အစိုးရကို ကူညီဝေဖန်ရေး

အစိုးရကို ဝေဖန်ခြင်းသည် သာမန်အားဖြင့်တွေးလျှင် အစိုးရကို ဆန့်ကျင်သည်ဟု ထင်စရာရှိသော်လည်း သေချာစွာစဉ်းစားကြည့်လျှင် အစိုးရကို ကူညီခြင်းဖြစ်သလို ဒီမိုကရေစီ နိုင်ငံတော်ကို တည်ဆောက်ခြင်းပင်ဖြစ်သည်။

မည်သည့်အဖွဲ့အစည်းမဆို အတွင်း သို့မဟုတ် အပြင်မှ ဝေဖန်ချက်များသာ မရရှိလျှင် ပဲ့တင်ခန်း Echo Chamber အတွင်း ရောက်နေသလိုဖြစ်ပြီး ကိုယ့်အသံသာကိုယ်ပြန်ကြားကာ ဒုံရင်းဒုံရင်းသာဖြစ်နေမည်။ ထို့ကြောင့် လိမ္မာပါးနပ်သောအဖွဲ့အစည်းများသည် မိမိတို့အဖွဲ့က သဘောတူဆုံးဖြတ်လိုက်သည့် ဆုံးဖြတ်ချက်များကို ဝေဖန်စောကြောရန် လူတစ်ဦးတစ်ယောက်ကို သီးသန့်တာဝန်ပေးကြသည်။ ချလိုက်သည့် ဆုံးဖြတ်ချက်တိုင်းအပေါ် ဝေဖန်ရန် တာဝန်ပေးခံရသူက ဝေဖန်သည်များကို နားထောင်ကာ ဆုံးဖြတ်ချက်ကို မှတ်ကျောက်တင်ကြသဖြင့် ထိုအဖွဲ့အစည်းမျိုး၏ ဆုံးဖြတ်ချက်များသည် အရည်အသွေး မြင့်မားသည်။ အစိုးရအဖွဲ့ဆိုသည်မှာ နိုင်ငံ၏ကံကြမ္မာကို ဆုံးဖြတ်သည့်အဖွဲ့အစည်းဖြစ်သည့်အတွက် ဝေဖန်ချက်များကို အတွင်းရော အပြင်ကပါ ရနိုင်လေကောင်းလေဖြစ်သည်။

အစိုးရအဖွဲ့တွင်းတွင် ဝေဖန်ဆန်းစစ်သူများ ရှိမည်မှန်သော်လည်း ထိုဝေဖန်သူများ မမြင်သည့်အကြောင်းအရာများ၊ အစိုးရအဖွဲ့တွင်း အစဉ်အလာကြောင့် ဝေဖန်ရန် စိုးရွံ့နေမှုများ ရှိနိုင်သည့်အတွက် ပြည်သူလူထုထံမှ တိုက်ရိုက်ဝေဖန်ချက်များသည် အရေးကြီးသည်။ ထိုပြည်သူလူထုထံမှ ဝေဖန်ချက်များတွင် ပြည်သူလူထု လက်တွေ့ရင်ဆိုင်နေရသည့် အခက်အခဲများ၊ နိုင်ငံ၏အခြေအနေများ၊ ခံစားချက်များနှင့် ပြဿနာများကို ဖြေရှင်းနည်းများ ပါဝင်ပေရာ ယူတတ်လျှင်ရပြီး အစိုးရ၏ လုပ်ဆောင်ချက်များ ပိုမိုကောင်းမွန်လာနိုင်သည်။

ဒီမိုကရေစီအစိုးရများသည် ရွေးကောက်ပွဲများမှ တက်လာခြင်းဖြစ်ပေရာ အာဏာရှင်အစိုးရများနှင့်မတူဘဲ ပြည်သူ့ထံမှ ဆင်းသက်သော အာဏာဖြင့် အုပ်ချုပ်ခြင်းဖြစ်သည်။ သို့ဖြစ်၍ ပြည်သူတို့က ၎င်းတို့ရွေးချယ်ထားသော အစိုးရကို ဝေဖန်ခြင်းသည် အစိုးရနှင့် ပြည်သူအကြား အလိုလိုသဘောတူညီချက်ဖြစ်ပြီး ဒီမိုကရေစီသဘောလည်းဖြစ်သည်။

ဝေဖန်ရာတွင် ပြည်သူအမျိုးအစားအလိုက်နှင့် တစ်ဦးချင်း ဗဟုသုတ၊ ပညာ၊ အတွေ့အကြုံ၊ စိတ်ပါဝင်စားမှုတို့ပေါ် မူတည်ပြီး ဝေဖန်ချက်များ၏ အရည်အသွေး ကွာခြားနိုင်သော်လည်း ဒီမိုကရေစီခေတ်တွင် အစိုးရကို ဝေဖန်နိုင်ခွင့်အခွင့်အရေးမူကား ပညာကြီးငယ်မရွေး၊ လူအမျိုးအစားမရွေး နိုင်ငံသားမှန်လျှင် ဝေဖန်ခွင့်ရှိသည်သာဖြစ်သည်။ တစ်ဆင့်တက်ပြောလျှင်မူ အကြောင်းမဲ့ရှုတ်ချခြင်း၊ အောက်လုံးများဖြင့် တိုက်ခိုက်ခြင်းသည် နိုင်ငံကိုကောင်းကျိုးမပြုသည့်အတွက် အကြောင်းအရာ Issue ကိုသာ အာရုံပြုပြီးဝေဖန်ကြလျှင် ပိုအကျိုးရှိမည်ဖြစ်သည်။

Publice Office ခေါ် ပြည်သူ့ရေးရာရာထူး အလွယ်ခေါ် အစိုးရရာထူးကို ရယူလိုက်သည်နှင့် သာမန်ပြည်သူဘ၀ကဲ့သို့ မဟုတ်တော့ဘဲ ဝေဖန်ခံရတော့မည်ဟူသော အသိကိုလည်း အစိုးရနှင့် လွှတ်တော်တာဝန်ယူသူများ ရယူနိုင်ရန် အရေးကြီးသည်။ စင်စစ် ပြည်သူ့ရေးရာရာထူးနှင့် ဝေဖန်ခံရခြင်းသည် အလုပ်သဘောအရ တွဲပါနေသည်။ ‘မီးဖိုချောင်ထဲဝင်လျှင် မီးပူမည်ကို ကြောက်၍မဖြစ်’ ဟူသောစကားသည် အစိုးရတာဝန်ကို ယူထားသူများ၊ နိုင်ငံရေးသမားအတွက် လက်စွဲထားရမည့်စကားဖြစ်သည်။

အစိုးရရော ပြည်သူများပါ အပါအဝင် လူ့ဘောင်သည် ဒီမိုကရေစီခေတ်တွင် ဝေဖန်ခြင်းနှင့် အသားမကျသေးသည်ဖြစ်ရာ လက်ရှိအာဏာရအစိုးရအနေနှင့် ဝေဖန်ခံနိုင်ခြင်း၊ ဝေဖန်ချက်များမှ အနှစ်ကိုထုတ်ယူပြီး နိုင်ငံကောင်းအောင် ဆောင်ရွက်ခြင်းဖြင့် ဦးဆောင်ကာ ‘ဒီမိုကရေစီအစိုးရဆိုတာ ဒါမျိုး’ ဟု ဝေဖန်ရေးယဉ်ကျေးမှုကို ရှေ့မှဦးဆောင်နိုင်သည်။ ပညာရှင်များ၊ နိုင်ငံရေးသမားများ၊ အရပ်ဘက်အဖွဲ့အစည်းများအပါအဝင် ပြည်သူလူထုကလည်း အစိုးရ၏ မူဝါဒများ အရည်အသွေးတိုးတက်စေရန် စနစ်တကျ ဝေဖန်ထောက်ပြခြင်းဖြင့် အစိုးရကိုကူညီနိုင်သည်။

အစိုးရကို ဝေဖန်ခြင်းသည် အစိုးရကို ကူညီခြင်းဖြစ်သည်။ ဝေဖန်ခြင်းကို အစိုးရက ကြိုဆိုခြင်းသည် သူ့ကိုယ်သူကူညီခြင်းဖြစ်သလို ဒီမိုကရေစီနိုင်ငံကို တည်ဆောက်ခြင်းဖြစ်သည်။

အယ်ဒီတာ (၇.၃.၂၀၁၈)

You may also like...

Leave a Reply

Your email address will not be published. Required fields are marked *