဆိုင်ရာ စင်ကာပူသံအမတ်ကြီး ရောဘတ်ချွားက The Voice သို့ မှတ်ချက်ပြု ပြောဆိုဖူးသည်။

မြန်မာနိုင်ငံ၌မူ မညီမျှမှုများက နိုင်ငံ့ဝန်ထမ်းနယ်ပယ်အသီးသီး၏ အလွှာတိုင်းလိုလိုတွင် ရှိနေတတ်သည်။

လတ်တလော၌ပင် ပညာရေးဝန်ကြီးဌာနအောက်ရှိ နည်းပညာတက္ကသိုလ်များတွင် ရာထူးတိုးမြှင့်မှုဆိုင်ရာ မညီမျှ မှုများအပေါ် ဝေဖန်ကန့်ကွက်သံများ ကျယ်ကျယ်ပြန့်ပြန့် ထွက်ပေါ်နေသည်။ ယင်းမညီမျှမှုများကို ကန့်ကွက်ဆန္ဒပြသည့် လှုပ်ရှားမှုများပင် ပေါ်ထွက်လျက်ရှိသည်။

လူမှန်နေရာမှန် မရောက်သည့် ပြဿနာက အကဲဖြတ်စနစ်၏ ချို့ယွင်းချက်များကြောင့်ဖြစ်သလို အဂတိလိုက်စားမှုများနှင့်လည်း အဓိကသက်ဆိုင်သည်။ ရာထူးတာဝန်နှင့် အခွင့်အရေးများ တိုးမြှင့်ရန်အတွက် ခေတ်စနစ်နှင့် လျော်ညီသည့် စွမ်းဆောင်ရည် အကဲဖြတ်စနစ်များ လိုအပ်သည်။

ယခု အကဲဖြတ်စနစ်ကို ပြန်လည်ပြင်ဆင်မည်ဟု ရာထူးဝန်အဖွဲ့က ဆိုသည်။ သို့သော် မည်မျှကြာမည် မသိ။

“သူများနိုင်ငံမှာကျ ၃၆၀ ဒီဂရီ စစ်ဆေးမှုပုံစံရှိတယ်။ ဆိုလိုတာက အထက်လူကြီးကလည်း သူ့ကို အမှတ်ပေးရတယ်။ အောက်ကဝန်ထမ်းတွေကလည်း သူ့ကို အမှတ်ပေးရတယ်။ နောက်တစ်ခါ သူ့ရဲ့ အဆင့်တူ လုပ်ဖော်ကိုင်ဖက်တွေကလည်း အမှတ်ပေးရတယ်။ ဘက်ပေါင်းစုံ အမှတ်ပေးပြီးတော့မှ ရာထူးတက်တယ်” ဟု ဦးအောင်သူငြိမ်းက ရှင်းပြသည်။

အကဲဖြတ်စနစ် ကောင်းမွန်သည့်တိုင် အဂတိလိုက်စားမှုကို ထည့်တွက်ရဦးမည်။

လုပ်ခလစာ မက်လောက်ဖွယ်မရှိသည့် နိုင်ငံ့ဝန်ထမ်းအလုပ်အကိုင် အများအပြားအတွက်ပင် ဝန်ထမ်းအဖြစ် ခန့်အပ်ခံရရေး ငွေကြေးတောင်းခံမှုများ နိုင်ငံတစ်ဝန်း ကျယ်ကျယ်ပြန့်ပြန့် ဖြစ်ပွားနေသည်မှာ ကြာမြင့်ခဲ့ပြီ ဖြစ်သည်။

ကျောင်းဆရာမအဖြစ် လုပ်ကိုင်ခွင့်ရရေးအတွက်လည်း ငွေပေးရသည်။

မိမိတာဝန်ထမ်းလိုသည့် နေရာ၊ ရာထူးများအတွက်ဆိုလျှင်လည်း ငွေက မပါမဖြစ်သဖွယ် ထုံးတမ်းအစဉ်အလာ ဖြစ်နေသည်။ ယုတ်စွအဆုံး လွှတ်တော်ဝန်ထမ်းအဖြစ် ခန့်အပ်ခံရရေးအတွက်ပင် ငွေပေးရခြင်းများရှိလာကြောင်း သတင်း အချို့ ထွက်လာသည်အထိ။

မွန်ပြည်နယ်လွှတ်တော်တွင် ဖြစ်ပွားခဲ့သည့် ထိုအရေးကို ယခု စုံစမ်းစစ်ဆေးနေပြီဖြစ်သည်။

နိုင်ငံ့ဝန်ထမ်း ပြုပြင်ပြောင်းလဲရေး စီမံကိန်းတွင် အဂတိလိုက်စားမှု တိုက်ဖျက်မည့် အစီအမံအချို့ ပါဝင်သည်။ အဂတိလိုက်စားမှု တိုက်ဖျက်ရေးကော်မရှင်၏ လုပ်ငန်းများကို ပိုမိုအားကောင်းအောင် လုပ်ဆောင်ရမည်ဟု ဆိုသည်။

စုံစမ်းစစ်ဆေးခြင်း၊ ပြစ်ဒဏ်ချမှတ်ခြင်းနှင့် ရလဒ်များကို ပြည်သူကို အသိပေးခြင်း လုပ်ငန်းများပါဝင်သည်။

အဂတိလိုက်စားမှု တိုက်ဖျက်ရေး လုပ်ဆောင်ချက်အတွက် လတ်တလောထင်ရှားသည့် ဥပမာမှာ ကရင်ပြည်နယ် အစိုးရအဖွဲ့အတွင်းရေးမှူးနှင့် ပြည်ထဲရေး ဝန်ကြီးဌာနမှ အကြီးတန်းအရာရှိအချို့ကို ဖမ်းဆီးအရေးယူလိုက်ခြင်း ဖြစ်သည်။

ကရင်ပြည်နယ် အထွေထွေအုပ်ချုပ်ရေးဦးစီးဌာန အကြီးအကဲဖြစ်ပြီး ပြည်နယ်မင်းကြီးဟုလည်း ခေါ်သည့် ဦးပြုံးချိုကို ယခုလအတွင်း ဖမ်းဆီးခဲ့ခြင်းဖြစ်သည်။ ဦးပြုံးချိုသည် ကရင်ပြည်နယ် အထွေထွေအုပ်ချုပ်ရေးဦးစီးဌာန အကြီး အကဲတာဝန် မထမ်းဆောင်မီ ပြည်ထဲရေးဝန်ကြီးဌာနတွင် ဒုတိယ အမြဲတမ်းအတွင်းဝန်ရာထူးအဖြစ် တာဝန်ထမ်းဆောင်ခဲ့သေးသည်။

ဦးပြုံးချို၏ ဥပမာမှာ ဒေါ်အောင်ဆန်းစုကြည် ဦးဆောင်သည့် အစိုးရလက်ထက်တွင် အရေးယူသည့် ရာထူးတာဝန်အကြီးဆုံးပုဂ္ဂိုလ်တစ်ဦး ဖြစ်လာသည်။

ရာထူးဝန်အဖွဲ့၏ အဂတိလိုက်စားမှု တိုက်ဖျက်ရေး အစီအစဉ်တွင် အဂတိလိုက်စားမှု ဖြစ်နိုင်ခြေရှိသော ရာထူးနေရာများအတွက် ပိုင်ဆိုင်မှုထုတ်ဖော်ကြေညာခြင်း၊ ထုတ်ကြေညာချက်များကို စုဆောင်းသိမ်းဆည်းရန် စနစ်တကျ ဆောင်ရွက်ခြင်း စသည့်လုပ်ငန်းစဉ်များ ဖော်ပြထားသည်။

အဂတိလိုက်စားမှု တိုက်ဖျက်ရေးတွင် ပိုင်ဆိုင်မှုကြေညာသည့် အစီအစဉ်မှာ အသုံးများသည်။

စင်ကာပူနိုင်ငံတွင်လည်း နိုင်ငံ့ဝန်ထမ်းအားလုံး၏ ပိုင်ဆိုင်မှုကို နှစ်စဉ်ကြေညာရလေ့ရှိပြီး ဝင်ငွေနှင့် မလျော်ညီသည့် ပိုင်ဆိုင်မှုများ တိုးပွားလာပါက စစ်ဆေးခံရမည်ဖြစ်သည်။ ဤသို့ဖြင့် အဂတိလိုက်စားမှုကို အကာအကွယ်ပြုနိုင်သည်။

“ကျွန်တော်ဆိုလည်း အခု နှစ်စဉ်ပိုင်ဆိုင်မှု ကြေညာနေရတာပဲ” ဟု စင်ကာပူသံအမတ်ကြီးက ဆိုသည်။

အာဏာရ အမျိုးသားဒီမိုကရေစီအဖွဲ့ချုပ်ပါတီ ခေါင်းဆောင်များသည်လည်း အစိုးရအကြီးအကဲများ၊ ရာထူးတာဝန်ကြီးလေးသူများ၏ ပိုင်ဆိုင်မှုစာရင်းကို ထုတ်ပြန်ရန် ဦးသိန်းစိန် အစိုးရလက်ထက်တွင် တောင်းဆိုခဲ့ဖူးသည်။

သို့သော် NLD အာဏာရချိန်တွင်မူ ယင်းသို့ထုတ်ပြန်၍ မဖြစ်ဟုဆိုကာ ၎င်းတို့ စိတ်ပြောင်းသွားခဲ့ကြသည်။

အဂတိလိုက်စားမှု တိုက်ဖျက်ရေးအတွက် နောက်ထပ်အစီအစဉ်က လစာရိက္ခာ တိုးမြှင့်ရေးဖြစ်သည်။

သမ္မတဦးသိန်းစိန် အစိုးရလက်ထက်တွင် နိုင်ငံ့ဝန်ထမ်းများကို နှစ်စဉ် လစာတိုးမြှင့်သည့်ပုံစံတစ်ရပ် ကျင့်သုံးခဲ့သော်လည်း လက်ရှိအစိုးရ တာဝန်ယူပြီးနောက် ဝန်ထမ်းလစာတိုးမြှင့်မည့်အစီအစဉ် မလုပ်နိုင်သေးပေ။

လစာမတိုးနိုင်ကြောင်းကိုလည်း ဒေါ်အောင်ဆန်းစုကြည်ကိုယ်တိုင် ဝန်ခံအသိပေးထားသည်။

“ပြည်သူ့ဝန်ထမ်းအများစုရဲ့ လုပ်ခလစာနှုန်းထားဟာ အခြားနယ်ပယ်တွေက ဝန်ထမ်းတွေနဲ့နှိုင်းယှဉ်ရင် နိမ့်ကျနေသေးတယ် ဆိုတာကို ကျွန်မတို့သိပါတယ်။ ဒီကိစ္စနဲ့ ပတ်သက်ပြီး ပွင့်ပွင့်လင်းလင်းပဲ ပြောပြလိုပါတယ်။ ဒီပြဿနာကို ချက်ချင်း ဖြေရှင်းပေးနိုင်မယ့်နည်းမရှိသေးပါဘူး” ဟု ဒေါ်အောင်ဆန်းစုကြည်က ဆိုသည်။

“လုပ်ခလစာ တိုးမြှင့်ပေးတဲ့အခါမှာ လေးလေးနက်နက် စဉ်းစားသုံးသပ်ပြီး ရေရှည်တည်တံ့အောင် ဖြည်းဖြည်းချင်း တိုးမြှင့်ပေးရမှာဖြစ်တဲ့အပြင် နိုင်ငံတော်ရဲ့ ရသုံးမှန်းခြေငွေစာရင်း အခြေအနေနဲ့ အညီလည်း ဆောင်ရွက်ရပါတယ်”

လစာတိုးရေးအတွက် နိုင်ငံ့ဘဏ္ဍာငွေနှင့် ချိန်ထိုးရမည်ဟု ဒေါ်အောင်ဆန်းစုကြည်က ဆိုသည်။

ဒေါက်တာပိုင်ခန့်က ဝန်ကြီးဌာနများတွင် ဘတ်ဂျက်ယိုစိမ့်မှုများကို အသေအချာစိစစ်ကာ ဌာနအလိုက် ဆုပေးဒဏ်ပေးစနစ် ကျင့်သုံးစေလိုကြောင်း အကြံပြုသည်။ အခြေခံလူတန်းစား စားဝတ်နေရေးပုံစံ လစာခံစားခွင့်မှ လူလတ်တန်း စားအဆင့်သို့ တိုးမြှင့်သည်မျိုး ဖြစ်သင့်ကြောင်း သူကဆိုသည်။

နိုင်ငံ့ဝန်ထမ်း ပြုပြင်ပြောင်းလဲရေးက အပြန့်ကျယ်လှသည်။

ယင်းနှင့်တစ်ပြိုင်နက် ပြုပြင်ပြောင်းလဲရေးလုပ်သင့်သည့် ပုံစံတစ်ခုကိုလည်း ဦးအောင်သူငြိမ်းက အကြံပြုသည်။

“အစိုးရကြီးတစ်ခုလုံးရဲ့ ပြုပြင်ပြောင်းလဲရေး မဟာဗျူဟာ လိုတယ်” ဟု သူကဆိုသည်။

ပြည်သူ့အုပ်ချုပ်ရေးစနစ် မည်သို့ ပြောင်းလဲမည်ဆိုသည်မှာ အရေးကြီးပြီး နိုင်ငံအချို့တွင် ဝန်ကြီးဌာနအချို့ကို ကုမ္ပဏီဆန်ဆန် ပြောင်းလဲလိုက်ခြင်းဖြင့် စွမ်းဆောင်ရည် ပိုမိုကောင်းမွန်စေခဲ့ကြောင်း ဦးအောင်သူငြိမ်းက ရှင်းပြသည်။

ဥပမာ ထိုင်းနိုင်ငံ အားကစားအာဏာပိုင်အဖွဲ့ဟု ဥပမာပေးသည်။

ပြည်သူ့အုပ်ချုပ်ရေးစနစ် ပြုပြင်ပြောင်းလဲရေးက အရင်လာသင့်ပြီး နိုင်ငံ့ဝန်ထမ်းပြောင်းလဲရေးက ဒုတိယဖြစ်သင့်ကြောင်း ၎င်းက ထပ်လောင်းဆိုသည်။

မြန်မာနိုင်ငံတွင်မူ ဝန်ကြီးဌာနအားလုံးမှ စုစုပေါင်း တစ်သန်းနီးပါးရှိသော နိုင်ငံ့ဝန်ထမ်းအားလုံးအတွက် ပြုပြင်ပြောင်းလဲရေး အစီအမံများ စတင်နေပြီဖြစ်သည်။ သို့သော် အချိန်များစွာယူရမည်။ ရာထူးဝန်အဖွဲ့၏ ရည်မှန်းချက် ဖြစ်သော လေးနှစ်စီမံကိန်း၌ပင် အချို့လုပ်ငန်းဆောင်တာများ ကနဦးအဆင့်သာ ရှိနေဦးမည်ဖြစ်သည်။

ပြုပြင်ပြောင်းလဲမည့် အစီအစဉ်၊ နမူနာကောင်းများအတွက် ပြည်ပနိုင်ငံများသို့လည်း လေ့လာရေးခရီးထွက် ကြရဦးမည်ဟု မဟာဗျူဟာစီမံချက်တွင် ဖော်ပြထားသည်။ မည်သို့သော စံချိန် စံနှုန်းများအတိုင်း လုပ်ဆောင်သွားမည် ဟုပင် အတိအကျ မပြောနိုင်သေးဘဲ နိုင်ငံတကာစနစ်များအနက်မှ အကောင်းဆုံးပုံစံကို အတုယူမည်ဟု ဆိုထားသည်။

ရွေးကောက်ပွဲများကတစ်ဆင့် အစိုးရများကို ရွေးချယ်သည့်စနစ် ရှင်သန်နေမည်ဆိုလျှင် ငါးနှစ်တစ်ကြိမ် နိုင်ငံအစိုးရများ ပြောင်းလဲနေမည်ဖြစ်သည်။ သို့သော် ဝန်ထမ်းယန္တရားမှာမူ စဉ်ဆက်မပြတ် လည်ပတ်နေမည်ဖြစ်ပြီး အမျိုးမျိုးသော အစိုးရတို့၏ မူဝါဒများကို ဝန်ထမ်းများက အကောင်အထည်ဖော်ရမည့် တာဝန်ရှိသည်။

အပြန်အလှန်အားဖြင့် နိုင်ငံ့ဝန်ထမ်းများ လုပ်ငန်းခွင်တွင်းပြင် သာယာဝပြောရေး အစိုးရမင်းများက တာဝန်ယူကြရမည်ဖြစ်သည်။ ရထားတစ်စင်း၏ စက်ခေါင်းနှင့် တွဲများပမာ အပြန်အလှန်အမှီပြုသော အစိုးရနှင့် ဝန်ထမ်းများ ပြုပြင်ပြောင်းလဲရေး ခရီးကြမ်းကို တစ်ပြိုင်တည်း ချီတက်ကြတော့မည်ဖြစ်သည်။

ဒေါ်အောင်ဆန်းစုကြည်၏ လေးနှစ်စီမံကိန်းက မည်မျှအသက်ဝင် ထိရောက်မည် မသိရသေး။

အစိုးရတစ်ရပ် အောင်မြင်ရေးမှာ နိုင်ငံ့ဝန်ထမ်းများ၏ စွမ်းဆောင်ရည်နှင့် အဓိကသက်ဆိုင်နေသလို နိုင်ငံ့ဝန်ထမ်းများ စွမ်းဆောင်ရည် ကောင်းမွန်မှသာ ပြည်သူတို့၏ အလုပ်အကိုင်နှင့် လူနေမှု ဘ၀များ အဆင်ပြေ ချောမွေ့မည်ဖြစ်သည်။

နိုင်ငံ့ဝန်ထမ်းများ၏ အရေးပါပုံကို စင်ကာပူသံအမတ်ကြီး ရောဘတ်ချွားက ဤသို့ဆိုသည်။

“သင့်တော်တဲ့နိုင်ငံ့ဝန်ထမ်းတွေ မရှိဘဲ အစိုးရမူဝါဒတွေ အကောင်အထည် ဖော်လို့မရဘူး”

 

နော်ကိုကို

 

You may also like...

Leave a Reply

Your email address will not be published. Required fields are marked *