ဥပဒေအမွေ

ဥပဒေများသည် နိုင်ငံ မည်သို့မည်ပုံ လည်ပတ်ရမည်ကို ပြဋ္ဌာန်းထားသည့် Rules of the Game များဖြစ်ပြီး အခြေအနေအရ မျိုးဆက်သုံးလေးဆက်ထိ တည်မြဲနိုင်ရာ အစိုးရတစ်ရပ်၏ လက်ထက်တွင် အတည်ပြုပြဋ္ဌာန်းလိုက်သော ဥပဒေများသည် ပြည်သူ့အတွက် ထိုအစိုးရ၏ အမွေဖြစ်သည်။

အစိုးရတစ်ရပ်၏ လက်ထက်တွင် ထွက်လာသော ဥပဒေများသည် အစိုးရ၏ အမွေဖြစ်သည့်အတွက် ဒီမိုကရေစီဆန်သော ဥပဒေများလား၊ ဈေးကွက်စီးပွားရေးဆန်သော ဥပဒေလား၊ အလုပ်ဖြစ်သော ဥပဒေလား၊ နိုင်ငံ့ပြဿနာများကို ဖြေရှင်းနိုင်ရန် တီထွင်ဖန်တီးမှုမြင့်မြင့်ဖြင့် ရေးဆွဲထားသောဥပဒေလား စသည်တို့ကို ကြည့်ခြင်းဖြင့် အစိုးရကို အကဲဖြတ်နိုင်သည်။

ပြဋ္ဌာန်းလိုက်သော ဥပဒေများသည် သက်ဆိုင်ရာ အစိုးရလက်ထက် နိုင်ငံ့အခြေအနေအပြင် ထိုအစိုးရ၏ လုပ်ဆောင်ချက်များ၊ တန်ဖိုးထားသည့်အရာများနှင့် စွမ်းဆောင်ရည်တို့ပေါ် မူတည်ထွက်ပေါ်လာသည့်အတွက် ထိုဥပဒေများသည် အစိုးရကို ကိုယ်စားပြုသည်။

ဥပဒေပြုလွှတ်တော်ဆိုသည့်အတွက် လွှတ်တော်တွင်း အာဏာရပါတီ လွှတ်တော်ကိုယ်စားလှယ်အနည်းအများ၊ လွှတ်တော်ကို အစိုးရက ထိန်းချုပ်ထားနိုင်သလား၊ လွှတ်တော်တွင်း ဆုံးဖြတ်ချက်များကို အာဏာရပါတီသည် အခြားပါတီများနှင့် ခွဲဝေဆုံးဖြတ်ရသလားဆိုသည်များကလည်း ဥပဒေတို့သည် သက်ဆိုင်ရာအစိုးရ၏ အမွေစစ်မစစ်ကို ဆုံးဖြတ်သည်။

တစ်ပါတီတည်းက ကိုယ်စားလှယ်နေရာ အလုံအလောက်ရမထားလျှင် အခြားပါတီများနှင့် ဥပဒေအတည်ဖြစ်ရန် ညှိရ နှိုင်းရ၊ ဖို့ရဖဲ့ရဖြစ်သည့်အတွက် ရေရောပြီး ထွက်လာသောကြောင့် ထိုအစိုးရ အမွေဟု အပြီးအပြတ်ပြောမရပါ။ အခြားပါတီများ၏ ခြေရာလက်ရာများ အနည်းနှင့် အများပါနေမည်။ သို့သော် လွှတ်တော်တွင်းတွင် ဥပဒေပြုရန် အမတ်အလုံအလောက်ရထားသည့် ပါတီက ဖွဲ့ထားသော အစိုးရမှ ထွက်လာသည့် ဥပဒေဆိုလျှင် ထိုအစိုးရနှင့်သာ သက်ဆိုင်သည်ဟု ပြောနိုင်သည်။ ယနေ့ မြန်မာနိုင်ငံအစိုးရသည် လွှတ်တော်တွင်း ကိုယ်စားလှယ်အများစုရရှိပြီး လွှတ်တော်ကို ထိန်းချုပ်ထားနိုင်သည့်အတွက် အခြားပါတီအဖွဲ့များမှ ကိုယ်စားလှယ်များက မည်သို့ပင် ထောက်ပြဝေဖန်စေကာမူ မိမိပါတီအစိုးရက ဖြစ်စေလိုလျှင် နဂိုတင်လာသည့်အတိုင်း ဥပဒေဖြစ်သွားမည်သာ။

လက်ရှိအစိုးရသည် နှစ်ပေါင်း ငါးဆယ် ခြောက်ဆယ်ခန့်အတွင်း ရှားရှားပါးပါးထွက်ပေါ်လာသော အရပ်သားဒီမိုကရေစီ အစိုးရဖြစ်သည့်အတွက် အစိုးရ၏လုပ်ဆောင်ပုံများ၊ တန်ဖိုးထားသည့်အရာများနှင့် စွမ်းဆောင်ရည်တို့သည် နောင်လာမည့် မြန်မာပြည်သားတို့အတွက် စံထားရမည့် မှတ်ကျောက်သဖွယ် ဖြစ်နေသည်။ အစိုးရ၏ နေ့စဉ်လုပ်ဆောင်ပုံများ၊ တန်ဖိုးထားသည့်အရာများ၊ စွမ်းဆောင်ရည်တို့ကို လူတို့ မေ့သွားမည်ဖြစ်သော်လည်း ထိုအရာသုံးခု ပေါင်းဆုံထားသည့် ဥပဒေများသည်မူ လူတို့၏ဘ၀များကို ဆက်လက်စေစားနေမည်ဖြစ်သည့်အတွက် သမိုင်းမှတ်ဉာဏ်တွင် စွဲထင်နေမည်ဖြစ်သည်။

မြန်မာ့ခေတ်ပေါ်သမိုင်းတွင် ရှားပါးလှသည့် အရပ်သားဒီမိုကရေစီအစိုးရ၏ ဥပဒေအမွေသည် ဒီမိုကရေစီအမွေများ၊ နိုင်ငံဖွံ့ဖြိုးတိုးတက်ရေးအမွေများ ဖြစ်စေလိုသည်။ 

အယ်ဒီတာ
၂၈.၂.၂၀၁၈

You may also like...

Leave a Reply

Your email address will not be published. Required fields are marked *