ပလတ်စတစ်ပြသနာအတွက် နည်းလမ်းငါးသွယ်

ကာတွန်း - အော်ပီကျယ် / Spectrum

ကမ္ဘာမှာ ပလတ်စတစ်သုံးစွဲမှုတွေ များပြားနေပြီး စည်းကမ်းမဲ့စွန့်ပစ်မှုများလို့ သမုဒ္ဒရာကြမ်းပြင်မှာ ပလတ်စတစ်အိတ်တွေ များပြားနေပါတယ်။ လူတို့ နေထိုင်ရာ သဘာဝပတ်ဝန်းကျင်ကြီးမှာလည်း ညစ်ညမ်းမှုတွေ ဖြစ်ပွားနေပါတယ်။ မြန်မာနိုင်ငံတွင်လည်း ပလတ်စတစ်အိတ်သုံးစွဲမှုက မြင့်တက်နေပါတယ်။ စွန့်ပစ်လိုက်တဲ့ ပလတ်စတစ်တွေ မြေကြီးထဲ ဆွေးမြည့်ပျက်စီးသွားဖို့က ပစ္စည်းအမျိုးအစားတွေအလိုက် အနည်းဆုံးနှစ်ပေါင်း ၃၀ ကနေ ၁၀၀၀ နှစ်အထိ ကြာမြင့်တယ်လို့ ပတ်ဝန်းကျင်ထိန်းသိမ်းရေးအဖွဲ့ Spectrum ထံမှ သိရပါတယ်။

ပလတ်စတစ်ကို ပြန်လည်အသုံးပြုဖို့အတွက် လက်ရှိချိန်တွင် နည်းလမ်းငါးသွယ် ရှိပါတယ်။ အဲဒီနည်းလမ်းတွေကို အတိုကောက် 5R လို့ ခေါ်ပါတယ်။ လျှော့သုံးဖို့ (Reduce) ၊ပြန်သုံးဖို့ (Reuse) ၊ပြန်ထွင်သုံးဖို့ (Recycle) ၊ငြင်းပယ်ပါ (Reject) ၊ ပြန်ပို့ပါ (Return) ။ အဲဒီထဲကမှ လူတိုင်းအလွယ်တကူ လိုက်နာနိုင်မယ့် အချက်နှစ်ချက်ကို အဓိကထား ပြောချင်ပါတယ်။ ဒီနည်းလမ်းတွေကို အလေ့အကျင့်ဖြစ်လာတဲ့အထိ ကျင့်သုံးဖို့လိုပါတယ်

Reduce (လျှော့ချဖို့)

တစ်ခါသုံးပိုက်

– အချိုရည်သောက်တဲ့အခါမျိုးမှာ ပလတ်စတစ် တစ်ခါသုံးပိုက်များကို မသုံးမိပါစေနဲ့။ တတ်နိုင်သမျှ ငြင်းပယ်ပါ။ လျှော့ချ သုံးစွဲပါ။

ရေသန့်ဗူး

– အခုလိုရာသီဥတုပူနေချိန်တွင် ရေသန့်ဗူးများကို အမြဲတစေအလွယ်တကူဝယ်ယူခြင်း မပြုပါနှင့်။ ခရီးသွားလေရာမှာ ရေဗူးဆောင်သယ်ဆောင်သွားပါ။ ရေကုန်သွားရင်လည်း ပြန်ထည့်ပြီး သုံးလို့ရပါတယ်။

တစ်ခါသုံး ပန်းကန်နဲ့ ဇွန်း၊ ခွက်

– တစ်ခါသုံးပလတ်တစ်ခွက်တွေ၊ ဇွန်းတွေနဲ့ အသုံးပြုတဲ့ ကော်ဖီဆိုင်၊ မုန့်ဆိုင်တွေမှာ စားသောက်ခြင်း မပြုပါနှင့်။ တစ်ခါသုံးကော်ဖီခွက်နဲ့ ဗူးတွေ အသုံးပြုတာ လျော့ချခြင်းနဲ့ ပလပ်စတစ်အသုံးပြုတွေကို လျော့ချပါ။

တစ်ခါသုံး သွားတိုက်တံ

– ဘယ်နေရာကို ခရီးသွားသွား မိမိတိုက်နေကျ သွားတိုက်တံများကို ယူသွားပါ။ အဲဒီအတွက် တစ်ခါသုံးပလတ်စတစ် သွားတိုက်တံများကို အသုံးပြုဖို့ မလိုတော့ဘဲ ပလတ်စတစ် အသုံးပြုတာ လျှော့ချပြီးသား ဖြစ်ပါတယ်။

Reuse (ပြန်လည်သုံးစွဲဖို့)

– ပလတ်စတစ်အိတ်များ ရရှိပါက သပ်သပ်ရပ်ရပ်ခေါက်ထားပါ။

– အရင်က ရှိပြီးသား ပလတ်စတစ်အိတ်တွေကို ပစ္စည်းတွေ ထုပ်ပိုးဖို့အတွက် ပြန်လည်သုံးစွဲပါ။

– အလွယ်တကူနဲ့ အိတ်အသစ်ဝယ်ယူတာတွေ မလုပ်ပါနဲ့။

– မိမိအိတ်ထဲမှာ ပြန်လည်သုံးစွဲလို့ရတဲ့ အိတ်တစ်လုံး အမြဲဆောင်ထားပါ။ ရုတ်တရက် ပစ္စည်းဝယ်ရင် သုံးလို့ရပါတယ်။

– ပလတ်စတစ်နဲ့ ပြုလုပ်ထားတဲ့ အိမ်သုံးပစ္စည်းတွေ ကျိုးပဲ့၊ ပျက်ဆီးတာတွေ ဖြစ်လာပါက ပြန်လည်သုံးစွဲလို့ရမယ့် ပစ္စည်းတစ်ခုအနေနဲ့ ဖန်တီးပါ။

Recycle ( ပြန်ထွင်သုံးပါ)

အမှိုက်များကို ပစ္စည်းတစ်ခုဖြစ်အောင်  ပြန်ထွင်သုံးလို့ရပါတယ်။ ပလတ်စတစ်အိတ်ကို သုံးအိတ်ကိုဖြန့်ထားပြီး လက်ကိုင်းတွေကို ညှပ်ထုတ်လိုက်ပါ။ အဲဒီပလပ်စတစ်အိတ်တွေပေါ်ကနေ ကတ်ထူစက္ကူခံပြီး မီးပူတိုက်ပါ။ မလှမပဖြစ်နေတဲ့အပိုင်းအစများကို ဖြတ်ထုတ်လိုက်ပြီး အတွင်းထဲပြန်ခေါက်လိုက်ပါက ပိုက်ဆံအိတ်လှလှလေးတစ်လုံး ရပါတယ်။

– ရေသန့်ဗူးဟောင်းတွေကို ဆေးရောင်းခြယ်ပြီး အလှဆင်တဲ့နေရာမှာသုံးလို့ရပါတယ်။

– ကော်ဖီမစ်အခွံနဲ့ လုပ်ထားတဲ့ ပိုက်ဆံအိတ်လုပ်လို့ရပါတယ်။

– ကားတာယာအဟောင်းတွေကို စားပွဲခုံအဖြစ် ပြန်သုံးလို့ရပါတယ်။

Reject ( ငြင်းပယ်ပါ)

– မိမိပစ္စည်းတစ်ခုခု ဝယ်တဲ့အခါကိုယ့်မှာ ထည့်စရာပါရင် ကြွပ်ကြွပ်အိတ်၊ ပလတ်စတစ်အိတ်တွေနဲ့ ထည့်ပေးတာကိုငြင်းပယ်ပါ။

– ဈေးဆိုင်ကပေးတဲ့ ပလတ်စတစ်အိတ်တွေကို ပိုတောင်းတာ၊ စုဆောင်းတာတွေ မလုပ်ပါနဲ့။ ဈေးဆိုင်များမှလည်း ပလတ်စတစ်အိတ်တွေကို ပိုပေးခြင်းမလုပ်ပါနဲ့။ ငြင်းပယ်ပါ။

Return ( ပြန်ပို့ပါ)

– ပလတ်စတစ်အိတ်၊ကြွပ်ကြွပ်အိတ်တွေစတဲ့ အိတ်ခွံတွေကို သန့်ရှင်းပြီး ဈေးဆိုင်များကို ပြန်ပေးပါ။

– ပလတ်စတစ်အိတ်တွေနဲ့ ပစ္စည်းအသစ်ဖန်တီးတဲ့ဆိုင်တွေ ရှိပါတယ်။ အားလပ်ချိန်တွေမှာ သူတို့ဆီသွားပေးရင်း ပလတ်စတစအိတ်တွေ အသုံးမလို့တော့တဲ့ ပစ္စည်းတွေကနေ အသစ်ဖန်တီးတာကို လေ့လာလို့ရပါတယ်။ (နေရာ – CHU CHU Myanmar )

You may also like...

Leave a Reply

Your email address will not be published. Required fields are marked *