အရင်းအနှီးကြီးသည့် ရခိုင်အရေး သင်ခန်းစာများ

 

နောက်ဆုံးဖြစ်ပေါ်နေသော ရခိုင်အရေးမှ အရင်းအနှီးကြီးကြီး ပေးထားရသည့် သင်ခန်းစာများကို ဆင်ခြင်လိုက်ပါသည်။

ရခိုင်အရေးသည် မြန်မာနိုင်ငံကို ဆွဲချနေသော အရေးကြီးဖြစ်သည်။ နိုင်ငံတကာက စိတ်ဝင်အစားဆုံးကိစ္စလည်းဖြစ်သည်။ ယခင်က မြန်မာပြည်ဆိုလျှင် ဒေါ်အောင်ဆန်းစုကြည်နှင့်တွဲပြီး သိကြသည်။ ယခုဆိုလျှင် ရခိုင်အရေးနှင့် တွဲပြီးမြင်ကြသည်။ ယခုမူ ပြည်ပတွင် ရခိုင်အရေးနှင့် ဒေါ်အောင်ဆန်းစုကြည် ဆွဲချိတ်လိုက်ကြသည်။ ရခိုင်အရေးကြောင့် ဒေါ်အောင်ဆန်းစုကြည် အရောင်မှိန်သွားနိုင်သည်။ နိုင်ငံကို ခေါင်းဆောင်သူ၏ အရောင်အဝါပေါ်တွင် နိုင်ငံ၏ပုံရိပ်နှင့် အကျိုးစီးပွားမှီတွဲနေရာ လက်ရှိခေါင်းဆောင် ဒေါ်အောင်ဆန်းစုကြည် အရောင်မှိန်သွားလျှင် အခြားသော မြန်မာ့အရေးများတွင်ပါ အလုံးအရပ်လျော့ပါးသွားနိုင်သည်။

အမြဲအငိုက်မိ

မြန်မာနိုင်ငံသည် ပြဿနာဖြစ်သည့်အခါတိုင်း အငိုက်မိသည်မှာ အမျိုးသားစရိုက်လက္ခဏာအသွင်ဆောင်သည်။ ယခုအခါတွင်လည်း ရဲကင်းများ အတိုက်ခံရသည့်အခါမှ ကပျာကယာ လုပ်ဆောင်ကြရသည်။ ဘောလုံးစကားဖြင့်ပြောရလျှင် တစ်ဖက်အသင်း၏ ကစားကွက်နောက် လိုက်နေရသည်။ ယခုမှ ဖြစ်သည်လည်းမဟုတ်ဘဲ ပုံမှန်ဖြစ်နေကျပင် ကစားကွက်နောက်လိုက်နေရရာ ယခင်ဖြစ်ခဲ့သည်များမှ သင်ခန်းစာမယူ နိုင်သေးဟုသာ ဆိုရမည်။

နိုင်ငံတစ်နိုင်ငံလုံးနှင့် လူတစ်စုတစ်ဖွဲ့ပြိုင်နေရသည်နှင့်မတူဘဲ နိုင်ငံအချင်းချင်း စစ်ခင်းရသည့် အသွင်ဆောင်သည်။ ရခိုင်အရေးကို အမြဲမျက်စိဒေါက်ထောက်ကြည့်နေသည့် နိုင်ငံတကာစံချိန်မီအဖွဲ့တစ်ဖွဲ့ လိုအပ်ချက်သည် ထင်ရှားသည်ထက် ထင်ရှားလာသည်။ ထိုအဖွဲ့သည် အခြားဘာမှလုပ်စရာမလိုဘဲ ရခိုင်အရေးကို ပြည်တွင်းပြည်ပ အမြဲလေ့လာသုံးသပ်နေရမည်ဖြစ်ပြီး နိုင်ငံတော်အတိုင်ပင်ခံပုဂ္ဂိုလ်ထံသို့ တိုက်ရိုက်သတင်းပို့ရမည်ဖြစ်သည်။ ယင်းအဖွဲ့တွင် နိုင်ငံတကာသတင်း မီဒီယာများ၏အကြောကို သိသောသူများလည်း ပါရန်လိုသည်။

မြန်မာနိုင်ငံ၏ ထိပ်တန်းအရေးများကို ကိုင်တွယ်ဖြေရှင်းနေသူများသည် ရခိုင်အရေးတွင်လည်း ပါဝင်နေကြရပြန်ရာ ရခိုင်အရေးကြောင့် အခြားအရေးများ နစ်နာနိုင်ခြေများလည်းရှိသလို အခြားအရေးများကြောင့် ရခိုင်အရေး နစ်နာနိုင်ခြေလည်းရှိသည်။ လက်ရှိဝန်ကြီးများထဲမှ မဟုတ်ဘဲ ဝန်ကြီးတစ်ပါး သီးသန့်ခန့်ပြီး ရခိုင်အရေးကို ကိုင်တွယ်သင့်သည်။ ထိုဝန်ကြီးသည် ဒေါ်အောင်ဆန်းစုကြည်ကို တိုက်ရိုက်အစီရင် ခံရမည်ဖြစ်သည်။

ကိုဖီအန်နန် အစီရင်ခံစာ

ရဲကင်းများကို ဝင်တိုက်ခြင်းသည် ကိုဖီအန်နန် အစီရင်ခံစာ ပေါ်ထွက်ချိန်နှင့် ချိန်ကိုက်ဖြစ်ပေါ်ရာ ယင်းအစီရင်ခံစာကို နိုင်ငံတကာက အလေးထားကြောင်း၊ ယင်းသို့ အလေးထားခြင်းကို တစ်ဖက်အဖွဲ့က သိကြောင်း မြင်သာသည်။

ကိုဖီအန်နန်၏ နောက်ဆုံးအစီရင်ခံစာပါ အကြံပြုချက်များအားလုံးကို သဘောတူနိုင်ချင်မှ တူကြမည်ဖြစ်သော်လည်း ယင်းတွင် တန်ဖိုးရှိသော အကြံပြုချက်များသည် တန်ဖိုးရှိကြောင်း၊ ကိုဖီအန်နန်ကို နိုင်ငံတကာတွင် လေးစားသည့်အတွက် ယင်းအစီရင်ခံစာပါ အကြံပြုချက်များကိုလည်း နိုင်ငံတကာက လေးစားကြောင်းကိုမူ ငြင်းပယ်ရန် ခက်ခဲမည်။ ယင်းအကြံပြုချက်များကို အကောင်အထည်ဖော်ရာတွင် ကိုယ့်နိုင်ငံ၏ အရင်းအမြစ်အားနှင့် ရေခံမြေခံတို့ပေါ်မူတည်ပြီးသာ အကောင်အထည်ဖော်ရမည်ကိုမူ အလိုလိုနားလည်ရမည်။

နိုင်ငံတကာအမြင် နိုင်ငံတကာမီဒီယာ

နိုင်ငံတကာအမြင်သည် အခြားဘက်တွင် ရှိနေသည်။ မြန်မာနိုင်ငံသည် နိုင်ငံငယ်ဖြစ်သည့်အပြင် ဖွံ့ဖြိုးမှုနောက်ကျနေသည်ဖြစ်ရာ နိုင်ငံတကာကို အားကိုးနေရသည့်အတွက် နိုင်ငံတကာအမြင်ကို ဂရုစိုက်ရမည်ဖြစ်သည်။ ဂရုစိုက်သည်ဆိုရာတွင် နိုင်ငံတကာကပြောတိုင်း လိုက်လုပ်နေရမည်ဟု မဆိုလိုပါ။

နိုင်ငံတကာအမြင်ဆိုသည်မှာ နိုင်ငံတကာသတင်းမီဒီယာများပင်ဖြစ်သည်။ နိုင်ငံတကာသတင်းမီဒီယာများမှ ထုတ်လွှင့်ဖော်ပြသည်များသည် နိုင်ငံတကာအမြင်အဖြစ် ပြောင်းလဲရောက်ရှိသွားသည်။ အထူးသဖြင့် အင်္ဂလိပ်ဘာသာဖြင့် ဖော်ပြသော သတင်းမီဒီယာများ၊ အင်္ဂလိပ်ဘာသာဖြင့် ဖော်ပြသည့်အထဲတွင်မှ ဗြိတိန်နှင့် အမေရိကန် သတင်းမီဒီယာများသည် နိုင်ငံတကာအမြင်အပေါ် ဩဇာများစွာသက်ရောက်သည်။

ရခိုင်မြေပြင်တွင် ဖြစ်ပေါ်နေသည်များသည် နိုင်ငံတကာသတင်းမီဒီယာများတွင် မှန်မှန်ကန်ကန် ထင်ဟပ်ရန်မှာ နိုင်ငံတကာသတင်း မီဒီယာများကို အပြစ်တင်ရုံဖြင့် မလုံလောက်ပါ။ နိုင်ငံတကာသတင်း မီဒီယာအကြောကို သိသူများသည် ရခိုင်အရေးကို တိုက်ရိုက်ကိုင်တွယ်နေသူများ ဦးဆောင်သည့်အဖွဲ့တွင် ပါဝင်ရန်လိုပါသည်။ အစိုးရဝန်ထမ်းများတွင် ထိုသို့သော ပုဂ္ဂိုလ်များမပါဝင်လျှင် ထိုက်ထိုက်တန်တန်ပေးပြီး ပြင်ပမှ ခေါ်ယူရန်လိုပါသည်။

တစ်ဖက်အဖွဲ့၏ လုပ်ရပ်မှာရှင်းသည်။ ကိုဖီအန်နန်ကော်မရှင်၏ အစီရင်ခံစာထုတ်ပြန်မည့်အချိန်သည် နိုင်ငံတကာက အာရုံစိုက်ချိန်ဖြစ်သည်။ မြန်မာ့တပ်မတော်အပေါ် ကြိုတင်ထားရှိသည့်အစွဲလည်း နိုင်ငံတကာတွင် ရှိနေပြီးသားဖြစ်သည်။ ရဲကင်းများကို ဝင်တိုက်လျှင် နိုင်ငံတကာ အာရုံပိုစိုက်မည်။ တပ်မတော်နှင့် ရဲတပ်ဖွဲ့က ပြန်တိုက်သည်ကို အမှားစောင့်မည်။ မမှားလည်း ပြဿနာမရှိ၊ ဘင်္ဂလားဒေ့ရ်ှတွင်းသို့ ထွက်ပြေးကြမည်သာဖြစ်ရာ ယင်းသည်လည်း သတင်းဖြစ်မည်။ ထိထိရောက်ရောက်တိုက်နိုင်လျှင် မိမိ၏အင်အားကို မိမိအားထောက်ခံသူ နိုင်ငံများအား ပြသနိုင်မည်၊ ထိုအခါ လက်နက်လူသူသင်တန်း အထောက်အပံ့ရနိုင်သည်။ အထူးသဖြင့် ပြည်တွင်းတွင် ပြည်သူထောက်ခံမှုကျနေသော အစိုးရများရှိသည့် အစ္စလာမ်နိုင်ငံများထံမှ အထောက်အကူရနိုင်သည်။ Freedom Fighter များ၊ လွတ်လပ်ရေးကြိုးပမ်းသူများအဖြစ် အဆင့်တက်လာနိုင်သည်။ နောက်ဆုံး ငြိမ်းချမ်းရေးစားပွဲဝိုင်းတွင် နေရာရကောင်းရလာမည်ဟု တွက်ကြမည်။ တိုက်ပွဲများတွင် ရှုံးလျှင်လည်း ပြဿနာမရှိ၊ အားနည်းသူနှင့် အားကြီးသူတိုက်ပွဲဖြစ်ရာ နိုင်ငံတကာ၏ ကရုဏာကို ရမည်။

ရန်သူမိတ်ဆွေ ဘယ်လိုခွဲမလဲ

လက်ရှိဖြစ်ပွားနေသော ရခိုင်အရေးဆွေးနွေးရန် ကုလသမဂ္ဂ လုံခြုံရေးကောင်စီ အစည်းအဝေးခေါ်ယူရန် ဗြိတိန်က အဆိုပြုခဲ့သည်။ တရုတ်၏ကန့်ကွက်မှုကြောင့် အစည်းအဝေးတွင် ကြီးကြီးကျယ်ကျယ် မဖြစ်လိုက်ဘဲ ပြီးသွားသည်။ အမေရိကန်ကလည်း ရခိုင်အရေး ကုလသမဂ္ဂတွင် အကြိမ်ကြိမ် ဖိအားပေးသည်။

တစ်ချိန်က ထောက်ခံအားပေးခဲ့သော အနောက်နိုင်ငံကြီးများ၏ ထောက်ခံမှုကို ဒေါ်အောင်ဆန်းစုကြည် ဆုံးရှုံးသွားပြီလားဟု ထင်စရာရှိသည်။ သို့သော် ထိုနိုင်ငံကြီးများသည် မိမိတို့ အကျိုးစီးပွား Self -interest ကို ပိုပြီးအာရုံစိုက်ကြသည့်သဘောဟုလည်း မြင်နိုင်သည်။

ဗြိတိန်၊ အမေရိကန်ပြည်ထောင်စုတို့သည် ကမ္ဘာတွင် ဦးဆောင်ဦးရွက်ပြုသူများဟု မိမိတို့ကိုယ်ကိုယ် ခံယူထားရာ ယခုကဲ့သို့ နိုင်ငံတကာက စိတ်ဝင်စားသည့်အရေးများကို ကမကထပြုပြီး တင်သွင်းတတ်ကြသည်။ မိမိပြည်တွင်းရှိ အကြမ်းဖက်သမားများကို နှိမ်နင်းရာတွင် မွတ်ဆလင်များကို နှိမ်နင်းခြင်းဟု အစွပ်စွဲမခံရလေအောင် မိမိနိုင်ငံအတွက် အန္တရာယ်မရှိသည့်နိုင်ငံများ၏အရေးကို အသုံးချခြင်းလားဟု မေးခွန်းထုတ်သည်များ ရှိသည်။

တစ်ဖက်တွင် ယခုကုလသမဂ္ဂလုံခြုံရေးကောင်စီအစည်းအဝေးတွင် ရခိုင်အရေးကို ဆွေးနွေးသည့်အခါတွင် ဒေါ်အောင်ဆန်းစုကြည်ကို ဆက်လက်ထောက်ခံအားပေးနေကြောင်း ဗြိတိန်သံအမတ်ကြီးက ထည့်သွင်းပြောကြားသွားခဲ့ရာ အခြေအနေထင်သလောက် မဆိုးလှဟုလည်း တွက်နိုင်သည်။ မည်သို့ပင်ဖြစ်စေ ဒေါ်အောင်ဆန်းစုကြည်အစိုးရသည် ရန်သူမိတ်ဆွေခွဲခြားရာတွင် အမြဲတမ်းရန်သူ၊ အမြဲတမ်းမိတ်ဆွေဟု ခြုံပြီးစဉ်းစားခြင်းထက် မည်သည့်ကိစ္စတွင် မည်သည့်နိုင်ငံသည်ရန်သူ၊ မည်သည့်နိုင်ငံသည် မိတ်ဆွေဟု Issue-based ‘အကြောင်းအရာအခြေခံ’ ကာ စဉ်းစားရန်လိုသည်။

နောက်တစ်ချက်မှာ မြန်မာပြည်ရှိ သံအမတ်အများအပြားသည် မြန်မာနိုင်ငံအကြောင်းကို သိနားလည်ကြပါသည်။ သို့သော် သူတို့၏ အထက်အရာရှိများဖြစ်သည့် နိုင်ငံခြားရေးဝန်ကြီးဌာနများက နားလည် မလည်မူ မသေချာပါ။ အမေရိကန်နိုင်ငံဆိုလျှင် လွှတ်တော်နှင့် အစိုးရ ကွဲပြားသော အမြင်များရှိတတ်ကြသည်။

ဘယ်သူ့ထံက သင်ယူမလဲ

ရခိုင်အရေးကို ဖြေရှင်းရာတွင် နိုင်ငံကြီးအချို့၏ ဖြေရှင်းပုံဖြေရှင်းနည်းကို နမူနာအဖြစ် ပြသနေကြသည်များ တွေ့ရသည်။ ပထမဦးစွာ ပြောလိုသည်မှာ နိုင်ငံအားလုံးသည် ကိုယ့်အခြေအနေနှင့်ကိုယ်ဖြစ်သည့်အတွက် မည်သည့်နိုင်ငံထံကမှ ပုံတူကူး၍မဖြစ်ပါ။ တစ်ဆင့်ထပ်တက်ပြီး ပြောရလျှင် ရခိုင်အရေးကဲ့သို့ အရေးများတွင် နိုင်ငံကြီးများ၏ ဖြေရှင်းပုံ ဖြေရှင်းနည်းနှင့် နိုင်ငံငယ်များ၏ ဖြေရှင်းပုံဖြေရှင်းနည်း မတူနိုင်ပါ။ နိုင်ငံကြီးများသည် သံတမန်အင်အား၊ စစ်ရေးအင်အား၊ စီးပွားရေးအင်အား စသည့်အရင်းအမြစ်များ တောင့်တင်းသည်ဖြစ်ရာ ယင်းတို့ကဲ့သို့ မတောင့်တင်းသည့်နိုင်ငံငယ် မြန်မာနိုင်ငံသည် နိုင်ငံကြီးများ၏ အတုကိုယူပြီး ဖြေရှင်း၍မရပါ။ ဘ၀တူ နိုင်ငံငယ်များအနက်မှ ကိုင်တွယ်ပုံ ကိုင်တွယ်နည်း အောင်မြင်သည့် နိုင်ငံများထံမှသာ ပညာယူရပါမည်။ လက်နက်ကိုင်နှင့် အရပ်သားရောနေသော၊ သို့မဟုတ် ခွဲခြားရန်ခက်ခဲသော တိုက်ပွဲများတွင် သမားရိုးကျတိုက်ပွဲဝင်နည်းမျိုးဖြင့် အလုပ်မဖြစ်ပါ။

တစ်နိုင်ငံလုံးအရေး

ရခိုင်အရေးသည် တစ်နိုင်ငံလုံးအရေးဖြစ်ရာ တစ်နိုင်ငံလုံးကျောချင်း ကပ်ရန်လိုအပ်သည်။ နောက်ကျောမှဓားကို ကြောက်နေရလျှင် ရှေ့ကရင်ဆိုင်ရှင်းရမည့်အစိုးရနှင့် တပ်မတော်တို့ အလုပ်တွင်မည်မဟုတ်။ အချင်းချင်းကိစ္စ နောက်မှရှင်းလျှင်ရသည့်အတွက် ရခိုင်အရေး အဆင်ပြေအောင် ဖြေရှင်းလိုက်စေလိုသည်။

တစ်နေ့ထက်တစ်နေ့ ထပ်တိုးရရှိနေသည့် ရခိုင်သင်ခန်းစာများသည် မြန်မာနိုင်ငံအတွက် အသက်သွေးချွေး သိက္ခာအကုန်အကျစရိတ် ကြီးမားလှသည့်အတွက် အချည်းနှီးမဖြစ်သင့်ပါ။

ဇေယျသူ

You may also like...

Leave a Reply

Your email address will not be published. Required fields are marked *