ကျပ် ၁၂၃ သန်းတန် လွှတ်တော် ကိုယ်စားလှယ်များ အတွက် စာမေးပွဲ

ပြည်သူတို့က ရွေးချယ်တင်မြှောက်လိုက်ပြီးနောက် ဒေသအကျိုးနှင့် ပြည်သူတို့၏မျက်နှာကိုပါ ပြန်ကြည့်ရန်လည်း လိုအပ်သည်။

ယခု အစိုးရသက်တမ်းအတွင်း ဒုတိယအကြိမ်မြောက် ကြားဖြတ်ရွေးကောက်ပွဲ လာပြန်ပါပြီ။

ကြားဖြတ်ရွေးကောက်ပွဲကို ယခုနှစ်ကုန်ပိုင်းတွင် ပြုလုပ်မည်ဟု ပြည်ထေင်စုရွေးကောက်ပွဲကော်မရှင်က မေလ ၈ ရက်နေ့က ကြေညာလိုက်သည်။

၂၀၁၇ ခုနှစ် ဧပြီလက ပြုလုပ်ခဲ့သည့် ကြားဖြတ်ရွေးကောက်ပွဲအပြီး ၁၉ လအကြာတွင် ပြုလုပ်သည့် ရွေးကောက်ပွဲလည်း ဖြစ်သည်။

နိုဝင်ဘာလ ၃ ရက် (စနေနေ့) တွင် ပြုလုပ်မည်ဖြစ်ပြီး လစ်လပ်မဲဆန္ဒနယ် ၁၃ ခု ရှိသည်။ ပြည်သူ့အကျိုးဆောင်ရွက်မည့် ပန်းပွင့် ၁၃ ပွင့်၏ လွှတ်တော်ဝင်ခွင့် စာမေးပွဲဟု ဆိုရမည့် ရွေးကောက်ပွဲ ဖြစ်သည်။ ကြားဖြတ်ရွေးကောက်ပွဲကို အဘယ့်ကြောင့် ကျင်းပရသနည်း။

မဲဆန္ဒနယ်များ

နိုဝင်ဘာလတွင် ပြုလုပ်မည့် ကြားဖြတ်ရွေးကောက်ပွဲတွင် အမျိုးသားလွှတ်တော်အတွက် တစ်နေရာ လစ်လပ်သည်။ ကချင်ပြည်နယ် မဲဆန္ဒနယ် အမှတ်(၂) ဖြစ်ပြီး မြစ်ကြီးနားမြို့တွင် ပြုလုပ်မည် ဖြစ်သည်။

ပြည်သူ့လွှတ်တော်အတွက်မူ ကန်ပက်လက်မြို့နယ်၊ လဲချားမြို့နယ်၊ တာမွေမြို့နယ်နှင့် မြင်းခြံမြို့နယ်တို့ အတွက် ဖြစ်သည်။

ယင်းအပြင် မတူပီမြို့နယ် မဲဆန္ဒနယ်အမှတ်(၁)၊ တမူးမြို့နယ် မဲဆန္ဒနယ် အမှတ်(၂)၊ အုတ်တွင်းမြို့နယ် မဲဆန္ဒနယ် အမှတ်(၁)၊ သပိတ်ကျင်းမြို့နယ် မဲဆန္ဒနယ် အမှတ်(၁)၊ ရသေ့တောင်မြို့နယ် မဲဆန္ဒနယ် အမှတ်(၂)၊ မင်းဘူးမြို့နယ် မဲဆန္ဒနယ် အမှတ်(၂)၊ ဆိပ်ကမ်းမြို့နယ် မဲဆန္ဒနယ် အမှတ်(၂) တို့အတွက် တိုင်းဒေသကြီးနှင့် ပြည်နယ်လွှတ်တော် ကိုယ်စားလှယ်တို့ကို ရွေးချယ်မည်ဖြစ်ပြီး မန္တလေးတိုင်းဒေသကြီး ရှမ်းတိုင်းရင်းသားလူမျိုးရေးရာဝန်ကြီးနေရာကိုပါ ရွေးချယ်မည် ဖြစ်သည်။

မဲစာရင်း ပြုစုမည့် အချိန်

ကြားဖြတ်ရွေးကောက်ပွဲအတွက် မဲစာရင်းများကို ဧပြီလ ၁၉ ရက်နေ့မှစ၍ ပြုစုနေသည်ဟု ပြည်ထောင်စုရွေးကောက်ပွဲကော်မရှင်က ဆိုသည်။

မဲစာရင်းပြုစုခြင်းကို ငါးပတ်အတွင်း အပြီး လုပ်ဆောင်မည်ဖြစ်ပြီး အချိန်လုံလောက်သည်ဟု ကော်မရှင် ပြောရေးဆိုခွင့်ရှိသူ ဦးမြင့်နိုင်က ဆိုသည်။

“ဒါပြီးရင် ထုတ်ပြန်ပေးမှာပါ။ မြင်းခြံကတော့ မဲဆန္ဒနယ်မြေလစ်လပ်ကြောင်း သိရတာ နောက်ကျတဲ့အတွက် နောက်ထပ် တစ်လလောက်မှ ရနိုင်မယ်လို့ ပြောတယ်” ဟု ဦးမြင့်နိုင်က ရှင်းပြသည်။

ယင်းအပြင် မဲစာရင်း မှားယွင်းမှုမဖြစ်ပေါ်စေရေးအတွက် ၂၀၁၅ ခုနှစ် ရွေးကောက်ပွဲမှ လက်ကျန် မဲစာရင်းများကို မူတည်ပြီး ထပ်ဖြည့်ခြင်း၊ နုတ်ပယ်ခြင်းများကို လုပ်ဆောင်နိုင်ရန် စိစစ်နေသည်ဟု ကော်မရှင်ထံမှ သိရသည်။

မဲစာရင်းများ ပြုစုပြီးစီးပါက မဲဆန္ဒရှင်များ သိရှိနိုင်ရန် ထုတ်ပြန်ပေးမည်ဟု ဦးမြင့်နိုင်က ပြောဆိုသည်။

“ရွေးကောက်ပွဲမတိုင်ခင် အနည်းဆုံး နှစ်ကြိမ် ကြေညာပေးမယ်” ဟု ၎င်းက ဆိုသည်။

ရွေးကောက်ပွဲကျင်းပမည့် ဒေသများရှိ မဲဆန္ဒရှင်များအနေနှင့် အဆိုပါမဲစာရင်းများကို သွားရောက်ကြည့်ရှုရန် လိုအပ်ပြီး မဲစာရင်း မမှန်ကန်မှုများရှိလျှင် သက်ဆိုင်ရာ ရွေးကောက်ပွဲကော်မရှင်တာဝန်ရှိသူများထံသို့ ပြောကြားရန် လိုအပ်ပေသည်။

ရွေးကောက်ပွဲသုံးငွေ

၂၀၁၈ ကြားဖြတ် ရွေးကောက်ပွဲအတွက် ကျပ်သန်းပေါင်း ၁၆၀၀ ကျော်(တစ်ဘီလီယံခွဲခန့်) သုံးစွဲရန် ပြည်ထောင်စုရွေးကောက်ပွဲကော်မရှင်က ဇန်နဝါရီလအတွင်းက တောင်းခံခဲ့သည်။

ထိုစဉ်က ကြားဖြတ်ရွေးကောက်ပွဲတွင် မဲဆန္ဒနယ် ရှစ်နေရာ ပြုလုပ်မည်ဟု ဆိုခဲ့ပြီး နောက်ပိုင်းတွင် လစ်လပ်ခဲ့သည့် မဲဆန္ဒနယ်မြေများ တိုးလာသဖြင့် ၁၃ နေရာ ဖြစ်ခဲ့သော်လည်း အသုံးစရိတ် ထပ်မံ တောင်းခံသွားမည်မဟုတ်ဟု ကော်မရှင် ပြောရေးဆိုခွင့်ရှိသူ ဦးမြင့်နိုင်က ဆိုသည်။

“ဒီပမာဏထဲကပဲ လောက်ငအောင် ချိန်ဆ သုံးစွဲသွားမှာပါ” ဟု ၎င်းက ပြောသည်။

၂၀၁၇ ကြားဖြတ် ရွေးကောက်ပွဲတွင်လည်း အသုံးစရိတ် တစ်ဘီလီယံခွဲ (ကျပ်သန်း ၁၆၀၀ ခန့်) သုံးစွဲခဲ့ပြီး မဲဆန္ဒနယ်မြေ ၁၉ နေရာအတွက် ဖြစ်သည်။

NLD အစိုးရလက်ထက် ကြားဖြတ်ရွေးကောက်ပွဲနှစ်ခုတွင် အသုံးပြုမည့် အသုံးစရိတ်မှာ တူညီသော်လည်း မဲဆန္ဒနယ်မှာ ၆ ခု ကွာခြားသဖြင့် ယခုနှစ် ၂၀၁၈ ခုနှစ်၏ အသုံးစရိတ်မှာ ပိုသည်ဟု ဆိုနိုင်သည်။

၂၀၁၅ အထွေထွေရွေးကောက်ပွဲတွင်မူ မဲဆန္ဒနယ်မြေ ၁၁၇၁ နေရာအတွက် ကျပ် ၃၇ ဘီလီယံ သုံးစွဲခဲ့ကြောင်း ကော်မရှင်ထံမှ သိရသည်။ ယင်းကုန်ကျစရိတ်များသည် တစ်အိမ်တက်ဆင်း မဲစာရင်း ကောက်ယူခြင်း၊ မဲရုံမှူးများ၊ မဲရုံအဖွဲ့ဝင်များ၊ မဲပုံးများအတွက် သုံးစွဲခဲ့ခြင်း ဖြစ်သည်။

ဘာကြောင့် ကြားဖြတ်ရွေးကောက်ပွဲ

လာမည့် ကြားဖြတ်ရွေးကောက်ပွဲတွင် မဲဆန္ဒနယ်မြေ ၁၃ နေရာအတွက် ကျပ်သန်းပေါင်း ၁၆၀၀ ကျော် သုံးစွဲမည်ဖြစ်ရာ တွက်ချက်ကြည့်မည်ဆိုလျှင် မဲဆန္ဒနယ်မြေတစ်ခုအတွက် ကျပ် ၁၂၃ သန်းခန့် ကုန်ကျမည် ဖြစ်သည်။

မဲဆန္ဒနယ်မြေတစ်ခု (ကိုယ်စားလှယ်တစ်ဦးစီ) အတွက် ယင်းကဲ့သို့ ကုန်ကျခြင်းသည် များပြားသည်ဟု ဝေဖန်မှုများရှိသော်လည်း ယင်းကုန်ကျစရိတ်သည် ကိုယ်စားလှယ်များအတွက် မဟုတ်ဘဲ ပြည်သူ့အတွက်သာ ဖြစ်ကြောင်း ကွမ်းခြံကုန်းမြို့နယ် ပြည်သူ့လွှတ်တော်ကိုယ်စားလှယ် ဦးစိုးသူရထွန်းက ဆိုသည်။

လွှတ်တော်အတွက်မူ အနိုင်ရပါတီအနေနှင့် အဆိုပါမဲဆန္ဒနယ်မြေများမှ ကိုယ်စားလှယ်များ ထပ်တိုးလာခြင်းသည် မထူးခြားနိုင်သော်လည်း ဒေသခံများအတွက် အကျိုးဖြစ်ထွန်းနိုင်မည်ဟု ၎င်းက ရှင်းပြသည်။

“ဒေသခံတွေရဲ့ လိုအပ်ချက်ကို တောင်းပေး၊ ပြောပေးဖို့အတွက် ကိုယ်စားလှယ်ဆိုတာ လိုအပ်ပါတယ်၊ ဒါက ကြားဖြတ်ရဲ့ အနှစ်သာရပဲ”ဟု ဦးစိုးသူရထွန်းက ဆိုသည်။

ကြားဖြတ်ရွေးကောက်ပွဲဟူသည် မဲဆန္ဒနယ်ကိုယ်စားလှယ် လစ်လပ်ခံရသည့် ပြည်သူတို့၏ အခွင့်အရေး မဆုံးရှုံးစေရန်အတွက် ပြုလုပ်ရခြင်းဖြစ်ကြောင်း ၎င်းက ထပ်မံ ပြောဆိုသည်။

ကြားဖြတ်ရွေးကောက်ပွဲ၏ အကျိုး

ကြားဖြတ်ရွေးကောက်ပွဲ ပြုလုပ်မည့် မဲဆန္ဒနယ်မြေတွင် ပါဝင်သည့် မန္တလေးတိုင်းဒေသကြီး သပိတ်ကျင်းမြို့နယ်တွင်မူ အဆိုပါကြားဖြတ်ရွေးကောက်ပွဲအပေါ် မျှော်လင့်မှုနည်းပါးသည်ဟု သပိတ်ကျင်းမြို့နယ် ဒေသခံ ကိုတင်ဇော်ဦးက ဆိုသည်။

“အခု လက်ရှိ လွှတ်တော်ကိုယ်စားလှယ်တွေအပေါ်မှာလည်း အားမရဘူး။ ဒေသအကျိုးအတွက် လုပ်ဆောင်ပေးနိုင်မှု အားနည်းတယ်လို့ ယူဆတယ်။ ဒါ့အပြင် အခု အသစ်ရွေးကောက်မယ့် ကိုယ်စားလှယ်အပေါ်မှာလည်း သိပ်တော့ မျှော်လင့်မထားဘူး” ဟု ၎င်းက မှတ်ချက်ပြုသည်။

၂၀၁၇ ခုနှစ်ကြားဖြတ်ရွေးကောက်ပွဲ၌ မဲရုံတစ်ခုရှိ မဲရုံဝန်ထမ်းများကို တွေ့ရစဉ် ။

အသစ်ရွေးကောက်ခံမည့် ကိုယ်စားလှယ်လောင်းများစာရင်း တရားဝင် မကြေညာသေးသော်လည်း ရွေးကောက်ပွဲဝင်ရောက်မည်ဟု သိရသည့် ကိုယ်စားလှယ်လောင်းများ၏ လုပ်ဆောင်ချက်ကိုလည်း အားမရကြောင်း ၎င်းက ပြောဆိုသည်။

ရွေးကောက်ပွဲများ ကျင်းပရခြင်း၏ ရည်ရွယ်ချက်သည် ပြည်သူတို့ကိုယ်စားလိုအပ်ချက်များကို လွှတ်တော်အစည်းအဝေးများမှတစ်ဆင့် သက်ဆိုင်ရာ တာဝန်ရှိသူများ သိရှိနိုင်ရန် ပြောဆိုနိုင်မည့် ကိုယ်စားလှယ်များကို ရွေးချယ်ခြင်းဖြစ်ပြီး အရွေးချယ်မှားလျှင် ထိုဒေသ၏ ဖွံဖြိုးတိုးတက်မှုတို့ နှောင့်နှေးသွားနိုင်မည် ဖြစ်သည်။

မြန်မာနိုင်ငံ၏ အရေးပါသည့် တိုင်းဒေသကြီးတစ်ခုဖြစ်သည့် မန္တလေးတိုင်းဒေသကြီး၏ လွှတ်တော်တွင်မူ ဒေသဆိုင်ရာ လိုအပ်ချက်များကို လွှတ်တော်တွင် ဆွေးနွေးပြောဆိုသည့် ကိုယ်စားလှယ်မှာ လေး၊ ငါးဦးထက်မပိုဟု ဒေသခံအချို့က ဆိုသည်။

“မန္တလေးလွှတ်တော်မှာဆိုရင် တကယ်တမ်း မေးခွန်းတွေ၊ အဆိုတွေ ထိထိရောက်ရောက် မေးမြန်းဆွေးနွေးနိုင်တဲ့ ကိုယ်စားလှယ်က နည်းပါးပါတယ်။ ချမ်းမြသာစည်မြို့နယ်က ဦးတင်အောင်တို့ ဘာတို့ဆို လွှတ်တော်မှာ ပေါ်ပြူလာဖြစ်တယ်။ သူ့မေးခွန်းတွေ၊ အဆိုတွေ၊ ဆွေးနွေးချက်တွေနဲ့ လွှတ်တော်ကို အသက်ဝင်အောင် လုပ်နိုင်တယ်” ဟု မန္တလေးမြို့ခံ လွှတ်တော်အရေး စိတ်ဝင်စားသူတစ်ဦးက ပြောသည်။

ပြည်သူ့အသံ လွှတ်တော်အသံ၊ ပြည်သူတို့ လိုအပ်ချက် လွှတ်တော်က ဖော်ဆောင်ရွက်ဟု ပြောသော်လည်း မန္တလေးတိုင်းအတွက်မူ ဦးတင်အောင်အသံ လွှတ်တော်အသံဟု ဆိုရမလောက်ပင် လွှတ်တော်ကိုယ်စားလှယ်တို့၏ ဆောင်ရွက်မှုသည် ထင်သာမြင်သာ မရှိကြောင်း ၎င်းက ဆက်ပြောသည်။

လက်ရှိ ကျင်းပနေသည့် လွှတ်တော်အစည်းအဝေးများတွင် ခွင့်ယူသူ များပြားခြင်း၊ ဒေသအတွက် တိုက်ရိုက် အကျိုးမရှိသည့် မေးခွန်း၊ အဆိုများ မေးမြန်းခြင်းတို့ ရှိနေသဖြင့် လက်ရှိ လွှတ်တော်သက်တမ်း ၂ နှစ်ခန့်သာ ကျန်တော့မည့် အချိန်တွင် ကိုယ်စားလှယ်အသစ်များ ရွေးချယ်ခြင်းသည် ပြည်သူ့အတွက် မည်မျှအထိ အလုပ်အကျွေး ပြုနိုင်မည်နည်း။

နိုဝင်ဘာလအတွင်း ကျင်းပမည့် ကြားဖြတ်ရွေးကောက်ပွဲအတွက် မဲစာရင်းကျန်ရှိခြင်း၊ အမည်စာရင်းများ ထပ်နေခြင်း၊ သေဆုံးသူတို့၏ နာမည် ပါဝင်နေခြင်းတို့ မဖြစ်စေရေးအတွက် စိစစ်ဆောင်ရွက်သွားမည်ဟု ပြည်ထောင်စု ရွေးကောက်ပွဲကော်မရှင် ပြောရေးဆိုခွင့်ရှိသူ ဦးမြင့်နိုင်က ကတိပြုသည်။

ကျင်းပမည့် ရွေးကောက်ပွဲ၏ ရည်ရွယ်ချက်ကို ၎င်းက အောက်ပါအတိုင်း ဆိုသည်။

“ပြည်သူတွေရဲ့ လိုအပ်ချက်ကို ဖြည့်ဆည်းဆောင်ရွက်ပေးနိုင်ဖို့အတွက် ကျင်းပရတာပါ”

မြတ်(ကလေး)

You may also like...

Leave a Reply

Your email address will not be published. Required fields are marked *