ငြိမ်းချမ်းရေး ဝေးသလား နီးသလား

၂၀၁၈ နှစ်စ ရှားရှားပါးပါး သတင်းကောင်းအဖြစ် နိုင်ငံလုံးဆိုင်ရာ အပစ်အခတ်ရပ်စဲရေးစာချုပ် NCA တွင် အဖွဲ့ဝင်သစ်များ လက်မှတ်ထိုးကြသည်။ ငြိမ်းချမ်းရေးအတွက် သတင်းကောင်းဖြစ်သလို တစ်နိုင်ငံလုံး သတင်းကောင်းလည်းဖြစ်သည်။

သို့သော် ထိုသို့လက်မှတ်ထိုးကြသည့်အတွက် ငြိမ်းချမ်းရေးအဆင်ချောပြီထင်လျှင် မှားသွားမည်။ ငြိမ်းချမ်းရေး သဘောတူညီချက်များအတွက် အသာထား။ ငြိမ်းချမ်းရေးညီလာခံ ကျင်းပမည့်နေ့ရက်ပင် ခက်ခက်ခဲခဲ ညှိနှိုင်းကြရသည်။

ကမ္ဘာပေါ်တွင် လက်နက်ကိုင်အဖွဲ့ များပြားလှသည့်နိုင်ငံဖြစ်ပြီး ယင်းတို့အချင်းချင်းကြား၊ ယင်းတို့နှင့် တပ်မတော်၊ ယင်းတို့နှင့် အစိုးရကြား ဆက်ဆံရေးတို့သည် ငြိမ်းချမ်းရေးတွင် အသေးအဖွဲဖြစ်သော ညီလာခံနေ့ရက်ညှိနှိုင်းခြင်းတွင် ထင်ဟပ်ခြင်းဖြစ်သည်။

ထိုသို့ နေ့ရက်ကအစ ခက်ခဲသည့်အတွက်လည်း ငြိမ်းချမ်းရေးကို စိတ်ပျက်ရန်မလိုပါ။ ငြိမ်းချမ်းရေးသည် မလွယ်ကူမှန်း မြန်မာ့သမိုင်းကို အနည်းငယ်တီးမိခေါက်မိသူပင် သိနိုင်သည်။ ပြည်တွင်းလက်နက်ကိုင်ပဋိပက္ခသည် လွတ်လပ်ရေးထက် အသက်ကြီးသည်။ အစက မည်သို့ပင် စတင်ခဲ့သည်ဖြစ်စေ ကမ္ဘာအရပ်ရပ်ရှိ လက်နက်ကိုင်ပဋိပက္ခများစွာ၏ သဘောတရားအတိုင်း မြန်မာ့လက်နက်ကိုင်ပဋိပက္ခသည် သက်တမ်းကြာလေ နိုင်ငံရေး၊ စီးပွားရေး၊ နိုင်ငံတကာရေး အကြောင်း များစွာ ရောယှက်လာလေလေဖြစ်ပြီး ရှုပ်ထွေးသည်ထက် ရှုပ်ထွေးလာသည်။ မြန်မာနိုင်ငံသည် တရုတ်နှင့် အိန္ဒိယအကြား အချက်အချာကျသောနေရာတွင် တည်ရှိသည့်အတွက် အင်အားကြီးနိုင်ငံများ ပြိုင်ဆိုင်မှုအပါအဝင် ပထဝီနိုင်ငံရေးရှုပ်ထွေးမှုလည်း ရှိနေသည်။ နောက်ဆုံးပေါ် ရခိုင်အရေးသည် မြန်မာ့ငြိမ်းချမ်းရေးကြိုးပမ်းမှုကို လေမုန်တိုင်း ဝင်မွှေ့သွားခြင်းဖြစ်သည်။

တစ်ဖက်က ကြည့်ပြန်လျှင်လည်း ယခုကာလသည် လွတ်လပ်ရေးရပြီးနောက် မြန်မာနိုင်ငံသမိုင်းတွင် အငြိမ်းချမ်းဆုံး အချိန်တစ်ရပ်ဖြစ်နေသည်။ သက်တမ်းရင့် လက်နက်ကိုင်အဖွဲ့ဖြစ်သည့် ကေအင်န်ယူပင် NCA ထိုးနိုင်ခဲ့သည်။ ကျန်ရှိနေသေးသော လက်နက်ကိုင်တပ်ဖွဲ့များ၏ ခေါင်းဆောင်သဖွယ်ဖြစ်သည့် KIA နှင့် အင်အားအကြီးဆုံး ‘၀’ တို့သည်လည်း ငြိမ်းချမ်းရေး၊ အပစ်အခတ်ရပ်စဲရေး ဆောင်ရွက်ဖူးသူများ၊ မစိမ်းသူများဖြစ်သည်။ ငြိမ်းချမ်းရေးရသောနေရာများတွင် ဒေသဖွံ့ဖြိုးမှုတိုးတက် လာသည်ကိုလည်း ပါဝင်သူအဖွဲ့များ ကိုယ်တိုင်မြင်နေရသည်။

တိုက်ပွဲများ ဆယ်စုနှစ်နှင့်ချီပြီး တောက်လျှောက်ဖြစ်ပွားခဲ့သော ထိုင်းနယ်စပ်တစ်လျှောက်တွင် သေနတ်သံများတိတ်သွားသည်။ ငြိမ်းချမ်းရေးသည် တကယ်တမ်းတွင် အပေါင်းလက္ခဏာများ ရှိနေသည်။

မြန်မာနိုင်ငံ ခေတ်အဆက်ဆက် ငြိမ်းချမ်းရေး ဆောင်ရွက်ရာတွင် အောင်မြင်သည့်ဖြစ်ရပ်များကို ကြည့်လျှင် ပြည်တွင်း ပြည်ပ ပါဝင်ပတ်သက်သူများ Stakeholder ၏ အကျိုးစီးပွားကို နားလည်ခြင်းနှင့် ယုံကြည်မှု ရယူနိုင်ခြင်းတို့ကြောင့် ဖြစ်သည်ကို တွေ့ရမည်။ ပါဝင်ပတ်သက်သူများ၏ အကျိုးစီးပွားကို နားလည်ခြင်းနှင့် ယုံကြည်မှုတို့ ရယူရန်မှာလည်း လေ့လာသုတေသနလုပ်ခြင်း ဝါ အိမ်စာလုပ်ခြင်းနှင့် များများတွေ့၊ များများဆွေးနွေးခြင်းတို့သည် အဓိကကျသည်။
‘No permanent allies or enemies, only permanent interestes.’ ‘အမြဲတမ်းရန်သူ၊ အမြဲတမ်းမိတ်ဆွေဟုမရှိ၊ အမြဲတမ်း အကျိုးစီးပွားသာရှိသည်’ ဟူသောစကားသည် အမြဲမှန်သောစကားဖြစ်သည်။ များများတွေ့သည်ဆိုရာတွင် ပွဲကြီးလမ်းကြီးများတွင် အခမ်းအနားများဖြင့် တွေ့ဆုံခြင်းအပြင် နှလုံးသားချင်း၊ ဦးနှောက်ချင်းနီးနိုင်သည့် အလွတ်သဘော ဆွေးနွေးပွဲများကိုပါ ဆိုလိုသည်။ အလွတ်သဘော များများတွေ့မှသာ အကျိုးစီးပွားများကို နားလည်မည်ဖြစ်သလို တစ်ဖက်နှင့် တစ်ဖက် ယုံကြည်မှုတက်လာမည်။ အိမ်စာလုပ်ခြင်းကြောင့် အကျိုးစီးပွားများကို ပိုနားလည်လာသလို ‘သူ ငါတို့အကြောင်းသိသားပဲ’ ဟု ယုံကြည်မှုလည်း တက်လာနိုင်သည်။

ငြိမ်းချမ်းရေး ဝေးသလား နီးသလားဆိုသည် ကြည့်သော မြင်သော ရှုထောင့်နှင့် ဆိုင်သည့်အတွက် ငြိမ်းချမ်းရေးနီးလိုလျှင် သုံးချက် အဓိကလုပ်ရုံသာ။ အိမ်စာလုပ်ခြင်း၊ အလွတ်သဘောရော အခမ်းအနားနှင့်ပါ များများတွေ့ များများဆွေးနွေးခြင်းနှင့် တောင်းဆိုချက်ထက် အကျိုးစီးပွားကို သိအောင်လုပ်ခြင်းတို့သည် ငြိမ်းချမ်းရေး၏ သော့ချက်များဖြစ်ပေလိမ့်မည်။ 

 

အယ်ဒီတာ (၂၁.၂.၂၀၁၈)

You may also like...

Leave a Reply

Your email address will not be published. Required fields are marked *