ရန်ကုန်မော်တော်ယာဉ်လိုင်စင် မူအသစ် သန္ဓေတည်

မော်တော်ယာဉ်များ လိုင်စင်မှတ်ပုံတင်ခြင်းကို ကုန်လမ်းပို့ဆောင်ရေး ညွှန်ကြားမှုဦးစီးဌာနက ကိုင်တွယ်သော်လည်း ရန်ကုန်လိုင်စင်ရရန် တိုင်းဒေသကြီး အစိုးရ၏ ခွင့်ပြုချက်များ ရယူရန်လိုသည်။

တစ်ခန်းရပ် ရန်ကုန်မော်တော်ယာဉ် လိုင်စင်အတွက် အခန်းဆက်အိပ်မက် တစ်ခါပေါ်လာပြန်ပြီ။

ရန်ကုန်တိုင်းဒေသကြီး အစိုးရအဖွဲ့ဝန်ကြီးချုပ် ဦးဖြိုးမင်းသိန်းလက်ထက်တွင် ရန်ကုန်တိုင်း ဒေသကြီး၏  YGN မော်တော်ယာဉ်လိုင်စင်မှတ်ပုံတင်ခွင့်ရပ်ဆိုင်းခဲ့သည်မှာ ၂ နှစ်နီးပါး ကြာမြင့်ခဲ့သည်။

ရန်ကုန်မြို့၏ ဆိုးရွားလွန်းလှသည့် ယာဉ်ကြောကျပ်တည်းမှုကိုဖြေရှင်းရန် တစ်စတစ်စတိုးပွားလာသော ရန်ကုန်မော်တော်ယာဉ်များကိုကန့်သတ်ပိတ်ပင်ခြင်းဖြစ်သည်ဟု ထိုစဉ်က အကြောင်းပြခဲ့သည်။

သို့သော် ယခုအချိန်တွင် ရန်ကုန် မော်တော်ယာဉ်လိုင်စင်ပြန်ဖွင့်ပေးတော့မည်။

၂၀၁၈ ခုနှစ်၊ ဧပြီလ ၁ ရက်မှစတင်ပြီးပိတ်ပင်ထားသော ရန်ကုန်မော်တော်ယာဉ်များယာဉ်မှတ်ပုံတင်ခြင်းကို မူကွဲအသစ်ဖြင့် ပြန်လည်ခွင့်ပြုမည်ဖြစ်သည်။ အဆိုပါမူသစ်ကား စင်ကာပူနိုင်ငံစတိုင် COE (Certificate of Entitlement) စနစ်ပင်ဖြစ်သည်။

မြန်မာနိုင်ငံနှင့် သူစိမ်းတစ်ရံဆံလှသည့် COE စနစ်ကားအဘယ်နည်း။

“မြန်မာလိုရေးရင်တော့ ကားဝယ်ယူခွင့်လက်မှတ်ပေါ့” ဟု မြန်မာ့မော်တော်ယာဉ်ထုတ်လုပ်ရေးနှင့် ဖြန့်ဖြူး ရောင်းချရေးလုပ်ငန်းရှင်များအသင်းဥက္ကဋ္ဌ ဒေါက်တာစိုးထွန်းကရှင်းပြသည်။

COE ကိုခံစားပိုင်ခွင့်လက်မှတ်ဟုလည်းအချို့က မြန်မာမှုပြုသည်။

COE စနစ်အရ တစ်နှစ်တာအတွင်း ယာဉ်မှတ်တင်ခွင့်ပြုမည့် မော်တော်ယာဉ်အစီးရေကို ကြိုတင်သတ်မှတ်ထားသည်။ ထိုသတ်မှတ်ချက် မော်တော်ယာဉ်အရေအတွက်ကို အများပြည်သူသို့ လေလံစနစ် သို့မဟုတ် ဈေးနှုန်း သတ်မှတ်ချက်တစ်ခုဖြင့် ရောင်းချပေးသည်။

ရန်ကုန်မြို့တွင် တစ်နှစ်လျှင် ယာဉ်အစီးရေ ၁၀၀ ခွင့်ပြုမည်ဆိုလျှင် ယင်းယာဉ်များဝယ်ယူခွင့်လက်မှတ်ကို တိုင်းဒေသကြီးအစိုးရအဖွဲ့က ရောင်းချမည်။ မော်တော်ယာဉ်ဝယ်ယူစီးနင်းသူက ရန်ကုန်လိုင်စင် (YGN)လိုချင်ပါက ထိုလက်မှတ်ဖြင့် ဝယ်ယူရမည်ဖြစ်သည်။

ထို လက်မှတ်မဝယ်လျှင် ရန်ကုန်လိုင်စင်မရ။ အခြားနယ်လိုင်စင်များသာ ရမည်ဖြစ်သည်။ ဒေသတစ်ခု၏ အခြေခံအဆောက်အဦနှင့် ရှိသင့်သည့် မော်တော်ယာဉ်အရေအတွက်ကို ကိုက်ညီမှုရှိရန် ကန့်သတ်သည့်စနစ် ဖြစ်သည်။

COE စနစ်သည် ၁၉၉၀ ပြည့်နှစ်ကပေါ်ပေါက်လာခဲ့ပြီး ကမ္ဘာပေါ်တွင် စင်ကာပူနိုင်ငံတစ်ခုသာကျင့်သုံးသည်။ နိုင်ငံဧရိယာသေးငယ်သဖြင့် မော်တော်ယာဉ်များကန့်သတ်သုံးစွဲရန် ဆောင်ရွက်ခြင်းဖြစ်သည်။

ယင်း COE စနစ်ကို မြန်မာနိုင်ငံ၏ မော်တော်ယာဉ်အစီးရေ အများဆုံး တိုင်းဒေသကြီးဖြစ်သည့် ရန်ကုန်တွင် ပုံဖော်မည်ဖြစ်ကြောင်း၂၀၁၇ ခုနှစ် စက်တင်ဘာလကတည်းက ဝန်ကြီးချုပ် ဦးဖြိုးမင်းသိန်းက လူသိရှင်ကြား ထုတ်ဖော် ပြောခဲ့သည်။

ရန်ကုန်လိုင်စင်မှတ်ပုံတင်ခွင့်ကို လေလံစနစ်ဖြင့် ဆောင်ရွက်မည်ဖြစ်ပြီး ပြည်တွင်းထုတ်ယာဉ်များကို ဦးစားပေးမည် ဖြစ်ကြောင်း ၎င်းကပြောဆိုခဲ့သည်။

တရားဝင်လုပ်ငန်းစတင်ရန်အတွက် ယခုနှစ် ဇန်နဝါရီလ နောက်ဆုံးပတ်တွင် တိုင်းဒေသကြီးအစိုးရအဖွဲ့နှင့် မော်တော်ယာဉ်လုပ်ငန်းရှင်များနှင့်ဆွေးနွေးခဲ့သည်။

ယခုလကုန်(သို့)မတ်လတွင် COE စနစ်၏ လုပ်ငန်းစဉ် မူကြမ်းတိုင်းဒေသကြီးအစိုးရအဖွဲ့က အများပြည်သူသို့ ထုတ်ပြန်ပေးနိုင်မည်ဟုမျှော်လင့်ကြောင်း ဒေါက်တာစိုးထွန်း က ဆွေးနွေးမှုရလဒ်ကို ပြန်ဖောက်သည်ချသည်။ တစ်ချိန်တည်းတွင် အမျိုးသားအဆင့်အလုပ်ရုံဆွေးနွေးပွဲပြုလုပ်မည်ဖြစ်ကြောင်းလည်း ၎င်းက ဆိုသည်။

“(ရန်ကုန်လိုင်စင်ပြန်ခွင့်ပြုခြင်း) ကောင်းပါတယ်။ ပိတ်ထားတယ်ဆိုတာကတော့ ဘယ်တိုင်းပြည်မှာမှ မရှိဘူး။ ဖွင့်တာကိုတော့ ကြိုဆိုတာပေါ့” ဟု ၎င်းက ဆိုသည်။

လက်ရှိတွင် COE စနစ်ကိုင်တွယ်ရန် တိုင်းဒေသကြီးအစိုးရအဖွဲ့မှ အဖွဲ့အစည်းတစ်ခုဖွဲ့စည်းတာဝန်ယူမည်ဖြစ် သည်။ တစ်နှစ်လျှင် ခွင့်ပြုမည့်ယာဉ်အရေအတွက် လေလံစနစ် (သို့မဟုတ်) ပုံသေဈေးနှုန်းမည်ကဲ့သို့ ဆုံးဖြတ်မည်ကို အတိအကျမသိကြောင်း ၎င်းကဆိုသည်။

မည်သို့ဆိုစေ COE စနစ်ကြောင့် ဧပြီလတွင် ရန်ကုန်လိုင်စင်များပြန်ရတော့မည်ဖြစ်သည်။ ယင်းအပေါ် မော်တော်ယာဉ်လုပ်ငန်းရှင်အချို့က အကောင်းမြင်သလိုအချို့လုပ်ငန်းရှင်များကအဆိုးမြင်သည်။

“COE က လက်ရှိစလစ်ကပ်ရတဲ့ပုံစံမျိုး ပေါလောရှောလောမလာဘူး။ သူကတော့ ဈေးကြီးမှာပဲ။ နောက်ပြီး ရန်ကုန်တိုင်းဒေသကြီးဝန်ကြီးချုပ်က ရန်ကုန်ကို ကားသွင်းစေချင်တာ မဟုတ်တဲ့အတွက်ကြောင့် သူကတော့ ကျပ်ထားမှာ” ဟု သီရိမင်္ဂလာဈေးကားပွဲစားတန်းမှ မော်တော်ယာဉ်အကျိုးဆောင် ဦးနိုင်လင်းက ဆိုသည်။

လက်ရှိတွင် ယာဉ်အိုယာဉ်ဟောင်းဖျက်သိမ်းထားသည့် ပြေစာ (စလစ်ကပ်ပါမစ်) တင်သွင်းသော ယာဉ်များသာ ရန်ကုန်လိုင်စင်ရသည်။ ပြည်တွင်းတပ်ဆင်ထုတ်ယာဉ်များလည်း ရန်ကုန်လိုင်စင်ရသည်။ စလစ်တစ်စောင်လျှင် ကျပ်သိန်းတစ်ရာကျော်ဈေးရှိသည်။

ရန်ကုန်လိုင်စင်သည် မော်တော်ယာဉ်ဝယ်ယူသူများ၏ သည်းခြေကြိုက်ယာဉ်မှတ်ပုံတင်အမျိုးအစားဖြစ်သည်။ ကားအမျိုးအစားချင်းတူလျှင်ပင် အခြားတိုင်းဒေသကြီးနှင့် ပြည်နယ်ယာဉ်လိုင်စင်များထက် ကျပ်သိန်းသုံးဆယ်အထိ ပိုဈေးမြင့်သည်။ တစ်ဆင့်ပြန်လည်ရောင်းချရာတွင် ရန်ကုန်လိုင်စင်သည် အားသာချက်ရှိသည်။

ရန်ကုန်လိုင်စင်ရရန် အခြားတိုင်းဒေသနှင့် ပြည်နယ်များနှင့်ယှဉ်လျှင် ကန့်သတ်ချက်ပိုများသည်။

မော်တော်ယာဉ်များ လိုင်စင်မှတ်ပုံတင်ခြင်းကို ပို့ဆောင်ရေးနှင့် ဆက်သွယ်ရေးဝန်ကြီးဌာန လက်အောက်ရှိ ကုန်လမ်းပို့ဆောင်ရေး ညွှန်ကြားမှုဦးစီးဌာနက ကိုင်တွယ်သော်လည်း ရန်ကုန်လိုင်စင်ရရန်တိုင်းဒေသကြီး အစိုးရ၏ ခွင့်ပြုချက်များရယူရန်လိုသည်။

ယခင်အစိုးရလက်ထက်က ရန်ကုန်လိုင်စင်ရရန် ယာဉ်ရပ်နားရန်နေရာထာက်ခံချက် (ပါကင်ပါမစ်) ကို တိုင်းဒေသကြီးအစိုးရထံတွင် ယူရသည်။

ရန်ကုန်မြို့တွင် နေထိုင်ပြီး ယာဉ်ဝယ်ယူနိုင်သော်လည်း ယာဉ်ရပ်နားရန်နေရာမရှိသဖြင့် ရန်ကုန်လိုင်စင်ရရန် အခက်ကြုံသူများရှိခဲ့သည်။ ထို့ကြောင့် ပါကင်ပါမစ် တရားမဝင်ဈေးကွက်တစ်ခုပင် ပေါ်ပေါက်ခဲ့ပြီး ပါမစ်တစ်စောင်လျှင် ကျပ်သိန်း ၃၀ အထိဈေးပေါက်ခဲ့ကြောင်းမော်တော်ယာဉ်အကျိုးဆောင်များက ဆိုသည်။

ဦးဖြိုးမင်းသိန်းလက်ထက်တွင် ပါကင်ပါမစ်ဖျက်သိမ်းခဲ့ခြင်းကြောင့် ရန်ကုန်မော်တော်ယာဉ်လိုင်စင် မှတ်ပုံတင်ခွင့် အလိုလျောက် နိဋ္ဌိတံသွားသည်။ ၂ နှစ်ခန့်ကြာပြီးနောက် ပါကင်ပါမစ်နေရာတွင် COE စနစ်ဖြင့် အစားထိုးမည်ဖြစ်သည်။

“COE System ကလည်းလေလံဆွဲရမှာဖြစ်တဲ့အတွက်ကြောင့် အပြိုင်အဆိုင်ဝယ်ကြရင် ဈေးနှုန်းတွေ မြင့်လာရင် အဲ့ဒီ COE နဲ့ကပ်ထားတဲ့ ကားတစ်စီးကလည်းပေါပေါလောလောဘယ်လိုမှမရနိုင်ဘူး” ဟု ဦးနိုင်လင်းကဆိုသည်။

ပါကင်ပါမစ်စနစ်နှင့် နှိုင်းယှဉ်လျှင် COE စနစ်သည်ဈေးကွက်တစ်ခုလုံးအပေါ် အကျိုးသက်ရောက်မှုနည်းကြောင်း ၎င်းကယူဆသည်။ ပါကင်ပါမစ်စနစ်သည် တစ်ပိုင်တစ်နိုင်ဝယ်ရောင်းများ ဝင်ရောက်လုပ်ကိုင်ရန် အဆင်ပြေနိုင်သော်လည်း COE စနစ်မှာအဆင်မပြေပေ။

မော်တော်ယာဉ်လုပ်ငန်းရှင်ကြီးများ၊ အရောင်းပြခန်းဖွင့်လှစ်ရောင်းချသောလုပ်ငန်းရှင်များအတွက် ပိုမိုအကျိုးရှိကြောင်း ၎င်းကဆိုသည်။ သို့သော် COE  စနစ်ကြောင့် ရန်ကုန်မော်တော်ယာဉ်ဈေးကွက်ကို ရိုက်ခတ်မှုရှိသည်။

COE လေလံစနစ်ကြောင့် ရန်ကုန်လိုင်စင်ရရန်ဈေးနှုန်းမြင့်မားနိုင်ပြီး ဈေးကွက်အတွင်းရှိ မြန်မာကြိုက် ရန်ကုန် လိုင်စင်(YGN) ရရှိပြီးသားတစ်ပတ်ရစ် ညာမောင်းကားများလည်း ဈေးနှုန်းမြင့်လာဖွယ်ရှိကြောင်း ၎င်းက ဆိုသည်။

သို့သော် မော်တော်ယာဉ်ဈေးကွက်အပြောင်းအလဲသည် မကြာမီထုတ်ပြန်မည့် COE စနစ်၏ အသေးစိတ်အချက်များအပေါ်တွင် မူတည်သည်။ သေချာသည်မှာ ရန်ကုန်မော်တော်ယာဉ်ဈေးကွက်ပြိုင်ဆိုင်မှုပြင်းထန်လာမည်ဖြစ်ကြောင်း MADP မော်တော်ယာဉ်အရောင်းစင်တာ၏ အုပ်ချုပ်မှုဒါရိုက်တာ ဦးဖြိုးဇေဦးက ဆိုသည်။

လက်ရှိတွင် ပြည်တွင်း၌ ရန်ကုန်မော်တော်ယာဉ်လိုင်စင်ခွင့်ပြုပေးထားသော CKD ၊ SKD စနစ်နှင့် တပ်ဆင်ထုတ်လုပ်သည့် မော်တော်ယာဉ်များနှင့် COE စနစ်ကြောင့် ရန်ကုန်လိုင်စင်ရရှိမည့် အသစ်ထုတ်မော်တော်ယာဉ်များ ယှဉ်ပြိုင်ရောင်းချရမည်ဖြစ်ကြောင်း ၎င်းကဆိုသည်။

SKD (Semi Knock-Down)၊ CKD(Complete Knock – Down) စနစ်သည် မော်တော်ယာဉ်အစိတ်အပိုင်းများ ပြည်ပမှတင်သွင်း၍ ပြည်တွင်း၌ တပ်ဆင်ထုတ်လုပ်သောစနစ်ဖြစ်သည်။ ယင်းစနစ်နှင့်ထုတ်သော ယာဉ်များကို ပြည်တွင်းကုန်ထုတ်လုပ်မှုအားပေးရန်အတွက် အစိုးရက ရန်ကုန်လိုင်စင်ခွင့်ပြုပေးသည်။

စလစ်ကပ်ပါမစ်ဖြင့်မဟုတ်ဘဲတင်သွင်းသည့် ပြည်ပမှတင်သွင်းသော အသစ်ထုတ်မော်တော်ယာဉ်များကို ရန်ကုန်လိုင်စင်မပေးပေ။

“ ဈေးကွက်မှာက ပြိုင်ဆိုင်မှုတွေများလာမယ်။ အရင်က Brand New (အသစ်) သွင်းတဲ့ကားတွေက ရန်ကုန်လိုင်စင် မရဘူး။ ရန်ကုန်လိုင်စင်မရတော့ ဈေးကွက် မယှဉ်နိုင်ဘူး။ ဒီကောင်တွေ ရသွားတော့ ပြည်တွင်းထုတ်တဲ့ (CKD၊ SKD) စနစ်နဲ့ကားတွေနဲ့ ယှဉ်နိုင်သွားပြီ” ဟု ဦးဖြိုးဇေဦးက ဆိုသည်။

COE စနစ်ကြောင့် အဓိကပြောင်းလဲမည်မှာ အသစ်ထုတ် မော်တော်ယာဉ်ဖြစ်ကြောင်း ရန်ကုန်တိုင်းဒေသကြီး မြန်မာ့မော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေးလုပ်ငန်းရှင်များအသင်း အထွေထွေအတွင်းရေးမှူးဦးရန်မျိုးအောင် က မှတ်ချက်ပြုသည်။

“ Brand New ကားတွေ ရန်ကုန်လိုင်စင်ရသွားရင် အများပြည်သူအတွက် ပိုအဆင်ပြေတာပေါ့” ဟု ၎င်းက ဆိုသည်။

စင်ကာပူနိုင်ငံ၏ COE စနစ်နှင့် တင်သွင်းခွင့်ပြုသည့် မော်တော်ယာဉ်များသည် ဆယ်နှစ်ဖြစ်ပြီး သက်တမ်းကုန်လျှင် ဖျက်သိမ်းရသည်။ မြန်မာနိုင်ငံတွင် သက်တမ်းမည်မျှပေးမည်ကို မသိရသေးပေ။

COE ဝယ်ယူခွင့်နှင့် ပတ်သက်၍လည်း သောကရောက်နေသည့် တစ်ပိုင်တစ်နိုင်မော်တော်ယာဉ်ဝယ်ရောင်း လုပ်ကိုင်သူများလည်း ရှိနေသည်။ လေလံစနစ်ဖြင့်ဝယ်ယူခွင့်ပြုလျှင် ပိုက်ဆံသုံးစွဲနိုင်သောလုပ်ငန်းရှင်များသာ ရရှိမည်ဖြစ်ပြီး အမှန်တကယ်မော်တော်ယာဉ်လိုအပ်သူများ လက်လှမ်းမမီမည်ကို စိုးရိမ်ကြသည်။

အခြားတစ်ဖက်တွင်လည်း လေလံအောင်ပြီး COE လက်မှတ်ကို ပြန်လည်ရောင်းချသူ တရားမဝင်ဈေးကွက် ဖြစ်လာနိုင်သည်ကိုလည်း သတိပြုသင့်ကြောင်း လုပ်ငန်းရှင်များက ထောက်ပြကြသည်။

ပါကင်ပါမစ်ထောက်ခံချက်နှင့် ရန်ကုန်လိုင်စင်မှတ်ပုံတင်ခွင့်ပြုခဲ့ခြင်းကြောင့် ပြင်ပတွင် ပါကင်ပါမစ်ဈေးကွက် ပေါ်ပေါက်ခဲ့သော သာဓကများစွာလည်းရှိဖူးသည်။ စင်ကာပူစတိုင် COE စနစ်သည် မြန်မာနိုင်ငံနှင့် အံဝင်၊ မဝင် စောင့်ကြည့်ရမည်သာဖြစ်သည်။

ယာဉ်အစီးရေတိုးပွားမှုကို ထိန်းချုပ်ခြင်းဖြင့် ရန်ကုန်မြို့၏ ယာဉ်ကြောရှုပ်ထွေးမှုကို ဖြေရှင်းမည့်ရည်မှန်းချက်များ မည်မျှပြည့်မြောက်မှုကို စောင့်ကြည့်အကဲဖြတ်ရမည် ဖြစ်သည်။ ရန်ကုန်လိုင်စင်ပိတ်ပင်ထားသော ကုန်ခဲ့သည့် ၂ နှစ်နီးပါးကို ပြန်ကြည့်လျှင် ယာဉ်ကြောရှုပ်ထွေးမှုမှာ နေမြဲ။

“ရန်ကုန်လိုင်စင်နဲ့ Traffic နဲ့က တိုက်ရိုက်ကြီးအချိုးမကျဘူး။ လောလောဆယ် Traffic Jams ဖြစ်တာကို ဖြေရှင်းချင်ရင်တော့ Infrastructure ပြည့်စုံအောင် အရင်လုပ်ရမယ်။ ယာဉ်စည်းကမ်းလမ်းစည်းကမ်းမလိုက်နာမှုတွေကို ထိရောက်တဲ့ အရေးယူမှုတွေလုပ်ရမယ်”  ဟု KL Seven မော်တော်ယာဉ်အရောင်းစင်တာလုပ်ငန်းရှင် ဦးကြည်သာဟန်က ဆိုသည်။

ရန်ကုန်လိုင်စင်(YGN)လိုချင်ပါက COE လက်မှတ်သစ်ဖြင့် ဝယ်ယူရမည်ဖြစ်သည်။

မည်သို့ပင်ဆိုစေ ရန်ကုန်မော်တော်ယာဉ်လိုင်စင်အတွက် မျှော်လင့်ချက်ရှိလာပြီဖြစ်သည်။ မတည်မငြိမ်မူဝါဒတို့ နှင့် ထုသားပေသားကျခဲ့သည့် မော်တော်ယာဉ်ဈေးကွက်တွင် COE ဟူသော မူဝါဒတစ်ခု သန္ဓေတည်လာမည် ဖြစ်သည်။

ယင်းစနစ်အပေါ် မော်တော်ယာဉ်အကျိုးဆောင် ဦးနိုင်လင်းက ယခုကဲ့သို့ မျှော်လင့်ထားသည်။

“တစ်နိုင်တစ်ပိုင်ဝယ်ရောင်းတွေအနေနဲ့ လက်လှမ်းမမီနိုင်ဘူး။ တကယ့်ပိုက်ဆံရှိတဲ့ Show Room တွေ ဘာတွေလုပ်ကြမယ်။ အစ်ကိုတို့အနေနဲ့ကတော့ မလွယ်ပါဘူး။ နောက်ပိုင်း အခုလည်း အစ်ကိုတို့အနေနဲ့ အဟောင်းတွေပဲ အရောင်းအဝယ်ပြန်လုပ်နေတယ်”

နိုင်လင်းအောင်

You may also like...

Leave a Reply

Your email address will not be published. Required fields are marked *