ရန်ကုန်မြို့သစ်ဖွံ့ဖြိုးရေး ကုမ္ပဏီနှင့် မေးခွန်း ငါးခွန်း

ရန်ကုန်မြို့သစ်စီမံကိန်းကို အကောင်အထည်ဖော်မည့် ရန်ကုန်မြို့သစ်ဖွံ့ဖြိုးရေးကုမ္ပဏီ New Yangon Development  Company Ltd. (NYDC) ကို ရန်ကုန်တိုင်းဒေသကြီးအစိုးရက ရာနှုန်းပြည့်ပိုင်ဆိုင်သည့်လုပ်ငန်းအဖြစ် ဖွဲ့စည်းတည်ထောင်ခဲ့သည့်အပေါ် လုပ်သင့်၊ မလုပ်သင့် မေးခွန်းများ ပြည်သူများအကြား ပေါ်ပေါက်လာသည်။

အစိုးရ၏ စီးပွားရေးတွင် ပါဝင်သင့်သောကဏ္ဍကို The  Voice Journal အနေနှင့် အလျဉ်းသင့်သလို ဖော်ပြခဲ့ရာ ပြည်သူများစဉ်းစားရာတွင် အထောက်အကူပြုမည့် အရေးကြီးသောမေးခွန်း ငါးခွန်းကိုသာ ယခုအယ်ဒီတာ့အာဘော်တွင် တင်ပြလိုပါသည်။

ပထမအချက်။ တည်ဆဲဥပဒေများနှင့် ညီ မညီ။ တည်ဆဲဥပဒေဆိုရာတွင် အခြေခံဥပဒေနှင့်လည်းကောင်း၊ အခြားဥပဒေ များနှင့်လည်းကောင်း ညီညွတ်ခြင်း ရှိ မရှိဖြစ်သည်။ အစိုးရ၏ စီးပွားရေးလုပ်ခွင့်များရော ပြည်နယ်တိုင်းဒေသကြီးများနှင့် ပြည်ထောင်စုအကြား ပိုင်းခြားသတ်မှတ်ထားသည့် အာဏာများ အရပါ ကြည့်ရှုရမည်။ ပြည်ထောင်စုအစိုးရအနေနှင့် ပါဝင်သည် မဟုတ်ဘဲ တိုင်းဒေသကြီးအစိုးရဖြစ်သည့်အတွက် တိုင်းဒေသကြီး အစိုးရဆိုင်ရာ အခြေခံဥပဒေပြဋ္ဌာန်းချက်များရော တိုင်းဒေသကြီးဆိုင်ရာ အခြားဥပဒေများနှင့်ပါ စဉ်းစားရမည်ဖြစ်သည်။

ဒုတိယအချက်မှာ နိုင်ငံလက်ရှိသွားနေသော လမ်းကြောင်း၊ မူဝါဒလမ်းညွှန်ချက်များနှင့် လိုက်လျောညီထွေဖြစ်ခြင်း ရှိ မရှိ။ လက်ရှိအစိုးရသည် နိုင်ငံ့စီးပွားရေးတွင် အစိုးရ၏ တိုက်ရိုက်ပါဝင်မှုအခန်းကဏ္ဍကို လျှော့နေသလား၊ တိုးနေသလားဟူသော အခြေခံမူဝါဒများနှင့် ညီ၊ မညီ စဉ်းစားသင့်သည်။ လက်ရှိ ရှိနေသော နိုင်ငံပိုင်စီးပွားရေးလုပ်ငန်းများအပေါ် အစိုးရ၏ သဘောထား၊ ပြုပြင်ပြောင်းလဲနေသည့်လမ်းကြောင်းများနှင့် ညီ မညီတို့ကိုလည်း စဉ်းစားသင့်သည်။

တတိယအချက်။ နိုင်ငံ့အကျိုး မည်မျှဖြစ်ထွန်းမည်လဲ။

ဒေါ်လာသန်းတစ်ထောင့်ငါးရာတန် စီမံကိန်းဖြစ်ရာနိုင်ငံအတွက် စီးပွားရေးအရ၊ ဖွံ့ဖြိုးရေးအရ မည်မျှအကျိုးရှိမလဲဆိုသော မေးခွန်းမှာ အလွန်မေးထိုက်သော မေးခွန်းဖြစ်သည်။ လက်ရှိ ရန်ကုန်ကို ပြင်ဆင်ခြင်းနှင့် မြို့သစ်တည်ခြင်း ဘယ်ဟာ ပိုတွက်ခြေကိုက်သလဲ၊ ယခုစီးပွားရေး၊ နိုင်ငံရေးအခြေအနေနှင့် သင့်တော်သော အချိန်လား စသည်တို့သည် ဆင့်ပွားမေးခွန်းများဖြစ်သည်။

စတုတ္ထ။ ပွင့်လင်းမြင်သာမှု။ မြန်မာနိုင်ငံကဲ့သို့ တရား ဥပဒေစိုးမိုးမှု အားနည်းသောနိုင်ငံမျိုးတွင်လည်းဖြစ်၊ အရပ်သား ဒီမိုကရေစီ အစိုးရလက်ထက်တွင်လည်းဖြစ်၊ ငွေကြေးများစွာ ပါဝင်ပတ်သက်မည့် ဧရာမစီမံကိန်းကြီးလည်းဖြစ်သည့်အတွက် ပွင့်လင်းမြင်သာမှု အထူးလိုအပ်သည်။ နိုင်ငံရေးရာထူးရှင်များ၊ စီးပွားရေးလုပ်ငန်းရှင်ကြီးများပါဝင်ရာ ယင်းတို့ကိုယ်စားပြုထားသည့်အဖွဲ့အစည်းများနှင့် ရန်ကုန်မြို့သစ်ဖွံ့ဖြိုးရေးကုမ္ပဏီ၏ အကျိုးစီးပွားတို့ ဆန့်ကျင်ဘက်ဖြစ်သည့်ကိစ္စများ Conflict  of Interests rayမပေါ်ရလေအောင် ဂရုစိုက်ရန်လိုပါသည်။

ပဉ္စမ။ စီးပွားရေးလား၊ နိုင်ငံရေးလား။ ကုမ္ပဏီအသွင်ဖြင့် ဆောင်ရွက်ခြင်းဖြစ်ရာ စီးပွားရေးလား၊ နိုင်ငံရေးလား ကွဲရန် လိုအပ်သည်။ စီးပွားရေးလုပ်ငန်းကို နိုင်ငံရေးရည်မှန်းချက်ဖြင့် ဆောင်ရွက်လျှင်လည်းကောင်း၊ စီးပွားရေးရည်မှန်းချက်ကို နိုင်ငံရေးအသွင်ဖြင့် ဆောင်ရွက်လျှင်လည်းကောင်း ထိရောက်မှုနည်းသောသာဓကများ နိုင်ငံတကာတွင် အများအပြားရှိပါသည်။

ရန်ကုန်မြို့သစ်ဖွံ့ဖြိုးရေးကုမ္ပဏီကို ပြည်သူများက အထက်ပါမေးခွန်းငါးခုဖြင့် စဉ်ဆက်မပြတ် လေ့လာဆန်းစစ်နိုင်လျှင် နိုင်ငံအတွက်၊ ကုမ္ပဏီအတွက် အကျိုးများမည်။ 

အယ်ဒီတာ
၎.၄.၂၀၁၈

You may also like...

Leave a Reply

Your email address will not be published. Required fields are marked *