မော်တော်ယာဉ် ဈေးကွက်

၂၀၁၇ ခုနှစ်တွင် ထွက်ရှိလာသော မြန်မာ့မော်တော်ယာဉ်မူဝါဒသည် ၂၀၁၈ ခုနှစ်ကို အဓိကမောင်းနှင်မည့် မာလိန်မှူးဖြစ်လာမည်ဖြစ်သည်။ ယင်းဥပဒေပါအချက်များအရ ဘယ်မောင်းယာဉ်များကိုသာ တင်သွင်းခွင့်ပြုခြင်း၊ ၂၀၁၄ ခုနှစ်နှင့်အထက် မော်ဒယ်လ်ကိုသာ ခွင့်ပြုခြင်းတို့သည် ၂၀၁၈ မော်တော်ယာဉ်ဈေးကွက်ကို တွက်ဆရာတွင် အဓိကအချက်များဖြစ်လာသည်။

၂၀၁၄ ခုနှစ်နှင့်အထက် မော်ဒယ်လ်ဘယ်မောင်းကားများသည် တရုတ်၊ ကိုရီးယားနှင့် ဥရောပထုတ်ကားများ ဖြစ်ကြသောကြောင့် ဈေးနှုန်းများ မြင့်မားလျက်ရှိသည်။ အထူးသဖြင့် မော်ဒယ်လ်သတ်မှတ်ချက်မြင့်ခြင်းသည် Brand New ကားများကို ဈေးနှုန်းမြင့်စေသည်။ လူလတ်တန်းစား ကိုယ်ပိုင်ကားစီးရေး အိပ်မက်မှာ ပို၍အလှမ်းဝေးသယောင် ရှိလာမည်။

ဤအချက်ကြောင့်ပင် ဥရောပထုတ်ကားများထက် ပိုမိုဈေးသက်သာသည့် တရုတ်နှင့် ကိုရီးယားကားများ ပြည်တွင်းဈေးကွက်ကို ပိုမိုလွှမ်းမိုးနိုင်ဖွယ်ရှိနေသည်။ သို့သော်လည်း တစ်စတစ်စ လူကြိုက်များလာသည့် ပြည်တွင်းထုတ်ကားများ၏ ဈေးကွက်ကိုလည်း မေ့ထား၍ မရပေ။

သို့သော် အစွဲအလန်းကြီးတတ်သည့် မြန်မာစားသုံးသူတို့၏ သဘာဝအရ ဂျပန်ထုတ် တစ်ပတ်ရစ် ညာမောင်းကားဈေးကွက် ဆက်လက်ရှိနေဦးမည်ဖြစ်သည်။ ဘယ်မောင်းများကိုသာ တင်သွင်းခွင့်ပြုသည်ဆိုသော်လည်း ညာမောင်းကားများသုံးစွဲမှု အရိုးစွဲခြင်း၊ ဂျပန်ထုတ်ကားများ၏ အရည်အသွေးကို ကြိုက်နှစ်သက်ခြင်းနှင့် အပိုပစ္စည်း အလွယ်တကူ ဝယ်ရခြင်းတို့ကြောင့် ပြည်တွင်းသို့ ရောက်ရှိပြီး တစ်ပတ်ရစ် ညာမောင်းကား အရောင်းအဝယ်မှာမူ ဆက်လက်လည်ပတ်နေဦးမည်ဖြစ်သည်။ သို့သော်လည်း ယခင်ကကဲ့သို့ ဂျပန်တစ်ပတ်ရစ်ဈေးကွက်မင်းမူနေခြင်းကဲ့သို့ ခေတ်ကောင်းတော့မည် မဟုတ်ပေ။ ညာမောင်းကားများကို လာမည့်ဇွန်လအထိ နောက်ဆုံးတင်သွင်းခွင့်ရရှိထားကြ ခြင်းကြောင့် ဧပြီလနောက်ပိုင်းကာလများ အတွင်း ညာမောင်းကားဈေးကွက် အလှုပ်အခပ် ဖြစ်ပေါ်လာနိုင်ပြီး ဇွန်လမတိုင်မီ တစ်ပတ်ရစ် ညာမောင်းကားဈေးများ မြင့်လာနိုင်ဖွယ်ရှိသည်။

သို့သော် စီးပွားရေးကျဆင်းလျက်ရှိခြင်းနှင့် မူဝါဒအပြောင်းအလဲကိုစောင့်ဆိုင်း၍ ချိန်ဆလျက်ရှိခြင်းတို့က ဝယ်လိုအားနည်းသွားစေပြီး ယင်းအချက်ကြောင့်ပင် ဈေးနှုန်းများ အဆမတန် မြင့်တက်လာနိုင်မည်မဟုတ်ပေ။

တစ်ဖက်တွင်လည်း ၂၀၁၈ ခုနှစ်တွင် ပြည်တွင်းထုတ်ကားများ ဈေးကွက်တွင် ပိုမိုနေရာရလာဖွယ်ရှိသည်။ ၂၀၁၈ ခုနှစ် မော်တော်ယာဉ်မူဝါဒကိုယ်တိုင်ကပင် ပြည်တွင်းထုတ်ကားများကို ဦးစားပေးသည့် မူဝါဒချမှတ်ထားခြင်းနှင့် ရင်းနှီးမြှုပ်နှံမှု မူဝါဒအရလည်း အခွင့်အလမ်းများပေးထား ခြင်းတို့ကြောင့် ဖြစ်သည်။

မြန်မာ့မော်တော်ယာဉ်မူဝါဒသည် ပြောင်းလဲမြန်မူဝါဒဖြစ်သော်လည်း ၂၀၁၈ ခုနှစ်အတွင်း သိသာထင်ရှားသည့် အပြောင်း အလဲ တွေ့ရမည်မဟုတ်ပေ။ ၂၀၁၇ မော်တော် ယာဉ်မူဝါဒပါ ညာမောင်းမှ ဘယ်မောင်းသို့ ပြောင်းလဲခြင်း၏ ဂယက်ကိုလာမည့် ၂၀၁၈ ခုနှစ်တွင် စတင်ခံစားရဖွယ်ရှိသည်။

၂၀၁၈ ခုနှစ်တွင် အများပြည်သူသယ်ယူ ပို့ဆောင်ရေးစနစ်၌ မူဝါဒ အပြောင်းအလဲအချို့ တွေ့မြင်ရဖွယ်ရှိသည်။ လက်ရှိတွင် မပီပြင် သော အများပိုင်စနစ်ဖြင့် YBS ကို အကောင်အထည်ဖော်ပြီးနောက် ယာဉ်ပိုင်ရှင်များအကြား ခြေထိုးမှုများဖြင့် ပြိုင်ဆိုင်မှုမြင့်မားလာပြီး ကုမ္ပဏီကြီးများလည်း အဆိုပါကဏ္ဍသို့ ဝင်ရောက် အခြေချစပြုလာသည်။

YBS ဖြင့် နာမည်ပျက်မခံလိုသော ဝန်ကြီးချုပ် ဦးဖြိုးမင်းသိန်းဦးဆောင်သော ရန်ကုန်တိုင်းအစိုးရသည် အဆိုပါကိစ္စကို ပိုမိုတင်းကျပ်စွာ ကိုင်တွယ်လာဖွယ်ရှိခြင်းက ရန်ကုန်မြို့တော်နေ ပြည်သူများအတွက် မျှော်လင့်ချက်ပင်ဖြစ်သည်။

You may also like...

Leave a Reply

Your email address will not be published. Required fields are marked *