နိုင်ငံတကာဖိအားနှင့် သံတမန်အခန်းကဏ္ဍ

ရခိုင်အရေးနှင့်ပတ်သက်ပြီး မြန်မာနိုင်ငံပေါ် ကျရောက်နေသော နိုင်ငံတကာဖိအားသည် မြန်မာ့သမိုင်းတွင် အကြီးဆုံးဖြစ်ပြီး ထိုဖိအားကြောင့် မြန်မာနိုင်ငံ၏ အနာဂတ်ပင် တစ်ဆစ်ချိုးပြောင်းသွားနိုင်သည့်အတွက် အဓိကမြို့တော်ကြီးများရှိ သံတမန်အခန်းကဏ္ဍ အလွန်အရေးကြီးနေပြီဖြစ်သည်။

ရခိုင်အရေးတွင် မြန်မာနှင့် ဘင်္ဂလားဒေ့ရ်ှဟူ၍ ကာယကံရှင်နှစ်နိုင်ငံရှိသည့်အနက် ဘင်္ဂလားဒေ့ရ်ှနိုင်ငံသည် နိုင်ငံတကာစာမျက်နှာတွင် သွက်သွက်လက်လက် လှုပ်ရှားနေသည်။ ဘင်္ဂလား ဒေ့ရ်ှသံရုံးများ၊ သံအမတ်များသည်လည်း ကမ္ဘာ့နိုင်ငံရေးကို အဓိကစေစားနေသည့် မြို့တော်ကြီးများတွင် အထူးသွက်လက်စွာလှုပ်ရှားနေကြောင်း နိုင်ငံတကာသံတမန်အသိုင်းအဝိုင်းမှ ကြားသိရသည်။

မြန်မာသံတမန်များ၊ သံရုံးများအနေဖြင့် သံတမန်ရေးမျက်နှာစာတွင် ကြံ့ကြံ့ခံတိုက်ပွဲဝင်နေသည့်အတွက် ဝမ်းသာမိသော်လည်း ဘင်္ဂလားဒေ့ရ်ှနိုင်ငံ၏ လှုပ်ရှားမှုများသည် စနစ်ကျနသွက်လက်သလို အလွန်ထိရောက်သည့်အတွက် မြန်မာသံတမန်များ၊ သံရုံးများအနေဖြင့် ယခုထက်ပင် အားဖြည့်ဆောင် ရွက်ရန်လိုအပ်ပါမည်။ ၂၀၁၇ ဩဂုတ် ရခိုင်အရေးပြီးစ ကုလသမဂ္ဂအထွေထွေညီလာခံသို့ အကြောင်းကြောင်းကြောင့် ဒေါ်အောင်ဆန်းစုကြည် မသွားနိုင်ချိန်တွင် ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာ သွားရောက်ခဲ့သည့်အတွက် သူသည် ထိုပွဲတွင် အဓိကလူဖြစ်သွားကာ သူ၏အမြင်နှင့် ရှင်းပြချက်တို့သည် နိုင်ငံတကာ၏ အမြင်ဖြစ်သွားသည်မှာ သာဓကပင်ဖြစ်သည်။

ဥပမာအားဖြင့် ကမ္ဘာ့မြို့တော်ကြီးများအနက် အမေရိကန်ပြည်ထောင်စု၏မြို့တော် ဝါရှင်တန်ဒီစီသည် ရခိုင်အရေး မြန်မာ့သံခင်းတမန်ခင်းအတွက် အရေးအကြီးဆုံးဖြစ်သည်။ အမေရိကန်ပြည်ထောင်စုသည် ကမ္ဘာ့နိုင်ငံရေး၏ အချက်အချာနိုင်ငံဖြစ်ပြီး အမေရိကန်ပြည်ထောင်စု၏ သဘောထားသည် ကမ္ဘာ့သဘောထားဖြစ်သည်။ ဗြိတိန်၊ ပြင်သစ် စသောနိုင်ငံများသည် အမေရိကန်၏ အရိပ်အခြည်ကိုသာကြည့်နေပြီး အမေရိကန်သွားသည့်နောက်သို့ လိုက်ကြမြဲဖြစ်သည်။ အမေရိကန် မီဒီယာများသည်လည်း အမေရိကန်အစိုးရပေါ် ဩဇာသက် ရောက်သလို ကမ္ဘာ့မီဒီယာများနှင့်တကွ ကမ္ဘာ့ပြည်သူများကိုပါ ဩဇာလွှမ်းသည့်အတွက် ထိုအမေရိကန်မီဒီယာများနှင့် တွေ့ဆုံကာ မြန်မာ၏အခြေအနေမှန်ကို ရှင်းပြနိုင်လျှင် အခြားနေရာများမှ ရှင်းပြသည်ထက် ထိရောက်မည်ဖြစ်သည်။

ထို့ကြောင့် အမေရိကန်ပြည်ထောင်စု၏မြို့တော် ဝါရှင်တန်ဒီစီရှိ မြန်မာသံရုံးသည် မြန်မာ့သံတမန်စစ်မျက်နှာတွင် အရေးကြီးဆုံးခံတပ်ကြီးဖြစ်သည်။ ထိုခံတပ် အားကောင်းသည်နှင့်အမျှ မြန်မာနိုင်ငံပေါ် ကျရောက်မည့် ဖိအားများသည် ပြေလျော့သွားမည်ဖြစ်သည်။ သံအမတ်ကြီးနှင့်တကွ သံအဖွဲ့ဝင်များ၏ သံခင်းတမန်ခင်းကျွမ်းကျင်မှု၊ ဝါရှင်တန်နိုင်ငံရေးနှံ့စပ်မှု၊ အမေရိကန်မီဒီယာများအကြောင်း နားလည်ဆက်ဆံတတ်မှုတို့သည် များစွာစကားပြောမည်ဖြစ်သည်။ အမေရိကန်ပြည်ထောင်စုဆိုင်ရာ ဘင်္ဂလားဒေ့ရ်ှသံအမတ်ကြီးနှင့်တကွ ဘင်္ဂလားဒေ့ရ်ှသံတမန်များသည်လည်း ဝါရှင်တန်ဒီစီ၏ အရေးကြီးပုံကို သိသောကြောင့် ခပ်သွက်သွက်လှုပ်ရှားနေသည်ဟု နိုင်ငံတကာ သံတမန်အသိုင်းအဝိုင်းမှ သိရှိရသည်။

ဝါရှင်တန်ဒီစီရှိ မြန်မာသံရုံးနှင့်တကွသော ထိပ်တန်းမြို့တော်ကြီးများရှိ မြန်မာသံရုံးလက်တစ်ဆုပ်စာ၏ စွမ်းဆောင်ရည်ကို မြှင့်တင်ပေးခြင်း၊ လိုအပ်သည်များ ပံ့ပိုးပေးခြင်းဖြင့် ရခိုင်အရေး ထိရောက်အောင်မြင်မည်။ 

အယ်ဒီတာ
၂.၅.၂၀၁၈

You may also like...

Leave a Reply

Your email address will not be published. Required fields are marked *