ဒေါ်အောင်ဆန်းစုကြည်နှင့် KBC တွေ့၊ NCA လက်မှတ်ထိုးရန် ဆွေးနွေး

ရန်ကုန်၊ ဇူလိုင် ၂၄

 

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ကချင်နှစ်ခြင်းခရစ်ယာန်အဖွဲ့ချုပ် (KBC) နှင့် တွေ့ဆုံ၍ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးရေး ဆွေးနွေးခဲ့ကြောင်း အစိုးရက သတင်းထုတ်ပြန်သည်။

နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ဇူလိုင်လ ၂၄ ရက်နေ့ နံနက်ပိုင်းက ပြုလုပ်သည့် တွေ့ဆုံပွဲတွင် NCA လက်မှတ်ရေးထိုးရေးအပြင် နေရပ်စွန့်ခွာ တိမ်းရှောင်နေကြရသူများအရေးကိုလည်း ထည့်သွင်းဆွေးနွေးကြောင်း အစိုးရ ထုတ်ပြန်ချက်က ဆိုသည်။

KBC မှာ ကချင်တိုင်းရင်းသားလက်နက်ကိုင်အဖွဲ့ (KIA) အပေါ် သြဇာလွှမ်းမိုးသော ဘာသာရေးအဖွဲ့အစည်းအဖြစ် ကျယ်ကျယ်ပြန့်ပြန့် ယူဆထားပြီး ယခု ဒေါ်အောင်ဆန်းစုကြည် ဆွေးနွေးသည့် NCA လက်မှတ်ရေးထိုးရေးဆိုသည်မှာ KIA အဖွဲ့ကို ဆိုလိုခြင်းလည်းဖြစ်သည်။

တွေ့ဆုံပွဲသို့ နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေ၊ ငြိမ်းချမ်းရေး ကော်မရှင် ဥက္ကဋ္ဌ ဒေါက်တာတင်မျိုးဝင်း၊ လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ ဒုတိယဝန်ကြီး ဦးမင်းသူ၊ ကချင်နှစ်ခြင်းခရစ်ယာန်အဖွဲ့ချုပ်ဥက္ကဋ္ဌ သိက္ခာတော်ရဆရာကြီး လလောက်ဂျုံးခေါင်၊ သိက္ခာတော်ရ ဆရာကြီး ဒေါက်တာခလမ်ဆမ်ဆွန်၊ သိက္ခာတော်ရဆရာ ခေါဘောမ်၊ သိက္ခာတော်ရ ဆရာ ဂွန်ထန် ခွန်နောင်၊ သိက္ခာတော်ရဆရာ လထော်ခွန်နောင်၊ သိက္ခာတော်ရဆရာဒေါင်ခေါင်၊ သိက္ခာတော်ရဆရာ ထွန်းနော်၊ သိက္ခာတော်ရဆရာ လဖိုင်ဇော်ရာ၊ သိက္ခာတော်ရ ဆရာ မရန်ဇော်မန်၊ ဖော်ရမ်ခါးလီ၊ ဒေါ်ဂျာနန်တို့ တက်ရောက်ကြောင်း အစိုးရက ထုတ်ပြန်သည်။

You may also like...

Leave a Reply

Your email address will not be published. Required fields are marked *