တရုတ်ပိုင် CITIC အုပ်စု မြန်မာ့လယ်ယာကဏ္ဍတွင် ရင်းနှီးမြှုပ်နှံမည်

ရန်ကုန်၊ ဇူလိုင်

 

ကျောက်ဖြူရေနက်ဆိပ်ကမ်းနှင့် ကျောက်ဖြူစက်မှုဇုန်စီမံကိန်းကို တည်ဆောက်ခွင့်ရရှိထားသည့် တရုတ်နိုင်ငံ ပိုင် စီးပွားရေးလုပ်ငန်းကြီး CITIC (China International Trust and Investment Corporation) အုပ်စုက မြန်မာလယ်ယာကဏ္ဍတွင် ရင်းနှီးမြှုပ်နှံတော့မည်ဖြစ်သည်။

CITIC အုပ်စုအောက်ရှိ CITIC Construction Group သည် မြန်မာနိုင်ငံဆန်စပါးအသင်းချုပ်(MRF)၊ မြန်မာနိုင်ငံလယ်ယာစီးပွားရေးအများပိုင်ကော်ပိုရေးရှင်း(MAPCO)တို့နှင့် ပူးပေါင်းကာ မြန်မာ့လယ်ယာကဏ္ဍနှင့် ဆန်စပါးလုပ်ငန်းကဏ္ဍဖွံ့ဖြိုးရေးတွင် ရင်းနှီးမြှုပ်နှံမည့် နားလည်မှုစာချွန်လွှာကို ဇူလိုင်လ ၂၁ ရက်တွင် လက်မှတ်ရေးထိုးခဲ့ကြောင်း MRF က သတင်းထုတ်ပြန်သည်။

ထုတ်ပြန်ချက်အရ စက်မှုလယ်ယာဝန်ဆောင်မှုလုပ်ငန်း၊ သီးနှံသိုလှောင်မှုနှင့် သီးနှံအခြောက်ခံခြင်း ဝန်ဆောင်မှုများကို ပြည်နယ်နှင့် တိုင်းဒေသကြီး ၁၀ ခုရှိ မြို့နယ်ပေါင်း ၃၃ ခုတွင် ပူးပေါင်းလုပ်ကိုင် သွားမည်ဖြစ်သည်။

နားလည်မှုစာချွန်လွှာရေးထိုးပြီးသည်နှင့် အဆိုပါမြို့နယ် ၃၃ ခုတွင် ဖြစ်မြောက်နိုင်စွမ်းလေ့လာမှု၊ ရင်းနှီးမြှုပ်နှံ မှုနှင့် စီးပွားရေးလုပ်ငန်းအပေါ်ဆန်းစစ်တွက်ချက်မှုများကို လေးလအတွင်း အပြီးသတ် ဆောင်ရွက်မည် ဖြစ်သည်။

ယင်းလေ့လာတွက်ချက်မှုများပေါ်အခြေခံ၍ ရင်းနှီးမြှုပ်နှံမှုလုပ်ငန်းများကို မြန်မာနိုင်ငံရင်းနှီးမြှုပ်နှံမှုကော်မရှင် (MIC)သို့တင်ပြဆောင်ရွက်သွားမည်ဖြစ်ကြောင်း MRFထံမှ သိရသည်။ အဆိုပါလုပ်ငန်းများသည် ပုဂ္ဂလိကရင်းနှီးမြှုပ်နှံသူများအား နည်းပညာ၊ ငွေကြေးအကူညီ၊ နိုင်ငံတကာ ဈေးကွက်ဝေစုနှင့် လယ်ယာ ထုတ်ကုန်တင်ပပို့မှုမြှင့်တင်နိုင်မည်ဟု MRF က မျှော်လင့်ထားသည်။

CITIC အုပ်စုသည် ကျောက်ဖြူအထူးစီးပွားရေးဇုန်တွင် တည်ဆောက်မည့် စက်မှုဇုန်စီမံကိန်းအတွက် အမေရိကန်ဒေါ်လာ ၄ ဒသမ ၃၉ ဘီလီယံနှင့် ရေနက်ဆိပ်ကမ်းစီမံကိန်းအတွက် အမေရိကန်ဒေါ်လာ ၇ ဒသမ ၂၁၂ ဘီလီယံ ရင်းနှီးမြှုပ်နှံမည်ဖြစ်ပြီး အစုရှယ်ယာ ၇၀ ရာခိုင်နှုန်းကျော်ပိုင်ဆိုင်မည်ဖြစ်သဖြင့် ဒေသခံ လူမှုအဖွဲ့အစည်းများအကြား ကန့်ကွက်မှုများရှိနေသည်။

 

 

You may also like...

Leave a Reply

Your email address will not be published. Required fields are marked *