တော်လှန်ရေးဘုရား၏ ရာဇဝင်

 

နှစ်စဉ် နတ်တော်လဆန်း ၇ ရက် ရောက်ပြီဆိုလျှင် မန္တလေးမြို့တွင် ထင်ရှားသော ဘုရားပွဲတစ်ခုရှိလေသည်။ ထိုဘုရားဘွဲ့အမည်ကား ရွှေလေးဘုရား။ သာမန်ဘုရားများနှင့်မတူ ရွှေလေးဘုရားတွင် ထူးခြားသည့်ရာဇဝင်ရှိသည်။ ညောင်ပင် ဈေးသူဈေးသားတို့၏ မျိုးချစ်စိတ်နှင့် တော်လှန်ရေးစိတ်ဓာတ်ကို ပြဆိုနေသော ဘုရားဖြစ်သောကြောင့်ပင်။

၁၉ လမ်းနှင့် ရွှေတချောင်းမြောင်းထောင့်ရှိ ညောင်ပင်ဈေးတွင်းက ဘုရားဖြစ်သောကြောင့် သာမန်ချိန်တွင် ဖူးရန်မလွယ်ကူသော်လည်း ရွှေလေးဘုရားပွဲချိန်ရောက်တိုင်း ညောင်ပင်ဈေးထိပ်တွင် ပူဇော်ခံလေ့ရှိသည်။

နှစ်စဉ် နတ်တော်လဆန်း ၇ ရက် နေ့ရောက်တိုင်း ရွှေလေးဘုရားပွဲကို ကျင်းပလာခဲ့သည်မှာ နှစ်ပေါင်း ၁၂၀ ကျော်ခဲ့ပြီဖြစ်သည်။ မြန်မာသက္ကရာဇ် ၁၂၅၅ ခုနှစ် ကဆုန်လပြည့်ကျော် ၅ ရက်၊ ခရစ်နှစ် ၁၈၉၃ ခုနှစ်ကတည်းက သွန်းလုပ်ပူဇော်ခဲ့သော ဘုရားဖြစ်ပြီး ဈေးသူဈေးသား အများကောင်းမှုဟုဆိုနိုင်သည်။

ညောင်ပင်ဈေးသည် ရှေးယခင် မြန်မာမင်းများလက်ထက်ကတည်းက ရွှေတချောင်းမြောင်းဘေးတွင် ထင်ရှားသော ဈေးတစ်ခုဖြစ်ခဲ့ပြီး ရောင်းဝယ်ဖောက်ကားသူ ရောင်းသူဝယ်သူများ စည်ကားခဲ့သော ဈေးတစ်ခုလည်းဖြစ်သည်။

အထက်မြန်မာပြည်ကို အင်္ဂလိပ်အစိုးရက သိမ်းပိုက်ပြီးနောက် မြန်မာဘုရင်တို့သတ်မှတ်ခဲ့သော အလေးတင်းတောင်း၊ ပိဿာကျပ်သားချိန်တွယ်စနစ်များကို ပြောင်းပစ်ဖို့ကြိုးစားကြသည်။ မြန်မာဘုရင်များလက်ထက်ကတည်းက သုံးစွဲလာသည့် ဟင်္သာရုပ်ကြေးဝါအလေးများကို ဆက်လက်သုံးစွဲခွင့်မပြုတော့ဘဲ အပ်နှံစေသည်။

ဟင်္သာရုပ်ကြေးအလေးများကို ဆက်လက်အသုံးပြုပါက ဒဏ်ရိုက်စေသည်။ ဖမ်းဆီးကာ အပ်နှံစေသည်။ ထိုသို့ ဒဏ်ခတ်မှုများကြောင့် ဈေးများအတွင်းက ဈေးသူဈေးသားများအပ်နှံကြသော်လည်း ညောင်ပင်ဈေးသူဈေးသားများကတော့ တစ်မူထူးခြားစွာ တော်လှန်ရေးတစ်ရပ်ကို ဆင်နွှဲခဲ့ကြသည်။

အင်္ဂလိပ်တို့အပ်နှံစေသော ကြေးရုပ်အလေးများကို အပ်နှံခြင်းမပြုတော့ဘဲ အားလုံးစုပေါင်းကာ ကြေးသွန်းဘုရားတစ်ဆူအဖြစ် ထုလုပ်ကိုးကွယ်ခဲ့ကြခြင်းပင်။ ဉာဏ်တော်အားဖြင့် တစ်တောင်နှစ်မိုက်ရှိသော ကြေးသွန်းဘုရားဖြစ်သည့် ရွှေလေးဘုရားသည် အမှန်တကယ်ပင် ဈေးသူဈေးသားတို့၏ ချိန်ခွင်ပေါ်က ကြေးအလေးများကို စုပေါင်းသွန်းလုပ်ထားခြင်းပင်။

အင်္ဂလိပ်အစိုးရက အပ်နှံစေသော အလေးများကို မအပ်နှံဘဲ ဘုရားသွန်းလုပ်ပူဇော်ခြင်းဖြင့် ညောင်ပင်ဈေးသူဈေးသားတို့သည် တော်လှန်ရေးစိတ်ဓာတ်ကိုပြ ခဲ့ကြသည်။ ဘုရားဆင်းတု၏ တစ်လက်မ မကျန် နေရာတိုင်းရှိ ကြေးစများသည် ညောင်ပင်ဈေးသူဈေးသားတို့ ဖြတ်သန်းခဲ့သည့် ဈေးသမိုင်းတွေပါသည်။ ချွေးစက်တွေ လုပ်အားတွေပါသည်။ သဒ္ဓါတရားတွေပါသည်။ တော်လှန်ရေးနိမိတ်တွေ ပါသည်။

ထိုသို့ ဂုဏ်ယူဖွယ်ကောင်းသော ရွှေလေးဘုရားသည် နှစ် ၁၀၀ ပြည့်ပွဲကိုလည်း ခြိမ့်ခြိမ့်သဲသဲ ကျင်းပခဲ့ဖူးကြောင်း မန္တလေးမြို့ခံစာရေးဆရာမဖြစ်သည့် အမေလူထုဒေါ်အမာက ရွှေလေးဘုရား- ရာပြည့်ပွဲဟူသော ခေါင်းစဉ်ဖြင့် ဆောင်းပါးတစ်ပုဒ်ရေးခဲ့ဖူးသည်။

နှစ်စဉ် ရွှေလေးဘုရားဘုရားပွဲ ကာလရောက်ပြီဆိုလျှင် ညောင်ပင်ဈေးသူဈေးသားတို့စုရုံးကာ ဘုရားပွဲကျင်းပနိုင်ရန် လောဆော်ကြ၊ စီစဉ်ကြပြီ။ ဘုရားရင်ပြင်သန့်ရှင်းရေးလုပ်ကြပြီ။ တရော်ကင်ပွန်းများနှင့် ဘုရားရောင်တော်ဖွင့်ကာ ဈေးထိပ်တွင် အပူဇော်ခံနိုင်ရန် ပြင်ဆင်ကြပြီ။ ညောင်ပင်ဈေးသူဈေးသားတို့ အလှူပဒေသာပင်တွေသီးကြ၊ လှူကြတန်းကြပြီ။

ညောင်ပင်ဈေးအရှေ့ထိပ်တွင် မြန်မာမုန့်စုံသည်တို့ အစီအရီထွက်ကြပြီ။ ညောင်ပင်ဈေးသူဈေးသားတို့ ညနေဈေးသိမ်းသည်နှင့် ဘုရားပွဲထဲလှည့်လည်ရင်း ဘုရားသမိုင်းကို နောင်လာနောင်သားတို့အား ရှင်းပြကြပြီ။

မြန်မာ့အချိန်အတွယ်စနစ်ဖြစ်သည့် ပိဿာ၊ ကျပ်သားစနစ်သည် နိုင်ငံတကာနှင့် တန်းမဝင်နိုင်သည်မှာ မှန်သော်လည်း အတင်းအဓမ္မပြောင်းရန်စေခိုင်းမှုကို လက်မခံဘဲ ပညာသားပါပါ ဆန့်ကျင်ခဲ့သည့် ညောင်ပင်ဈေးသူဈေးသားတို့၏ ပညာနှင့် သတ္တိကို ရွှေလေးဘုရားက ပြဆိုနေသည်။

“ကျွန်တော်တို့ငယ်ကတည်းက နှစ်တိုင်း ဘုရားပွဲကာလရောက်ရင် လူကြီးသူမတွေက ဘုရားရောင်တော်ဖွင့်ရင်း ဘုရားသမိုင်းရှင်းပြခဲ့ကြတာ။ ကျွန်တော်တို့ သားသမီးမြေးမြစ်တွေထိ ဒီသမိုင်းကို လက်ဆင့်ကမ်းသယ်သွားဦးမှာပါ” ဟု ညောင်ပင်ဈေးသားတစ်ဦးဖြစ်သူ ဦးဝင်း က ဆိုသည်။

တော်လှန်ရေးနိမိတ်ဆောင်သည့် ဘုရား၊ မျိုးချစ်စိတ်ဓာတ်ကိုပြဆိုသည့် ဘုရား၊ ဈေးသူဈေးသားတို့၏ အလေးများကို အရည်ကျိုသွန်းလုပ်ခဲ့သည့် ရွှေလေးဘုရား၏သမိုင်းကြောင်းကား ဂုဏ်သတင်းမွှေးပျံ့နေတုန်းပင်။

 

ယဉ်ယဉ်နှောင်း

You may also like...

Leave a Reply

Your email address will not be published. Required fields are marked *